سەرەکی » وتار » ڕه‌سوڵ بۆسكێنی » (گاشه‌به‌رد) وشه‌یه‌كی ڕه‌سه‌نی كوردییه‌

بۆ مامۆستای گه‌وره‌مان دكتۆر عیزه‌دین مسته‌فا ڕه‌سوڵ

(گاشه‌به‌رد) وشه‌یه‌كی ڕه‌سه‌نی كوردییه‌

بێگومان مامۆستای گه‌وره‌مان دكتۆر عیزه‌دین مسته‌فا ڕه‌سوڵ خزمه‌تی زۆری به‌ زمان و ئه‌ده‌ب و كه‌لتوورو فه‌رهه‌نگی نه‌ته‌وه‌كه‌مان كردووه‌، به‌هیوای ته‌مه‌ن درێژی و به‌رده‌وامی زیاتر بۆ به‌ڕێزیان، له‌ كوردستانی نوێی ئازیزدا له‌ گۆشه‌یه‌كی هه‌فتانه‌دا به‌ناوی (ئه‌م كونجه‌ش) له‌و ڕاگه‌یاندنه ‌زۆر و بۆرانه‌ی ئه‌م سه‌رده‌مه‌ نیگه‌رانه‌ و به‌رده‌وام هه‌ڵه‌كانیان بۆ ڕاست ده‌كاته‌وه‌، ئه‌م جاره‌ش له ‌ڕۆژنامه‌ی كوردستانی نوێی ئازیز له‌ ژماره‌‌ (7673، ل 3ی، 27- 9- 2018) له‌ كونجێك له‌ژێر ناوی (ئاسمان)دا، كۆمه‌ڵێك وشه‌ی هێناوه‌ته‌ به‌رباس، یه‌كێك له‌وانه‌ وشه‌ی (گاشه‌به‌رد)ه‌، ئه‌و ده‌ڵێت: « من لە سلێمانی ‌و تەنانەت ئەو دیالێكتانەشدا كە ئاگام لێ یانە (گاشەبەرد)م نەبیستوە، هەر (تاشە بەرد) م بیستووە، جا پێم خۆشە ئەو برایەی (گاشە بەرد) ی نووسیوە، … بۆمان بنووسێ لە فڵان شوێنی كوردستان- با لە (كوێرە دێ) یەكیشدا بێ بە (تاشە بەرد) دەڵێن (گاشە بەرد) ‌و فڵان دەستگای حوكمەت رێگەی پێداوه‌.»
نازانم ئه‌و نووسه‌ره‌ به‌ڕێزه‌ی (گاشه‌به‌رد)ی نووسیوه،‌ خه‌ڵكی كام ناوچه‌ی كوردستانه‌ و ئایا وه‌ڵامی دكتۆر ده‌داته‌وه‌ یانا، به‌ڵام‌ من ده‌مه‌وێت به‌ جه‌نابی دكتۆر بڵێم: من له‌دایك بووی ده‌ڤه‌ری پشده‌رم و له‌ كۆتایی حه‌فتاكانی سه‌ده‌ی ڕابردووشه‌وه‌ له‌ ڕانیه‌ نیشته‌جێم، ده‌مه‌وێت كه‌مێك له‌و بابه‌ته‌ بدوێم و سه‌رنجی ‌دكتۆری به‌ڕێز بۆ ئه‌وه‌ ڕابكێشم، كه‌ وشه‌ی (گاشه‌به‌رد) نه‌ك ته‌نیا له‌ ( كوێره‌ دێ)یه‌ك، به‌ڵكو به ‌فراوانی له‌ناو خه‌ڵكی بیتوێن و پشده‌ر و موكریان به‌كارده‌هێنرێت، له‌ ڕووی ماناشه‌وه‌ (گاشه‌) یان (گاشه‌به‌رد) واتای (به‌ردی گه‌وره‌) ده‌گه‌یه‌نێت و دوو مانای لێك جیاوازیان هه‌یه‌، له‌و باره‌یه‌وه‌ مامۆستا هێمن موكریانی ڕۆح سوك له‌ ناڵه‌ی جودایی، چاپی به‌غدا (1979) له‌لاپه‌ڕه‌ی (74) له‌ شێعری (سوڕی ده‌وران) دا ده‌ڵێت:

«كه‌ وه‌ك یه‌ك بوون ژن و گاشه‌ له‌كن ئه‌و
نه‌بوو باكی بدا ئازاری ژن ئه‌و»

هه‌روه‌ها مامۆستا گۆرانی نه‌مریش له‌ شێعری (گه‌شت له‌ قه‌ره‌داغ)دا ده‌ڵێت:

«دیمانه‌ت به‌خێر یه‌كه‌م داربه‌ڕوو!
گابه‌ردی لاڕێی لاڵ و پاڵ كه‌وتوو!»

بێگومان مرۆڤ هه‌ر له‌ سه‌ره‌تای په‌یدابوونیه‌وه‌ له‌ ژیانی ڕۆژانه‌یدا وابه‌سته‌ی سوود بینین له‌ شته‌ سروشتیه‌كانی ئه‌م جیهانه‌ بووه‌، وه‌كو ئاو و هه‌وا و ئاگر و خاك و دار و به‌رد و ته‌واوی شته‌كانی تر، لێره‌ ئه‌وه‌ی مه‌به‌سته‌ وشه‌ی (به‌رد)ه‌، كه‌ مرۆڤ بۆ پێویستیه‌كانی به‌ فراوانی به‌كاری هێناوه‌ له‌ بواری بیناسازی و سه‌ربازی و جوانكاری و ماڵداری و پێویستیه‌كانی دیكه‌دا، هه‌ر له‌م ڕوانگه‌یه‌وه‌ سێ قۆناغی گه‌وره‌ی ژیانی ئاده‌میزاد به‌و ناوه‌وه‌ ناو نراوه،‌ وه‌كو چاخی به‌ردینی كۆن و چاخی به‌ردینی ناوه‌ڕاست و چاخی به‌ردینی نوێ، له‌ ته‌واوی ماوه‌ی ئه‌و چاخانه‌شدا مرۆڤ پێویستیه‌كانی ژیانی ڕۆژانه‌ی وه‌ك: چه‌قۆ و داس و ده‌فر و ئامان و پێویستیه‌كانی دیكه‌شی له‌ به‌رد دروست كردووه‌، تا ڕۆژگاری ئه‌مڕۆش (به‌رد) ئه‌و كاریگه‌ریه‌ی ماوه‌، هه‌ر بۆیه‌ مرۆڤ بۆ ناسین و جیاكردنه‌وه‌ی جۆر و شێوه‌ و قه‌باره‌ی به‌رد له‌ژیانی ڕۆژانه‌یدا چه‌ندین ناوی جیاجیای به‌كارهێناوه‌ وه‌كو: (به‌ردوچكه‌، به‌ردمه‌ڕمه‌ڕ، به‌ردنه‌قاڕ، خڕه‌به‌رد، كێله‌به‌رد، ته‌ڵاشه‌به‌رد، تاشه‌به‌رد، گاشه‌به‌رد، …هتد) زۆر ناوی دیكه‌ش، بێگومان ئه‌وانه‌ هه‌ر یه‌كه‌ و مانایه‌كی جیاوازی هه‌یه‌ و به‌شێوه‌یه‌كی جیاواز به‌كاردێن، به‌ڵام بۆ ئه‌وه‌ی باسه‌كه‌ درێژنه‌بێته‌وه‌ به‌پێویستمان نه‌زانی له‌وه‌ زیاتر له‌سه‌ری بدوێین.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

به‌ره‌نگاربوونه‌وه‌ و مل نه‌دان بۆ پێكهێنانی سواره‌ی حه‌میدییه‌

2-2 مل نەدانی بیتوێن و پشده‌ر بۆ پێكهێنانی (سوارەی حەمیدی) ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort