سەرەکی » مانشێت » چۆن لە یەکێتی گەیشتوون؟

چۆن لە یەکێتی گەیشتوون؟

خالد گڕاوی

لەو کاتەی دەرئەنجامی هەشتاو پێنج لەسەدای دەنگەکان راگەێنراوە، ململانێ توند لە راگەیاندنەکان دەستی پێکردوە، کە ناکرێ نادیدە بگیرێت ،زۆر لە بەرپرسەکانی پارتی لە کاتی قسەکردن لەسەر دەرئەنجامی هەڵبژاردن ، دەڵێن ئێمە لەسەر ئەنجامەکەی هەڵبژاردن مامەڵە لەگەڵ یەکێتی دەکەن ، هەمومان دەزانین ساڵانێکی دورودرێژە حوکمڕانی لە کوردستان لە لایەن یەکیتی و پارتی ئیدارە دراوە و زۆرجاریش نەفەسی حزبی و ململانێی خۆ بەبرا گەورەو رابەر زانین کاری لەسەر کراوە و زۆر جار ململانێ توند و شەڕیشی بەدوای خۆی هێناوە ، بەڵام لەدواجار بڕیاری بەیەکەوەیی و سازان و حوکمڕانی هاوبەش کاری پێکراوە ..
ناکرێ هێزێکی وەک یەکیتی لەسەر بنەمای دەنگ حسابی بۆ بکرێ ، چونکە بەشێکی زۆری سنوری سەوزی تۆخ لە دەرەوەی ئیدارەی هەرێمە ، جگە لەوە یەکیتی نیشتمانی کوردستان هێزێکی کاریگەری کوردستان و عیراق و ناوچەکەیە ، ئەو راستیانە بەڵگەیان ناوێت ،چونکە یەکیتی دەتوانێ ڕۆڵی سیاسی خۆی لەناوچەکە لە تەواوی جومگە نەتەوەیی و ستراتیژی و دیموکراسیەکاندا ببینێت.
یەکێتی نیشتیمانی کوردستان هەرگیز پەنای بۆ توندوتیژی پەرچەکرداری سیاسی نا دیموکراسیانە نەبردوە ، مام جەلال وا فێریکردون وشە بەوشە و قسە بەقسە و نوسین بەنوسین و گوللەش بەگوللە وەڵام بدرێتەوە .
لەو شوێن و ناوچانەی کە یەکێتی دەسەڵاتی هەبووبێت توانیویەتی نەک بزوتنەوەی گۆڕان بەتەنها بەڵکو سەرجەم هێزە سیاسیەکانی دیکەش بپارێزێت .
سیاسەتی نەتەوەییانەی یەکێتی نیشتیمانی بۆ پشتگیری کردنی کوردانی چوار پارچەی کوردستان ، نەک جێگەی شانازی گەلی کوردە ، بەڵکە شایستەی ڕێزو سوپاسی هەموو پێکهاتە سیاسیەکانی کوردستان و ڕوحی بەرزی کورد بونە لە هەموو دونیا.
هیچ لایەنێک نەیتوانیوە و ناتوانێ هەنگاوێک لە پێش یەکێتیەوە بوبێت و ببێ ، دەربارەی خواستی سازان و پێکەوە ژیانی پێکهاتە سیاسیەکان لە کوردستان، لە ڕاستیا یەکێتی نیشتیمانی کوردستان ئەندازیاری ئەو سیاسەتە بووە و درێژەپێدەریشی دەبێ ، هەرچەندە زۆر جار لە پێناو بەرژەوەندی نەتەوەیی گەلی کورد دەستبەرداری بەشێک لە ماف و دەستکەوتە سیاسیەکانی خۆی بووە بۆ لایەنەکانی دیکە.
یەکێتی نێشتیمانی لە رێگای بیرکردنەوەو پەیڕەوکردنی سیاسەتی مامی کۆچکردو توانیویەتی هەیمەنە سیاسییە مێژویەکەی خۆی ، تەوازن لە نێوان تەواوی پێکهاتە سیاسی و ئەتنی و ئاینی و ئایدیۆلۆژی و تەنانەت مەزهەبیەکانیش لە کوردستان و عیراق ڕابگرێت.
وەک دەبینین یەکێتی نەک هۆکاری دروست بونی قەیرانی سیاسی لە عیراق نیە بەڵکە تاکە هیوای چارەسەر و سازان و پیکەوە ژیانی تەواوی پێکهاتە سیاسیەکانە لە عیراق.
سەرکردایەتی یەکێتی بێ جیاوازی دەتوانێ لە ڕوداوەکان و دۆزە سیاسییە هەنوکەیەکان تێبگات و بە باشی دەزانن ئەرکی ئەوان لێرەو لە ئێستادا چیە، ئێستا یەکێتیەکان هۆشیارن لە سیاسەتکردن ،لەگەڵ پیشهاتە گرفت و کێشە سیاسیەکان دەتوانن مامەڵەی راست و دروست بکەن. ئەمڕۆ یەکێتی نیشتیمانی کوردستان وەک مەدرەسەیەکی سیاسی دەبینرێت کە خاوەنی رێبازێکی سیاسی نیشتیمانیە نەیویستوە ئیش لەسەر بردەنەوەی چەند کورسیەکی پەرلەمان بکات ، هەربۆیە هەندێک لە ڕۆشنبیران و هێزە سیاسیەکان لە خوێندنەوەیان بۆ پێکهاتە حیزبی و نیشتیمانی و تازەگەری لە سیاسەتەکەی یەکێتی دەکەونە هەڵەی گەورە .
ئێستاش ناکرێ و نابێ یەکیتی و سنوری سەوز پەراوێز بخرێن ،چونکە تا ئێستا دوو ئیدارەیی واقیعێکە و سنوری قەڵەمڕەوی هەریەکەیان دیارە ، دوو هێزی سەربازی جیا و دوو ئاسایشی جیا و دوو پۆلیسی جیا دوو پەیوندی جیا ،لە سەرجەم بوارەکان جیاوازیەکان بەڕونی دەردەکەون .
ئاشکرایە هەموو کلیلەکانی سازان و چارەسەر ئەمڕۆ لە گیرفانی یەکێتیدان، چونکە یەکێتی چالاکترین هێزی سیاسی بوە لە رابردو و ئێستاش لە کوردستان و ناوچەکە ، یەکێتی ئەندازیاری ڕاستەقینەی پرۆسەی دیموکراسی و سازانی نیشتیمانی و پێکەوە ژیانی ئاشتیانەی کۆمەڵانی خەڵکە .

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

20 − 7 =

x

هەواڵێ هاوشێوە

ئەمریکا نازی تورکیا هەڵدەگرێت و سیاسەتی بانێک و چوار هەوا جێبەجێ دەکات!!!

کارۆخ خۆشناو لە سەرەتای سەدەی بیست و یەکەوە ئەکەپە دەسەڵاتی ...