سەرەکی » ئەدەب - سێبەر و سایە » لێكۆڵینه‌وه‌یه‌كی وه‌سفی له‌ دیوانی «چاوێك بۆ عشق باوه‌شێك بۆ خۆشه‌ویستی شاعیری كورد كه‌ژاڵ ئیبراهیم خدر»

لێكۆڵینه‌وه‌یه‌كی وه‌سفی له‌ دیوانی «چاوێك بۆ عشق باوه‌شێك بۆ خۆشه‌ویستی شاعیری كورد كه‌ژاڵ ئیبراهیم خدر»

به‌پێنوسی پرۆفیسیۆر
دكتۆر مقبل ئه‌حمه‌د الحمیری – یه‌مه‌ن
وه‌رگێڕانی دكتۆر: هێرش محمد ئه‌مین

یه‌كه‌م
وورد بونه‌وه‌یه‌ك له‌دووره‌وه‌
له‌نێوان كه‌ژاڵی مه‌قدیشی یه‌مه‌نی و، كه‌ژاڵی كوردی عێراقدا زیاتر له‌سه‌ده‌یه‌ك كات هه‌یه‌ ،له‌نێوانیاندا لێكچوون و جیاوازی زۆر هه‌یه‌ به‌ڵام ناوێكی ده‌گمه‌ن و ره‌گه‌زی ناسك و هه‌ڵكه‌وته‌ی شیعری ئازایه‌تی و ئه‌ده‌بی له‌ رووبه‌روو بونه‌وه‌ی كۆمه‌ڵگادا كه‌ داب و نه‌ریتی كۆنی تێدایه‌ هه‌روه‌ها بوونی شیعری باڵاده‌ست له‌ كۆمه‌ڵگایه‌كی شیعری كه‌ پڕیه‌تی له‌ كه‌ڵه‌ شاعیری پیاوان هه‌ردوكیان كۆده‌كاته‌وه‌
هه‌ر چۆن شاعیری میللی‌ یه‌مه‌نی كه‌ژاڵی مه‌قدیشی له‌ سیه‌كان و چله‌كانی سه‌ده‌ی پێشوودا پرشنگی دایه‌وه‌ و ناوی ده‌ركرد هه‌روه‌ها خانمه‌ شاعیرێكی ره‌وانبێژ»وه‌ك شاعیران ده‌ڵێن له‌ ئاسمانی كوردستانی عێراقدا ناوی ده‌ركرد و پرشنگی دایه‌وه‌ كه‌ سنوره‌كانی عێراقی به‌زاندوو گه‌یشته‌ ئاسمانی شیعرو ئه‌ده‌بی عه‌ره‌بی و ئیسلامی ئه‌ویش شاعیر «كه‌ژاڵ ئیبراهیم خدره‌»ژنه‌ شاعیرێكی داهێنه‌رو فه‌یله‌سوفێكی راسته‌قینه‌یه‌ كه‌ سه‌ر به‌ قوتابخانه‌ی شیعری ئازادی نوێیه‌ ئه‌و قوتابخانه‌یه‌ی كه‌ من هاوڕا نیم له‌گه‌ڵیاو له‌وانه‌یه‌ به‌شێك له‌ ژیانم به‌سه‌ر برد، له‌ به‌ر هه‌ڵستی كردن و ره‌خنه‌لێگرتنی له‌ خۆشه‌ویستیم بۆ شیعری كۆن و شیعری كێش و سه‌روا «
به‌ڵام جوانی و كاریگه‌ری گه‌وره‌یی هه‌یه‌ له‌سه‌رده‌رونه‌كان هه‌ر ره‌نگێك بێت یان به‌ هه‌ر شێوه‌یه‌ك بێت چونكه‌ جوانی قوتابخانه‌یه‌كی هه‌ستی چێژی جیهانیه‌ ته‌نها قوتابخانه‌یه‌كی هونه‌ری قۆرغی ناكات بۆخۆی یان شیعر یان ئه‌ده‌ب یاخود مۆسیقا جوانی ئه‌وه‌یه‌ كه‌ راتده‌كێشێت بۆ سه‌رسام بوون له‌به‌ر ده‌میدا زه‌رده‌خه‌نه‌ هانت ده‌دات بیكه‌یت و بوه‌ستیت له‌به‌رده‌م شان و شكۆیدا سه‌ر دانه‌وێنیت بۆ گه‌وره‌ی ئه‌مه‌ له‌من روویدا كاتێ له‌ شیعره‌كانی ئه‌م شاعیره‌ زۆر نمونیه‌دا تێڕامام «
خوێندنه‌وه‌ی من بۆ شیعره‌كانی كه‌ژاڵی شاعیر له‌میانه‌ی دیوانی ناوبراوه‌وه‌ بوو كه‌ كه‌وته‌ به‌رده‌ستم تاكه‌ چاپكراویه‌تی به‌زمانی عه‌ره‌بی كه‌ زۆر سه‌رسامی كردم به‌شێوه‌ی بونیاد گه‌رایی و هونه‌رییه‌كه‌ی له‌ نوسینی شیعره‌كانیدا هه‌روه‌ها رۆچوونی بابه‌تی له‌ ئه‌زموونه‌ شیعره‌كانی و ره‌وانبێژی و جیاكاری له‌ وێنه‌كان و لێك چواندنی. له‌گه‌ڵ ئه‌مانه‌شدا جیاكاری له‌ هه‌ڵبژاردنی بابه‌ته‌كان و خسته‌ رووی كێشه‌ كۆمه‌ڵایه‌تیه‌كان و سیاسیه‌كان له‌ كۆمه‌ڵگای عێراقیدا و بارودۆخی عه‌ره‌بی به‌شێوه‌یه‌كی گشتی و چاره‌سه‌ركردنیان له‌ زمانێكی پاراودا ناسك و ئاست به‌رز له‌ده‌ق و رێنماییه‌كانی ئینجیل ده‌كات كه‌ رۆژێ له‌ رۆژان له‌ ئاسمانه‌وه‌ دابه‌زییون «»به‌م شێوه‌یه‌ كه‌ژاڵ ئیبراهیم دواوه‌و داهێنانی كردووه‌و من وای ده‌بینم كه‌ به‌راستی یه‌كێكه‌ له‌سه‌ر قافڵه‌كانی شیعری نوێ یاخود قوتابخانه‌ی په‌خشان یان قه‌صیده‌ی په‌خشان كه‌ خانمه‌ ره‌خنه‌گری فه‌ره‌نسی» سۆزان به‌رنار» پێناسه‌ی ده‌كات و ده‌ڵێت پارچه‌ په‌خشان كورته‌ به‌ گوێره‌ی پێویست یه‌ك بابه‌ته‌ په‌ستێنراوه‌ وه‌ك پارچه‌ گه‌ردیله‌یه‌ك
له‌بواری قه‌صیده‌ی په‌خشاندا گرنگی شاعیری گه‌وره‌ هیچ كه‌متر نیه‌ «له‌ جه‌برا ئیبراهیم جبرا ،تۆفیق سایغ ،ئه‌دۆنیس، محمد ماغوت ،ئه‌نسی حاج ، شه‌وقی نه‌بی شه‌قراو ،سه‌رگۆن بۆلیص ،عیزه‌دین مه‌ناسره‌، پۆل شاول ،سه‌لیم به‌ره‌كات ،عه‌باس به‌یزون ،به‌سام حه‌جارو ،عبدالقادر جه‌نابی ،وه‌دیع سه‌عاده‌» كه‌ ئه‌مانه‌ سه‌رقافڵه‌ی قه‌صیده‌ی په‌خشانی عه‌ره‌بین تاكوو سه‌ره‌تای نه‌وه‌ده‌كانی سه‌ده‌ی بیسته‌م به‌دیاریكراویش له‌ ساڵی 1954،تا 1993»رۆڵیان بینیووه‌»
هه‌روه‌ها له‌هه‌ندێك قه‌صیده‌دا شان ده‌دات له‌ قه‌صیده‌كانی بۆ»دلێر» له‌وانه‌ش زۆرجار ئاستی به‌رزتر ده‌بێت له‌زۆرێك له‌ شاعیرانی نوێخواز ه‌ په‌خشانه‌كانی فه‌ره‌نسا وه‌ك «ئه‌ندرێ شدیه‌ ، جۆزیان دوجاز، جیرمین بۆحون ، مارگرێت یۆرستار، مارسلین فالمۆر، ماری شوفرانك ، گه‌لێكی تر له‌ نوێخوازه‌كانی فه‌ره‌نساو رۆژئاوا، بۆیه‌ پێخۆشحاڵ بووم پێشكه‌شی خوێنه‌رانی بكه‌م و
گرنگی ده‌رانی یه‌مه‌نی پیرۆزو، عێراقی نه‌مرو هه‌موو هاوڵاتیان ئه‌م شاعیره‌ بناسن، ئایا ئه‌م شاعیره‌ پایه‌ به‌رزه‌ كێیه‌ ؟
بۆچی تاكوو ئێتا مافی ئه‌ستێره‌ی پایه‌ بڵندی وه‌رنه‌گرتووه‌ مافی رێزڵنانی پێ نه‌به‌خشراوه‌ «
دووه‌م
«كاتێك دیوانه‌كه‌ی ده‌خوێنیته‌وه‌و سه‌رنج له‌ شیعره‌كان ده‌ده‌یت ته‌ماشای بێ كه‌سیه‌كه‌ی ده‌كه‌یت كه‌ هه‌ندێ گوڵی لێده‌كه‌مه‌وه‌ و گوڵاوه‌كه‌ی ده‌پرژێنم كه‌ ره‌نگدانه‌وه‌ی بۆن و به‌رامه‌ی ئه‌م شاعیره‌ گه‌وره‌یه‌ بێت له‌سه‌ر ئاستێكی فراوانی ئه‌م گه‌ردونه‌ گه‌وره‌ ره‌نگاڵه‌ییه‌
سێهه‌م
چه‌ند برسكه‌یه‌ك له‌ شیعری كه‌ژاڵ
كه‌ تۆم ناسی
گردێك بووم ،بووم به‌چیا
كانیه‌ك بووم‌و بووم به‌ ده‌ریا
شه‌وێكی ئه‌نگوسته‌ چاوو بووم
بووم به‌ گزنگی به‌یانی
باڵدارێكی نێو قه‌فه‌ز بووم
گه‌ڕامه‌وه‌ بۆ سه‌رچڵی دره‌خته‌كان
بۆ نه‌غمه‌ی خۆش، بۆ گۆرانی
كه‌ژاڵی شاعیر ده‌یه‌وێت نیشتمانه‌كه‌ی له‌ مه‌ترسی به‌دوور بێت و خیانه‌ت و خیانه‌تكارو درۆو درۆزنی تێدا نه‌بێت و ده‌ڵێت «
نیشتیمانه‌كه‌م
شه‌قامه‌كانی پڕن له‌بۆنی ترس‌و
ده‌سته‌كانی پڕن له‌بۆنی خیانه‌ت‌و
زمانه‌كانی پڕن له‌درۆ
ئه‌م نیشتیمانه‌ ناو بنێم چی
له‌ قه‌صیده‌ی كۆتره‌ سپیه‌كان له‌ سه‌نگه‌ردا خوێن ده‌به‌خشن «كه‌ژاڵ باس له‌ به‌خشنده‌یی ژنی كورد ده‌كات بۆ نیشتمانه‌كه‌ی له‌ ئاشتی و جه‌نگدا بۆئه‌وه‌ی ئاسایش و ئاشتی وه‌ك هه‌موو ساڵێك بگه‌ڕێته‌وه‌.

كۆتره‌ سپیه‌كانی سه‌نگه‌ر
له‌ ده‌ریای رۆحمانه‌وه‌ خوێن ده‌به‌خشن
بروسكه‌ی هه‌ورێكی سپیان پێیه‌و
له‌ نمه‌ی بارانه‌وه‌ ده‌ڕوانن
تاكوو له‌گه‌ڵ وه‌رزی په‌لكه‌ زێڕینه‌دا
باوه‌ش به‌ نێرگزی به‌هاردا بكه‌ن
له‌به‌رامبه‌ر قوربانیدانی ژناندا قوربانی پیاوه‌كان به‌هه‌ند وه‌رده‌گیرێت له‌ پێناو نیشتمانداو به‌خشنده‌یی شه‌هیده‌كانی و خوێن به‌خشینیان بۆ نیشتمان به‌رز راده‌گیرێت
ئه‌وان له‌ده‌روازه‌ی مه‌رگه‌وه‌
له‌ نێوچه‌خماخه‌ی برینه‌كانی گوڵه‌وه‌
له‌نێو باخچه‌ی پڕ له‌ ئازاری خه‌مه‌وه‌
سرودێك پڕ له‌ شه‌پۆلی به‌یانیان و
شه‌ونمی ئاڵای كاروانێكی بێ كۆتایی
بۆ جوانیه‌كانی نیشتمان ده‌ڵێنه‌وه‌
ئه‌و نیشتمانه‌ی هه‌میشه‌
عه‌تری چاوه‌ڕانی ،،ده‌به‌خشێته‌ ملوانه‌كه‌ی
لق و پۆپی دره‌ختی زیندوو
ببێته‌ سێبه‌ری دڵی شه‌هیدوو
خۆشه‌ویستی بچنێته‌وه‌
له‌ به‌رامبه‌ر قوربانیدانی ژنان و پیاوان ده‌بنه‌ سه‌ركه‌وتنی نیشتمان و ده‌بنه‌ سونبولی جوانی و خۆشه‌ویستی وه‌ك كه‌ژاڵ ده‌ڵێت:
بمبوره‌ ئه‌ی نیشتمانی گوڵ هه‌نار
كاتێ تریفه‌ی رووی گه‌شی تۆ
له‌ به‌رزایدا بانگی سه‌ركه‌وتن ده‌دا
ده‌یان گوڵه‌ هه‌ناری چاوگه‌ش
ده‌یان بووكی خۆشه‌ویستی ده‌گه‌شێنه‌وه‌
ده‌یان تریفه‌ی مانگه‌شه‌و
باوه‌ش به‌ رۆحمانا ده‌كه‌ن و ئاشت ده‌بنه‌وه‌
كه‌ژاڵی فه‌یله‌سوف ره‌هه‌ندی فه‌لسه‌فه‌ی خێرو شه‌ڕ ده‌هێنێته‌وه‌» ده‌ڵێت ئه‌وه‌ی ئه‌مرۆ رقت لێی ده‌بێته‌وه‌ له‌وانه‌یه‌ سبه‌ینێ خۆشت بوێت» هه‌روه‌ك له‌ توركاندا هاتووه‌ له‌وانه‌یه‌ شتێك رقت لێ بێته‌وه‌ به‌ڵام خێری تێدا بێت كه‌ژاڵ ده‌ڵێت
به‌مناڵی زۆر رقم له‌ره‌شه‌با بوو
رۆژێك هات‌و
بوكۆكه‌و بێشكه‌كه‌می برد
به‌ڵام ئێستا
له‌وه‌ته‌ی ئه‌م ره‌شه‌بایه‌ دێ
دڵم شاده‌
ده‌ڵێم ره‌نگه‌ له‌لای تۆوه‌
هه‌ڵی كردبێ
بۆنی هه‌ناسه‌ی تۆی لێ بێ؟
ژنانی عه‌ره‌ب له‌وانه‌یه‌ خۆشه‌ویستی بشارنه‌وه‌ و له‌وانه‌یه‌ ژن نكوڵی لێبكات له‌ خۆشه‌ویستی كه‌سێك له‌ترسی هۆزه‌كه‌ی یا له‌ترسی شوره‌یی و ئابرووچوون
به‌ده‌ست من بێت
هه‌رچی جوانی دنیا هه‌یه‌
له‌ نێو باڵای تۆدا كۆی ده‌كه‌مه‌وه‌
تا ئه‌و وێنه‌یه‌ بنه‌خشێنم
كه‌ پێم ووتی له‌ تێڕوانیننی چاوی مندا
له‌هه‌موو جوانیه‌كان جوانتری
له‌ قه‌صیده‌ی پرچه‌كانی خانمی پرشنگدار كه‌ژاڵ به‌ تێڕوانینێكی قووڵه‌وه‌ سه‌یری واقیعی ژنی رۆژهه‌ڵاتی و نه‌زانی به‌رامبه‌ر خۆشه‌ویستی راسته‌قینه‌ ده‌رده‌خات و ده‌ڵێت «
به‌خۆشه‌ویستی له‌دایك بووم و
نازانم خۆشه‌ویستی پێناسه‌ بكه‌م
له‌ژیانێكدا ده‌ژین
مردن و ژیان جیاناكرێنه‌وه‌
بۆیه‌ ده‌بینین خۆشه‌ویستی پێویسته‌ به‌زیندوویی له‌دڵدا بمێنێته‌وه‌ چونكه‌ كاتێك وه‌ری ده‌گری وه‌ك خۆی دروست نابێته‌وه‌
به‌چی ده‌چێ عه‌زیزم
كه‌ گۆڵه‌كان هه‌ڵوه‌رین
جارێكی تر به‌لقه‌وه‌ نانرێنه‌وه‌
كه‌ ئازاره‌كان تۆماركران
به‌له‌زه‌تی سه‌دان ماچیش ناسڕێنه‌وه‌
ئه‌مانه‌ چه‌ند بریسكه‌و خونچه‌یه‌ك بوون له‌ تاكه‌ دیوانه‌ عه‌ره‌بیه‌كه‌ی شاعیری گه‌وره‌ی كوردی عێراقی
« كه‌ژاڵ ئیبراهیم خدر»له‌گه‌ڵ ژیاننامه‌ بۆنداره‌ ده‌وڵه‌مه‌نده‌كه‌ی به‌و هیواییه‌ی توانیبێتم به‌شێك له‌مه‌زنی به‌توانایی ئه‌م شاعیره‌ و توانا هونه‌ری و داهێنانه‌كانیم خستبێته‌ روو
چواره‌م و كۆتا ده‌رئه‌نجام
ئه‌گه‌ر وته‌یه‌كی كۆتام هه‌بێت له‌م باسه‌ خێرایه‌ له‌گه‌ڵ ژیاننامه‌ ده‌وڵه‌مه‌ندو پڕ به‌خششه‌كه‌ی كه‌ژاڵ وام لێده‌كات كه‌ بڵێم ئه‌م شاعیره‌ داهێنه‌ره‌ مافی خۆی به‌ته‌واوه‌تی نه‌دراوه‌تێ له‌لایه‌ن ده‌وڵه‌تی عێراقی و دام و ده‌زگا رۆشنبیریه‌كانی عه‌ره‌به‌وه‌، ته‌نها ئه‌وه‌ به‌ڵگه‌یه‌ كه‌ شاعیر توانیویه‌تی 21 دیوان له‌سه‌ر ئه‌ركی خۆی چاپ بكات كه‌ئه‌مه‌ بۆ به‌ش خوراوی ئه‌م شاعیره‌ و كه‌مته‌رخه‌میه‌ له‌ مافه‌كانی كه‌ به‌رهه‌مه‌كانی ئه‌ژمار ناكرێت و كاریگه‌ریه‌كانی بێ سنوره‌ له‌گه‌ڵ به‌رچاو گرتنی هه‌ندێ رێزلێگرتنی لێره‌و له‌وێ ره‌وته‌نی فه‌رمی یان تاكه‌كه‌س ئه‌م مۆره‌ ناشیرینه‌ كه‌ هه‌موو ده‌وڵه‌ته‌ عه‌ره‌بیه‌كان و ده‌زگای بڵاوكردنه‌وه‌ی رۆشنبیری گرتۆته‌وه‌ مۆرێكی عه‌ره‌بیه‌ به‌گشتی چونكه‌ ده‌وڵه‌ته‌ عه‌ره‌بیه‌كان گرنگی ته‌نها به‌ سیاسه‌ت و كاروباری ده‌سه‌ڵات و فه‌رمانڕه‌وایی ده‌ده‌ن مردن له‌ پێناو مه‌سه‌له‌ چاره‌نوس سازییه‌كان واده‌كات شیعرو ئه‌ده‌ب و رۆشنبیر دوا شت بێت كه‌ بیری لێبكه‌نه‌وه‌ بۆیه‌ به‌ خانمه‌ شاعیری خۆشه‌ویستمان ده‌ڵێن سه‌ره‌خۆشیت لێ ناكه‌ین هه‌موومان هه‌مان غه‌م و په‌ژاره‌مان هه‌یه‌ و له‌ سته‌م به‌ش خوراوین له‌ گوێ پێ نه‌دان وه‌ك یه‌ك خه‌م ئه‌كێشین» بۆیه‌ ئه‌مه‌ ده‌بێته‌ دڵدانه‌وه‌و وره‌ به‌رنه‌دان و باوه‌ڕ به‌ خۆبوون و كه‌منه‌كردنه‌وه‌ی به‌ره‌و پێش چوون و به‌رهه‌می زیاتر و گه‌یاندنی نامه‌ پیرۆزه‌كه‌ی داهێنان و ئه‌فراندن كه‌ ئاراسته‌ی ئه‌م گه‌له‌ی ده‌كات كه‌ كاتی خۆی رۆژێك له‌ رۆژان به‌رزی كرد بۆوه‌ دایبه‌زێنێت بۆ ئه‌و په‌ڕی‌ نزمی له‌ رۆشنبیری و نه‌زانی كوشتن له‌م رۆژانه‌دا له‌ كاتێكا له‌گه‌ل خۆم ده‌دوام و ووتم «
ئه‌گه‌ر سه‌رۆكی حكومه‌تی هه‌رێم یان به‌غداد بوومایه‌ ئه‌م شاعیره‌ داهێنه‌ره‌م له‌ ئاستی پله‌ باڵاكاندا داده‌نا و كه‌ژاڵ له‌ حكومه‌ته‌كه‌مدا وه‌زیری رۆشنبیری ده‌بوو له‌ رۆژانی جه‌ژنی قوربانی پێشوودا تووشی شۆك بووم كاتێ بینم شاعیری گه‌وره‌یی هه‌ست ناسك له‌ په‌یجی تایبه‌تی خۆیدا ئاگادارییه‌ك بڵاوده‌كاته‌وه‌ ده‌ڵێت هیچ پیرۆزباییه‌ك ناكه‌م» به‌ بۆنه‌ی جه‌ژنه‌وه‌ وه‌ جه‌ژنه‌ پیرۆزه‌ش وه‌رناگرێت و ئاهه‌نگ ناگێڕێت چونكه‌ پاره‌ی خواردن و خواردنه‌وه‌و شیرینی و پێداویستیه‌كانی ئه‌مه‌ش هۆی پێنه‌دانی مووچه‌یه‌ بۆ چه‌ند مانگێك كه‌ كه‌ژاڵ بێ پاره‌یه‌و ئاستی برسیه‌تی هه‌روه‌كوو حاڵی ئێمه‌یه‌ له‌ یه‌مه‌ن هه‌روه‌ك گوێم له‌ شاعیری عێراقی گه‌وره‌و مه‌زن «به‌در شاكیر سه‌یاب» بووه‌ له‌ قه‌صیده‌ی باران « ده‌خوێنێته‌وه‌»
دوای چه‌ند رۆژێك دوای ئه‌م ئاگادارییه‌ی خانمه‌ شاعیری هه‌ست ناسكم بینی، سه‌ر قافڵه‌ی خوپێشاندانێكی فراوان دژی حكومه‌تی كوردی كه‌ داوای موچه‌ ده‌كه‌ن ئه‌مه‌ش خوپێشاندانێك بوو دژی برسیه‌تی «مرۆڤ چۆن ده‌توانێ گۆرانی بڵێ و سرود بخوێنێته‌وه‌ له‌به‌رده‌م برسیه‌تیدا «
ئه‌وكاته‌ ویستم له‌ناخه‌وه‌ قسه‌ی له‌گه‌ڵ بكه‌م و پێی بڵێم خانمه‌كه‌م كه‌ژاڵ ئیتر مه‌به‌ستم نییه‌و هیوا خواز نیم كه‌ ببیته‌ وه‌زیر به‌ڵكوو ته‌نها ئه‌وه‌م به‌سه‌ كه‌ تۆ تێر بیت، نانی رۆژانه‌ی خۆت و منداڵه‌كانت ده‌ست بكه‌وێت له‌و عێراقه‌ ده‌وڵه‌مه‌نده‌ و هه‌ژاره‌دا له‌و گه‌ردونه‌ فراوانه‌ ته‌سكه‌داو له‌و جیهانه‌ عه‌ره‌بیه‌ی كه‌ سامانه‌كه‌ی پێشكه‌شی بیانی ده‌كات له‌ كاتێكدا» تۆو، من» نمونه‌ی وه‌ك ئێمه‌ به‌شی ژه‌مه‌ خواردنێك یان جل و به‌رگێكمان نیه‌ پێی بژین به‌شه‌ره‌ف و كه‌رامه‌ته‌وه‌لێره‌دا گه‌وهه‌ری شاعیری گه‌وره‌یی یه‌مه‌نیمان بیر ده‌كه‌وێته‌وه‌ كه‌ له‌ قه‌صیده‌ی «ئه‌بو ته‌مام عه‌ره‌بایه‌تی ئه‌مرۆ ده‌ڵێت «
له‌ووڵاته‌ عه‌ره‌بیه‌كاندا شاعیر سواڵ له‌ ده‌سه‌ڵات داران و دزه‌كان ده‌كات ،ته‌نها بۆئه‌وه‌ی بژی ئه‌ویش شیعریان پێشكه‌ش ده‌كات چه‌ندان جار پاره‌ به‌خشینه‌كه‌ی ئه‌وان زیاتره‌ به‌ڵام هه‌ستی پێ ناكه‌ن
ئه‌م لێكۆڵینه‌وه‌یه‌ له‌ رۆژنامه‌ی الپوره‌ی یه‌مه‌نی و له‌ لاپه‌ره‌ی ئه‌ده‌بدا بڵاوده‌كه‌مه‌وه‌ بۆئه‌وه‌ی بڵاوبێته‌وه‌ و بخوێنرێته‌وه‌ له‌ په‌یجه‌ ئه‌ده‌بیه‌كان ئه‌وانه‌ی ده‌یاناسم وه‌ك وه‌فایه‌ك رێزگرتنێك بۆئه‌م خانمه‌ شاعیره‌ عێراقیه‌ نمونه‌یی ناسكییه‌ «

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

خۆشه‌ویستی و نیشتمان و مردن لای كه‌ژاڵ ئیبراهیم

له‌ عه‌ره‌بییه‌وه‌: پ.د.هێرش محه‌مه‌د ئه‌مین له‌ناو قه‌سیده‌كانی دیوانی (باخچه‌كانی عیشق)ی ...