سەرەکی » دۆسێ » ساڵحی: ئێران دەست دەكاتەوە بە پیتاندنی یۆرانیۆم

ئاژانسە نێودەوڵەتییەكە ئاگاداركراوە

ساڵحی: ئێران دەست دەكاتەوە بە پیتاندنی یۆرانیۆم

عەلی ئەكبەر ساڵحی سەرۆكی رێكخراوی وزەی ئەتۆمی ئێرانی دەڵێت، تاران ئاژانسی نێودەوڵەتی وزەی ئەتۆمی بەشێوەیەكی رەسمی ئاگاداركردۆتەوە لە دەستپێكردنەوەی وڵاتەكەی بە پیتاندنی یۆرانیۆم.
ساڵحی لەسەرەتای ئەم مانگە و لە پرێس كۆنفرانسێكدا رایگەیاندبوو:»لە نەتەنز دەست دەكرێت بە زیادكردنی تواناكانی پیتاندنی یۆرانیۆم و ئامێری پێویست بۆ ئەو پرۆسەیە بەرهەم دەهێنرێت».
ئاژانسی (میهر)ی ئێرانی لە زاری ئەو بەرپرسەوە بڵاویكردبۆوە:»ئێمە پابەندبوون بە بەڵێنەكان دەكەینە بنەمای كارەكانمان، لە چوارچێوەی رێكەوتنە ئەتۆمییەكەشدا بەڵێنەكانی خۆمان بەجێگەیاند».
بە گوتەی ساڵحی، وڵاتەكەی رازییە بەو رێكەوتنە ئەتۆمییەی بەڵێنی لەسەردابوو، بەپێچەوانەوە بە هیچ رێكەوتنێكی تر رازیی نابێت.
سەرۆكی رێكخراوی وزەی ئەتۆمی ئێران دەڵێت»بە پاشگەزبوونەوە لە رێكەوتنەكە، پرۆژەی ئەتۆمی ئێران ناگەڕێتەوە دۆخی جارانی، بەڵكو پەرەی پێدەدرێت»، هەنگاوەكانی ئێرانیشی لەو رووەوە بە جێبەجێكردنی بڕیارەكانی عەلی خامنەیی رابەری باڵای كۆماری ئیسلامی دانابوو كە پێشتر رایگەیاندبوو»ناكرێت ئێران لە یەك كاتدا پابەندی رێكەوتنە ئەتۆمییەكە ببێت و سزاشی بەسەردا بسەپێنرێت».
پێشتر بەهرۆز كەمالوەندی وتەبێژی رێكخراوی وزەی ئەتۆمی ئێران رایگەیاندبوو، ئاژانسی نێودەوڵەتی وزەی ئەتۆم لە دەستكردن بە زیادكردنی تواناكانی پیتاندنی یۆرانیۆم ئاگاداردەكەن. ئاماژەی بە زیادكردنی ئەو ئامێرانەش كردبوو كە بۆ ئەو مەبەستە بەكاردەهێنرێن.
لە 4ی حوزەیرانی 2018، عەلی خامنەیی رابەری باڵای كۆماری ئیسلامی، فەرمانی بە رێكخراوی وزەی ئەتۆمی ئێرانی كردبوو، ئامادەكاریی پێویست بكەن بۆ گەیشتن بە 190 هەزار یەكەی جیاكردنەوەی پیتاندنی یۆرانیۆم لە چوارچێوەی رێكەوتنە ئەتۆمییەكە، دوای رۆژێكیش لەوە دەست بەكاركردن بكرێت تێیدا».
لە 14ی تەمموزی 2015، وڵاتانی بەشدار لە رێكەوتنی ئەتۆمی لەگەڵ ئێران «پلانی كاریی هەمەلایەنەی هاوبەش»یان راگەیاند، جیهان لەو دەمەدا گومانی وابوو كە دەرگایەكی تر لەبەردەم پەیوەندییەكانی ئەمریكا و ئێراندا ئاواڵا دەبێت و كارلێكی ئێرانیش لەگەڵ خۆرئاوادا بەشێوەیەكی گشتی، كاریگەریی ئەرێنی لەسەر ئابوری ئێران دروست دەكات.
دانوستانەكان كە لە مانگی ئەیلولی 2013وە تا تەمموزی 2015 درێژەیان كێشا، جۆرێك بوون لە مانگی هەنگوینی ئەمریكایی و ئێرانی كە لەو دەمەدا بە پەرەسەندێكی بێ‌ پێشینە لەدوای روخانی حوكمی شاهانە لە ساڵی 1979دا، لێكدانەوەی بۆ دەكرا.
دۆخەكە بەوشێوەیە بوو تا هەڵبژاردنی سەرۆكایەتی ئەمریكا كە لێوەی ئیدارەی ئەمریكایی لە دیموكراتەكانەوە بۆ كۆمارییەكان گۆڕی و دۆناڵد ترەمپ جڵەوی سەرۆكایەتی وڵاتەكەی گرتەدەست، هەر لە سەرەتاوە سەرۆكە نوێیەكە، بەڵێنیدا بوو رێكەوتنی ئەتۆمی لەگەڵ ئێران هەڵبوەشێنێتەوە، ئەو هەنگاوەیشی بە یەكێك لە دەستكەوتەكانی ئیدارەی لەقەڵەمدابوو.
لە 8ی ئایاری رابردووشدا، دۆناڵد ترەمپ سەرۆكی ئەمریكا، پاشەكشەكردنی وڵاتەكەی لە رێكەوتنە ئەتۆمییەكە راگەیاند، و ئاماژەی بە سەپاندنەوەی هەموو ئەو سزایانە كرد كە لە دوای رێكەوتنەكە لەسەر ئێران هەڵگیرابوون.
هەر لەو چوارچێوەیەدا وەزارەنی خەزێنەی ئەمریكایی لە سەرەتای مانگی حوزەیران، داوای لە هاوپەیمانانی ولایەتە یەكگرتووەكان و كۆمپانیاكان و كەرتی تایبەت كردبوو، هەنگاوی زیاتر هەڵبنێن تا ئێران و بریكارەكانی بەكارییان نەهێنن بۆ پشتیوانی لە چالاكییە گوماناوییەكانیان.
ولایەتە یەكگرتووەكان لەئێستادا ئەوروپاییەكانی خستۆتە هەڵوێستێكی ناقوڵاوە، چونكە داوایان لێدەكات بەشێوەیەكی پراكتیكی پاشەكشە لە ناوەرۆكی رێكەوتنەكە بكەن و كار بۆ هەمواركردنەوەی بكەن، ئەمەش لەلایەن تارانەوە بەتەواوەتی رەتدەكرێتەوە.
ئەم كێشمەكێشەی نێوان ئێران و خۆرئاواییەكان كە رەەنگە زیاتر درێژەبكێشێت لە بەرژەوەندی تاران نییە، هەرچەندە ئەوروپاییەكان ناوبەناو لە سۆنگەی هەوڵەكانی ئاژانسی نێودەوڵەتی وزەی ئەتۆمەوە، جەخت لەسەر پابەندبوونی ئێران بە رێكەوتنە ئەتۆمییەكەوە دەكەنەوە.
هەڵوێستی ئەوروپا بەشێوەیەكی رواڵەتی، پشتیوانیكردنە لە رێكەوتنی ئەتۆمی و جێبەجێكردنی بەندەكانی، بەڵام لەژێرەوە دوو دڵی و پاشەكشەكردنە لەو رێكەوتنە، ئەمەش هۆكارەكەی بۆ گوشارەكانی ئەمریكا و هەڵوێستی توندی ئیدارەی ئێستای واشنتۆن دەگەڕێتەوە.
ئێران بەباشی درك بە راستییەكان دەكات و ئاگارداریی هەموو پەرەسەندنەكانە، بۆ ئەمەش رەنگە ئەلتەرناتیڤی خۆی هەبێت، لێدوانەكەی ئەم دواییەی عەلی خامنەیی رابەری باڵای كۆماری ئیسلامی ئێرانیش هەر لەو بۆتەیەدان كە رایگەیاندبوو» هیچ بوارێك نەماوە بۆ قبوڵكردنی راگرتنی پیشەسازییە ئەتۆمییەكان و قەدەغەكردنیان، لەكاتێكدا سزاكان دەسەپێنرێنەوە، بەو واتایەی ئەوروپاییەكان كاتی پێویستییان لەبەردەمدا نەما بۆ هێنانەدی مەرجەكانی ئێران».
لەگەڵ ئەوەشدا پاشەكشەكردن لە رێكەوتنەكە و هەڵوەشاندنەوەی، زیانێكی گەورە بە ئێرانییەكان دەگەیەنێت، لەكاتێكدا هەموو هیواكانیان لەسەر ئەو رێكەوتنە بەندبوون و هەموو سێوەكانیان لەنێو ئەو تورەكەیەدا دانابوو.
نەمانی رێكەوتنی ئەتۆمی بۆ تاران، هۆكارێكی تری گەورەبوونی قەیرانی ئابوری دەبێت لە وڵاتە كە لە ساڵی رابردوودا دابەزینێكی بەرچاوی دراوی ناوخۆی بەخۆوەبینی و رێژەی دابەزینەكەش گەیشتە 25%، خۆپیشاندانەكانی ناڕەزایی و بەرزكردنەوەی دروشمی سیاسی كە لە دژی رژێمی سیاسی بوو، مەترسییەكانی لەسەر وڵاتەكە زیاتر كرد.
بەڵام لەلایەكی ترەوە، تاران كە بەشێوەیەكی بەهێز و بە وەكالەت لە جەنگەكانی یەمەن و سوریادا حزوری هەیە، وێڕای كاریگەریی بەهێزی لەسەر هەردوو پرۆسەی سیاسی لوبنان و عیراق، لەبەرانبەر ولایەتە یەكگرتووەكان و هاوپەیمانەكانی، لەحاڵەتی هەڵوەشاندنەوەی رێكەوتنی ئەتۆمی و رزگاربوونی لەو رێكەوتنە، زیاتر دەستكراوە دەبێت و رۆڵی سوپای پاسدارانی ئێران لە ئیدارەدانی رووبەڕبوونەوەكاندا گەورەتر دەبێت، ئەمەش گەر رووبەڕبوونەوەكانی ئیسرائیل و هەوڵەكانی لەو بوارەدا بۆ بەگژداچوونەوەی تاران بێ‌ ئاكام بوون.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ناكۆكی لە نێوان حەكیم و خەزعەلیدا دروست دەبێت

بەرهەم ساڵح سەرۆك كۆماری عیراق، چارەسەری ناكۆكییەكانی ئەم دواییەی نێوان ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort