سەرەکی » وتار » عەتا کەریم‌ » داعشی دوو!

ناوه‌ڕاستی هه‌فته‌

داعشی دوو!

هەرەشە و مەترسییەكانی داعش بەسەر عیراقەوە ماوە و هەر رۆژە لە سوچی پارێزگایەكەوە بە كوشتن و تەقینەوەیەكەوە دەردەكەوێتەوە، كە دەلالەتی كەوتنەوەكاری شانە نوستوەكانیانە كە پەرتەوازە و داڵدەدراون.
داعش وەك گروپێكی تیرۆریستی گەورەترین زیانی مرۆیی و ماددی لە عیراق داوە و هەزاران كەسیش لەسەر ماڵ و حاڵیان ئاوارە و دەربەدەربوون، بەڵام بەبێ ئەوەی حكومەتی عیراق كەلێن و شەبەقەكانی ئەو گورزە پڕبكاتەوە، سەركەوتنی بەسەر داعشدا لە سەركەوتنی ئۆپەراسیۆن و رزگاركردنەوەی نەینەوادا كورتكردەوە، كە هۆكارەكەش تەنیا بەكارهێنانی بوو بۆ كارت و موزایەدەی حەیدەر عەبادی بۆ پرۆسەی هەڵبژاردنی 12ی ئایاری ئەمساڵ!.
ئەو كوشتن و رفاندن و تۆقاندن و گوللەبارانكردنانەی داعش لە چەند رۆژی رابردوودا ئەنجامی داون، پەیامەكەی روونە، كە ماوە و بنبڕنەبووە، بەڵكو ئەم گروپە رووبەر و شوێنی لە دەستداوە، بەجۆرێكی تر كە «داعشی دوو» شێوازی هەرەشەكانی گۆڕیوە كە پێدەچێت ئەم قۆناغە بۆ عیراق و هێزە ئەمنییەكان قورستر بێت، چونكە داعش لە تاریكی و نادیاریدا دەستدەوەشێنێت، پلانەكانی لە شەڕی سەربازیی دیارەوە دەگۆڕێت بۆ پەلاماردان لە نادیاریی و تەقاندنەوە و ترساندن، كە ئەوەش دەكاتە شلۆقكردنی زیاتری ئارامیی!.
داعش بەتەنیا هەرەشە لە عیراق ناكات، بەڵكو هەرەشەیە بۆ هەرێمی كوردستانیش، بەو پێیەی ئەم گروپە لەسەر دەستی پێشمەرگە شكا و پێشمەرگەش زۆرترین قوربانی بۆ پاراستنی هەرێم و ناوچە كوردستانییە ناكۆكی لەسەرەكان بەخشیوە، بۆیە داعش هەوڵی دزەكردن و دەرفەتی دەستوەشاندن دەدات، ئەویش بەپێی گۆڕینی شێوەی هەڕەشەكانی.
ئەمجارە كورد و پێشمەرگە چۆن مامەڵە لەگەڵ هەرەشەی داعش دا دەكەن، كە دەبیسترێت عیراق داوای پشتیوانی كورد دەكاتەوە، بەڵام ئایا هەمان هەڵەی پێشووی شەڕی دژ بە داعش بەبێ ستراتیژ و خوێندنەوەی ئەگەرەكان دەكاتەوە؟ كە كورد بەدەستی بەتاڵ لە سەركەوتنی دژ بە داعشدا كرایە دەرەوە و بگرە خراپتریش عیراق ئاهەنگی سەركەوتن بەسەر «داعش و كورد»ی لە دوای ریفراندۆم كرد بە «یەك بۆنە»!!، كە خەتاكەی لە بژاردەیەكی سیاسیی بێ تەگبری كوردەوە بوو.
ئەركی سەركردایەتی راستەقینەی كوردە، كە بەر لەشەڕی ئەمجارەی داعش، بەبێ رێككەوتن و گەرەنتینامەی باڵا بۆ بەرژەوەندی «خاك و نەتەوە و نیشتمانی» نەچێتە ژێر باری شەڕێكی دیكەی قوربانیدان و هیچی تر!! بەڵكو خەمی ئەمجارە لە پاراستنی كەركوك و كەركوكییەكان و ناوچە ناكۆكی لەسەرەكان چڕ بكاتەوە و پێشمەرجەکانی كورد بۆ عیراق و هەمو ئەو هێزانەی لەبەرەیەكدا بەگژ داعشدا دەچنەوە، روون و راشكاوبن، نەك گرێبەستی پارە و قۆنتەراتی شەڕبێ وەك ئەوەی پێشتر لەگەڵ ئەمریكا كرا، تەنیا داوای چەك و پارەكرا، ئەو دووانەی وەرگرت، بەڵام خاكی دۆڕاند و 51% خاكی بەخوێن ئازادكراوی كەوتەوە ژێر كۆنترۆڵی عیراقەوە.
هەڕەشە و مەترسیەكانی داعش بەناوی « ویلایەتی كەركوك» گەیشتۆتە كەركوك و تەقاندنەوەی ئۆتۆمبیلی بۆمبڕێژكراو و دانانی زاڵگە لەشەودا و پەلاماردانی گەنجینەی سندوقەكانی هەڵبژاردن و هەرەشەی «ئاڵا سپییەكان»یش لە لە دووزخورماتو و ناوچەكانی دیكەش جێدەستی داعشن! و زانیارییە ئەمنیەكانیی عیراقش كە لە هەندێك میدیاوە دزەیان پێكراوە باس لەوە دەكەن كە نزیكەی 700-1000 چەكداری تیرۆریستی داعش لە نەینەوا و حەویجە لە دوای ئۆپەرەسیۆنەكانەوە دزەیان كردۆتە ناو گوند و شارەكانەوە و توانیویانە لەگەڵ شانە نوستوەكانیان خۆیان رێكبخەنەوە، بۆیە فەرامۆشكردنی ئەم مەترسیە بۆ كەركوك و سنورەكانی هەرێم پێویستی بە مشورخواردنە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

فەرامۆشكراوەكەی حزب!

كوردستانی نوێ، وەك رۆژنامەیەكی حزبی 28 ساڵە یەكێتیی نیشتمانیی كوردستان ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort