شۆڕش چییە؟ – knwe.org
سەرەکی » ئاراستە » شۆڕش چییە؟

ئەدەبیاتی مام

شۆڕش چییە؟

لە شۆڕش گرنگتر، بەشداریپێكردنی كۆمەڵانی خەڵك ‌و ئاوێتەبوونی شۆڕشە بە خەباتی جەماهیریی

ئەمەی لەم دوو توێیەدا بە چەند زنجیرەیەک بڵاودەکرێتەوە، پوختەیەکە لە دەقی چەند محازەرەیەکی سەرۆک مام جەلال کە لە ناوەڕاستی هەشتاکانی سەدەی رابردوودا کە پێشکەشی پێشمەرگەو کادرانی یەکێتیی کردووەو بەشی یەکەمی پەیوەستە بە جیاوازیی ئینقیلاب و شۆڕشی ئاوێتە بە خەباتی جەماوەریی و رۆڵی هاندانی خەڵک و بەشدارییان لە هەرچی زیاتر گەشەسەندن و پەرەپێدانی شۆڕش.

بەرایی
ئەوەی لەبەردەستدایە‌و وەك زنجیرە نووسینێك لە رۆژنامەی كوردستانی نوێی ئازیز بڵاودەبێتەوە، بریتییە لە زنجیرەیەك كۆبوونەوەی بەڕێز مام جەلال كە لەساڵی 1984 لە گوندی خەتێی دۆڵی خۆشناوەتی ئەنجامدراوە، دیارە بەشی زۆری ئەو زنجیرە كۆبوونەوانە لە چوار كاسێتدا تۆمار كراوە، ئەمەش بۆ ئەوەی پەیامی ئەوكاتەی بەڕێز مام جەلال ‌و سەكردایەتی یەكێتیی نیشتمانیی كوردستان بگاتە رێكخستنەكانی ناو شار.
ئەو چوار كاسێتە كە لەرێگەی رێكخستنەكانی یەكێتیی شۆڕشگێڕانی كوردستانەوە گەیشتە ناو شاری هەولێر، ئەم دەست ‌و ئەو دەستی كردووە بەسەر ئەندامانی شانەكانی رێكخستن لەو شارەدا. بەم شێوەیە پارێزراوە، رەنگە ئەو چوار كاسێتە لە شوێنی دیكەش هەبن یان نەمابێ، ئەوەی گرنگە ئەوەیە وەك بەشێك لە ئەدەبیاتی مام جەلال بڵاودەكرێنەوە‌و دەبێتە كەرەستەیەكی باش بۆ تێگەیشتن لە هەڵوێست ‌و بۆچوونەكانی بەڕێز مام جەلال سەبارەت بەو قۆناغەی بزووتنەوەی كوردایەتی لە شۆڕشی رزگاریی نیشتمانیی كوردستاندا.
هاورێ رەنج

شۆڕش چییە؟

شۆڕش كارێكی جەماهیرییە، بە جەماهیر دەكرێ، لێرە تەتبیقی ئەو مەبدەئەیە، نیشانەی تێكەڵاوبوونی جەماهیرە لە شۆڕشدا، شۆڕش خوێ كارێكی جەماهیرییە، لەگەڵ ئەوەی پێی دەگوترێ ئینقلاب ‌و ئەوەی پێی دەگوترێ بلانكیزم لە جووڵانەوەی كرێكاریدا، ئەوەیە هەرچی كاری جەماهیرییە ئەوەیە كە بە جەماوەر دەكرێ ‌و زۆربەی زۆری جەماوەری تێوە دەگلێ، هەرچی كاری ئینقلابە مەجموعەیەك عەسكەر خۆیان مات دەكەن، دادەنوشتێنن، فورسەتیان لێ هات، ئیزاعەیان گرت ‌و چوار دەبابە‌و بەیانی یەكەمیان خوێندەوە.
لە حەرەكەتی كرێكاریدا شتێك هەیە پێی دەگوترێ بلانكیزم كە ئەوەیە كەمایەتی خۆی بسەپێنێ بەسەر زۆرایەتیدا، ئەوەش نابێ، لە شۆڕشدا شەرتی شۆڕش بەلای كەمەوە ئەوەیە دەبێ زۆربەی خەڵك پێی خۆش بێ، ئەگەر لەگەڵیشت نەبێ.
ئینجا كە باسی شۆڕش دەكەین دەڵێن شۆڕش كارێكی جەماهیرییە بە چەند نەفەرێك ناكرێ، بە جەماوەر دەكرێ، لەبەرئەوە ئەهمیەتە ئەساسییەكەی، ئینجا ئەهمیەتی فەرعی خۆیشی گەلێك زۆرە، بەو شێوەیەش ئێمە فەقەت دەتوانین تەوازنی هێز لەبەینی خۆمان ‌و دوژمندا بگۆڕین، بەتایبەتی ئێمە (یەكێتیی نیشتمانیی كوردستان) هێزێكی سەربەخۆین ‌و پشتمان بە خۆمان بەستووە‌و بەگژ عەرز‌و ئاسماندا هاتین، ئێمە هیچ دەوڵەتێك بە شوانی خۆمان قبوڵ ناكەین، كەسمان قبووڵ نییە، ئەو فاشیستە ئەو كۆنەپەرستی دینییەوە، ئەو بورژوا بیرۆكراتە، وامان لێ كردووە كەس بە سەپانی خۆمان قبووڵ ناكەین، لەو كاتەدا ئەگەر جەماوەری خۆمان نەخەینەگەڕ، ئەگەر وای لێنەكەین ئێمە ناتوانین شەڕەكە بەرینەوە‌و هێز بەلای ئێمەدا بێت، ئەگەر ئێمە ئەوە بكەین هەتا لە ناحیەی تریشەوە زاڵ دەبین بەسەر دوژمندا، میسالەكتان لەبۆ بێنمەوە:
ئەگەر ناوچەكانی كوردستان، هەموو دێهاتەكانی، شار‌و شارۆچكەكانی وای لێبكەین، لەئەنجامدا ئێمە چەند سەد هەزار كوردێكمان چەكدار دەبێت، دوژمن خۆی بكوژێ ئەو سەد هەزار سەد‌وپەنجا هەزار عەسكەرەی پێ نایەتە كوردستان، هەتا لەڕووی ژمارەش ئێمە زاڵ دەبین بەسەریدا، ئەگەر جەماوەرمان خستەگەڕ‌و خستە ناو شۆڕشەوە، ئەگەر وامان لێ بهاتبا رۆژێك لە رۆژان هەموو دێهاتی كوردستان چەكداربا‌و هەمووی شەڕی بۆ بكردباین، چی لێ دەهات؟
میسالێكی ترتان بۆ بێنمەوە، لە ناحیەی عەسكەری، سوریا بەپێی نفوس سێ بەقەدەر ئیسرائیلە، سوریا (9) ملیۆنە، ئیسرائیل (3) ملیۆنە، جەیشی سوری لە حدود دوو بەقەدەر جەیشی ئیسرائیلە، بەڵام كە هاتە تەعبیئەی عامە، ئیسرائیل (500) هەزار عەسكەر تەعبیئە دەكات، سوریا (450) هەزار تەعبیئە دەكات، كە دەبوایە مەسەلەن سوریا سێ (500) هەزاریی واتە ملیۆنێك و نیو تەعبیئە بكات، ئەوە زۆر موهیمە سازدانی جەماوەر زۆر موهیمە كە لەشەڕدا دەكرێت.
ئەڵمان كە هات پەلاماری روسیای دا، نوقتەی ئەساسی كە بۆی حساب نەكرابوو ئەوەبوو كە چەند دەوڵەتی سۆڤێتی دەتوانێ خەڵك سازدا لە بۆ شەڕ، ئەو پێی وابوو هەر ئەوەندە هێرشی بۆ بكرێ، هەموو خەڵك لێی هەڵدەگەڕێتەوەو ئیتر هیچی پێ ساز نادرێ، ئەو لەشكرەشی تێكدەچێ، كەچی جەیشی سۆڤێتی لەساڵی یەكەمدا بەس ئەسیری ملیۆنێك ‌و دووسەد هەزار ئەسیری دا، لە دوو شەڕدا لەهەر شەڕێكدا 600 هەزاری تێداچوو، بەڵام ئەڵمان هەر هاتە پێش تەماشای كرد جەیشێكی تر هەیە، جەیشێك ئیبادە دەكەن جەیشەكەی بەرامبەرە یەك ئەسیر دەكەن، دووی كە لێی زەق دەبیتەوە، لەئەنجامدا خواردیان، قوتیاندا، هەڵیان لووشی، چونكە توانیان جەماوەری خۆیان تەعبیئە بكەن، لە كۆتایی ساڵی 1941دا كە ئەڵمانیا پەلاماری سۆڤێتی دا، دوو ملیۆن ئینسانیان هێنایە ژێر سایە، لە نیهایەتی شەڕدا 18 ملیۆن ئینسانیان هێنایە ژێر سایە، سێ یەكی ئەڵمانیا، چاوت لێیە بزانە چی لێدەكەن، چین سەد ملیۆن میلیشیای هەیە لە لادێكاندا ‌و 20 ملیۆن لە شارەكاندا 120 ملیۆن، جا وەرە هەموو جەیشی دونیای تێپەر دەكات، دەرەقەتی 120 ملیۆن دێ، هەر ئەسیریشیان بكە جێ نییە لێی دانێن، لە كوێی دادەنێی؟ عەینی چین، ژاپۆن دەهات هەزار شەقی تێهەڵدا، بچكۆلەكە دەیگرت، هیچیشی پێنەدەكرا، نەیتوانی بوو جەماوەری خۆی تەعبیئە بكا، موهیمترین نوقتە، ئەركی ئەساسی هەر كادیرێكی سیاسی چییە؟ وشیاركردنەوە‌و راپەڕاندن ‌و سازدان ‌و رێبەریكردنی كۆمەڵانی خەڵكە، ئەوە ئەو قانونە تەنزیمییە دەبێ لەبیرمان نەچێ لە عەسكەریشدا، لە پێشمەرگایەتیشدا، سازدانی جەماوەر ‌و خستنەگەڕی جەماوەر شتێكی ئەساسیە لە سەركەوتندا، ئەوە ئەهمیەتەكەی لەوەدایە، ئەوە سازدانی جەماوەرە.
لەم رۆژانەدا مەسەلەن مەفرەزەیەكمان، دوو پێشمەرگەی بریندارمان لە دێیەك بوونە لە گەرمیان، نازانم دێیەكە ناوی چییە، چەند چەكدارێكی یەكێك لە حزبەكان پێیان زانیووە چوونەتە سەریان ‌و گوتویانە بچین بیانكوژین، هاتوونەتە سەریان، بەڵام خەڵكی بەرگریی میللی لێیان راپەڕیوون، یەكێكیان لێ كوشتوون ‌و یەكێكیان لێ گرتوون ‌و یەكێكان لێ بریندار كردوون. ئەوەكەی دیكەشیان ڕاوناوە، ئەوەتا، ئەهمیەتەكە لەوەدایە، كۆمەڵانی خەڵكت سازداوە، یان شەڕی ئەو جارەی پێشمەرگە تەفریق كرابوون لە دێیەكی دیكەدا، هەشتا نەوەد بەرگریی میللی هاتن بۆ یارمەتیدانیان، یان مەسەلەن برادەران ئێرە چۆڵدەكەن دەیان كەس لە بەرگریی میللی دێت ‌و چەك هەڵدەگرێت ‌و مەقەڕەكان دەپارێزێ ‌و دێت شەڕ دەكات، یان لەو رۆژانەدا وابزانم لە تۆم پرسی مامۆستا ئیبراهیم تەقدیری كرد دەتوانین 400-500 كەس لە بەرگریی میللی بێنین پێی باشە ئەوە زۆرترە لە تیپەكەمان كە لە ناو دێن.


پاشان وتی: ئەگەر ئێمە بتوانین ئەوە وا لێبكەین لەهەموو ناوچەكانی كوردستاندا نەتیجەكەی چی لێ دێت؟ نەتیجەكەی ئێمە ژمارەیەكی كەممان پێشمەرگە دەبێ، ژمارەیەكی زۆریشمان چەكدار دەبێ، ئەركمان سووكە ‌و زەبرمان قورسە، گورزی سەد باتمانیمان بەدەستەوەیە، بەڵام پێویستە ئێوە روو بكەنە ئەو شتانە برادەرینە، پێویستە لە هۆشیاركردنەوەی كۆمەڵانی خەڵك ‌و لە مەسەلەی هاندانی خەڵك، ئەوە شتێكی زۆر زۆریش باشە، بەعزێك گرفتمان لەكۆڵ دەبێتەوە، بۆنموونە كابرایەك كە پێشمەرگەی ناوچەیەكە، دێیت دەیكەیتە پێشمەرگەی كوردستان، دەینێریت بۆ ئەولا، ناچێت، یان یەكێكی دیكە تووڕە دەكەی یان نا، پێشمەرگەی كوردستان نیم، پێشمەرگەی ناوچەی خۆمم، سەر ئەو چاوەم، پێشمەرگەی ناوچەی خۆتی ‌و دیفاع لە ناوچەی خۆت دەكەی، ئەو شتێكی زۆر باشە بۆئێمە، جەماوەری خۆتە، ئەگەر چەكیشمان بوو دەیدەینێ، فیشەكیشمان بوو دەیدەینێ، ئەگەر دەستكەوتیشمان بوو لەولاوە بەشی دەدەین سەرچاوان، ئەوەیە مەسەلەی چەكداركردنی جەماوەر، ئەهمیەتێكی زۆر زۆری هەیە، لەبەرئەوە بە عەكسی ئەوەی كە بچین چەكی لێ بسەنین، ئێمە بۆمان بكرێ چەك بدەین بە جەماوەر.
هەروەها لەبەشێكی دیكەی قسەو باسەكانیدا وتی: ئێمە لە شێنێ كە تیپی شێنێمان هەبوو، نزیكەی 50 كەس لە تیپەكەدا بوون، كە دەبووە شەڕ 100-120 كەس دەچوو، 50-60 كەسی ماڵیش چەكی دەست دەدایێ ‌و ملی دەنا و شەڕی دەكرد. ئێستا لە وەرتێ هەمانە، لە وەرتێ نزیكەی 100-120 كەس 80ی موسەجەل، ناوی خۆی نووسیوە، مەعلومە كە ئێستا بەرگریی میللی بە چەكەوە لە ماڵێ دانیشتووە، لەكاتی پێویستدا دێ سەنگەرت بۆ دەگرێ ئەوە چاكە، وردەوردە چاكی دەكەین، مەبەستم ئەوەیە ئێمە ئەوەمان داهێنا شتێكی چاكە، زۆر چاكە، ئەوە یەكەمجار لە گەرمیان داهێندرا، بەڕاستی ئەوە دەگەڕێتەوە بۆ تیپی گەرمیان، هەندێ شت داهێندرا لە تیپی كەركوك داهێندرا، ئەو داهێنانە زۆر چاكە، ئەوەیە موبادەراتی جەماوەر، لێی گەڕێ با جەماوەریش موبادەراتی خۆی بنوێنێت ‌و شتی خەلاق بكات.
لەوەڵامی كۆمێنتی پێشمەرگەیەكیشدا كە وتی لە دۆڵی خەلەكان گوندێك پێیانوتوین ئێمە (100) چەكدارتان بۆ تەئمین دەكەین، هەڤاڵ مام جەلال وتی: ئەو جارە شەڕیان كردووە لەگەڵ حكومەت و خەڵكی دێهاتەكانی دۆڵی خەلەكان چوون شەڕیان كردووە لە كەركوك، جا بۆ ئەوەی بزانن برادەرانی خۆشەویست دەبێ ئێستا كارێك بكەین كە خەڵك بەهی خۆیمان بزانێ نەك بە چەتە‌و داگیركەرمان بزانێ، دەبێ لەگەڵ خەڵك باش بین، رفتارمان نەرم بێ، دەست ‌و دەم ‌و داوێن پاك بین، ئەوسا كۆمەڵانی خەڵك بە هی خۆیمان دەزانێ، وەڵڵاهی هیچیان لە ئێمە چاو نابێ، ئەو رۆژەی ئەو پەیوەندییە دروست دەكەین، لە بەینی ئاو‌و ماسییەكە، لە بەینی پێشمەرگە ‌و كۆمەڵانی خەڵك، دەبینە هێزێك لە شكاندن نایەین، چی هێزی داگیركەری كوردستان هەبێت، هەموویان دەشكێنین، چییە ئەو هێزە قەڵایەی لە شكاندن نایەت بۆ شۆڕش، جەماوەرە، كۆمەڵانی خەڵكە، كۆمەڵانی خەڵك ئەو قەڵا شۆڕشگێڕییەیە كە لە شكاندن نایەت، كەنگی كۆمەڵانی خەڵكمان هۆشیار كردەوە ‌و رێكمان خست ‌و سازماندا‌و رێبەریمان كرد، سەردەكەوین، ئەو كاتە سەردەكەوین، چ دەوڵەتێك دڕندەیە، چۆكی پێ دادەدەین ‌و سەری دەخەینە زبڵەوە، هەتا ئەوەمان پێ دەكرێ زەحمەتە، شۆڕشەكەشمان زۆر درێژخایەنە، چونكە ئەوەمان پێ نەكراوە، بۆ شۆڕش درێژخایەنە،چونكە دوژمن بەهێزە ‌و ئێمە نەمان توانیووە جەماوەری خۆمان سازدەین ‌و بیخەینە گەڕ، كەی ئەو رۆژەی ئەوەمان كرد، ئەوە جەماوەری خۆمان سازدەدەین ‌و دەیخەینە گەڕ، ئەوە بەراستی پێموایە چەندین نیشانە هەیە.
بۆ یەكەم جار لە كوردستان روو دەدا، مژدەی سەركەوتن دەدەن بە كۆمەڵانی خەڵك، من لە راپۆرتەكەمدا باسی دوو شتم كردووە، پێموایە گرنگە، ئیشەڵڵا كە بڵاومان كردەوە دەبینین بە تەفسیڵی باسم كردووە. یەكێك لەوانە ئەوەیە كە بۆ یەكەم جار لە مێژووی میللەتی كورددا شۆڕشێك لەسەر خاكی كوردستان، پشت ئەستوور بە خۆی دێت لەلایەن كۆمەڵێك خەڵكەوە، رابەریی دەكرێ كە نە دەربەگ ‌و نە شێخ ‌و نە خانەدان ‌و نە فڵان عەشیرەت ئەو چەك ‌و بەگانەی كە خۆمان دانیشتووین، بۆ یەكەمجارە هێزێكی سیاسی سەرپەرشتیی دەكات كە باڵێكی دەڵێ من ماركسیست- لینینیستم، باڵێكی دەڵێ ئەمن سۆسیالیستم، ئەوە تەئسیرەكەی هی ئەوە نییە دوژمن دەتوقێنێ لەڕووی سیاسییەوە، ئەوە دوژمن دەتۆقێنێ لەڕووی تەبەقیشەوە، كوردستان بەو هەموو ئەهمیەتەی كە هەیەتی، ئەهمیەتی ستراتیجی ‌و نەفسی كە كوردستانەكەی لە كیس چوو، ئیمپریالیزم، حكومەتێكی وا نایەت كە بەتەما بێت سازشی لەگەڵدا بكات ‌و رایكێشێتەوە بەلای خۆیدا، هێزێك دێت دەڵێ ئەمن ماركسی لینینیمە، شۆڕشی پڕۆلیتاری دەكەم، یەكێك دەڵێ سۆسیالیزم دادەنێم ‌و دەزانم چی دەكەم، ئەوە خەتەرترە، لە مەسەلەی حوكمی زاتییەكە ‌و مەسەلە سیاسییە روت‌و قوتەكە
لەبەشێكی دیكەی قسەكانیدا وتی: لەپاش هەڵگیرسانی شۆڕشی ئەیلول لە كوردستان لە 1962دا كە ئێمەش لەگەڵیدا بووین، كۆمەڵێك ئاغا دانرابوون كە شەڕیان لەسەر دەكردو گاڵتەیان بە ئەفەندییەكان دەكردو پێیان دەوتن ئەفەندی سەر چەور، بەڵام ئێستا تەماشای سەركردەكانمان بكەن كێن، كێ جڵەویان بەدەستە، كێ سوكانەكە لێ دەخوڕێ، ئەوە موهیمە، موهیم نییە كێ سوار بووە، زۆر كەس سواری قیتار دەبێ، موهیم ئەوەیە كێ لەسەر مەكینەكە دانیشتووە، فارگۆنەكە لێ دەخوڕێ، دەنا با زۆر كەس سوار بێ، ئەوە بەڵگەی قوەتیەتی، كێ سیاسەتەكە دادەنێ، كێ رێباز دانەنێ، كێ شیعار دادەنێ لە حوكمی زاتییەوە بۆ مافی چارەنووس، سەدرە دین یان سوار ئاغا، ئەوە موهیم نییە، ئەوە دەلیلی پان ‌و بەرینی ‌و فراوانی شۆڕشەكەیە، موهیم ئەوەیە كێ رێبازەكە دادەنێ، كێ شیعارەكەی بۆ هەڵدەكا، كێ ئاڵای بەدەستەوەیە، كێ قاتیرەكە لێدەخورێ ئەوە لازمە تێبگەین، ئەوە بارمان قورس دەكات.
لەبەشێكی دیكەی قسەكانیدا ئاماژەی بەدوو راپۆرتی پێچەوانە كرد كە لەدژی یەكێتی دراوە بە ئێران ‌و ئەمریكا، لەراپۆرتێكدا بۆ ئێران نووسراوە: جەلال تاڵەبانی چەك لە عیراق وەردەگرێت ‌و دەیدات بە كوردی ئێران تا شەڕی دژی خومەینی پێ بكەن، لە راپۆرتەكەی دیكەدا دەوترێت یەكێتی سەربە ئیسرائیلەو لەوێ تەدریبیان كردووە‌و ئەمریكییەكەش دەڵێت: ئەوە رێی تێناچێت، جەلال تاڵەبانی لە دژی عیراق شەڕبكات ‌و هاوكات چەكیشی لێ وەربگرێت، تەنها مەبەست لە راپۆرتەكە هاندانی ئێرانە‌و دەیەوێت پێیان بڵێت كە هاوكاریی كوردی ئێران دەكات.
تەوەرێكی دیكەی وتەكانی هەڤاڵ مام جەلال لەسەر ئەوە بوو كە دەڵێت: ئێمە ئەو قڕەقڕە دەكەین، ئێمە لەسەر ئەرزی خۆمان دەیكەین، دەمانەوێـت شەڕی عیراق- ئێران ببرێتەوە چ وڵاتێك قڕە‌و شەڕ‌و شۆڕشی تێدایە، بەغدا یان بەسرا، یان كەركوك ‌و سلێمانی ‌و هەولێر، ئێران ئەسفەهان تێدایەتی یان شیراز یان تاران، نەخێر كوردستان، توركیاش هەروەتر، نیوەی گیراوەكان كوردن (20-30) هەزار لە زیندانەكانی توركە، دەیانی تورك حوكم بە ئیعدام دراوە، سەدان كورد حوكم بە ئیعدام دراوە لە توركیا، دەیان تورك سەدان كورد دەنا تورك 3 بە قەدەر كوردە، زاهیرەیەكی تەبیعیە لە تەئریخی رۆژهەڵاتی ناوەڕاستدا لە كوردستانەكەی ئێمە هەڵساوە‌و جووڵانەوە تێیدا هەڵچووە‌و خەتەریش بەراستی لەسەر بڕبڕەی پشتی رۆژهەڵاتە، كوردستان رزگار بێ بڕبڕەی پشتی رۆژهەڵات رزگار دەبێ، پشتی سەرمایەداریی جیهانی دەشكێنێ، پشتی دەوڵەتە ئیستعمارییەكان دەشكێ، ئێران ‌و توركیا‌و عیراق ‌و سوریا هەمووی هەڵدەتەكێ، سەرلەنوێ خەریتە‌و موهەندیس ‌و مەساح ئەو فڵان لوتكە‌و… گاڵتە نییە، شتێكی زۆر گەورەیە، لەبەرئەوە حەتمەن دوژمنەكانمان زۆر دڕندانە دژمانن، هەموو هێز‌و توانایان بەكاردێنن، حكومەتی عیراق هەر لەیەك موستەوا شەڕمان ناكات، لەهەموو موستەوایەك شەڕمان دەكا، هەرئەوەی لەناو خۆمان جاسوس دروست بكات، هەتا سەر گروپی جیاجیامان بەسەرەوە بكاتە جاسووس، هەتاسەر ئەوەی وەكو لە تەقریرەكە پیشانمدان كە ئێمە وەكو حزبەكان بكات بەگژ یەكدا، لەولاشەوە لە شارەكان ‌و بگرە لەشاخیش حزبی كارتۆنیمان بۆ دروست بكا، یان حوكمی زاتییەكی كارتۆنی قوت بكاتەوە بۆ خەڵك هەڵخەڵەتاندن و ئینتیخابات بكات‌و بڵێ ئەوە نییە دیموكراتی هەیە كوردەكان بە ئارەزووی خۆیان خەڵك هەڵدەبژێرن. یان دەڵێا كوردەكان دوو هەقیان هەیە، حەقی كورد بوون ‌و حەقی عیراقی بوون، هەم مەجلیسی تەشریعی هەڵدەبژێرێ ‌و هەم ئەوەی كەی (مەبەست بەغدایە) باشە جارێ ئێستا ئێمە حازر بن، یەك هەقمان هەبێ با ئەو دوو هەقەمان نەبێ، هەقی تەقریری مەسیری خۆمان بدەرێ دوو حەقەكە بۆ ئەو. باشە یا حكومەتەكە ئێمە بین، ئێمە ئەو دوو هەقە دەدەینە ئەوان با حكومەتەكە كوردی بێت، ئێمە كار بەدەست بین، حوكمی زاتیشیان دەدەینێ ‌و لە مەركەزیش بەشدارییان پێ دەكەین، جا ئێستا ئەو مەسەلەیەمان تەواو كرد دێینە سەر مەسەلەی گفتوگۆ.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

سه‌ركرده‌ نوێیه‌كانی‌ عیراق ته‌كنۆكراتن

بێن هۆبارد ‌و فالح حه‌سه‌ن و: كورده‌وان محه‌مه‌د سه‌عید دۆخی‌ ...