ژمارەی برسییەكانی ئەفریقا ئاشكرا كرا – knwe.org
سەرەکی » ئابووری » ژمارەی برسییەكانی ئەفریقا ئاشكرا كرا

ژمارەی برسییەكانی ئەفریقا ئاشكرا كرا

بەهۆی نائارامی‌و گۆڕانكارییەكانی كەشوهەواو وشكە ساڵییەوە، هەژاری‌و برسێتی تەنگی بە كیشوەری ئەفریقا هەڵچنیوەو بەپێی زانیارییەكانی رێكخراوی كشتوكاڵ‌و خۆراكی نەتەوە یەكگرتووەكان ناسراو بە (فاو)یش، نزیكەی 224 ملیۆن ئەفریقی بە دەست بەدخۆراكییەوە دەناڵێنن.
لەكۆڕبەندێكدا كە لە سودان بەڕێوەچوو، تاوتوێی هەنگاوەكان بۆ لەناوبردنی برسێتی‌و خراپی ئاسایشی خۆراك لە ئەفریقا كرا.

(21%ەوە بۆ 23%)
رێكخراوی كشتوكاڵ و خۆراكی نەتەوە یەكگرتووەكان (فاو) ئاشكرای كردوە: رەوشی ئێستای ئەفریقا جێی نیگەرانییە بە تایبەت كە پێشبینی دەكرێت ژمارەی دانیشتووانی ئەو كیشوەرە بۆ نزیكەی یەك ملیارو 700 ملیۆن كەس لە ساڵی 2030دا بەرزببێتەوە.
بەپێی ئەو ئامارانەشی بڵاوكراونەتەوە، دیاردەی كەمی خۆراك لەنێو دانیشتووانی ئەفریقادا لە (21%ەوە بۆ 23%) لە ماوەی ساڵانی 2015 و 2016دا بەرزبۆتەوە. هەر لەو ماوەیەدا ژمارەی ئەو كەسانەی بەهۆی بەدخۆراكییەوە زیانیان بەركەوتووە لە 200 ملیۆن كەسەوە بۆ 224 ملیۆن كەس بەرزبۆتەوە.
(فاو) هۆكاری بەرزبوونەوەی دیاردەی بەدخۆراكی‌و كەمی خۆراكی بۆ بەردەوامی ئاڵۆزییەكان لە سۆماڵ‌و باشووری سودان‌و ئەفریقای ناوەڕاست گەڕاندۆتەوە. هاوكات گۆڕانكارییە كەش‌و هەواییەكان‌و كارەساتەكانی وەك لافاو و وشكەساڵی‌و چەندین دیاردەی سروشتی تری بەهۆكاری نەمانی ئاسایشی خۆراك لەكیشوەرەكە دیاری كردووە.

یەك تریلیۆن دۆلار لە ساڵی 2030دا
هۆشداریشی داوە لەوەی بەهۆی كەمبوونەوە یاخود نەمانی ئاسایشی خۆراك ژمارەیەكی زیاتر لەهاووڵاتیانی ناوچەكە ئاوارە دەبن‌و ئێستا پێویستی خۆراك بۆتە یەكێك لە گەورەرترین دۆسێیەكان لە ئەفریقا و لە باشووری سودان بە تایبەت.
لە بەرامبەریشدا رێكخراوی (فاو) گەشبینی دەربڕیوە بەوەی رەوشی ئابووریی لە ئەفریقا لە چەند ساڵی داهاتوودا بەرەو باشی دەچێت‌و دەستكەوتی بازاڕی خۆراك‌و كشتوكاڵیش دەگاتە یەك تریلیۆن دۆلار لە ساڵی 2030دا.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

عیراق بودجەی 2019ی بە پشكی هەرێمەوە ئامادەكردووە

بوجەی گشتی عیراق بۆ ساڵی 2019 رەوانەی ئەنجومەنی وەزیران كراوەو ...