هێرۆ ئیبراھیم ئەحمەد نازناوی خانمی بەخشندەی پێ بەخشرا – knwe.org
سەرەکی » راپۆرت » هێرۆ ئیبراھیم ئەحمەد نازناوی خانمی بەخشندەی پێ بەخشرا

هێرۆ ئیبراھیم ئەحمەد نازناوی خانمی بەخشندەی پێ بەخشرا

ئامادەکردنی راپۆرت: ژنۆرناڵ

خەڵاتی خانمی بەخشندە بە تەنها نەبەخشرایە ژنێك كە سیاسی و سەركردەی پارتێكە، بەڵكو بەخشرایە ژنێك كە چەندین پرۆژەو كاری خێرخوازی ئەنجامداوە، ئەو خزمەتەكانی لە بێ‌ دەنگیدا رەنگیان نەبوو،چونكە ئەو خاتوونە تەنها ئامانجی خزمەتكرن بوو بەبێ‌ ئەوەی باسی بكات لەپێناو مرۆڤایەتی و خزمەتی زۆرینە زۆر كاری ئەنجامدا.
دواجار كەسانێك لەنزیكەوە شایەتی خزمەتەكانی هێرۆ خانیانا و ئێوارەی 4-8- 2018 لە هۆڵی مۆزەخانەی سلێمانی لە ڕێورەسمێكی شایستە بۆ رێزلێنان لەخاتوو هێرۆ ئیبراهیم ئەحمەد رێكخرا، لە مەراسیمەكەدا كە ژمارەیەكی زۆر لە هاووڵاتیان و ڕۆشنبیران ئامادەبوون، سەرەتای مەراسمیکە بە چەند ساتێک وەستان بۆ گیانی پاکی شەهیدانی کوردستان دەستی پێکرد و پاشان د.دڵشاد مستەفا وتەیەكی پێشكەشكرد و ڕۆڵی مێژووی خاتوو هێرۆ ئیبراهیم ئەحمەدی لە چەند ویزگەیەکی جیاجیای ژیانی ئەم خانمە بەرز نرخاند
هەر لە مەراسیمەكەدا هاشم حەمە عەبدوڵڵا بەڕێوەبەری مۆزەخانەی سلێمانی لە وتەیەكدا سوپاسی بێپایانی خاتوو هێرۆ ئیبراهیم ئەحمەدی كرد و داوای لە سەرجەم لایەنە پەیوەندیدارەکان کرد کە هاوکاری بەردەوامی مۆزەخانی سلێمانی بکەن، دواتر پەردە لەسەر دیوار بەندێك لادرا كە کە لە لایەن هونەرمەند زاهیر سدیق خۆبەخشانە پێشکەش کرابوو.
هەر سەبارەت بە خەڵاتی خانمی بەخشندە، لەتۆرەكۆمەڵاییەتیەكانەوە پیرۆزبایی ئاڕاستەی هێرۆ خان كراوو كادرانی یەكێتی و هاووڵاتیان خۆشحاڵی خۆیان دەربڕی.
لەم راپۆرتەدا بەشێك لەو راو بۆچوونانە دەخینەڕوو:

فەوجی ژنان
شەممە ٤ی ئابی ٢٠١٨ لە مەراسیمیێکی پر شکۆ خەڵاتی خانمی بەخشندە بەخشرا بە ھەفاڵی ئازیز خوشکی گەورەمان خاتوو (ھێرۆ ابراھیم).بە ناوی سەرجەم ئەفسەران و پێشمەرگەکانی فەوجەکەمان پیرۆز بایی گەرم دەکەین ، خەبات و رۆلی ھێرۆخان جێگەی شانازییە بۆ ھەموو کوردێک ، ھیوای تەمەن درێژی سەرکەوتنی زیاتری بۆ دەخوازین. دووبارە زۆر پیرۆزە

محەمەد حیكمەت
خانمی بەخشندە.. تەنها نازناوێك نییە بۆ هێرۆخان، بەڵكو وێناكردنی شوناس و كەسایەتیەتی بەرامبەر بەخشینەكانی بۆ گەل و نیشتمانەكەی، كار و پڕۆژەو خزمەت و هەنگاوەكانی كە زۆریانی بەبێدەنگیش كردوە، بەدرێژایی خەبات و تێكۆشان و پشتیوانییەكانی لەبوارە جیاجیاكاندا، گەواهی ئەو راستییە دەدەن كە چ مرۆڤ دۆستێكی كەم وێنەیە و چۆن میهرەبانانە خزمەتی كردوە و دەكات. ئەم خاتوونە دوای راپەڕین لەڕێی مناڵپارێزی كوردستانەوە بەبێ دەنگیی سەدان مناڵی هەژاری لەكێشەكانی دڵ كون بوون و هەزارانی لە سالاسیما و هەزارانیشی لە پەرتەوازەیی‌و لانەوازبوون لەسەر شەقام و كۆڵانەكان رزگار كرد، هەمیشەش پشت و پەنای بێ دەرتان و بێ پشتیوانان بووە و لەسەر سەدان نووسەر و رۆژنامەنووس هەڵی داوە. ئەوە لەنێو ریزەكانی هێزی پێشمەرگەدا هەر باشەو چاكەو میهرەبانیی و بەخشندەییەكەی باس ناكرێت، هەموو ئەمانەی بەبێ دەنگیی و دوور لەماشێنی كەمپینی مێدیایی جێبەجێكردوە، كە مێژوو گەواهی بۆ ئەدا، هەروەها رۆڵ و كاریگەرییەكانی لەگۆڕەپانی سیاسیشدا لەئاستێكدایە بە (ژنە پۆڵایینەكە) ناودەبرێت، بڕیار و هەنگاوە یەكلاكەرەوەكانی بەجۆرێكە نەك لەسەر ئاستی یەكێتی و كوردستان، بەڵكو لەسەر ئاستی عیراقیش، بە ژنە سیاسەتمەدارێكی بەهێز و بەتوانا لە قەڵەم دەدرێت. هێرۆ ئیبراهیم ئەحمەد، لەڕیزبەندی گۆڤاری سۆڵتدا بۆ ساڵی 2016، لەناو 100 ژنی بەهێز و كاریگەری جیهاندا، پلەی ١٧ی بەدەستهێنا، ساڵی 2017یش وەك یەكەم ژن لەئاستی جیهاندا خەڵاتی پاپای ڤاتیكانی پێبەخشرا.

هۆشیار ئیسماعیل
خانمی بەخشندە (خاتوو هێرۆ ابراهیم احمد) لە پای خزمەت و تێکۆشان و خەباتی چەندین ساڵە و بەخشندەییت، پیرۆزە نازناوی خانمی بەخشندە، بەهیوای تەندروستییەکی باش و بەردەوام بوون لە خزمەت .

بڵند ساڵح
شاژنی نیشتیمانێکی بریندار ژنێک تەمەنێک لە ئازاری شاخ و شار خانمی بەخشندە ھێرۆ ابراھیم احمد .

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

تەنگەژەی لیرەی تورکی لە میدیای ئەڵمانیادا

ئامادەکردنی: بێژەن بورهان دوای دابەزینی بەهای لیرەی تورکیا بەرامبەر دۆلار ...