سەرەکی » مانشێت » مەلا بەختیار: هەموومان قەرزارباری سلێمانین

لەڕێوڕەسمی پەردەلادان لەسەر پەیكەری شار

مەلا بەختیار: هەموومان قەرزارباری سلێمانین

ئێوارەی رۆژی(4/12/2018) بەئامادەبوونی مەلا بەختیار، سیاسەتمەدارو رۆشنگەر، گروپی هونەریی دڵخواز، رێورەسمێكی بۆ پەردەلادان لەسەر پەیكەری شار، لەبەردەركی سەرای سلێمانی بەڕێوەبرد‌و تیایدا مەلا بەختیار، وتارێكی پێشكەشكرد.
لەبەشێکی وتارەكەیدا، مەلا بەختیار، سوپاسی گروپی هونەریی دڵخوازی كرد، كە پرۆژەی ئەم پەیكەرەیان ئەنجامداوەو ئاماژەی بۆ ئەوەكرد:
لەمانگی یەك گەورەترین كۆنفرانس بۆ (50) فەیلەسوف و بیرمەندی جیهان لەسلێمانی رێكدەخەین‌و چوارەمین كۆنفرانسی دابڕان سازدەدەین.. مانگی چواریش (21)یەكەمین فێستیڤاڵی گەلاوێژیش ئەنجامدەدەین‌و وتی: ئەم چالاكییانە بۆ سلێمانی، هاوشانی ئەوەی بنكەی گەلاوێژ و بەندە هەوڵێكی زۆرماندا، هەتا سلێمانیمان كرد بە پایتەختی رووناكبیری لەكوردستانداو چەسپاندمان‌و خۆشبەختانەش ئێستا لەسەرانسەری دنیا بووە بەپایتەختی رووناكبیریی.
ئێستا زۆری ماوە سلێمانی، پایتەختە رووناكبیرییە ئازیزەكەی خۆمان، كە دوو هەفتە لەمەوبەر یادی دامەزراندنی بوو، هەروەها چواردەی مانگیش یادی زانكۆی سلێمانی بوو، ئێمە دەمانویست ئەم پەیكەرە، پەیكەری شار لەیادی سلێمانی، یا لەیادی دامەزراندنی زانكۆی سلێمانی دابنرێت، كە زانكۆی دایكە لەكوردستانداو زانكۆیەكە لەساڵی (1968) رەوانشاد (مامۆستا ئیبراهیم ئەحمەد)و رەوانشاد (جەنابی مام جەلال)، ئەم زانكۆیەیان دروستكردو خۆشبەختانە هەتا ئێستا لەخزمەتی زانست و زانیاریی و پێشكەوتن بەردەوامەو خۆشحاڵیشین كە لەسەرانسەری كوردستاندا، ئێستا زیاتر لە(30) زانكۆی رەسمی و ئەهلی هەیە، كە هەموویان لەخزمەتی ئەم وڵاتەو ئەم كوردستانەدان، كە بەدرێژایی مێژوو نەیانهێشتووە خێر ببینێت، ئێستا خەریكە نەوەكانمان پێدەگەیەنرێت.
رونیشیكردەوە: ئەم پرۆژەیە، لەگروپی هونەریی دڵخواز، بۆ پەیكەری شار، دەتوانم بڵێم ساڵێك زیاترە بیری لێكراوەتەوەو بەرنامەی بۆ دانراوەو پێشبڕكێی لەسەر ئاستی عیراق بۆ كراوەو هەوڵیشمانداوە لەڕێگەی برایەكی ئازیز بەناوی (جەمال جەلال) كە خەڵكی پێنجوێنەو لەشارەكەشماندا بەناوبانگە، هەوڵێكی دڵسۆزانەمان لێبینی، كە تەواوی بودجەی ئەم پرۆژە لەلایەن جەنابییەوە جێبەجێكرا.. بۆیە لێرەوە بەناوی هەمووتانەوە، بەناوی خەڵكی سلێمانی و گروپی هونەریی دڵخوازیشەوە، پیرۆزباییەكی بێڕادەی لێدەكەم و هیواموایە نموونەی ئەمجۆرە پیاوە سەرمایەدارە نیشتمانپەروەرە، كوردپەروەرە، هونەرپەروەرو ئەدەبپەروەرانە، لەكوردستان زیادبێ‌، چونكە ئەمجۆرە یارمەتیانە جێگە دەگرێت‌و شوێن دەگرێت‌و دەبێتەمایەی ئەوەی نەوەكانمان هەموویان شانازی بەم دەستكەوتە هونەرییانەو بەدەستكەوتەكانی سینەماو گەلاوێژو هەموو ئەو پێشكەوتنانە بكەن، بۆیە ئومێدەوارم بەردەوام سەرمایەدارە نیشتمانپەروەرو كورستانپەروەرەكان، لەم بەخششە بوارەكانی هونەر بێبەش نەكەن.


راشگەیاند: بێگومان دروستكردنی پەیكەرەكە، بۆ هونەرمەندێكی عەرەبی مامۆستای پەیمانگەی هونەرەجوانەكان، لەناو چەندین هونەرمەند كە سكێچی پەیكەرەكانیان پێشكەش كردبوو، سكێچی ئەم پەیكەرە یەكەم دەرچوو، ئەو لیژنانەشی ئەم بەرهەمانەیان هەڵسەنگاند، هەموویان لیژنەی شارەزاو بێلایەن بوون، بڕیانداوە كە ئەم پەیكەرە بەدەستكاریكردن و بەكورداندنی سیماو جلوبەرگی پەیكەرەكە یەكەم بێت‌و ببێ‌ بەو پەیكەرەی هەموو ئەو خوشك‌و برایانەی لەبەردەركی سەراوە دێن‌و دەڕۆن، ئاورێك بدەنەوە لێرەو لەدەستی چەپی بەردەركی سەرا، لەپاڵ گوڵاڵە سورەكانی رۆژی رەشی ئەیلول و ئەو خۆپیشاندانە گەورانەی لەمێژوودا لێرەو جێگەی شانازیمانن‌و تەنانەت لەدوای راپەڕینیش كە بەردەركی سەرا بووە بە مەیدانی خەباتێكی مەدەنی عاقڵانە، نەك خەباتی مەدەنی توندڕەوانە، كە ئامانجە مەدەنییەكانیش لەبار دەبات، خەباتی مەدەنی، رەخنەی مەدەنی، ناڕەزایی مەدەنی و عاقڵانە، بەردەركی سەرا هەمیشە شانۆی خۆپیشاندانی داخوازییەكان‌و دیموكراسی و بەدیهێنانی ئازادیی و مافەكان بووەو ئەم پەیكەرە جوانەش، یەكێك لەهێما جوانەكان دەبێ‌‌و بڕواموایە ماوەیەكی زۆرنابا، دەبێ‌ بەیەكێك لەسیما جوانەكانی بەردەركی سەراو شاری سلێمانی.


گروپی هونەریی دڵخواز زۆرنییە دامەزراوە، بۆ یكەمینجاریش كە تەشریفیان هێنا بۆ لای من، لوتفیان كردوو گەورەیی خۆیان نواند كە لەمنیان رابینی بتوانم پشتیوانیان بكەم، بۆیە لەیەكەمین چركەساتەوە، بەڵێنمدا كە لەگەڵیان بەردەوام دەبین چالاكی نایابی زۆریان كردووە، چ لەسلێمانی و چ لەبادینان و لەسەرجەم بوارەكانی هونەردا‌و بەهەمووتان دەڵێم هێشتا سەرەتای داهێنانە، سەرەتای خزمەتكردنی بوارەكانی هونەرەو سەرەتای رازاندنەوەی شارەو سەرەتای خزمەتكردنی هونەرمەندە راستەقینەكانە.
لەدرێژەی وتارەكەیدا، مەلا بەختیار، ئومێدیشیخواست، ئەم پەیكەرە، پەیكەری شار بۆ شارو لەپێناو ئاییندەیەكی جوانتری شاری سلێمانی، كە زۆر لەوە زیاتر دەهێنێت. چونكە هەموومان قەرزارباری ئەمشارەین‌و ئەوەی سلێمانی ئەوەی بۆ كوردایەتی و كوردستانی كردووە، لەپێشەوەی هەموو شارەكانی تری كوردستانەوەیە، هەموو شارەكانی تر لەكوردایەتی، لەمەعریفە، لەهونەر، لەڕەخنە، لەدەركردنی گۆڤار و رۆژنامە، لەپێگەیاندنی كەڵەپیاوان و كەڵەنوسەران، كەڵە شاعیران، لەسێكوچكەی بابانەوە بۆ دوای ئەوان، هەموو شارەكانی كوردستان‌و روناكبیرانی كوردستان قەرزاری ئەم پایتەختەی رووناكبیرین، كە لەسەردەمی میرنشینی بابانەوە دروستبووەو كاروانەكەشی هەتا ئێستا پشوودان نازانێت چییە!


لەكۆتاییدا رایگەیاند: سوپاس بۆ گروپی هونەری دڵخوازو سوپاس بۆ ئەو هونەرمەندانەی بۆ دروستكردنی ئەم پەیكەرە ماندبوون و ئەو میوانانەشی لێرەن، سوپاس بۆ یەكە بەیەكەتان كە لەم سەرمایەدا تەشریفتان هێناوەو شانازی بەوەوە دەكەن، كە شارەكەتان پەیكەرێكی جوان، بەناوی پەیكەری شار دروستكراوەو دانراوە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

دوو شێوەکاری کورد لە بەسرە بوون

لەڕۆژانی رابردوودا لەشاری بەسرە، زانکۆی بەسرە سیمپۆزیۆمی بۆ ژمارەیەک هونەرمەند ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort