سەرەکی » ئاراستە » مەسەلەی گفتوگۆ

مەسەلەی گفتوگۆ

ئەمەی لەم دوو توێیەدا بە چەند زنجیرەیەک بڵاودەکرێتەوە، پوختەیەکە لە دەقی چەند محازەرەیەکی سەرۆک مام جەلال کە لە ناوەڕاستی هەشتاکانی سەدەی رابردوودا کە پێشکەشی پێشمەرگەو کادرانی یەکێتیی کردووەو بەشی یەکەمی پەیوەستە بە جیاوازیی ئینقیلاب و شۆڕشی ئاوێتە بە خەباتی جەماوەریی و رۆڵی هاندانی خەڵک و بەشدارییان لە هەرچی زیاتر گەشەسەندن و پەرەپێدانی شۆڕش.
بەشی دووەم

بەرایی
ئەوەی لەبەردەستدایە‌و وەك زنجیرە نووسینێك لە رۆژنامەی كوردستانی نوێی ئازیز بڵاودەبێتەوە، بریتییە لە زنجیرەیەك كۆبوونەوەی بەڕێز مام جەلال كە لەساڵی 1984 لە گوندی خەتێی دۆڵی خۆشناوەتی ئەنجامدراوە، دیارە بەشی زۆری ئەو زنجیرە كۆبوونەوانە لە چوار كاسێتدا تۆمار كراوە، ئەمەش بۆ ئەوەی پەیامی ئەوكاتەی بەڕێز مام جەلال ‌و سەكردایەتی یەكێتیی نیشتمانیی كوردستان بگاتە رێكخستنەكانی ناو شار.
ئەو چوار كاسێتە كە لەرێگەی رێكخستنەكانی یەكێتیی شۆڕشگێڕانی كوردستانەوە گەیشتە ناو شاری هەولێر، ئەم دەست ‌و ئەو دەستی كردووە بەسەر ئەندامانی شانەكانی رێكخستن لەو شارەدا. بەم شێوەیە پارێزراوە، رەنگە ئەو چوار كاسێتە لە شوێنی دیكەش هەبن یان نەمابێ، ئەوەی گرنگە ئەوەیە وەك بەشێك لە ئەدەبیاتی مام جەلال بڵاودەكرێنەوە‌و دەبێتە كەرەستەیەكی باش بۆ تێگەیشتن لە هەڵوێست ‌و بۆچوونەكانی بەڕێز مام جەلال سەبارەت بەو قۆناغەی بزووتنەوەی كوردایەتی لە شۆڕشی رزگاریی نیشتمانیی كوردستاندا.

هاورێ رەنج

جارێ دەمەوێ دوو سێ مەسەلەی غەڵەت راست كەمەوە، یەكێكیان هەندێ برادەر واتێدەگەن رووخاندنی حوكم ستراتیژی ئێمەیە، رووخاندنی حوكم ستراتیجی ئێمە نییە، ئەسڵەن ستراتیج گەورەترە لە هەدەف، ستراتیج هەدەف ‌و شتی دیكەش دەگرێتەوە، بەڵام مەبەستم ئەوەیە ئامانجی ستراتیجییە یان ئامانجی ستراتیجی نییە، ئێمە رووخاندنی حوكم بەرنامەی ئێمەیە بۆ گەیشتن بە ئامانجمان، واتە بگەینە ئەو ئامانجەی كە دەمانەوێ، حوكمی ئیئتیلافی دیموكرات كە سەربەخۆیی بۆ عیراق ‌و دیموكراسی بۆ عیراق ‌و مافی چارەنووس بۆ نەتەوەی كورد دابین دەكات، دەبێ حكومەت بڕووخێنین، كەواتە رێگەی رووخاندنی حكومەت هەنگاوە، هەنگاوێكی گەورەی سەرەكییە، لەو رێیەماندا دەچین بۆ ئامانجەكانمان. ئامانجی ستراتیجیمان داهێنانی حوكمی ئیئتیلافی دیموكراتییە بە هێنانی دیموكراتی بۆ عیراق ‌و سەربەخۆیی مافی چارەنووسیشە بۆ نەتەوەی كورد. بەڵام بۆ ئەوە ئەوەمان پێویستە ئەو حكومەتە بڕووخێنین ‌و بەرەو ئەوە بچین، ئەوە لەلایەك، لەلایەكی ترەوە هەندێ لە برادەران گریمانەی مەحاڵ دەكەن، ئەگەر عیراق هەموو مافی ئێمەی دا، باشە ئەگەر هەموو مافی ئێمەی دا دەمانەوێ، حەقی ئێمە هەقی تەقریری مەسیرە، سبەینێ عیراق وتی باشە ئەوا هەقی تەقریری مەسیرم دانێ، بەڵێ بەسەرچاوان وەری دەگرین ‌و جمهورییەتی دیموكراتی كوردستانی خۆشمان دادەنێین بەسەر چاوان، بەڵام ئەوە گریمانەیەكی مەحاڵە سەدام حسێن واز لە نەوتی كەركوك بهێنێ دەڕوخێ، نەوتی كەركوك ئاخیر سەرچاوەی ژیانیەتی، چۆن هەقی ئێمە دەدا، بەعزە گریمانەیەكی مەحاڵ دێنین، حكومەتێك هات گوتی هەموو هەقی ئێوە دەدەم، ئەو هەقەی ئێمە داوای دەكەین ئەمڕۆ چییە، مافی چارەنووسە، مافی چارەنووسمان دەداتێ وەی بەسەر ئەو چاوانەم، شەعبی جەزائیر مافی چارەنووسی خۆی دوانەخست هەتا ئیشتراكیەت لە پاریس دێتە سەر حوكم، تا ئێمەش دوای خەین، ڤێتنامیش نەیگوت با ئەمریكا ببێتە سۆسیالیست ئینجا من حكومەتم دەوێ، ئەگەر ئێستا هەقی تەقریری مەسیرمان دەدەنێ، وەڵڵا بەسەر ئەو چاوەم ئەو وەختە ئێمە دەبینە دەوڵەتێكی دیموكراتیكی پێشكەوتووخواز، ئازادیخوازیانی عەرەب لەجیاتی ئەوەی لە لوبنان ‌و سوریا دەربەدەر بن، با بێن لێرە ئێمە یارمەتییان دەدەین، پارەشیان دەدەینێ ‌و میزانیەشیان بۆ دادەنێین، رۆژی بەرمیلە نەوتێك بۆ خۆیان بفرۆشن، بەشی خەباتەكەیان دەكات، بەڵام حكومەت ئەوە ناكا، چۆن ئەوە دەكا، ئێمە دەبێ موقابیلەكەمان بناسین ‌و هەر شتێك بخەینە ناو چوارچێوەی زەمان ‌و مەكانی خۆیەوە، بە موجەڕد قسە نەكەین، شت بە تەجرید بە عام بیپچرێنین لە واقیعەكان، جوابەكەی زۆر ئاسانە، زەحمەت ئەوەیە شتەكە بخەینە ناو چوارچێوەی هەلومەرجەكانی زەمان ‌و مەكانی خۆیەوە‌و ئەو قۆناغە تایبەتەی خەباتمان تێدا كردووە.
دەبێ بزانین یەكەم بۆ گفتوگۆ دەكات لەگەڵماندا، ئایا حكومەت بۆ ئەوە گفتوگۆ دەكات هەقمان بداتێ؟ یان بۆ ئەوە گفتوگۆ دەكا نیازی خراپی هەیە؟ هەرچی سەردەهێنی ‌و دەبەی، تەماشای تەبیعەتی ئەو حكومەتە دەكەی، تەماشای عەقڵییەتی ئەو حاكمانە دەكەین، تەماشای وەزعی تەبەقی ‌و سیاسی ‌و فیكری ئەوان دەكەین، ئەوانە هیچ ئەوەیان لەباردا نییە كە حەقی ئێمە بدەن، تەنانەت حوكمی زاتییەكی راستەقینەشمان نادەنێ، كەواتە مفاوەزات بۆ ئەوە ناكەن كە حەقمان بدەنێ، ئەی بۆچی دەیكا؟
پێیناوێ ئەوەندە مێشكی خۆمان بەوە مەشغوڵ بكەین، ئەوە كیتابی رەسمی خۆیانە لێمان گرتوون ‌و بڵاومانكردۆتەوە، قسەی دڵی خۆی لەوێدا كردووە، دەڵێ بۆیە مفاوەزاتیان لەگەڵ دەكەین، ناویان بزڕێنین، دیعایە بكەن لەناو خەڵكدا بڵێن یەكێتیی نیشتمانیی كوردستان عیلاقەی هەیە لەگەڵ حكومەت، مفاوەزات دەكا، لە جەبهە دێتەدەرێ، وازی لە شیعاری رووخاندنی حكومەت هێناوە، بۆ ئەوەیە بمانشكێنێ. ئەوە خۆی وتویەتی.
بۆنموونە فڵان نیازی چییە؟ سەد تەخمین دەكەی، كە خۆی نیازی دڵی خۆی گوتبوو لە جێگەیەك دەستمان كەوت، ئیتر پێی ناوێ ئێمە خەیاڵ پڵاو بكەین، كاكە خۆی دەڵێ یەكێتی نیشتمانی كوردستان دوژمنی سەرەكیمە، خەتەری گەورەیە، بیشكێنم ریسوای بكەم، كەواتە گفتوگۆ بۆ ئەوە ناكا، بۆ ریسواكردنمان دەیكا.
دەی باشە خۆمان ریسوا بكەین؟ لەلایەكی ترەوە نیەتی وانییە، هێشتا تەرازوی هێزەكانیش وا بەلای ئێمەدا داینەشكاندووە چۆك بە دوژمن بدەین ‌و حەقەكەمانی لێ بسەنین، ئەوەش وامان لێ نەهاتووە ئەوەندە بەهێز بین بڵێین ئەگەر سەدام حسێن حەقەكەمان نەداتێ، بۆئەوەی ئەو نەڕوخێ، چۆك دایداو بڵێ ئەو حەقەكەتە. كە حەقەكەشمان درایە، كێ هەیە حەقی نەوێ، بەڵام هێشتا وای لێ نەهاتووە كە حەقی خۆمانی لێ بسەنین، تەرازوی هێزی خۆمان دەزانین، هێزی دوژمنیش دەزانین، كەواتە خۆی نایەوێ بمانداتێ، بەپێی تەبیعەتی تەبەقاتی خۆی.
دووەم: تەرازوی هێزەكان وای لێ نەهاتووە كە وای لێبكا‌و ناچاری بكات.
سێیەم: هەندێك جار هەیە خەڵك دەڵێ باشە بابە تەرازوی هێزەكان نییە، بەڵام زروفی مەوزوعی ‌و دەولی ‌و شتی وا، زۆر جار وای لێهاتووە، مەسەلەن زروفێكی مەوزوعی هاتووە، بۆتە سەبەبی تەقسیمی فەلەستین، بۆتە سەبەبی ئەوەی سوریا ‌و لوبنان سەربەخۆیی وەربگرن، بۆتە سەبەبی ئەوەی دەوڵەتی عیراق دابمەزرێ، بۆتە سەبەبی ئەوەی كوردستان دابەش بكرێ، ڤوڵتەی عولیا ‌و ڤوڵتەی سوفلا ‌و موریشیوس ‌و جیبۆتی دروست بێت، ئەوەش نەهاتۆتە كایەوە لە عیراق.
چوارەم: شەڕی عیراق ئێران هێشتا وای لە سەدام نەكردووە ئەوەندە ناچاری كورد بێ ملكەچ بكا بۆ ئەوەی بڵێ كاكە وەرە پێكەوە شەڕی ئەوە بكەین، ئەوەش هەموو حەقەكانی خۆتە.
كەواتە نە زروفی زاتی ‌و مەوزوعی، نە تەرازوی هێزەكان، نە تەبیعەتی حوكمەكە، نە زروفی دەولی گۆڕینێكی ئەوتۆی تێدا بووە كە ئەو رژێمە وا لێبكات هەقی كورد بدا.
بە خۆتان دەزانن سیاسەت بۆ تەعلیم ‌و حیساباتی دەقیق وەكو ریازیات وایە دەتوانین ئەدای بكەین، لەسیاسەتداو نەتیجەكانیشی روون ‌و ساغ ‌و پاگژكراو بدەینە دەست كۆمەڵانی خەڵك، ئەوە لە ناحیەی حەق دان ‌و وەرگرتن، ئەو شتانە، دیتە سەر نەتیجەی ئەوەی كە ئێمە پێكهاتن ‌و پشوودان، هودنە، ئەوە بۆ پێكهاتن گوتمان هیچ رووناكییەك نیە، دەمێنێتەوە بۆ پشوودان، زۆرجار هودنە دەكرێ بۆ پشوودان.
شۆڕشەكەی پێشوو پێنج شەش جار هودنەی كرد بۆ پشوودان لە 63 كرا، لە 64 كرا، لە 66 كرا، لە 70 كرا.
ئەمجارە یەكەمجارە لە تەئریخی كورددا حەوت ساڵە عەربانەكەی رادەكێشین بەبێ ئەوەی پشوویەك بدەین، دیارە پشوودان باشەو بەكەڵكیشە، بەڵام لێرەدا یەك پرسیار هەیە یاخود پێش ئەوەی ئەو پرسیارە بكەین، یەك قانون هەیە، ئەو قانونە بووە بە عیلم، ئەو قانونە عیلمییەمان لەبیربێ لە شۆڕشدا، ئەویش قانونەكە دەڵێ: «شۆڕش خۆی خەباتێكی جەماهیریی سیاسیی شۆڕشگێرانەیە بە چەك»، ئینجا قانونەكە دەڵێ چی؟ «هەر هەنگاوێك هەر كارێك، هەر هەڵوێستێك ئەو خەباتە جەماهیرییە سیاسییە شۆڕشگێرانەیە بەهێز بكات‌و گەشەی پێ بدا راست‌و رەوایە، هەر هەنگاوێك هەر كارێك هەر هەڵوێستێك ئەو خەباتە سیاسییە جەماهیریە شۆڕشگێرانەیە كز‌و لاواز بكات ناڕاست ‌و خراپ‌و غەڵەتە»، بەپێی ئەو قانونە هەموو شتەكان هەڵدەسەنگێنین، ئەوە تەرازوی خۆمان پێیە، ئەوەش سەنگی مەحەكمان پێیە، ئایا فڵانە هودنە دەبێتە سەبەبی ئەوەی كە ئێمە پێی لاواز ببین یان پێی بەهێز ببین؟ واتە خەباتی جەماهیریمان، هەڵچوون ‌و نفوزی جەماهیریی ورەی كۆمەڵانی خەڵكی كوردستان، دەبێتە هۆی بەهێزبوون ‌و هەڵچوونی دەیكە با پێكهاتنیشی لەدوا نەبێ، با هەق وەرگرتنیش لە ئەنجامدا نەبێ، نەخێر بەپێچەوانەوە دەبێتە هۆی كزبوون، دوو دڵیی جەماوەر ‌و ساردبوونەوەی پێشمەرگە. شكانی سومعەی هێزە پێشڕەوەكە.


جار هەیە بۆ نموونە لە كوردستانی ئێران، ئێمە بەو شێوەیە موناقەشەمان لەگەڵ برادەرانی دیموكرات كرد كە وەختی خۆی من بووم بە ناوبژیكار لە نێوانیاندا، فرۆهەر‌و سەباغیان هاتن، پێمان وابوو ئەوێ رۆژێ هودنەكە دەبێتە سەبەبی هەڵچوونەوەی جووڵانەوەی خەڵكی كوردستان ‌و شارەكان ‌و فیعلەن كردیان، ئەنجامەكەی باش بوو، لە 1963دا بووە سەبەبی یەك هەڵچوونی گەورەی جەماهیری، ئەگەر لەبیرتان بێت لە 1970 بووە یەك جۆش ‌و خرۆشی گەورەی جەماهیری، ئەوە فیعلەن شتێكی باشە، بەڵام ئەگەر هاتوو نەخێر بووە سەبەبی كینەكردنی دڵی كۆمەڵانی خەڵك لە رێبەرەكەی ‌و ساردكردنەوەی پێشمەرگە، یان درێژكردنەوەی عومری دەوڵەتە داگیركەر ‌و زۆردارەكە، ئەوە چی لێ دەكەی؟ ئەوە خراپە، ئەوە زەرەرە، ئەوە عەمەلی نییە، ئێمە بەو پێەو بەو پێوەرە‌و سەنگی مەحەكە شتەكان هەڵدەسەنگێنین. ئێمە هیچ نەبووین، هاتینە مەیدانێ، ئیعترافێك بوو بە ژیاندنەوەی شۆڕشی كورد ‌و بە ژیاندنەوەی هێزێكی سیاسیی كوردی، فیعلەن تەئسیرێكی جەماهیریی گەورەی دەكرد، لەبەرئەوە ئەو دەیگوت نە ئێستا بۆ ئێمە خراپە، دەگێڕنەوە دەڵێن لە زەمانی ئینگلیز پاش ئەوەی كە شێخ مەحمودیان لابرد، ئینگلیزەكان دەیانویست یەكێكی دیكە بێنن بیكەنە حوكمداری كوردستان، دەچن خانەدانێكی لێقەوماو كە باش كاتب بووە، یەخەی دەگرن، دەڵێن وەرە كاكە ببە بەوە، بێگومان پێشتر چوونە لای سەید ئەحمەدی خانەقا ‌و چوونە لای زۆر كەسی كوردی ناودار، گوتیان نایكەین، حەمدی بەگی بابان ‌و ئەوانە گوتیان نایكەین، چوونەتە لای ئەو كابرایەش كە خانەدان بووە، باش كاتبی مەحكەمە بووە، گوتویەتی سبەینێ جوابتان دەدەمەوە، بیكەنە حوكمداری كوردستان گوتوویەتی: وەڵڵا نایكەم، وتوویانە بۆ؟ وتی وەڵڵا موستەقبەلی خۆم نافەوتێنم، باش كاتبیەكەم باشترە لەوەی ببمە حوكمدار ‌و مەلیكی كوردستان، موستەقبەلی خۆم ‌و ماڵ ‌و منداڵم نافەوتێنم.
ئێمەش ئێستا فیعلەن موستەقبەلی خۆمان نافەوتێنین، باباش كاتب بین ‌و لە دێی خەتێ دانیشتبین، بەڵام موستەقبەلی خۆمان نافەوتێنین، ئەوەش عەینی شتە لە سیاسەتدا، موستەقبەلێكی زۆر گەش ‌و رووناكمان هەیە، ئەوە دەبینین بەو حاڵەتەوە داوای موقاتەعەی ئینتیخابات دەكەین، حكومەت دژیەتی، كۆنەپەرستان دژین، قیادەی موەقەتە دژیەتی، بە غەیر موباشیر بەرەی جود دژیەتی، چونكە هەتاكو ئێستا بەیانێكی دەرنەكردووە بۆ موقاتەعە، ئەوە خەڵك 90% بۆ 95% دژیەتی، 85% بە قسەمان دەكا، چ هێزێكی سیاسی وابووە ئەوەندەی جەماوەری لەدەور بێ، رەئیس جەمهوری ئەمریكا بە 42%ی دەنگی ئەمریكا هاتووەو بۆتە بەرەئیس جەمهور، میتران بە 59.5% بۆتە رەئیس جەمهوری فەرەنسا، با 80%مان هێنابێ، 90%مان هێنابێ، بۆ ئێمە ئەوە بدۆڕێنین، وەكو كابرای باش كاتب بۆ ئێمە موستەقبەلی خۆمان بەوە بدۆڕێنین وەك دەڵێن بە حوكمرانییەكی موەقەت. بەڵێ راستە بەعزێ جار برادەران وا تێدەگەن كە ئێمە فیعلەن سەركردایەتیی ئێمە جەماعەتێكی موغامیرین و بە هیچ رازی نەبووین، نازانم دەچین بەگژ عەرز‌و ئاسمان، چییە شێت بوونە، ئێمە شێت نەبووینە كاكە، ئەوە حیساباتە.
وەكو بۆم گێڕانەوە كە شۆڕش هەڵگیرسایەوە، خەڵك وایزانی ئێمە شێت بووینە، هاتووین بەگژ حكومەتەكی زرت ‌و زەلامی بەقوەت كە چل ‌و دوو ملیار دۆلار ساڵانەیەتی، جەیشێكی بەقوەتی هەیە، هەموو كوردستانی لەبەردەستە، حكومەتەكە هەموو دنیا دەیناسی، معامەلەی لەگەڵ ئیتحادی سۆڤێتی هەیە، وەزیری شیوعی هەیە، بە دەوڵەتێكی دیموكراتی تەقەدمی‌و نازانم چی ناسراوە، قائیدی جەبهەو رەمزیی عەرەبییە، شێتن ئەو جەماعەتە بەگژ ئەو دێوەزمەیەدا دێن، ئەوە وا نەبووە، ئەو رووكەشی مەسەلەكە بووە، ناوەڕۆكی تەماشا كەن چییە، دوایی هاتین مەسەلەن لەگەڵ شا، ئێمە كە لێرە بووین ئەوەڵجار كە هاتبووینەوە زۆر باشم لەبیرە، بەتایبەتی شەهید سەعدی گچكە بەرەحمەت بێ وتی: مامە كو شەڕی دوولامان پێ دەكرێ؟ ئاخیر خوا سەلامەتت كا؟ بە منی دەگوت ئەتوو هاتی تووشی بەرامان دەكەی؟ لەولا ئێران لەولا عێراق ئەمە كو شەڕی دوولامان پێ دەكرێ؟ ئێمە مەخفەرێكمان پێ ناگیرێ، ئەو وای تەماشا دەكرد بە چەك چەند ژمارەی چەك هەیە، نەیدەزانی ئێمە تەیارێكی تەئریخی قیادە دەكەین ‌و حەدێكی تەئریخی حیسابە ‌و بەتەماینە قەوانینی تەتەوری ئیجتیماعی لە پشتمانە‌و هەندێك هێزی نەدیومان هەیە، مەسەلەن بەعزە كەس دەڵێن چل سوارەی غەیبی هەیە، ئێمەش چل سوارەی غەیبی خۆمان هەیە، قانونەكانی گەشەكردنی كۆمەڵایەتی لەگەڵ ئێمەنە، ئەوە چل سوارەی غەیبینە، حەق بە ئێمەیە، حەق خۆی چل سوارەی غەیبە، ئێمەش مەهدی مونتەزەرمان هەیە خۆ هەر ئیمام خومەینی ‌و ئەوانە نیانە، ئەوانە هێزی نەدیون، بەڵام هێزی كاریگەرن لە موجتەمەعدا، كێ لەگەڵ تەیاری گەشەكردنی كۆمەڵایەتی دەڕوا، ئێمە یان رژێم؟ ئێمە، چونكە ئەو لەنەتیجەدا دژی وەستاوە، ئەو لافاوی گەورەی تەئریخە، هێزەكی گەورەی نەدیووە لە بنەوە وەكو بومەلەرزە شت هەڵدەتەكێنێ، ئەو رۆژەی كە دەتەقێتەوە تەفروتونای دەكەین، ئێمە سواری مەوجەكە دەبین ‌و كەشتییەكەی خۆمان لێ دەخوڕین، ئاشی نەزان خوا دەیگێرێ، ئاشی ئێمە ئەو مەوجەیە دەیگێرێ، ئاشی راستییەكان ئەوانەی لەگەڵ تەیاری تەتەوری تەئریخی دەڕۆن، ئاشی ئەوانیش خوا دەیگێرێ، ئاشەكەی ئێمەش تەئریخ دەیگێرێ، لەبەرئەوە، ئێمە ئەو هێزە نەدیوانە حساب دەكەین كە دێین بەگژ حكومەتدا، ئەگەرنا خۆ قابیلە ئێمە شێت بین؟ رەنگە ئێمە بڵێین بە حكومەت ناوێرین ناوەڵڵا، رەنگە لەگەڵ سەدام بە شەخسیش زۆرانی بكەین ئەو ئەمن لە عەرز دەدا، مەسەلەكە خۆ ئەوە نییە، بەڵام ئێمە حسابی قەوانینی تەتەور هەیە‌و لە حەقی خۆی بێ بەشە، ئەوە بەو حسابە حساب دەكەین، كە لە ئەنجامدا ئەوە سەردەكەوێ ‌و ئەوەیتر ژێر دەكەوێ، وای لێكدەدەینەوە، ئەگەر لێكدانەوەكانمان راست بوو، قسەكانمان سەردەكەوێ، ئەگەر لێكدانەوەكەمان غەڵەت بوو، ئێمە دەشكێین، تاكو ئێستا وەكو پشدەر دەڵێ چاكمان لە ژیڵڵا هێناوە، كێ باشی لە ژیڵڵا هێناوە؟ ئێمە چاكمان لە ژیڵڵا هێناوە، ئەو هەموو هێزەمان پەیداكردووە، ئەو هەموو شەهیدەشمان داوە، كەچی ئەوە رۆژ بەرۆژ گەشە دەكەین، چونكە سیاسەتەكەمان راستە، چونكە موقیفەكەمان سەربەخۆیە، لەگەڵ كۆمەڵانی خەڵك دەڕواو بەرەوپێش دەچین.
ئێ باشە دەوڵەت هەر لەبەر ئەوەشە دەیەوێ تووشی ئەو غەڵەتەمان بكات، جارێك هاتن بۆلامان بۆم گێڕانەوە دوو سێ جار هاتن، جارێكیان شێخ مەحمودی كارێزەیان ناردبوو پێیان بڵێ چیان دەوێ؟ ئەوەبوو بۆم گێڕانەوە، وتم بڕۆ پێیان بڵێ ئەوانە شێتن هیچیان ناوێ، هەر كەوتوونەتە ئەو شاخ ‌و داخە ‌و شێتن لێیان قەوماوە، جارێكی كەیان هاتنەوە، ناو و رێگای سیاسی ‌و نازانم چی ‌و، وتمان دەی باشە كاكە ئێوە چ دەدەن ئێمە مەعلومە چیمان دەوێ، رادیۆمان هەیە، بەرنامەمان هەیە، شیعارمان هەیە، وەختی خۆی موزەكەرەمان هەیە، شەهید عەلی عەسكەری بردوویەتی بۆ حكومەت، هەمووی مەوجودە لە كنی، ئێمە مەعلومە چیمان دەوێ، هەموو جارێ دەیڵێتەوە، باشە ئەو جارەش دەیڵێنەوە، دەمانەوێ كوردستان وەك خۆی بمێنێتەوە، مەندەلی ‌و بەدرە ‌و جەسان ‌و زەرباتییە‌و خانەقین ‌و وەرەوە لیوای كەركوكی قەدیم ‌و ئینجا بە دیجلەدا وەرە هەتا لای موسڵ ‌و ئینجا بڕۆرەوە بۆ لای سلیڤانی ‌و تەلەعفەر ‌و شێخان ‌و ئینجا سەرت نایەشێنم عەین زالە‌و سنجار ئەوە كوردستانە، ئێوەش بڵێن ئەوە كوردستانە یەك، دوو حوكمی زاتییەكی راستەقینە بدرێ بەو خەڵكە، دێهات بچێتەوە جێی خۆی، تەعریب نەمێنێ، تەبعیس نەمێنێ، مونەزەمەیەكی فاشیستی تۆ نەبێتە خوا لە شار‌و دێهاتەكانی كوردستان، خەڵكی كوردستان خۆیان حوكمی خۆیان بكەن، دیموكراتیش هەبێ لە عیراق، ئێمە ئەوەمان دەوێ، تۆ كاكە هیچیان نادەی، ئێ ئێمەش حازر نین لە هیچیان تەنازول بكەین، لەبەرئەوە چی مفاوەزات بكەین، لەسەر چی بیكەین، كەنگێ ئەتو رەئیت گۆڕی یان ئێمە رەئیمان گۆڕی، ئەو وەختە دەتوانین مفاوەزە بكەین، ئاخر لەسەر چی مفاوەزە بكەین، هەر خوامان یەكە، هیچی دیكەمان یەك نییە، ئەویش ئەوەیە ئەتو پێی دەڵێی رەب ‌و ئەمن پێی دەڵێم خوا، ئەویش ئەوەیە ناوی جیاوازە لە كن هەردووكمان، ئێ كاكە وەرە ئەتو و چیت گۆڕیوە هیچ، ئەی ئێمە چیمان گۆڕیوە هیچ، كەواتە ناگەینەیەك، مفاوەزەی چی؟ جار هەیە بێگومان ئێمە پێویستە بزانین هەموو حزب ‌و گروپ ‌و حكومەت ‌و شۆڕشێك مفاوەزات دەكا، چونكە مەسەلەن ئەتو دەچی بەسەر شاخ دەكەوی، ئەوها راست قیت ناڕۆی، دەچی بۆ دێیەك قیت ناڕۆی، گردەكە لێی بادەدەیتەوە؟ دێیەوە گویلكە‌و نوێ دەبیەوە‌و هەڵدەكشێیتەوە‌و سەردەكەوی ‌و دەڕۆی، ئەوە رێگای ژیانیش ئەوهایە، یانی رێگای دەشت ‌و دێهاتی كوردستانیش ئەوهایە، رێگای ژیانیش لە كوردستان ئەوهایە، یەك خەتی موستەقیم نییە، لەبەرئەوە جارێ مناوەرەكە ئێمە دەیكەین، بەڵام نابێ مناوەرەكەش ئەوەی ئێمە دەیكەین ببێتە ئەنجامی سیاسەتی خۆتڕێن، بەڵكو دەبێ خزمەتمان بكات، بۆئەوەی ریزەكانی خۆمان بپارێزین.
ئێمە پێمان وا بوو تەسلیم بوونەوە هەبوو، خۆتان دەتانەوێت بە چ شێوەیەك بوو، ئەوێ رۆژێ (پاش عافواتەكەی) مقۆمقۆی مفاوەزات، نەختێ باش بوو بۆ راگرتنی مەعنەویات ‌و بۆ راگرتنی خەڵك ‌و بۆ ترساندنی ئێرانیش لەولا، هەبوو ترساندنی بەعزە جیهاتی تریش هەبوو، كاكە وەڵڵا ئەگەر ئێوە وا بڕۆن، تۆ خۆت مەسەلەن لە تاران بووی، یەكێك لەوانە ئێرانمان پێ دەترساند، ئەگەر زۆرمان زەخت لێ بكەن ‌و ناچارمان بكەن نازانم چی، فیعلەن ئێرانیش ترسابوو، جەنابیشت لەوێ بووی، لەبیرم چووە ریش سپیەكە ئەتوو بووی، بەڵام ئەوە قۆناغێكی موعەیەن بوو تێپەڕی ‌و خەڵاس، وەكو ئەوەیە مەسەلەن ئینسانێك لە زستاندا قاپوت ‌و بلوز ‌و گۆرەوی ‌و دەستكێش ‌و هەموو لەبەركەی، كە هاوین داهات ئەوە بكەی دەپڕۆكێی، ئەوە زستان لەبەر دەكرێ كە سەرمایە، كە هاوین داهات دەبێ رانك ‌و چۆغە، كراسێك، دەنا دەپڕوكێی، مەجبوری وای لێبكەی، دەی باشە كاكە ئێستا عەبایەكی گەورەی یەك فەروەی گەورەی عەرەبی یان یەك قاتی گەرم لە كۆڵی مامۆستا ئەحمەد بكەین، ئارەقە دەكاتەوە، بۆیە دەبێ هەر شتە بە وەختی خۆی، بەڵام دەبێ ئەوەش لە سنووری خۆی تێنەپەڕێ، جاری وا هەیە حكومەت وەفد بۆ ئێمە دەنێرێ، نموونەیەكتان بۆ بهێنمەوە، هەتا وەڵامدانەوەكان وەختی هەیە، جۆری رەتكردنەوەكەش بەپێی زەمان دەگۆڕێ، ئێمە كە سوپا پەیوەندیمان پێوە دەكات، جۆرێك جوابی دەدەینەوە، كە مەدەنی پەیوەندیمان پێوە دەكات، بە جۆرێكی دیكە جوابی دەدەینەوە، چونكە دەمانەوێ تەئسیر بكەینە سەر جەیشەكە خۆی، هەردووكی رەفزە، رەفزەكەی لای جەیش، بە نەوعەك دەڵێی عیلمە لە ناحیەی لێكدانەوە‌و هەڵسەنگاندن ‌و نەخشەدانان ‌و هونەرە لە جێبەجێكردن لە تەتبیق و لە مومارەسەدا، سیاسەت عیلم ‌و فەنە، سیاسەت هەر ئەوە نییە خۆ ملی لێنێی، سیاسەت بۆتە عیلم، عیلمە دەبێ باش ئەو عیلمە بزانی تا سیاسەتەكەت پێ بەڕێوەبچێ، باش ئەو فەنەش بزانی، هەتا تەتبیقی كەی، فەنەكەی حساباتی خۆی هەیە، نەوعی قسەكان دەگۆڕێ لەگەڵ عەسكەرییەكەی، ئێمە دەمانەوێ وای تێبگەیەنین دژی جەیشە عیراقییەكە نین، جەیشی عیراقی ئەگەر دیفاع لە وەتەن بكا ئێمە دژی نابین، لەپشتەوە حەنجەری لێنادەین، بەڵام ناڵێین لە جاش ‌و پۆلیس نادەین، خۆ دەشزانین جەیشی عیراقی چی بەدەست نییە قەرار بدا، هەتا بڵێ باشە هودنەتان لەگەڵ دەكەم قەیناكە، جەیشی عیراقی چی بەدەستە؟ قسە بكا سەدام سەریان دەبا، بەڵام دەمانەوێ هیچ نەبێ دڵی كرمێ بكەین لە حوكمەكەی، كەم‌و زۆر باش كەین لە بەرامبەر بە خۆمان، حساباتی خۆمان دەكەین، ئەوە شتێكی راستە، كابرایەكی تر دێت نەوعەكی كەی جواب دەدەینەوە، كوردێك بێ، دەڵین كاكە ئەتوو خۆت ساحێبی قەزیەكەی، بڵێ ئەتو خۆت بڕۆ بزانە كورد رازییە كە خەڵكی سلێمانی ‌و هەولێر ‌و كەركوك ‌و بادینان رازی بكە، ئێمە ئەسڵەن هەر نوقەشمان نایێ، خۆ ئەوە هیچ مەعنای نییە ئەو قسەیە، وەڵڵا كاكە ئەگەر خەڵك رازی بوو، جەماهیری كوردستان لە بادینان ‌و هەولێر ‌و كەركوك ‌و سلێمانی ‌و كوردی بەغدا‌و ئەوانە رازی بوون، قابیلە ئێمە شێت بین لەو شاخە، مەجبورین ئێمەش رازی بین، هەموو جارێ ئەوها ناكرێ پێی بڵێی ئەتوو «سەگبابی»، «فاشیستی»، جار هەیە ئەوهاشی پێدەڵێین، جارێكیان هەندێكیان ساڵی پار هاتن وتیان: «انتم وگنیین، واحنا هم وگنیین، احن نقر»، گوتم: «كاكە چی تقر، انت لیش تقر، احن لازم نقر)، هەویەی وەتەنی لەكن ئێمەیە، ئێمە دابەشی دەكەین، دیفاع لە وەتەن كێ دەیكا، ئێمە دیفاع لەو دێهاتە سوتاوانەی تۆ سووتاندوتە دیفاعی لێ دەكەین، لەو دۆڵ‌و شاخە دیفاع دەكەین، ئەتو دیفاع لە قەسر‌و قسور‌و جانح ‌و سەڵتەنەتی خۆت دەكەی كاكە، فەرقی زۆرە، ئێمە دیفاعی راستەقینە لە وەتەن دەكەین، ئەتو كەی دیفاع لە وەتەن دەكەی، ئەتو وەتەنت خستۆتە ئەو خەتەرەی ئەو شەڕەوە، تۆ ئەو شەڕەت هەڵگیرساندووە، خۆ ئێمە هەڵمان نەگیرساندووە، لەپاشان ئەتو دیفاع لە قەسر‌و قسور‌و سەڵتەنەتی خۆت دەكەی كاكە، لەوەی نەوتی بەسرە ‌و نەوتی كەركوكە، ئێمە دیفاع لە چ دەكەین لە خڕی ناوزەنگ ‌و زەڵێ ‌و باوزێ‌و رەزگە‌و پشتاشان ‌و قڕناقا كە تۆ سووتاندوتە‌و كاولت كردووە، جێی بزنی تێدا نابێتەوە، ئەوە وەتەنیەتی راستەقینەیە، ئەگەر مەسەلە وەتەنیەتە، هەویەی وەتەنیەت لای ئێمەیە، لازمە ئەتوو لەمەی وەرگری، بۆ ئەتوو بەشی ئێمە دەدەی كاكە لە كنە خۆمانە، پاشان قسەكانی وتی: (خلی یعتبرون نفسهم صاحب الدار) كەس لە ئێمە خاوەن (دار) تر نییە، ئەو ماڵە هەر ماڵی خۆمانە هی باب ‌و باپیرمانە، كەس لە ئێمە بەوە زیاتر نازانین، لەپاشان سەدام وتبوی جەلال تەكتیكاتمان لەگەڵ نەكا، بەڵكو بە قسەی راست، وەڵڵاهی تەكتیكات دەبێ تەكتیكاتی حزبی بەعسی ئێوەن، ئێمەی فەقیر لەو شاخ ‌و داخە چوزانین تەكتیكات چییە، هەر سەریشمان لێ دەرناچێ، تەبعەن كاكە ئەوە ئەنواعی قسەی وا دەكەی، بەڵام ئەسڵی مەسەلەكە چییە، ئەسڵی مەسەلەكە ئەوەیە كە عەرزم كردن، حكومەت كە تەنگاو دەبێت دێت، بەڵام چی پێیە؟ هیچی پێ نییە، لێكی دەدەینەوە هیچی پێ نییە، زروفی مەوزوعی وای لێ نەهاتوو پێی بسەلمێنێ، زروفی دەولی وای لێنەهاتووە پێی بسەلمێنێ، تەوازنی هێز وای لێنەهاتووە پێی بسەلمێنێ، تەبیعەتی خۆی نەگۆڕاوە، پێی بسەلمێنێ، لەبەر ئەوە نییە، وەڵڵا ئەمن زۆر شەڕم پێ خۆش نییە بەڕاستی، باوەڕ بكەن یەعنی زۆر زۆرم پێناخۆشە، خەڵك دەكوژرێ ‌و برادەری خۆمان شەهید دەبێت، بەڵام ئەوە شەڕەكەیە، مادام دەستمان پێ كردووە، هەتاسەر دەبێ بڕوا، لە نیوە رێ نابێ بوەستێ، دەبێ بگاتە ئامانجی خۆی، نەگا بە ئامانجی خۆی دەمرین، دەمرین بە جەهەنم ئەو ژیانەی ئێمە چی خۆشە؟ پیاو بەتەمای بێ، ئاخیرجار وام پێ وتن: وەڵڵاهی بەدەست ئێمەیە، بە رەغبەتی ئێمەیە، بە رەغبەت بێ، ویست ‌و ئارەزوو بێت، ئێمە پێمان خۆشە ئەو لەحزەیە شەڕەكە ببڕێتەوە، ئەگەر مەسەلەكەش پەیوەندیی بە توانای شەڕكردن هەیە، درێژەپێدانی، وەڵڵاهی تا رۆژێ قیامەت ژیانی خۆمان داناوە هەر بۆ شەڕ، تەرتیبی حەیاتی خۆمان كردووە هەتا ئەو ژیانەی هەمانە هەمووی لەو شاخ‌و داخانە بەسەرچێ وەڕەس نین ماندوو نین، جا ئەو حكومەتە ئەوە حاڵیەتی، لەبەرئەوە نییە ئێمە كە رەفزی دەكەین ‌و تڕزلین ‌و یان نۆكەری سوریا ‌و لیبیاین، پارە لە سوریا ‌و لیبیا وەردەگرین، ئێوە خۆتان دەزانن ئێمە نە لەسوریا‌و نە لەلیبیا هیچ وەرناگرین، لەگەڵ سوریا ‌و لیبیاش رەئیمان یەك نییە نە لەسەر عیراق ‌و نە لەسەر ئێران، نە لەسەر ئەوە شەڕیش دەكەین، راستە دۆستایەتیمان هەیە، عیلاقاتمان هەیە، بەڵام موختەلیفین لە زۆر مەواقیفدا، بەڵام لەبەر خاتری ئەوان شەڕ ناكەین، لەبەر خاتری خۆمان دەیكەین، دە باشە ئەگەر راست دەكات، سوریا نایەوێ ئێمە لەگەڵ عێراق پێكبێین وا نییە، دە با سەدام حەقی تەقریری مەسیرمان بداتێ، بزانە ئێمە دەمانەوێ یان نامانەوێ، با سوریا هەر رازی نەبێ، خۆ ئەویش هیچی لە دەست بەر نابێتەوە هیچ نادا، باشە ئەوەی لە ئێمەی دەوێ لە حەقیقەتدا؟
كاك نەوشیروان پێی وتن دەزانن ئێوە چیتان لە ئێمە دەوێ، ئێوە دەتانەوێ ئێمە بێین تەسلیمتان بین، ببین بە بەعسی بێ ئەوەی حقوقی بەعسیشمان هەبێ، ئەگەر حەقی بەعسمان هەبایە، ئەوا كوردستانمان حوكم دەكرد، وتی: كاكە شتی وا ناكەین، بەڕاستیش وانییە، گفتوگۆی چ بكەین، هەتا شەرتی هودنەیەكی شەریفی ئابڕونەبەر هێشتا لەكایەدا نییە، هودنەیەك ئەگەر ببێ، وەكو وتمان هەنگاوێك بێ بۆ گەشەپێدانی، جۆشدانی یان پەرەپێدانی خەباتی شۆڕشگێرانەی جەماهیریی بەبێ چەك، وەڵڵاهی زۆر باشە، بەڵام ئەمەش لەكایەدا نییە، ئێستا ئەوە بكەین دەشكێین (جەماهیریەن) كز دەبین، متمانەی جەماهیرت پێ نامێنێ، قسەی دوژمنانت لەسەر راست دەردەچێ، درۆ‌و دەلەسەی جود دێتەدی، بۆ وا دەكەین شێتین؟ تەنگاوین؟ لە چیمان كەمە؟ تەنگاومان كەن لە خەتێ دەچینە وەرتێ، لەوێ تەنگاومان كەن دەچینە ئەوبەر، لەوبەر دەچینە ئەوبەری زێ، ماندوو نین، تا زرمەمان دێ، هەندەك ماندوو بن، هەندەك تازە گەرم دەبنەوە. لەبەرئەوە مەسەلەی مفاوەزات، مەسەلەیەكە بەڕاستی بە موجەڕەدی برادەران باسی مەكەن كە (كادیرە سیاسییەكان) مەسەلەن ئەو پرسیارەی كاكە حەمە تەرحی كرد، نابێ كادیرە سیاسییەكان تەرحی بكەن، ئەگەر حكومەت حەقی داینێ، نابێ ئەوها قسە بكەین، دەبێ ئەوە بزانین ئایا حكومەت هەموو هەقمان دەداتێ؟ ئەگەر حكومەت هەموو هەقی داینێ وەڵڵا لێی وەردەگرین ‌و چ سەگباب هەموو حەقی ناوێ؟ وەكو هەولێرێ دەرێن وانیە، بەڵام ئەو حكومەتە هەموو هەق نا دەیەكی حەقمان دەداتێ، ئەوە مەسەلەكەیە هەموو هەقەكەمان بداتێ مەمنونیشین، بۆ خۆمان ئێستا حەقی تەقریری مەسیرمان بدەنێ، چ لەوە خۆشتر نییە، بەڵام نامانداتێ، لەبەرئەوە مەسەلەكە بە موجەڕەدی تەرح نەكەین، لە واقیعی خۆیدا، لە چوارچێوەی رژێمی سەدام حسێن، رەفتار فاشستی بۆرژوا بیروكراتی، ئەوەی كە پێیوایە كەركوك نا عەقرەش عەرەبە، عەقڕە..عەقڕە لەبەر چیی، عەرەب رۆژێك لە رۆژان داوای عەقرەی نەكردووە، چونكە خەبەر هەیە لە عەقڕە زێڕ‌و ئەڵماس هەیە كاكە، تەنقیبات ئیسباتی كردووە لە عەقرە زێر هەیە، لەگەڵ ئەڵماس، لەبەرئەوە خستویانەتە سەر موسڵ، باشە عەقرە عەرەب بێ، وەڵڵاهی سلێمانیش عەرەبە، خەتێ هەر هیچ ناوەكەشی عەرەبیە، خەتێ عەرەبیشە هی سەدام، كەواتە خەتێ لە عۆجە عەرەبستانترە، ئەگەر عەقرە عەرەب بێ، جا ئەتوو ئەو شتانە لێ گەرێ بێجگە لەوەی حەقی كورد نادا، قەدەرەكە هاتوموە ئێرە تەماشای تەلەفزیۆن دەكەم، وەڵاهی هەر لە داخی تەلەفزیۆن پیاو دەبێ شۆڕش بكا، لە دژی ئەو حكومەتە، لە ئێوارەوە دەیكاتەوە هەتا شەوێ دادەخرێ سەدامە‌و مەدحی سەدام ‌و حزبی بەعس ‌و ئەوەیە، …. خەڵك گێژبوو، مرد ئەو چییە ئەو هەمووە بەڕاستی بێتام ‌و بێ حەد دەبێت. ئێستا محەتەیەك هەیە، هەموو رۆژێك قورعان لێ دەدا كێ هەموو رۆژێك ئەو مەحەتەیە دەكاتەوە، جا رادیۆش هەر وایە، جەریدە بكەوە، شینە رەسمەكی رفیق قائد سەدام حوسێنە، جارێك رۆژێك دوو رۆژ نەبڕایەوە، هەر بۆ خۆیان عەیبە، بوونەتە قەشمەری دونیا..
جەواهیر لال نەهرۆ بە حساب بە پیاوێكی بۆرژوازی حیسابە، دەڵێ كە مەدحم دەكەن ئارەقەت دەكەم ‌و تەریق دەبمەوە، ماركس لە كاغەزێكدا بۆ ئەنگڵس دەنووسێ: «هەموو ئەو كاغەزانە كە بۆم هاتوون جوابم داوەتەوە، تەنها ئەو كاغەزانەم جواب نەداوەتەوەو فرێمداوەتەوە سەلەی موهمەلاتەوە كە مەدحی خۆم دەكا بە زیادە»، عیبادەی خەڵك تەحقیرە، خەسڵەتی هیچ ‌و پوچانەی پێهەڵدانی فەرد بەوە دەكا دەڵێ ئەو كاغەزانەم قەت بیر نەهاتووە جواب دەمەوە، ئێ باشە ماركس لە كوێ ‌و سەدام حسێن لە كوێ، كەچی ئەو شەو ‌و رۆژ مەدحی دەكەن، بابە لە وڵاتی وا ئینسان چۆن دەژی، با حوكمی زاتیشی تێدا نەبێ، جا ئەوە بێجگە لەوەی كە هیچیش نادەن، كوردیش ئەوە حاڵییەتی بەدەستیەوە، هیچ قیمەتێك بۆ ئینسان ‌و بۆ قانون ‌و بۆ نیزام لەو وڵاتە نییە، لە چ وڵاتێك هەیە، هەتا لە سعودیە وا نییە، قانون هەیە ‌و نیزامی هەیەو ئوسوڵ هەیە، لە عیراق هیچ، بەردەوامیی ئەو دۆخە كورد بەرەو حەقی تەقریری مەسیر دەبا.
بۆ نموونە بوونی ئەو حوكمە فاشیستانەیە لە ئیسپانیا وای دەكرد كە خەڵكەكە داگیركەرانی باسك ‌و كەتۆلۆنیا داوای ئیستقلال بكەن، كە بووە دیموكراتی دەڵێ حوكمی زاتیم دەوێ.
لەبەشێكی دیكەدا دەڵێت هەتا ئێمە رادەوەستین، هەتا حزبی پرولیتاری عیراق دروست دەبێ ‌و جا شۆڕش ‌و جا جارێكی دی كرێكاران ‌و جوتیاران، ئینجا ئەو شورای عەینی ‌و مەوزوعی ‌و نازانم چی ‌و زاتی دروست دەبێ، ئەوجا شۆڕش دەكا‌و هەی هو هەی هو، ئەوە نازانی كەی دێ باشە، جا وەزعەكە بەرەو ئەوەمان دەبا، گوتمان مافی چارەنووس نەكەینە شیعار، بە حوكمی زاتیش ناگەینێ لەگەڵ ئەو حوكمەتانە.
بەڵێ حوكمەتێكی دیموكراتی، وەڵڵاهی ئەمن پێم خۆشترە حوكمەتەكی دیموكراتی وەكو مەسەلەن سویسرا بێت، حوكمی زاتیشی تێدا بێ، ئێمە هەموو حەقی خۆمان وەردەگرین، بەڵام حوكمەتەكەی فاشیستی وەكو عیراق، وەڵڵاهی حوكمی زاتییەكەشی تاڵ ‌و تفت ‌و جەهەنەم دەبێت، ئەوەش مەسەلەی گفتوگۆكە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ماڵئاوا هەڤاڵ شەكیبە مستەفا

ماڵئاوا هەڤاڵ شەكیبە مستەفا بەداخەوە شەوی 7\8/12/2018، هەڤاڵ شەكیبە مستەفا ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort