سەرەکی » راپۆرت » پۆڵۆنیا ئەزموونی خۆی لە بواری پاراستنی بەڵگەکانی جینۆسایددا بە کوردستان دەبەخشێت

پۆڵۆنیا ئەزموونی خۆی لە بواری پاراستنی بەڵگەکانی جینۆسایددا بە کوردستان دەبەخشێت

پاش چەندساڵێك لە کارکردن و ھەوڵدانی نوێنەرایەتی حکومەتی ھەرێمی کوردستان لە پۆلۆنیا بۆ سوود وەرگرتن لە ئەزمونی وڵاتی پۆلۆنیا و بەتایبەت مۆزەخانەی کەمپی ئاوشڤیچ بیرنیکاوی نازی، شاندی وەزارەتی کاروباری شەھیدان و ئەنفال كراوەكان بە بەشداری بەڕێوەبەرانی مۆنومێنتەکانی ھەریەك لە ھەڵەبجەو بارزان و چەمچەماڵ گەیشتنە پۆلۆنیا و لە نوسینگەی نوێنەرایەتی حکومەتی ھەرێمی کوردستان لە وارشۆ. لە لایەن نوێنەری حکومەتەوە زیاد رەئوف پێشوازیان لێ کرا.
دواتر لەبەروارى ١٥ تا ١٧ / ١٠/ ٢٠١٨ شاندی ناوبراو سەردانی مۆزەخانەی ئاوشڤیچ بێرکناویان کرد و بۆ ماوەی سێ ڕۆژ پسپۆرانی ئەو مۆزەخانەیە کە لەکاتی جەنگی جیھانی دووەم گەورەترین کامپی کۆمەڵکوژی نازیەکان بوو لە ئەوروپا، بەوردی شێوەی کاریان و ئەزمونیان بۆ میوانانی کوردستان ڕوونکردەوە.
لە رۆژى یەکەمی سەردانەکە شاندەکە لەلايەن بەرێوەبەرایەتى مۆزەخانەکەوە پێشوازیان لێ كرا و پاشان لەلايەن بەشى راگەياندن سيمينارێك و وانەیەك پێشکەش کرا . دواتر میوانان سەردانى شوێنەوارەكانیان كرد لەگەڵ رێبەر و سەردانى بەشى پاراستن نۆژەکردنەوەی بەڵگەکانیان کرد.
لە رۆژی دووەمدا ئەندامانى شاندەکە چەند سمینارێك و ڕوونکردەوەیان پێشکەش كرد دەربارەى كارەساتەکانی کۆمەڵکوژی لە كوردستان و دواتر سەردانى بەشى ئەرشيفيان كرد و ژورو ھۆڵەکانی ئەو بەشەیان دیت و لەلايەن بەرێوەبەرى بەشى ئەرشيف وانەیەکیان بۆ پێشکەش كرا لە بارەى چۆنیەتى ب ئەرشيف كردنى دۆكومێنتەكان .
لەکۆتايیدا شاندەكە سەردانى بەشى كۆکا و شوێنى كۆکردنەوەو پاراستنی كەل وپەلو بەڵگەكانيان كردو لە نزيکەوە ئەشنابوون بە چۆنیەتی پاراستن و هەڵگرتن و كۆكا كردنى كەل و پەلى جێماو و دۆزراوەى دواى كارى كۆمەڵکوژى .لەرۆژى سىێیەم و كۆتايى لەسەرەتا وانە و سمينار و كارى پراكتيكى لەبارەى چۆنیەتی پاراستنى قوماش و تازەكردنەوەی پێشكەش كرا لە لايەن پسپۆرانی بەشى پاراستنى قوماش . لە ھەمان ڕۆژ وانە و سمینار پێشکەشکرا لە لایەن بەڕێوەبەری بەشی ڕێبەری دەربارەى كاری ڕێبەرى و چۆنيەتى ئامادەكردن و فێركردنى رێبەری پسپۆر بۆ كارى رێبەرى .
لەکۆتايدا شاندەکە سوپاس و پێزانینی خۆی ئاراستەی بەڕێوەبەرایەتی مۆزەخانەکە کرد و خۆشحالى دەربڕی بۆ ھاوکارییەکنیان و ماڵئاوایی لێکردن .
شایەنی باسە ھەنگاوی دووەمی ئەو ھاوکاریانە ھاتنی شاندی پسپۆرانی مۆزەخانەی ئاوشڤیچە بۆ کوردستان بۆ دیتنی مۆنومێنتەکان بەمەستی ڕاوێژکردن و یارمەتی .

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

2 + seven =

x

هەواڵێ هاوشێوە

پۆپۆلیستی‌ جیهان ده‌گرێته‌وه‌‌و هه‌ڕه‌شه‌ له‌ به‌ها مه‌زنه‌كان ده‌كات

ئه‌بوبه‌كر ئه‌لعه‌یادی‌ له‌م ساڵانه‌ی‌ دواییدا دیموكراسی‌ بۆته‌ بابه‌تی قسه‌‌و باسی‌ ...