گه‌ شتێك به‌ مۆزه‌خانه‌ی مۆدێرنی ئیستبوولدا – knwe.org
سەرەکی » کەلتوور » گه‌ شتێك به‌ مۆزه‌خانه‌ی مۆدێرنی ئیستبوولدا

گه‌ شتێك به‌ مۆزه‌خانه‌ی مۆدێرنی ئیستبوولدا

ژینۆ عەبدوڵڵا

مۆزه‌خانه‌ی هاوچه‌رخی ئه‌ستنبوول بۆ هونه‌ری مۆدێرنه‌، به‌ یه‌كێك له‌ مۆزه‌خانه‌ هاوچه‌رخه‌كانی هونه‌ری داده‌نرێت و ده‌كه‌وێته‌ ناوچه‌ی بیغلۆ ده‌ڕوانێته‌ ده‌روازه‌ی بسفۆڕ.
ئه‌م مۆزه‌خانه‌ هاوچه‌رخه‌ و نوێیه‌، هاوشێوه‌ی هونه‌رمه‌ندانی تورك كاری هونه‌رمه‌ندانی كوردانی باكوری كوردستانیشی تیایه‌و به‌ باشترین و چاكترین و ده‌وڵه‌مه‌ندترین مۆزه‌خانه‌ی هاوچه‌رخ داده‌نرێت له‌ توركیا
له‌ ساڵی 2004 ه‌وه‌ كراوه‌ته‌وه‌و له‌سه‌ر ڕووبه‌ری 8000 مه‌تر دووجا، ژماره‌یه‌كی به‌رچاوو له‌ تابلۆ و كاره‌ هونه‌رییه‌كانی هونه‌رمه‌ندانی هاوچه‌رخی تێدایه‌ و به‌وته‌ی سه‌رپه‌رشتیارانی ئه‌م مۆزه‌خانه‌یه‌ ده‌یه‌وێت هاوشێوه‌ی مۆزه‌خانه‌ ناسراوه‌كانی ئه‌وروپا بێت.
به‌گوێره‌ی ئه‌و تۆماره‌ ده‌نگیه‌ی ده‌درێت به‌ میوانان به‌ زمانی توركی و ئینگلیزی زانیاریه‌كان ڕوون ده‌كاته‌وه‌، دیزانی ئه‌م بینایه‌ له‌لایه‌ن هونه‌رمه‌ند و دیزاینه‌ری ئیتاڵی ئه‌ندازیار (رینتسو بیانوو) دانراوه‌و هاوشێوه‌ی مۆزه‌خانه‌ی (تیت مۆدێرن)-ی شاری له‌نده‌نه‌. هه‌ر له‌ڕووی ده‌ره‌وه‌و ناوه‌وه‌ی بیناكه‌ش ده‌تباته‌ كه‌شێكی نوێ و جیهانی ئه‌فسوناوی تابۆو كاره‌ هونه‌رییه‌كانه‌وه‌.
بیناكه‌ هه‌ر له‌گه‌ڵ چوونه‌ ژوره‌وه‌دا هه‌ست به‌كه‌ شێكی هونه‌ری باڵا ده‌ كه‌یت له‌ دانانی تابۆو كاره‌ هونه‌رییه‌كان و دیزانی ده‌رگاو دیوارو ته‌نانه‌ت ئه‌و كه‌شه‌ بێ ده‌نگیه‌ سه‌ڕایی بوونی ئه‌و هه‌موو گه‌شتیاره‌.
چوونه‌ ژوره‌وه‌ بۆ هاوڵاتیانی تورك به‌ خۆڕایه‌وه‌و بۆ گه‌شتیارانی بیانی 25 لیره‌یه‌و له‌ڕۆژانی دووشه‌مه‌ و هه‌تا شه‌مان له‌سه‌عات (ده‌)ی به‌یانیه‌وه‌ تا(شه‌ش)ی ئێواره‌ كراوه‌یه‌.
به‌ گوێره‌ی ئه‌و پڕۆشۆیه‌ی ده‌درێت به‌ گه‌شتیاران هه‌ندێك زانیاری له‌سه‌ر ئه‌م مۆزه‌خانه‌ هاوچه‌ر نووسراوه‌ له‌وانه‌، له‌م مۆزه‌خانه‌ یه‌دا پێشانگای هه‌میشه‌یی و كاتی ده‌كرێته‌وه‌ و گه‌له‌ری تایبه‌ت به‌ ته‌واوی هونه‌ركانی هاوچه‌رخ كراوه‌ته‌وه‌و بیناكه‌ له‌ سێ نهۆم پێكهاتووه‌، له‌ نهۆمی یه‌كه‌مدا ته‌رخانه‌ بۆ كاره‌ هه‌ میشه‌ییه‌كان و نهۆمی دووه‌م ته‌ر خانكراوه‌ بۆ كاره‌ نوێیه‌كانی هونه‌رمه‌ندان و له‌ كۆتا نهۆمیشدا ته‌رخانكراوه‌ بۆ كاره‌ هونه‌رییه‌ مۆدێرنه‌كان.
هاوكات هۆڵێكی سینه‌مایش هه‌یه‌ بۆ پیشاندانی فیلم و به‌رنامه‌و ڕاپۆرت و به‌رنامه‌ی دیكۆدرامی ده‌رباره‌ی هونه‌رمه‌ندانی هاوچه‌رخی توركیا و كاره‌كانی ئه‌م هونه‌رمه‌ندانه‌، ئه‌مه‌ بێجگه‌ له‌ كتێبخانه‌یه‌كی ناوه‌زه‌ی ده‌وڵه‌مه‌ند به‌سه‌رچاوه‌ به‌ هه‌زاران ناونیشانی تیایه‌ ده‌رباره‌ی هونه‌ری كلاسیك و نوێ و مێژووی هونه‌ری ئیسلامی و عوسمانی و ته‌سه‌وف له‌ توركیادا تیادایه‌.
ئیلین مسته‌فا خوێندكاری دوا قۆناغی دیزان له‌ زانكۆی ئیستنبول، خۆشحاڵی خۆی پیشاندا به‌وه‌ی هه‌میشه‌ سه‌ردانی ئه‌م مۆزه‌خانه‌یه‌ ده‌كات و ئاماژه‌ی به‌وه‌دا هونه‌ر بۆمن وه‌ك خۆراكێكی ڕۆحه‌و به‌بینی ئه‌م كاره‌ هونه‌ریانه‌ زۆر خوشحاڵ ده‌بم و هاوكات ده‌بێته‌ هه‌وێنی كاره‌ دیزاینه‌ كانم بۆی له‌ داهاتوودا كاری له‌سه‌ر بكه‌م.
نور عه‌بدولكه‌ریم، گه‌شتیارێكی لوبنانی بوو باسی له‌وه‌كرد، ئه‌م مۆزه‌خانه‌یه‌ هاوشێوه‌ی مۆزه‌خانه‌ پێشكه‌وتووه‌كانی ئه‌وروپایه‌و زۆر كاری نوێ و هاوچه‌رخم تیا بینی هه‌ندێكیان بۆ یه‌كه‌مجاره‌ ده‌یبنیم و به‌ ڕاستی سه‌رنج ڕاكێشه‌.
سه‌باره‌ت به‌ یارمه‌تیدانی حكومه‌ت له‌ دروستكردن و ئیداره‌دانی ئه‌م مۆزه‌خانه‌ هاوچه‌رخ و مۆدێرنه‌دا، چاودێری نهومی یه‌كه‌م باسی له‌وه‌كرد هاوشێوه‌ی زۆربه‌ی كاره‌ ڕۆشنبیریه‌كانی توركیا له‌سه‌رجه‌م پارێزگاكاندا حكومه‌ت پاره‌یه‌كی كه‌م ده‌دات و ته‌واووی پاره‌كان و بودجه‌ی ئه‌م پڕۆژانه‌ له‌لایه‌ن كه‌رتی تایبه‌ت و كۆمپانیا ده‌وڵه‌مه‌نده‌كانه‌وه‌ دروست ده‌كرێت و بینا ده‌كرێت له‌ باتی باج بده‌ن به‌ حكومه‌ت له‌م پڕۆژانه‌دا
سه‌رفی ده‌كه‌ن.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

فیلمە ئەنیمەیشنییەکانی بەشی پێشبڕکێی سێیەمین فێستیڤاڵی نێودەوڵەتی سلێمانی دیاریکران

ناوی 19 فیلمی ئەنیمەیشنییەکانی بەشی پێشبڕکێی سەرەکی لە سێیەمین خولی ...