سەرەکی » دۆسێ » گەمەكانی ئیسرائیل لە خۆرهەڵاتی ناوەڕاست

جڵەوی دەستپێشخەریی كەوتۆتەدەست؟

گەمەكانی ئیسرائیل لە خۆرهەڵاتی ناوەڕاست

ئیدریس جەبار

بۆردومانی بەرزاییەكانی جۆلان بەچەند موشەكێك كە رەنگە جگە لە كاریگەریی مەعنەوی هیچ زیانێكی تری بەدوادانەهاتبێت، بیانوویەكی گونجاوی دایە دەست ئیسرائیلییەكان تاوەكو هەموو ئەو بنكە و بارەگا و دامەزراوە سەربازیانە بۆردومان بكات كە گومانی لێدەكردن ئێرانی بن.
ئیسرائیل چەند نیگەرانە بەرانبەر بە بەرنامە ئەتۆمییەكانی ئێران، دوو هێندە بەرانبەر فراوانبوونی هەژموونی ئەو وڵاتە لە ناوچەكە و بە تایبەت لە سوریا و لوبنان كە سنوریی لەگەڵیاندا هەیە، مەترسییەكانی تەلئەبیبیش لەو رووەوە بۆ گەیاندنی ئەو موشەك و چەكە پەرەسەندوانە دەگەڕێتەوە كە ئێران دەیانگەیەنێتە دەستی حزبوڵڵای لوبنانی و میلیشیاكانی تر لە ناوچەكە.
ئیسرائیل تاكە وڵاتە لە خۆرهەڵاتی ناوەڕاست كە بەشێوازیی خۆرئاوایی پشت بە تەكنەلۆجیای هاوچەرخ دەبەستێت لە بواری سەربازیی، ئەمەش وایكردووە پشتبەستنی بە توانا مرۆییەكان لەو بوارەدا كەمببێتەوە، بەڵام لەگەڵ ئەوەشدا بە ئەلتەرناتیڤی گونجاو ئەو كەلێنەی پڕكردۆتەوە و گەمەیەكی گونجاو دەكات بۆ بەرگرتن بەو هەڕەشە و مەترسییانەی رووبەڕووی دەبێتەوە.

قودس و پایتەختی دەوڵەتی عیبری
لەگەڵ ناساندنی قودس بە پایتەختی هەمیشەیی دەوڵەتی عیبری لەلایەن ولایەتە یەكگرتووەكانی ئەمریكا، و گواستنەوەی باڵێوزخانەی وڵاتەكە لە تەلئەبیبەوە بۆ قودس، پێگەی ئیسرائیل وەك قەوارەیەكی ناجۆر لە ناوچەكەدا، بەهێزتربوو.
ئەم هەنگاوە گەر هەنگاوی هاوشێوەی تریشی بەدوادانەیەت، ئاواڵاكردنی گەورەترین دەروازە بوو بەڕووی ئیسرائیل كە لە ساڵی 1948وە لەلایەن زۆرێك لە وڵاتانی جیهانەوە وەك داگیركەر و خۆسەپێن و قەوارەیەكی نادروست پێناسە دەكرا و تا دەهات لە چوارچێوەی گۆشەگیرییەكی خنكێنەر تونددەكرا.
لۆبی جولەكە لە ئەمریكا، كاریگەرییەكی گەورەی لەسەر ناوەندەكانی بڕیار هەیە لەو وڵاتە، ئەمەش وایكردووە سیاسەتەكانی واشنتۆن لە خۆرهەڵاتی ناوەڕاست و هەندێك ناوچەی تری جیهان،بەبێ‌ گوێدانە هیچ پرەنسیپ و پێوەرێكی باو، گۆڕانكاریی گەورەیان بەسەردا بێت.
لەو سۆنگەیەوە، ئیسرائیل لەئێستا بەراورد بە دەیان ساڵی رابردوو، خۆی لە پێگەیەكی بەهێزدا دەبینێتەوە، ئەم بەهێزبوونەش وایكردووە، هەڵپەكانی زیاتر ببێت و قسەی گەورەی لەسەر هەموو ئەو دۆسێیانە هەبێت كە لە ناوچەكەدا دروستبوون.

جێهشتنی قۆناغی پرۆسەی ئاشتی
پێویستی هێناكایەی پرۆسەیەكی ئاشتی لەنێوان عەرەب- ئیسرائیل، یان نێوان فەلەستینییەكان و ئیسرائیلییەكان، لەدوای جەنگی شەش رۆژە و لە دوای ساڵانی حەفتاكانی سەدەی رابردوو گەڵاڵە بوو،سەرەتا لە كامپ دێڤیدەوە بە سەركردایەتی ئەنوەر سادات سەرۆكی پێشووتری میسر دەستیپێكرد، دواتر لەسەر دەستی یاسر عەرەفات سەرۆكی رێكخراوی رزگاریخوازیی فەلەستینی و بە سەرپەشتی ئیدارەكەی بێڵ كلینتۆن قۆناغێكی تر چووە پێشەوە، هەردوولاش لەو دەمەوە لەسەر چارەسەری دوو دەوڵەت رێكەوتن.
ئەم رێكەوتنە دەكرا پێشكەوتنی گەورە بەخۆوەببینێت، دەكرا زیاتر پەرەی پێبدرێت دەكرا بەدوور لە ئایدۆلۆژیییە ئاینییەكان، هەوڵەكانی پێكەوەژیانی ئاشتیانە و ژیانی هاوبەشی نێوان گەلان و ئاينەكان لەو خاكە دێرینەدا بكرێتە نمونەیەكی گەورە لە جیهانی هاوچەرخ، بەڵام ئەوەی رویدا پێچەوانەبوو.
لایەنە فەلەستینییەكان لەبری یەكگرتن و رێكردن بەرەو ئامانجی هاوبەشی نێوانیان، ناكۆكییە لاوەكییەكانیان كردە مایە دابەشبوون و پەرتبوونی زیاتر، هەندێكیشیان بۆ موزایەدەكردن بەسەر ئەوی ترەوە، سەركێشی ناجۆری دەكرد و ژیانی بەشێكی زۆری هاوڵاتیانی دەخستە مەترسییەوە.
ناكۆكی فەلەستینی- فەلەستینی، بە تایبەت لەنێوان دوو لایەنە سەرەكییەكە، بزوتنەوەی فەتح و بزوتنەوەی حەماس، وایكرد دۆزی رەوای فەلەستینییەكان لە مەتاهەتێكی ناقۆڵادا خۆی ببینێتەوە و غەززە و كەناری خۆرئاواش دووچاری دوو ئیدارەیی و دابڕان بكات.
ئەم ناكۆكیانە و سەرقاڵبوونی فەلەستینییەكان بەخۆیانەوە، بیانوویەكی باشی دایە دەست حكومەتی ئیسرائیل تا قۆناغەكانی رابردوو تێبپەڕێنت و بچێتە دۆخێكی ترەوە كە جیاوازییەكی زۆری لەگەڵ دۆخەكانی رابردوو هەبوو بۆ ئیسرائیل.
لێرەوە دەكرێت بڵێن، ئیسرائیل قۆناغی پرۆسەی ئاشتی تێپەڕاند و بە پێدانی غەززە و كەناری خۆرائاوا بە فەلەستینییەكان، بەڵایەكی گەورەی لە كۆڵی خۆی كردەوە و فەلەسیتنییەكانیشی لە هەمان كاتدا لە پرسە سەرەكییەكە دوورخستەوە، لەژێریشەوە بەبۆچوونی هەندێك شرۆڤەكاران، كاریی لەسەر ناكۆكی نێوان فەلەستینییەكان و قوڵكردنەوەی ئەو ناكۆكیانە كردووە.

سنور بۆ گەمەكەرە ئیقلیمییەكە دادەنێت
ئەوەی جارێكی تر ئیسرائیلی هێنایەوە سەر شانۆی رووداوەكان، بەدەر لە ناچاركردنی ئیدارەی ئەمریكا و سەرگرتنی فشارەكانی، هێرشەكانی ئەم دواییەی بوو بۆسەر چەند پێگەیەك لەنێو سوریای هاوسنوری.
ئیسرائیل، لەگەڵ ئەوەی رۆڵی باڵای هەبوو لە پاشەكشەپێكردنی ئەمریكا لە رێكەوتنە ئەتۆمییەكەی ساڵی 2015 كە وڵاتە زلهێزەكان لەگەڵ ئێراندا ئیمزایان كردبوو، وەك هێزێكی گەورە هاتۆتەپێش و بەوپەڕی بوێرییەوە دەڵێت، رێگە بە بوونی سەربازیی ئێرانی نادات لە سوریا و «دەبێت ئەو وڵاتە ناچار بكرێت لە تەواوی خاكی سوريا پاشەكشە بكات».
ئەم هەڵوێستەی ئیسرائیل بە زەقی لە وەشاندنی چەند گورزێكی كاریگەر لە دەوروبەری دیمەشق و هەندێك ناوچەی تری سوریادا بینرا، بەكارهێنانی فڕۆكەكانیشی لە ململانێكانی یەمەندا بەدوورنازانرێت، بە تایبەت كە حوسییەكان لەم ماوەیەی دواییدا لە شەڕی حودەیدە ئاماژەیان پێكردبوو.
هەموو ئەم جموجۆڵانەی ئیسرائیل، لە چواچێوەی رێگرتنە لە ئێران كە دەیەوێت وەك گەمەكەرێكی ئیقلیمی بێ‌ ركابەر خۆی ببينێتەوە و رۆڵی وڵاتانی تر لە ناوچەكەدا تێبپەڕێنێت.
ئیسرائیلییەكان لەگەڵ ئەوەی لەسەر ئاستی سەربازیی ئەسپی خۆیان تاودا، لەسەر ئاستی دیپلۆماسیش بە هەمان شێوە كەوتنە جموجۆڵێكی چڕ و روسەكانیان گەیاندە ئەو بڕوایەی كە نابێت لەمەزیاتر ئێرانییەكان لە سوریادا دەستباڵابن.
هەر لەو چوارچێوەیەدا، پایتەختەكانی ئەوروپا (بەرلین و پاریس و لەندەن)، ئەو بوارەبوون كە چالاكییەكی بێ‌ پێشینەی ئیسرائیلیان بەخۆوەبینی.
ئەوروپاییەكان لەگەڵ ئەوەی پێداگری لەسەر بەرژەوەندییە ئابورییەكانیان دەكەنەوە، لەو خاڵەدا لەگەڵ ئیسرائیلدا كۆكن كە نابێت هەژموونی ئێرانی لەمەزیاتر لە ناوچەكەدا پەرەبستێنێت و فراوان ببێت، ئەمەش لەلایەن نەتانیاهۆوە لەگەڵ هەریەك لە مێركڵ و ماكرۆن و مەی بەشێوەیەكی تێروتەسەل باسكرابوو.

سۆزی عەرەب بەلای خۆیدا رادەكێشێت
لەپاش جەنگی عیراق-ئێران، هیچ وڵاتێكی عەرەبی نەیتوانی رۆڵی سوپەر ببینێت بەڕووی خواستەكانی كۆماری ئیسلامی لە مەسەلەی هەناردەكردنی شۆڕش، وێڕای ئەوەی شانشینی عەرەبی سعودیە هەوڵێكی زۆری لەو بوارەدا خستبووەگەڕ.
هەوڵەكانی ریاز وەك چۆن لە لوبنان و عیراق شكستیان هێنا، بەهەمان شێوە لە یەمەنیشدا دووچاری شكست دەبن و سیمای رووداوەكانیش لەو وڵاتەدا روو لەو ئاقارەن.
لەئێستادا زۆرێك لە وڵاتە عەرەبییەكان بۆ بەرگرتن لە مەترسی گەیشتنی شۆڕشی ئێرانی، سەرقاڵی ئاسایی كردنەوەی پەیوەندییەكانن لەگەڵ ئیسرائیل، بۆ ئەو مەبەستەش جموجۆڵە نهێنییەكانیان لە هەندێك كاتدا سەرئاو دەكەوێت.
زۆرێك لە وڵاتە عەرەبییەكانی ناوچەكە، بەو هۆیەی رێژەیەك لە دانیشتوانیان شیعەمەزهەبن، لەگەڵ ئەوەی ناتوانن رووبەڕووی تەوژمی (مەزهەبی سیاسی سەربازیی) ئێران ببنەوە، پێویستییان بە گەمەكەرێكی بەهێز هەیە و لەمێژە بەشوێن جێگرەوەی سەدام حسێندا وێڵن.
بۆ دەستخستنی ئەو ئەلتەرناتیڤەش جیاوازییەكانیان بەلاوە گرنگ نییە و پراگماتیانە بۆ بەدیهێنانی ئامانجەكە تێدەكۆشن.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ناكۆكی لە نێوان حەكیم و خەزعەلیدا دروست دەبێت

بەرهەم ساڵح سەرۆك كۆماری عیراق، چارەسەری ناكۆكییەكانی ئەم دواییەی نێوان ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort