سەرەکی » چاوپێکه‌وتن » خاتوو زه‌كیه‌ ره‌شید مامۆستا و په‌روه‌دكار و وه‌رزشه‌وان و نووسه‌ر و دایكێكی میهره‌بان

گفتوگۆی نەرمین عوسمان لەگەڵ

خاتوو زه‌كیه‌ ره‌شید مامۆستا و په‌روه‌دكار و وه‌رزشه‌وان و نووسه‌ر و دایكێكی میهره‌بان

چەند ژنە کەسایەتییەکی ناسراو لە مێژووی کورددا هەن کە لەبواری جیاجیادا کەسانی لێوەشاوەو چالاک بوون، بەڵام هەرگیز ئەو چالاکییانەیان نەکردووەتە بانگەشەو کایەیەک بۆ خۆناساندن، لەوبارەیەوە لە ماوەی رابردوودا خاتوو نەرمین عوسمان کە بۆ خۆشی ژنێکی چالاکی بواری پەروەردەو تێکۆشەرێکی کایەی سیاسیشە زنجیرەیەک سەردان و بەسەرکردنەوەی دەستپێکردووە بۆ گفتوگۆو هەڵدانەوەی لاپەڕە پرشنگدارەکانی ژیان و کارو چالاکیی ئەو خانمانەی کوردستان کە وەک سەربازی ون خزمەتێکی زۆریان بە چەند نەوەیەک کردووە لە بواری جیاجیادا، بەڵام نەوەی نوێ وەک پێویست ئاشنا نییە بە بەخشش و کۆششە مرۆڤدۆستامەکانیان، بۆیە بەسوپاسەوە خاتوو نەرمین پوختەی ئەو گفتوگۆیانە و ئەرشیفی وێنەو بیرەوەرییەکانی ئەو خانمە چالاکوانانە دەنووسێتەوەو بۆ دەربازکرنیشیان لە فەوتان و لەبیرچوونەوە، پێشکەشی کوردستانی نوێ-ی دەکات و کوردستانی نوێش ناوبەناو وێنەکان و چیرۆکی ژیانی پڕ بەخششی ئەو کەسایەتییانە بڵاودەکاتەوە.

ژن كاتێ به‌هێز و به‌توانا و گه‌شبین بێ و باوه‌ری ته‌واوی به‌تواناكانی خۆی هه‌بێ و پشتیش بكاته‌ نه‌ریته‌ دواكه‌وتووه‌كانی كۆمه‌ڵ، بێشك سه‌ركه‌وتن به‌ده‌ستده‌هێنێ و ئه‌توانێ به‌سه‌ر ته‌گه‌ره‌ و ڕێگرییه‌كانیدا زاڵبێ، سه‌ركه‌وتنی ژن له‌ ژیانیدا هه‌موو لایه‌نه‌كان ده‌گرێته‌وه‌ كار و دایكایه‌تی و په‌یوه‌ندیه‌ كۆمه‌ڵایه‌تییه‌كان و ئاره‌زووه‌ هونه‌ریه‌كان، سه‌ركه‌وتنیشی هه‌رگیز له‌ ژنیه‌تی كه‌م ناكاته‌وه‌ و نایخاته‌ به‌رگی پیاوه‌وه‌ به‌خۆشه‌ویستی ومیهره‌بانیشه‌وه‌ دایكێكی سه‌ركه‌وتوو په‌روه‌ردكار ده‌بێ، ئه‌و خه‌سڵه‌تانه‌م له‌ خاتوو زه‌كیه‌ ڕه‌شیدا به‌دی كرد هه‌ر بۆیه‌ توانیویه‌تی بگات به‌و ئاسته‌ی ئه‌مرۆی .
خاتوو زه‌كیه‌ ڕه‌شید مامۆستا و په‌روه‌دكار و وه‌رزشه‌وان و نوسه‌ر و دایكێكی میهره‌بان خاوه‌ن ده‌ریایه‌ك له‌ هه‌ستی جوان و ناسك له‌ ١٤/٧/١٩٤١ له‌ پاش جه‌نگی ڕه‌شید عالی گه‌یلانی له‌ شاری سلێمانی له‌گه‌ڕه‌كی كانێسكان له‌خانویه‌كی گڵی كۆنی باپیره‌ گه‌وره‌ی ( خدر ئاغا ) له‌ دایك بووه‌ .
گێڕایه‌وه‌ وتی «باپیره‌ گه‌وره‌مان به‌شێكی له‌ خانووه‌كه‌ی به‌خشیبوو و كرا به‌ مزگه‌وت، ئه‌مڕۆ پێی ده‌وترێت مزگه‌وتی (بن ته‌به‌ق ) بۆیه‌ش وایپێوتراوه‌ به‌هۆی ئه‌وه‌ی كارێزی ئاوی تیابووه‌، بۆ مه‌به‌ستی نوێژكردن و خه‌ڵكی گه‌ڕه‌كیش سوود له‌ ئاوه‌كه‌ی وه‌ربگرن، تا ئێستاش به‌شێك له‌و موڵكانه‌ی له‌پاڵ مزگه‌وته‌كه‌ن موڵكی ئێمه‌ن» .وتیشی «وه‌ك له‌ كتێبه‌كه‌ی شێخ محه‌مه‌د قزلجی نوسراوه‌، بوونیاتنانی ئه‌و مزگه‌وته‌ ده‌گه‌رێته‌وه‌ بۆ سه‌رده‌می ناوه‌راستی سه‌ده‌ی چوارده‌» .
گێڕایه‌وه‌ وتی « كاتێ ئه‌و خانووه‌ گه‌وره‌یه‌ی پاڵ مزگه‌وته‌كه‌مان تێكدا، شوێنه‌واری زۆر كۆنی تێدا دۆزرایه‌وه‌ و كه‌لوپه‌لی كۆن و قاپ وپه‌رداخی به‌ردی تیابوو له‌ ژوره‌ كانیشا ته‌ندور چه‌سپكرابوون، په‌نجه‌ره‌ و ده‌رگاكانی له‌ ته‌خته‌ی تێكهه‌ڵكێش دروستكرابوون».
له‌ مه‌یانه‌ی گفتوگۆكه‌مان وتی: هه‌ندێ ئه‌ندامانی خێزانه‌كه‌م كاریگه‌ری راسته‌وخۆیان له‌سه‌ر ژیانم و كه‌سایه‌تیم هه‌بووه‌، له‌وانه‌ باوكم، به‌ڕابه‌ری خۆمی ده‌زانم هانده‌رم بووه‌ بۆ خوێندن و ته‌واوكردنی، و سه‌ربه‌ستی دابومێ و ده‌یهێشت له‌گه‌ڵ هاوڕێكانم بچمه‌ ده‌ره‌وه‌ و له‌ باخی گشتی كۆببینه‌وه‌ و چالاكیه‌كانم بكه‌م له‌نازیش بێبه‌شی نه‌كردبووم زۆر نازی ئه‌دامێ هه‌ر به‌ كوری بابه‌ بانگی ده‌كردم، هه‌روه‌ها نه‌نكم و كه‌سایه‌تی نه‌نكم وه‌ك ژنێكی به‌ توانا و به‌هێز و دڵفراوان و به‌توانا كاری كردبووه‌ سه‌ر هه‌موومان، وتی «باوكم بۆی ده‌گێڕاینه‌وه‌ به‌هۆی جه‌نگی جیهانی یه‌كه‌مه‌وه‌ بێ باوك ماونه‌ته‌وه‌، دایكیشی ( مه‌ریه‌م ) خان مه‌ردانه‌ قۆڵی لێهه‌ڵماڵیوه‌ چوار مناڵه‌كه‌ی خۆی له‌ گرانیه‌ گه‌وره‌كه‌دا به‌خێوكردووه‌، له‌ پاڵ ئه‌و كۆسته‌شدا براكه‌ی مردووه‌ و ( ٣ ) كوڕی له‌ دوای خۆی جێهێشتووه‌، به‌ دوای ئه‌ویشدا خوشكه‌كه‌ی جوانه‌ مه‌رگبووه‌ دوو كوڕی له‌ دوای خۆی جێهێشتووه‌، ئه‌و ژنه‌ به‌توانایه‌ باوه‌شی بۆ هه‌موو مناڵه‌كان كردۆته‌وه‌ وه‌ك منداڵه‌كانی خۆی به‌خێوی كردوون له‌گه‌ڵ ئه‌وانه‌ش مناڵی نه‌داره‌ی تری لابووه‌ تا ژماره‌یان بۆته‌ ( ١٤ ) مناڵ و سه‌رمایه‌ی ئه‌و دایكه‌ ته‌نها چه‌ند سه‌رمه‌ڕێك و بزنێك و مانگایه‌ك بوو، به‌ڵام ژنێكی زانا و لێزانبووه‌ شاره‌زایی له‌ كژوگیا و به‌كارهێنانیان بۆ چاره‌سه‌ری نه‌خۆش هه‌بوه‌ و جێی متمانه‌بووه‌، كه‌سه‌یه‌تی به‌هێز بووه‌ قسه‌ی ڕه‌تكردنه‌وه‌ی نه‌بووه‌ ناویان نابوو ژنه‌ لێهاتووه‌كه‌ی گه‌ڕه‌ك».


خاتوو زه‌كیه‌ وتی «نه‌نكم هه‌موو كات ئه‌م فه‌رمایشته‌ی وتووه‌ ( ژن ئه‌و ژنه‌یه‌ خڕه‌ی تاوه‌ و شلقه‌ی نانی بێت )» .
«هه‌موو ئه‌و مناڵانه‌ی لای نه‌نكم بوون به‌ ناوی منداڵه‌كانی پوره‌ مه‌ریه‌م ناسرابوون، هه‌روه‌ها ده‌یان جۆره‌ كاسبی تری كردووه‌ بۆ ئه‌وه‌ی منداڵه‌كانی ( پوره‌ مه‌ریه‌م ) كه‌م و كوڕیان نه‌بێ، ڕێزی لای شێخ و گه‌وره‌ پیاوان و ژنانی شار هه‌بووه‌» .
خاتوو زه‌كیه‌ سنگفراوانی و سۆز و لێبورده‌یی و خۆشه‌ویستی بۆ مناڵ ده‌گه‌ڕێنێته‌وه‌ بۆ خاتوونێك پێیان وتووه‌ ( نه‌نه‌ ) كه‌ ئه‌ركی به‌خێوكردنی خۆی و جه‌مالی برای له‌ ئه‌ستۆگرتبوو و له‌ ماڵیاندا ژیاون .
له‌ سه‌ره‌تای ژیانیه‌وه‌ ئاره‌زووی چونه‌ قوتابخانه‌ی هه‌بووه‌، چاوی له‌وه‌ بووه‌ وه‌ك خوشكه‌ گه‌وره‌كه‌ی بچێته‌ به‌ر خویندن كه‌ چووه‌ یه‌كه‌م ساڵ له‌به‌ر بچوكی وه‌ریان نه‌گرتووه‌، خوێندكارێكی زیره‌ك و زیت و وریابووه‌ له‌هه‌موو قۆناغه‌كانی خوێندن، ئاره‌زووی بووه‌ بچێته‌ زانكۆ، به‌ڵام به‌هۆی هه‌ندێ گرفتی خێزانی و مردنی براكه‌ی باوكی هانی داوه‌ بچێته‌ خانه‌ی مامۆستایان بۆ ئه‌وه‌ی زوو بگه‌رێته‌وه‌ و كاربكا، بۆیه‌ چۆته‌ خانه‌ی مامۆستایان وه‌ك گێرایه‌وه‌ وتی: له‌ پۆلی یه‌كی خانه‌ی مامۆستایان نمره‌م ( ٩٨ ) بووه‌ و مامۆستایه‌كم به‌ناوی سوعاد به‌هنام هانی داوم وتویه‌تی تۆ گوناحه‌ له‌ زانكۆ نه‌بی، دیسان باوكم و دایكم لایان په‌سه‌ن نابێ، ئیتر به‌رده‌وام بووم و له‌ خانه‌ی مامۆستایانی به‌ پله‌یه‌كی زۆر باش ده‌رچووم و له‌ ٨/١٢/١٩٦٢ دامه‌زرام، له‌ دوو قوتابخانه‌ وانه‌ی وه‌رزشم ده‌وته‌وه‌ له‌ ناوه‌ندی هونه‌ری ماڵ و قوتابخانه‌ی نصر، وتیشی «له‌ دواناوه‌ندی هیچ پێداویستیه‌كی وه‌رزشیمان نه‌بوو، به‌ڵام به‌هاوكاری به‌ڕێوه‌به‌ر مامۆستا گه‌لاوێژ عه‌زیز، توانیم كه‌ره‌سته‌كان به‌ ڕێگای جیاجیا دابین بكه‌م، له‌وانه‌ مێزی تێنس و باله‌ و باسكه‌ وكه‌ره‌سته‌ی خۆراگرتن ( ته‌وازن ) بازی و ئه‌سپه‌دارینه‌ و ئاسنی خۆ هه‌ڵواسین و كه‌ره‌سته‌ی تر له‌ ڕێگای ئاماده‌یی پیشه‌سازی كوڕان كه‌ بۆیان دروستكردین، وتیشی له‌ ( ١٦ ) خوێندگا وانه‌ی وه‌رزشم ووتۆته‌وه‌، پێشتر من هه‌ندێ مامۆستای وه‌رزش هه‌بوون، به‌ڵام وانه‌كانیان به‌ وانه‌یه‌كی لاوه‌كی له‌قه‌ڵه‌م ئه‌دا من توانیم گیانی به‌ به‌رابكه‌م و بیكه‌م به‌ وانه‌یه‌كی راسته‌قینه‌، له‌پاڵ وه‌رزش ( ٢٢ ) ساڵ وانه‌ی ئه‌لف و بێی كوردی و ماتماتیكم وتۆۆته‌وه‌ به‌كۆی گشتی ( ٣٦ ) ساڵ خزمه‌تم هه‌بووه‌» .
گێرایه‌وه‌ وتی: له‌ ماوه‌ی ( ٣٦ ) ساڵ خزمه‌تم، یه‌ك جاریش لێدانم به‌كارنه‌هێناوه‌، هه‌موو چوونه‌ ژوره‌وه‌یه‌كی پۆل دوعام ده‌كرد ده‌مووت خوایه‌ پشوو درێژم بكه‌ی وته‌حه‌مولم بكه‌ن و منیش ته‌حه‌مولیان بكه‌م، ته‌نانه‌ت یه‌ك لێدانی بچوكیشم له‌ منداڵی خۆم نه‌داوه‌، هه‌رگیز باوه‌ڕم به‌و جۆره‌ په‌روه‌رده‌یه‌ نه‌بووه‌، هه‌روه‌ها له‌ خوێندگایه‌ك وانه‌ی وه‌رزشم وتبێته‌وه‌ هه‌وڵم داوه‌ كه‌ره‌سته‌ی وه‌رزشیان بۆ دابین بكه‌م و ئاماده‌یان بكه‌م، ئه‌وسا هیچ شتێ ئاسان نه‌بوو، وتی: ڕووداوی سه‌یر ڕووبه‌ڕووی مامۆستای وه‌رزش ده‌بێته‌وه‌، به‌ڵام ده‌بوایه‌ چاره‌سه‌ر بدۆزینه‌وه‌ وه‌ك مامۆستایه‌كی په‌روه‌ردكار، بۆ نمونه‌ جارێكیان داوای پانتۆڵ و جلی وه‌رزشیم له‌ خوێندكاره‌كان كرد، باوكی كچێك نامه‌یه‌كی توندی بۆ ناردبووم و تیایدا نووسیبوی ، ( زه‌كیه‌ ره‌شید بۆی نیه‌ پانتۆڵ بكاته‌ به‌ر كچه‌كانمان خۆ ئێمه‌ كچمان نه‌ناردۆته‌ هۆلیۆد و ….. )، كه‌ چوومه‌ بنج و بناوانی هۆكاری ئه‌و نامه‌یه‌، زانیم ئه‌و باوكه‌ كه‌م ده‌رامه‌ته‌ و چواركچی له‌ خوێندنگان و توانای دابین كردنی جلی نیه‌، منیش له‌گه‌ڵ فڕۆشگای مه‌كته‌ب ڕێكه‌وتم جله‌كانم بۆ كردن، ئیتر زانیم هۆكاری ئه‌و توندیه‌ نه‌بوونیی خۆی بووه‌ .


له‌ میانه‌ی گفتوگۆكه‌مان لێم پرسی چی پاڵی پێوه‌نای ببیته‌ هاوڕێی كتێب و بكه‌ویته‌ نوسین؟ وتی: وه‌ك مامۆستا كه‌ریم زه‌ند بۆی گێڕامه‌وه‌، هه‌ر له‌ زووه‌وه‌ ماڵه‌كه‌مان كتێبخانه‌ی حیزبی شیوعی له‌ ره‌فه‌و تاقه‌كانی هه‌بووه‌ و براده‌رانی هاتوونه‌ته‌ ماڵی ئێمه‌ بۆ خوێندنه‌وه‌ و كتێب وه‌رگرتن خۆشم بیرمه‌ له‌و كتێبانه‌م ده‌گواسته‌وه‌ بۆ هه‌ندێ ماڵی خزم و ناسیاو، هه‌ربۆیه‌ش زوو ئاشنای كتێب و به‌های كتێب بووم، و له‌ پۆلی دووی ناوه‌ندی به‌ هه‌ڵبژاردن بووم به‌ به‌رپرسی كۆمه‌ڵه‌ی جوگرافیا له‌قوتابخانه‌ به‌سه‌رپه‌رشتی مامۆستا نه‌سرین مه‌زهه‌ر و ( ٤٠ ) خوێندكار بووین، ڕۆژانی دوو شه‌ممه‌ كۆ ده‌بوینه‌وه‌ و ده‌یان چالاكی جۆراوجۆرمان پێشكه‌ش ده‌كرد، گۆڤارێكمان ده‌ركرد به‌ ( ٢٠ ) لاپه‌ڕه‌، مامۆستا نه‌سرین ژماره‌یه‌كی نارد بۆ كه‌ركوك بۆ مامۆستا ره‌فیق حلمی، دوای ماوه‌یه‌ك نامه‌یه‌كی تایبه‌تیم به‌ده‌ست گه‌یشت له‌ مامۆستا ره‌فیق حلمیه‌وه‌ بۆی نوسیبووم « هیوادارم كچه‌ بچكۆله‌كه‌م له‌ دواڕۆژدا په‌نجه‌ و خامه‌كه‌ت بۆ میلله‌تی كورد و كوردستان به‌كاربهێنێت « ئه‌و نامه‌یه‌ هانده‌رم بوو، بۆ نوسین و خوێندنه‌وه‌ی زیاتر ئیتر وام لێهات بووم به‌ هاوڕێی هه‌میشه‌یی كتێب، زانیشم نووسین جێژێكی تایبه‌تم پێده‌به‌خشێت، وتیشی: هه‌روه‌ك چۆن ئاره‌زووی زۆرم بۆ خوێندنه‌وه‌ و شیعر هه‌بوو، توانایه‌كی باشیشم له‌ هونه‌ر و وێنه‌كێشان هه‌بوو، به‌ڵام به‌ پێچه‌وانه‌ی مامۆستا ره‌فیق حلمی مامۆستایه‌كی بێزاركه‌رمان هه‌بوو، جارێك ده‌رسی نه‌ووته‌وه‌ وتی: بۆخۆتان وێنه‌ بكێشن، منیش وێنه‌ی كچێكی جوانم كێشا كه‌ بۆم برد دیاربوو به‌دڵی بوو لچی بادا وتی: ( كل فنانه‌كسلانه‌ ) واته‌ هه‌موو هونه‌رمه‌ندێ ته‌مه‌ڵه‌، ئه‌و قسه‌یه‌ وایلێكردم پشت له‌ هونه‌ر بكه‌م هه‌رچه‌نده‌ له‌ ماڵه‌وه‌ فڵچه‌ و بۆیه‌م هه‌بوو تابلۆم ئه‌كێشا.
به‌ڵام به‌رده‌وامم له‌ نوسین خاوه‌نی ( ١١ ) كتێبم حه‌وتیان به‌چاپ گه‌ینراون و ( ٤ ) یان ئاماده‌ن، به‌ڵام نه‌متوانیووه‌ به‌ چاپیان بگه‌یه‌نم یه‌كێكیشیان له‌وه‌زاره‌تی رۆشنبیریه‌ و پشتگوێ خراوه‌، هه‌روه‌ها وتاری زۆریشم هه‌یه‌ به‌ تایبه‌تی له‌ گۆڤاری ( ئاینده‌ سازی ) له‌سه‌ر بابه‌تی جیاجیا، جارێكیشیان به‌ كه‌سی یه‌كه‌م منیان ناساند به‌هۆی نووسینه‌كانمه‌وه‌ له‌ ژێر ناونیشانی كاری خۆبه‌خشی له‌ كلتوری كوردیدا ( له‌ سلێمانی و دێهاته‌كان )ی .
له‌ ماوه‌ی یه‌ك ساڵیش ( ١١ ) چیرۆكم نووسی، یه‌كه‌م به‌رهه‌میشم شیعرێك بوو له‌ ڕۆژنامه‌ی قوتابیان بڵاوكرایه‌وه‌ له‌سه‌ر كۆترێكی سپی ئاواره‌ بوو كه‌ نه‌یئه‌توانی بنیشێته‌وه‌ كۆتایی شیعره‌كه‌ ده‌ڵێ :
ڕه‌وره‌وه‌ی مێژوو ناگه‌ڕێته‌وه‌
خه‌باتی سه‌ختیش ناسرێته‌وه‌
خاتوو زه‌كیه‌ خاوه‌نی سێ منداڵه‌ دوو كچ و كوڕێك و به‌ ته‌نها ئه‌ركی به‌خیوكردن و په‌روه‌رده‌كردنی هه‌ڵگرتووه‌، گێڕایه‌وه‌ وتی «منیش و هیچ ژنێك ئاره‌زووی جیابوونه‌وه‌ ناكات، به‌ڵام كه‌ ژیانی هاوسه‌ری به‌ ڕێچكه‌ی سروشتی خۆی تێپه‌ڕنه‌بێ، باشتر وایه‌ هه‌ریه‌ك له‌ ماڵی خۆیدابێ، من وازم له‌ هه‌موو مافێكی خۆم هێنا ته‌نها داوای سێ منداڵه‌كه‌م كرد بۆیه‌ خۆم به‌رپرسی یه‌كه‌م و دوایی ده‌زانی به‌رامبه‌ریان، توانیشم ئه‌و ئه‌ركه‌ به‌ باشی ئه‌نجام بده‌م خوێندنیان پێ ته‌واو بكه‌م نه‌مهێشت كه‌م و كوڕییان هه‌بێ به‌پێی توانا ئێستا هه‌ریه‌كه‌یان له‌ ماڵی خۆیانن، و دایكم و خوشك و براكانم درێغییان نه‌كرد له‌ هاوكاریم» .

كتێبه‌ چاپكراوه‌كانی :
١- ڕێنمایی ده‌ ڕۆژی یه‌كه‌می مانگی یه‌كه‌م بۆ پۆلی یه‌كه‌می بنه‌ڕه‌تی .
2- ڕه‌وتی كچانی كورد له‌ بواری خوێندن و شانۆ و وه‌رزش له‌ سلێمانی .
٣- په‌ندی پێشینانی كورد / په‌ند و ئیدیۆم له‌ زمانی كوردیدا .
٤- چاره‌سه‌ر به‌ گژوگیا ( وه‌رگێڕان ) .
٥- نه‌ریت و كلتوری كوردی .
٦- بزوتنه‌وه‌ی كچان له‌سلێمانی .
٧- ئه‌و چیرۆكانه‌ی منیان هه‌ژاند .
ئه‌م به‌رهه‌مانه‌شی ئاماده‌ن بۆ چاپ :
١- گه‌ڕانه‌وه‌ بۆ سروشت .
٢- ئیدیۆم له‌ زمانی كوردیدا .
٣- چیرۆكه‌كانی داپیره‌ .
٤- ژن و ژان و ژیان .
له‌ پاڵ ئه‌مانه‌شا ده‌یان خولم بینیوه‌ له‌ بواری جیاجیا و له‌ ده‌یان چادرگه‌ی ناو سلێمانی و ده‌وروبه‌ری سلێمانی له‌ شاره‌كانی تری عێراق به‌شداریم كردووه‌ ماندووبوونم نه‌زانیووه‌.
له‌ كۆتایی گفتوگۆكه‌مان هه‌ستم كرد ئه‌وه‌نده‌ ژیانی زه‌كیه‌ خاتوون پڕه‌ كه‌ ناتوانرێ له‌په‌ڕه‌كانی ڕۆژنامه‌ جێگای ببێته‌وه‌ بۆیه‌ ته‌نها ئه‌م گفتوگۆیانه‌م كورته‌یه‌كی پوختی ژیانی ئه‌و ژنانه‌ن كه‌ توانیویانه‌ ڕووبه‌ڕووی سه‌دان گرفت ببنه‌وه‌ و به‌سه‌ربه‌رزی زاڵببن .
وته‌یه‌كی مایا ئه‌نجیلۆی شاعیر و نوسه‌ری ئه‌مریكیم بیركه‌وته‌وه‌ كه‌ ده‌ڵێ « ڕه‌نگه‌ نه‌توانین كۆنتڕۆڵمان به‌سه‌ر ڕووداوه‌كانی ده‌وروبه‌رمان هه‌بێ، به‌ڵام ئه‌توانین ڕێگربین له‌وه‌ی كاریگه‌ری به‌سه‌رمانه‌وه‌ هه‌بێ « ئه‌مه‌ش خه‌سڵه‌تی خاتوو زه‌كیه‌ بووه‌ بۆیه‌ سه‌ركه‌وتووه‌ .

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

بۆ پۆستی پارێزگاری كەركوك یەكێتی داوای ئیستحقاقی خۆی كردووە، نەك شتێكی نایاسایی

قادر عەزیز ئەندامی مەكتەبی سیاسی‌و سەرپەرشتیاری مەكتەبی راگەیاندن، لەمیانی وتوێژێكی ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort