سەرەکی » ئەدەب - سێبەر و سایە » راستگۆ نه‌ژادی په‌یژه‌چی

کورتەچیرۆک

راستگۆ نه‌ژادی په‌یژه‌چی

محه‌مه‌د كه‌ریم

هاتووم، وتی، عوقده‌م هه‌یه‌، قه‌ت مومكینه‌ وا بێ
هی تۆم ئه‌گه‌ره‌م مه‌سئه‌له‌ حه‌ل كه‌ی به‌ جه‌وابێ
نالی

هه‌موو شتێك له‌ رۆژی كه‌تنه‌كه‌ی خاڵه‌ هه‌تیوبازه‌كه‌ته‌وه‌ ده‌ستپێده‌كات، له‌ به‌دبه‌ختی تۆ، ئه‌و رۆژه‌ له‌سه‌ر ئه‌رزی خوا كوڕێكی لووسكه‌ی چنگ ناكه‌وێت، ئیتر ئه‌سپی سه‌ركه‌شی هه‌وه‌س هه‌ڵیده‌گرێ و ده‌یگه‌یه‌نێته‌ ماڵی ئێوه‌، له‌ به‌ختی ئه‌و ماڵ چۆڵ ده‌بێت، بۆیه‌ تۆ ده‌بیته‌ ئه‌و نێچیره‌ی كه‌ ده‌توانێ دڵی ئه‌و راوچییه‌ تامه‌زرۆیه‌ بكاته‌وه‌. خۆشداكه‌نه‌كه‌ت داده‌ماڵێ و ده‌تنووسێنێ به‌ په‌نجه‌ره‌ی ژووری میوانه‌كه‌تانه‌وه‌، به‌ ده‌سته‌ زله‌كانی توند شیشه‌كانی ئه‌ملاو لای شانت ده‌گرێ و بواری خۆڕاپسكاندن و په‌له‌قاژه‌ت بۆ ناهێڵێته‌وه‌، وه‌كو به‌رخێك كه‌ كه‌وتبێته‌ داوی گورگێكی برسییه‌وه‌ به‌ ناچاری ئاڵای سپی هه‌ڵده‌كه‌ی. هه‌ست ده‌كه‌ی شتێكی ره‌قی سه‌ر نه‌رم له‌ پاشه‌ڵت ده‌خشێ، هێنده‌ نابات ناو رانه‌كات ته‌ڕ ده‌كات، ئه‌و مشه‌ مش ده‌كشێته‌وه‌ و تۆش له‌ شوێنی خۆت وشك ده‌بیت. له‌و ساته‌وه‌ گرێی ده‌روونیی تۆ ده‌ستپێده‌كات، هه‌ستی په‌شیمانبوونه‌وه‌ش وه‌كو خۆره‌ ناوجه‌رگی ئه‌و ده‌خوات، به‌ڵام تازه‌ رووداوه‌كه‌ تیرێكه‌ و له‌ كه‌وان ده‌رچووه‌، هه‌توانی پاشگه‌زبوونه‌وه‌ له‌ هه‌ڵمه‌ت بۆ سه‌رخاكێكی سووته‌مه‌رۆ، چ ده‌ردێك تیمار ده‌كات؟
ساڵانێك دوای ئه‌وه‌، كه‌ باوت خۆش ده‌بێ و ده‌بیته‌ گه‌نجێكی به‌توانا و به‌هێز، ده‌توانی به‌ هه‌مان شێوه‌ تۆڵه‌ له‌ خاڵت بكه‌یته‌وه‌، به‌ڵام ئه‌وه‌ ناكه‌یت، له‌به‌ر دوو شت، یه‌كه‌م، به‌قه‌د هه‌موو دنیا رقت له‌و په‌نده‌یه‌ كه‌ ده‌ڵێ: (حیز به‌ خاڵۆی خۆی فێره‌)، دووه‌م، ده‌ته‌وێ به‌ شێوه‌یه‌ك بیكوژی كه‌ نه‌ تاوان دیاربێ و نه‌ تاوانبار! ئاخری ئه‌و هه‌له‌ زێڕینه‌ت بۆ هه‌ڵده‌كه‌وێ. كاتێ خاڵت ده‌یه‌وێ نه‌شته‌رگه‌ریی دڵ بكات، بستی به‌ قه‌رز ناده‌ی. ئه‌و رۆژه‌ی سنگی وه‌كو شووتی شه‌ق ده‌كه‌ن و ده‌ماره‌كانی دڵی بۆ ده‌گۆڕن، شه‌و تۆ له‌ لای ده‌مێنیته‌وه‌، له‌ به‌دبه‌ختی ئه‌و و خۆشبه‌ختی تۆ، نیوه‌شه‌و داوات لێده‌كات لێی بچیته‌ پێشه‌وه‌ و به‌ ده‌نگێكی كزی پڕ له‌ شه‌رمه‌زارییه‌وه‌ داوای لێبووردنت لێده‌كات، به‌وه‌ش هه‌م خوێ ده‌كات به‌سه‌ر زامی چه‌ند ساڵه‌تدا هه‌م سوورترت ده‌كات له‌سه‌ر بڕیاره‌كه‌ت، هه‌ناسه‌بڕكێكه‌شی مشه‌ مشی ئه‌و رۆژه‌ت ده‌هێنێته‌وه‌ یاد. پێشان سه‌رنجی ئه‌وه‌ت داوه‌ هیچ كامێرایه‌كی لێ نییه‌. به‌بێ ئه‌وه‌ی وایه‌ر و شته‌كانی لێبكه‌یته‌وه‌، له‌ لای راسته‌وه‌ پاڵێكی پێوه‌ ده‌نێیت و له‌سه‌ر قه‌ره‌وێڵه‌كه‌ی ده‌یخه‌یته‌ خواره‌وه‌، ناڵه‌یه‌كی لێوه‌ دێت و به‌ ده‌م نووزه‌ی دوا هه‌ناسه‌وه‌ ده‌ڵێت: «ئای ره‌حمه‌ت له‌ پێشینان! نه‌ مناڵ بگێ و نه‌ مناڵ بتگێ.» ئه‌مه‌ ئه‌و دوا رسته‌یه‌ی ئه‌وه‌ كه‌ هه‌تا مردن له‌ گوێتدا ده‌زرنگێته‌وه‌. هه‌تا دكتۆر خه‌به‌ر ده‌كه‌یته‌وه‌ و به‌ چاوی خه‌واڵووه‌وه‌ ده‌گه‌نه‌ سه‌ری، به‌و سنگه‌ هه‌ڵدڕاوه‌یه‌وه‌ وه‌كو ماسی له‌ جووڵه‌ ده‌كه‌وێت و ده‌مرێت.
ئه‌مڕۆ له‌ ته‌له‌فزیۆندا ده‌تبینم، مه‌سیح ئاسا به‌وپه‌ڕی به‌رائه‌ته‌وه‌، وه‌كو عاشقێكی رۆمانسی به‌ گه‌رموگوڕییه‌كی سه‌یره‌وه‌ قسان ده‌كه‌ی، ده‌مت له‌ مایكه‌كه‌ی به‌رده‌مت نزیك ده‌كه‌یته‌وه‌ و وه‌كو داڵێك كه‌ خه‌ریكه‌ ده‌فڕێ، ده‌سته‌كانت راده‌وه‌شێنی و باڵه‌كانت فش ده‌كه‌یته‌وه‌. به‌ڵێنی بنیتنانی به‌هه‌شتی راسته‌قینه‌ به‌ خه‌ڵك ده‌ده‌ی، روخسارت پاكیی و بێگه‌ردیی لێده‌بارێ، به‌ڵام ئه‌ی ناخت؟ هه‌ندێ له‌ پله‌ په‌یژه‌ و ده‌ویته‌كان ئه‌ملاو لایان لێگرتوویت و به‌ قسه‌كانت خه‌نی ده‌بن، به‌رده‌وام چه‌پڵه‌ت بۆ ده‌كوتن، چاك ئه‌وانت گه‌وجاندووه‌، «هه‌ر لێیان ده‌خوڕی و سه‌یری ده‌م و كاوێژیشیان ناكه‌ی» نه‌ك هه‌ر ئه‌وه‌ ده‌یانكه‌یته‌ به‌رده‌باز و به‌سه‌ریاندا ده‌په‌ڕیته‌وه‌ بۆ هه‌واری خۆزگه‌ و ئاواته‌كانت، ئه‌مما ئه‌ی من، منت پێ فریو نادرێ، من چاك ده‌زانم درۆ ده‌كه‌ی، ده‌زانم له‌سه‌ر رێبازی «درۆ بكه‌، درۆ بكه‌، هه‌تا باوه‌ڕت پێده‌كه‌ن!» ده‌ڕۆی، چونكه‌ تۆ كاره‌كته‌ری منی، من تۆم خوڵقاندووه‌، به‌ڵام نیگه‌ران مه‌به‌ حه‌قم نییه‌ به‌سه‌رته‌وه‌، به‌ كه‌یفی خۆت درۆ بكه‌، من ته‌نیا چیرۆكه‌كه‌ت ده‌گێڕمه‌وه‌، ئیتر تۆ ئازادی چی ده‌كه‌ی بیكه‌، خۆت به‌رپرسیاری له‌ كرده‌وه‌كانت، من نا…
ئه‌وه‌ تۆ چی ده‌كه‌ی؟ نا، نا، ئه‌وه‌ من چی ده‌كه‌م؟ خه‌ریكه‌ سه‌رم لێ تێكده‌چێت، ئه‌ها ویستم حیكایه‌تی زه‌ڕافه‌كه‌ بگێڕمه‌وه‌، ده‌زانم تۆ پێت خۆش نییه‌، به‌ڵام هه‌ر ده‌بێ بیگێڕمه‌وه‌، چونكه‌ تۆ له‌وێوه‌ رێڕه‌وی ژیان و بیركردنه‌وه‌ت ده‌گۆڕێ. كاتێ مامت ده‌یه‌وێ ئه‌م حیكایه‌ته‌ت بۆ بگێڕێته‌وه‌ هه‌موو گیانت ده‌بێت به‌ گوێ. پاشایه‌ك ده‌یه‌وێ دڵسۆزی ئاژه‌ڵ بۆ بێچووه‌كانی تاقی بكاته‌وه‌. ئینجا ئه‌م پاشا گه‌مژانه‌ چی تاقیناكه‌نه‌وه‌؟ فه‌رمان ده‌كات ساجێكی گه‌وره‌، چوار ئه‌وه‌نده‌ی مه‌نجه‌ڵێكی ساوه‌ر بخه‌نه‌ سه‌ر ئاگردانێكی گه‌وره‌ كه‌ ژێره‌كه‌ی به‌ داربه‌ڕووی وشك چنراوه‌، ئینجا راكێش راكێش زه‌ڕافه‌یه‌ك به‌ به‌چكه‌كه‌یه‌وه‌ دێنن و ده‌یخه‌نه‌ سه‌ر ساجه‌كه‌، به‌ شێوه‌یه‌ك ده‌وران ده‌وری ساجه‌كه‌ به‌شیش ده‌ته‌نن، زه‌ڕافه‌ی له‌مه‌ڕ خۆمان هیچ ده‌رفه‌تێكی نه‌بێت جگه‌له‌ مانه‌وه‌ له‌سه‌ر ساجه‌كه‌. پاشا له‌ به‌رزاییه‌وه‌ ده‌ڕوانێ و هه‌ر به‌ ئاماژه‌ فه‌رمان ده‌دات، ئاگره‌كه‌ بكه‌نه‌وه‌، زه‌ڕافه‌ی له‌مه‌ڕ خۆمان كه‌ ده‌زانێ بێچووه‌كه‌ی له‌ مه‌ترسیدایه‌ ده‌یگرێته‌ باوه‌ش و وه‌ك قاره‌مانی رۆژگاری ئاوابوونی قاره‌مان، له‌سه‌ر پێی خۆی راده‌وه‌ستێ، وه‌ها لووتی ده‌كاته‌ ئاسمان و به‌فیزه‌وه‌ ده‌وه‌ستێ، هێنده‌ی نامێنێ سه‌ری بدات له‌ كه‌شكه‌لانی فه‌له‌ك. هێدی هێدی، ئاگره‌كه‌ نێڵه‌ نێڵ، ده‌گڕێ و ساجه‌كه‌ گه‌رم دادێ، به‌رله‌وه‌ی سووربێته‌وه‌، پاڵه‌وانه‌كه‌ی رۆژگاری قاتیبوونی پاڵه‌وامان ته‌نگه‌تاوده‌بێت، هه‌ستده‌كات خه‌یاڵ و رۆمانسییه‌ت ته‌واو، واقیع هاتۆته‌ به‌ر لووتی، رێك بێچووه‌كه‌ی داده‌گرێ و وه‌كو به‌ردی به‌رده‌باز ده‌یخاته‌ ژێر پێی. بێچووه‌كه‌ی له‌ ژێر پێیدا وه‌كو ماسی ده‌برژێ، ئه‌ویش قاره‌مانانه‌، له‌ كاتێكدا سه‌ری له‌ هه‌ور ده‌سوێ، رێك له‌سه‌ری ده‌وه‌ستێ و فشه‌ی به‌ دنیا دێت. به‌رله‌وه‌ی ئازار به‌ زه‌ڕافه‌كه‌ بگات، پاشا فه‌رمان ده‌دات، ته‌وقی ئاگردانه‌كه‌ بشكێنن، ئیتر زه‌ڕافه‌ی قاره‌مان به‌ سه‌لامه‌تی رزگاری ده‌بێت. ئه‌و چركه‌یه‌ی زه‌ڕافه‌كه‌ بێباكانه‌ له‌سه‌ر جه‌سته‌ی بۆكڕووزی بێچووه‌كه‌ی ده‌وه‌ستێ، رێك و راست له‌ پاشا جوانتر دیمه‌نه‌كه‌ ده‌هێنیته‌ پێش چاوت، هه‌مان چركه‌ له‌ دیمه‌نی باڵای به‌ ئاسماناچووی زه‌ڕافه‌كه‌وه‌، بیرۆكه‌ی په‌یژه‌كه‌ت بۆ دێت. په‌یژه‌ی چی ئه‌وه‌ من باسی چی ده‌كه‌م؟
پاش ئه‌وه‌ی به‌و نه‌خشه‌ زیره‌كانه‌یه‌ خاڵت ده‌كوژیت، هه‌ست ده‌كه‌یت، ئاگری ده‌روونت دانامركێته‌وه‌ و دڵخۆش نابیت، گرێ ده‌روونییه‌كه‌شت ئاڵۆزتر ده‌بێت، یه‌كسه‌ر نه‌خشه‌ی داهاتووت دێته‌ به‌رچاوت، دیته‌ بچووكیت و مرۆڤی بچووكیش عوقده‌ی ده‌سه‌ڵاتی هه‌یه‌، ده‌بێ هه‌تا ده‌مریت ده‌سه‌ڵاتدار بیت، ده‌سه‌ڵاتیش خۆی وه‌كو موگناتیس سامان راده‌كێشێ. ئه‌گه‌رچی خاڵت به‌ زۆر لاقه‌ی كردی و عوقده‌ی تێدا دروست كردی به‌ڵام شانت هه‌ڵده‌گرێ و لێتده‌وه‌شێته‌وه‌ كوونییه‌كی پڕۆفیشناڵ بیت. كاتێ گوێت له‌ حیكایه‌تی زه‌ڕافه‌كه‌ ده‌بێت، هه‌ست ده‌كه‌یت ئه‌و زه‌ڕافه‌یه‌ به‌ زه‌ڕافه‌یی خۆیه‌وه‌، مه‌كیاڤیلیسته‌، ئه‌ی تۆ بۆ نه‌بیت؟ «ئامانج پاساو بۆ وه‌سیله‌ ده‌هێنیته‌وه‌». تۆش له‌پێناوی ئه‌وه‌ی له‌ كورسییه‌كی ده‌سه‌ڵاتدا پاڵی لێبده‌یته‌وه‌، ئاماده‌ی بشده‌یت و هێنده‌ی ئاوخواردنه‌وه‌ش به‌لاته‌وه‌ ئاسانه‌! ده‌ته‌وێ زه‌ڕافه‌كه‌ بكه‌یته‌ سیمبولی سه‌راپای ژیانت. به‌ڵام به‌و مه‌رجه‌ی په‌یژه‌ بكه‌یته‌ بنه‌مای كاره‌كانت. یانی په‌یژه‌ بكه‌یته‌ وه‌سیله‌ و پیایدا به‌ره‌ و دوو ئامانجه‌كه‌ت سه‌ركه‌ویت، دیاره‌ په‌یژه‌كه‌ی تۆ په‌یژه‌یه‌كی ئاسایی نییه‌. ئیتر هه‌زار و یه‌ك حیكایه‌ت له‌باره‌ی په‌یژه‌وه‌ ده‌خوێنیته‌وه‌.
دزێكی نه‌زان له‌ ماڵێكی ئه‌وپه‌ڕی گونده‌كه‌یان دزیی ده‌كات، په‌یژه‌كه‌ی خۆیان ده‌بات و به‌ دیواره‌كه‌یاندا سه‌رده‌كه‌وێ و ماڵه‌كه‌ تاڵان ده‌كات. به‌یانی كه‌ خه‌به‌ری ده‌بێته‌وه‌ سه‌یر ده‌كات په‌یژه‌كه‌ی به‌ دیواری ماڵه‌كه‌وه‌ له‌ بیرچووه‌. خاوه‌نماڵ رێك په‌یژه‌كه‌ ده‌كات به‌ شانیدا و له‌به‌رده‌رگای ماڵی دزی نه‌زان قوت ده‌بێته‌وه‌. ئه‌ویش سوێند و ته‌ڵاق ده‌خوات كه‌ ئاگا و خه‌به‌ری لێیی نییه‌. خاوه‌نماڵ ده‌هری ده‌بێت و ده‌ڵێت «ئه‌ی ئه‌م په‌یژه‌یه‌ به‌ گۆڕی باوكی كێ؟ چۆن گه‌یشتۆته‌ ماڵی ئێمه‌؟» ئه‌میش هیچ خۆی تێك نادات و ده‌ڵێت: «عه‌یب نه‌بێ، بیلامانێ، ئه‌وه‌ شه‌و ره‌وه‌ گه‌ماڵێك ده‌ڵه‌به‌بایه‌ك ته‌نگه‌تاو ده‌كه‌ن، ئه‌ویش مل ده‌كات به‌ په‌یژه‌كه‌ی ئێمه‌دا و ده‌یهێنێ بۆ ماڵی ئێوه‌!»
گوایه‌ ئه‌و دارتاشه‌ی یه‌كه‌مجار په‌یژه‌ دروستده‌كات، دوای ئه‌وه‌ی دوا بزماری لێده‌دات. وه‌ها په‌نجه‌ی په‌شیمانیی ده‌گه‌زێ، ده‌ستده‌كات به‌گریان، هه‌تا هێزی تیایه‌ هاوار ده‌كات و ده‌ڵێ: « من چ تاوانێكی گه‌وره‌م كرد، دره‌ختم كرد به‌ كه‌ری مرۆڤ!» یه‌كسه‌ر یه‌ك بزماری چوار ئینج به‌ ته‌وێڵی خۆیدا داده‌كوتێ و ده‌مرێ.
پیاوێك ده‌چێته‌ سه‌ر بینایه‌كی به‌رز، ده‌چێته‌ رووكاری ده‌ره‌وه‌ی بیناكه‌ و ده‌ڵێت: « من گه‌وره‌ترین په‌یژه‌ ده‌بینم، به‌م بینا بیست قاته‌وه‌ نراوه‌.» ده‌چێته‌ قه‌راغی بیناكه‌ به‌و نیازه‌ی قاچ بخاته‌ سه‌ر یه‌كه‌م پله‌ی په‌یژه‌ زه‌به‌لاحه‌كه‌، ده‌كه‌وێته‌ خواره‌وه‌ و هه‌لا هه‌لا ده‌بێت.
زیندانییه‌ك له‌ ئه‌بوغرێب به‌ شقارته‌ په‌یژه‌یه‌ك دروست ده‌كات، دوای ئه‌وه‌ی ته‌واوی ده‌كات، ده‌یكات به‌ هات و هاوارێك نه‌بێته‌وه‌، هه‌موو زیندانیانی گۆڕه‌پانه‌كه‌ تێده‌گه‌یه‌نێ كه‌ ده‌یه‌وێ په‌یژه‌كه‌ بنێ به‌ دیواره‌كه‌وه‌ و رابكات، تا وه‌ردیانێكی زیندانه‌كه‌ پێیده‌زانێ، رێك قاچی راستی ده‌خاته‌ سه‌ر په‌یژه‌كه‌، وه‌ك ئه‌وه‌ی زه‌رده‌واڵه‌یه‌ك بفلیقێنێته‌وه‌، په‌یژه‌كه‌ ورد و خاش ده‌كات، زیندانییه‌كه‌ گریانێكی وه‌ها ده‌گری، هه‌تا شێت ده‌بێت ژیر نابێته‌وه‌. ده‌یان حیكایه‌تی سه‌یر و سه‌مه‌ره‌ی تر…
به‌ڵام هه‌میشه‌ خه‌یاڵی تۆ به‌ ئاراسته‌ی شتێكی تره‌، هه‌ر یه‌كه‌م رۆژ بیر له‌وه‌ ده‌كه‌یته‌وه‌، ئه‌گه‌ر بته‌وێ به‌ باڵه‌خانه‌یه‌كی وه‌كو حه‌سیب ساڵحدا به‌ په‌یژه‌یه‌كی له‌ مرۆڤ دروستكراودا سه‌ركه‌وی چه‌ند مرۆڤت ده‌وێ؟ چه‌ندیان ده‌كه‌ی به‌ پله‌ی په‌یژه‌كه‌ و چه‌ندیان ده‌كه‌ی به‌ لاكانی؟ ئه‌ی ئه‌گه‌ر بته‌وێ وه‌كو په‌یامبه‌ر بچیته‌ حه‌وت ته‌به‌قه‌ی ئاسمان چه‌ند پله‌ په‌یژه‌ت ده‌وێ؟ گرنگ نییه‌ چه‌ندت ده‌وێ، گرنگ ئه‌وه‌یه‌ بۆ هه‌میشه‌ ده‌ستت له‌ ملی خۆزگه‌كانتدا بێت و هه‌میشه‌ له‌سه‌ری سه‌ره‌وه‌ بیت. ئێستا ئیتر جگه‌ له‌ مناڵه‌كانت كه‌ ئه‌وانت خستۆته‌ ده‌ره‌وه‌ی گه‌مه‌ ترسناكه‌كانت، هه‌موو كه‌سه‌كانی ده‌وروبه‌رت به‌ دایك و باوك و خوشك و براكانیشته‌وه‌، جگه‌ له‌ پله‌په‌یژه‌یه‌ك هیچی تر نین، به‌بێ ئه‌وه‌ی بۆ یه‌ك ساتیش بیریان لێبكه‌یته‌وه‌، پێیان ده‌خه‌یته‌سه‌ر و سه‌رده‌كه‌وی. ئه‌گه‌رچی به‌ رووكه‌ش هاوڕێ و دۆستی راسته‌قینه‌ و دڵسۆزی هه‌مووانیت، خاكه‌رایی و ساده‌یی سیفه‌تی دیارته‌ و هه‌میشه‌ باوه‌ش به‌م و به‌ودا ده‌كه‌یت، به‌ڵام له‌ناخه‌وه‌ هیچ مرۆڤێك به‌های چڵه‌پووشێكی نییه‌ له‌ لات. متمانه‌ت به‌ خۆت نه‌بێ به‌ هیچ كه‌سێكت نییه‌. ئێستا ئیدی هه‌ست ده‌كه‌یت پاشایت و خۆت له‌سه‌ری سه‌ره‌وه‌یت و هیچ كه‌سێك له‌سه‌رته‌وه‌ نییه‌. به‌ڵام ناوه‌ ناوه‌ گرێ ده‌روونییه‌كه‌ت وه‌كو مۆته‌كه‌ سوارت ده‌بێت. بۆیه‌ ئه‌گه‌ر هه‌موو مرۆڤه‌كانی ئه‌م وڵاته‌ بكه‌یت به‌ پله‌په‌یژه‌ و پیایاندا سه‌ركه‌وی هێشتا دڵت ئاو ناخواته‌وه‌. به‌ڕاستی حه‌قی خۆیه‌تی پێت بڵێن راستگۆ نه‌ژادی په‌یژه‌چی.
ئای خۆ ئه‌وه‌ تۆی دیسان! ده‌چیته‌ ناو خه‌ڵكه‌وه‌، ده‌ست ده‌كه‌یته‌ ملیان، سێڵفییان له‌گه‌ڵ ده‌گری، وه‌كو مه‌سیح به‌ڵێنی به‌هه‌شتیان پێده‌ده‌یت و به‌خشكه‌ییش سواڵی ده‌نگیان لێده‌كه‌ی، من حه‌زده‌كه‌م لێره‌دا كۆتایی به‌ چیرۆكی تۆ بێنم و هیوای سه‌ركه‌وتنت بۆ بخوازم، كه‌چی دوا ساته‌كانی دیكتاتۆرێك كه‌ چل ساڵ درۆی له‌گه‌ڵ خه‌ڵكه‌كه‌ی كردووه‌ و كردوونی به‌ په‌یژه‌، ئاسمانی خه‌یاڵم داگیر ده‌كات و له‌به‌رچاوی خه‌یاڵم لاناچێت، سێ دانه‌ پله‌په‌یژه‌یان داناوه‌ و ده‌رپێكه‌ی دیكتاتۆریان داكه‌ندووه‌! نازانم مناڵه‌كانی به‌هاری عه‌ره‌بی ده‌یانه‌وێ چی له‌ دیكتاتۆر بكه‌ن؟ به‌ڵام بۆنی كرده‌وه‌یه‌كی دڕندانه‌ ده‌كه‌م، لاوێكی قژلوولی لچ قه‌وی چه‌كوشێكی به‌ ده‌سته‌یه‌وه‌یه‌ و ده‌ست ده‌داته‌ پله‌په‌یژه‌یه‌ك، به‌ دیكتاتۆر ده‌ڵێت: «پێم بڵێ بیكوتمه‌ كوێت.» چاویلكه‌كه‌م ده‌كه‌مه‌ چاوم جوان جوان دیقه‌تی دیكتاتۆری لێكه‌وتوو ده‌ده‌م، ئای چه‌ند سه‌یره‌! ئه‌و داماوی قنگ دڕاوه‌، چه‌ند له‌ تۆ ده‌چێت؟

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

گه‌وهه‌ر له‌ هونه‌ری مۆسیقادا

ئا : ئازاد مه‌عروف 16 سامان هیچ بونه‌وه‌رێك ناتوانێت نكوڵی ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort