خەونێکی تری ناوەندی هونەریی 7 رەنگە هاتەدی – knwe.org
سەرەکی » هەمەڕەنگ » خەونێکی تری ناوەندی هونەریی 7 رەنگە هاتەدی

خەونێکی تری ناوەندی هونەریی 7 رەنگە هاتەدی

لەبەردەوامی چالاکییەکانیدا رۆژی 9/7/2018 ناوەندی هونەریی 7 رەنگە پڕۆژەی ئیشی دەستی ناوەندەکەی کردەوە.
لەمبارەیەوە بەختیار سەعید بەڕێوەبەری ناوەندی هونەریی 7 رەنگە وتی: بەکردنەوەی ئەم پڕۆژەیە ناوەندی 7 رەنگە خەونێکی تری هێنایەدی کە ئەویش پرۆژەی ئیشی دەستی بوو کە تێیدا ٣٥ ژنی باشورو رۆژهەڵاتی کوردستان بەشدارییان کردبوو.
وتیشی: لە پیشانگەکەدا ژمارەیەکی زۆر لە ژنان و دەزگاکانی راگەیاندن ئامادەی بوون، لەهەمانکاتدا ژنانیش بە ستایل و ماتریالی جیاواز پرۆژەکەیان جوان و دەوڵەمەند کردبوو. بڕیاریشە ئەم پرۆژەیە لە داهاتوودا فراوانتر بێت و بەشەکانی تری کوردستان بێنە ناو پرۆژەکەو بە بەردەوامی بکریتەوە.
بەختیار سەعید ئاماژەی بەوەشدا کە ئەم پرۆژەیە بە سپۆنسەری و پشتگیری رێکخراوی دانیمارکی DRC ئەنجامدراوەو گەر هاوکاری ئەوان نەبوایە ئەستەم بوو پرۆژەکە ئەنجام بدرایە، هەربۆیە سوپاسی تایبەتم بۆ ئەم رێکخراوەو هەردوو خوشکی ئازیزم نیگار سەردار و نیگار عەلی کە پرۆژەکەیان پەسەندکردو پشتگیرییان کرد.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

لە سلێمانی رێز لە فۆتۆگرافەرێکی بیانی دەنرێت

بەئامادەبوونی ھێرۆ ئیبراھیم ئەحمەدو شاناز ئیبراھیم ئەحمەدو چەندین بەرپرسی حکومی، ...