جێندەر بابەتێكی گشتگیر و جێی بایەخە لەناو یەكێتیدا – knwe.org
سەرەکی » ئاراستە » جێندەر بابەتێكی گشتگیر و جێی بایەخە لەناو یەكێتیدا

سەعدی پیرە:

جێندەر بابەتێكی گشتگیر و جێی بایەخە لەناو یەكێتیدا

راگەیاندنی مەکتەبی سیاسی
سەعدی ئەحمەد پیرە ئەندامی مەكتەبی سیاسی‌و لێپرسراوی مەكتەبی پەیوەندییە گشتییەكانی یەكێتی رایگەیاند «یەكێتی بڕوای بەهێزی بەوە هەیە، رێژەی ژنان لەناوەندەكانی بڕیاردا زیاد بكرێت بەڕەچاوكردنی چۆنایەتی.»
هەروەك ئاماژەی بەوەشدا، كە جێندەر بابەتێكی گشتگیرو جێی بایەخە لەناو یەكێتیدا. لە پرۆگرام‌و سیاسەتی یەكێتیدا ژن رۆڵ‌و پێگەی گرنگی هەیە.
ئەو وتانەی سەعدی ئەحمەد پیرە لە میانەی پێشوازی لە (كۆبەندی ژنان دەتوانن) هات، كە رۆژی (23/7/ ٢٠١٨) لەبارەگای مەكتەبی سیاسی لە سلێمانی بەڕێوەچوو.
لەدیدارەكەدا، كە پەروین بابەكر ئەندامی سەركردایەتی‌و دڵپاك تاهیر ئەندامی مەكتەبی پەیوەندییەكان‌و ئازاد تۆفیق ئەندامی مەكتەبی راگەیاندن ئامادەی بوون. سەعدی ئەحمەد پیرە ئەوەیشی روونكردەوە كە پێویستە بەربەست‌و كۆتەكانی بەردەم هاتنە پێشەوەی ژنان تێكبشكێنرێن، لەڕووی هۆشیاركردنەوەی كۆمەڵگەو بوونی ئابووری سەربەخۆی تایبەت بە ژنان. هەروەك وتی «ئێمە لەگەڵ ئەوەداین هاوشێوەی پەرلەمان، لەحكومەتیشدا رێژەی ژنان زیاد بكرێت».
رۆژە حەسەن سەرپەرشتیاری گروپەکە وێڕای سوپاسی زۆری بۆ ئەو پێشوازییە گەرمە، ئامانجی كۆبەندەكەی لەبەهێزكردن‌و بەشداری راستەقینەی ژنان لە ناوەندەكانی بڕیار روونكردەوە.
هەروەك داوایكرد كە رێژەی ژنان لە ناوەندی بڕیاری حكومی‌و حزبی زیاد بكرێت.
كۆبەندی ژنان دەتوانن، گروپێكی هەمەجۆرو لەنوێنەرایەتی حزب‌و رێكخراوە ناحكومیەكان پێكهاتووە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

شۆڕش چییە؟

لە شۆڕش گرنگتر، بەشداریپێكردنی كۆمەڵانی خەڵك ‌و ئاوێتەبوونی شۆڕشە بە ...