حكومەت بڕیارێك لەبارەی كێڵگەكانی بەخێوكردنی پەلەوەرەوە دەدات – knwe.org
سەرەکی » ئابووری » حكومەت بڕیارێك لەبارەی كێڵگەكانی بەخێوكردنی پەلەوەرەوە دەدات

حكومەت بڕیارێك لەبارەی كێڵگەكانی بەخێوكردنی پەلەوەرەوە دەدات

حكومەتی هەرێم بڕیارێك لەبارەی كێڵگەكانی بەخێوكردنی پەلەوەر دەدات و بەڕێوەبەری كەرەنتین لەوەزارەتی كشتوكاڵ و سەرچاوەكانی ئاویش رایدەگەیەنێت، «حكومەتی هەرێم بڕیاریداوە پانێڵێك بۆ تاووتوێكردنی كێشەی كێڵگە پەلەوەرییەكان و چارەسەركردنیان ببەستێت، كە رەنگە لەسەرەتای مانگی 10 بەڕێوەبچێت».

بودجەی پانێڵكە تەرخانبكرێت
د.جەمال شوكری بەڕێوەبەری كەرەنتین لەوەزارەتی كشتوكاڵ و سەرچاوەكانی ئاو بە توڕی هەواڵی سلێمانی راگەیاند، «بەفەرمانی ئەنجومەنی وەزیران پانێڵێك بۆ دیراسەكردنی كێشەكانی پڕۆژەی كێڵگەی بەخێوكردنی پەرلەوەر دەبەسترێت».
وتیشی:»پانێڵەكە لە نێوان خاوەن كێڵگە پەلەوەرییەكان، بەڕێوەبەرە گشتییەكانی كشتوكاڵ و لایەنە پەیوەندیدارەكان بەڕێوەدەچێت، ئەگەر بودجەی پانێڵكە تەرخانبكرێت، لەسەرەتای مانگی 10دا دەبەسترێت».

هەماهەنگی خاوەنی كێڵگە پەلەوەرییەكان
سەبارەت بەئامانجی پانێڵەكەش وتی:»بۆ تاووتوێكردنی كێشەكانی كێڵگەكانی بەخێوكردنی پەلەوەرە لەگەڵ دانانی چارەسەری پێویست».
بەرپرسەكەی وەزارەتی كشتوكاڵ ئاماژەی بەپڕۆژەیەك كرد كە لەبارەی بەبازاڕكردنی مریشك پێشكەشی ئەنجومەنی وەزیرانیان كردوە، ئەو وتی:»پڕۆژەكە پێویستی بەهەماهەنگی خاوەنی كێڵگە پەلەوەرییەكان، وەزارەت و حكومەت هەیە».

تائێستا گفتوگۆ لەسەر ئەو پڕۆژەیە نەكراوە
لەبارەی ناوەڕۆكی پێشنیازەكەشیان ئاشكرایكرد، «پێشنیازی ئەوەمانكردوە خاوەن كێڵگە پەلەوەرییەكان پاڵپشتی بكرێن بەبڕێك پارە، یاخود بەرهەمەكانیان خەزن بكەن و كاتێك نرخەكەی بەرزبۆتەوە ئەوكاتە بیفرۆشنەوە».
ئەوەشی وت:»تائێستا گفتوگۆ لەسەر ئەو پڕۆژەیە نەكراوەو ڕەنگە لەو پانێڵەدا باسی ئەو بابەتەش بكرێت».

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

عیراق بودجەی 2019ی بە پشكی هەرێمەوە ئامادەكردووە

بوجەی گشتی عیراق بۆ ساڵی 2019 رەوانەی ئەنجومەنی وەزیران كراوەو ...