سەرەکی » دۆسێ » نەتانیاهۆ بە گەندەڵی تۆمەتبار دەكرێتەوە

جاری سێیەمە

نەتانیاهۆ بە گەندەڵی تۆمەتبار دەكرێتەوە

پۆلیسی ئیسرائیل، تۆمەتەكان رووبەڕووی بنیامین نەتانیاهۆ سەرۆك وەزیرانی وڵاتەكە و سارەی هاوسەری دەكات لە كەیسەكانی تایبەت بە گەندەڵی، ئەمەش دوای دوو بڕیاری هاوشێوەیە كە لە دوو كەیسی تردا لە مانگی شوباتی رابردوو، روووبەڕوویان كرابۆوە.
لەئێستادا پێویستە داواكاریی گشتی ئیسرائیل بڕیار بدات كە ئایا تۆمەتەكان لەو كەیسەدا رووبەڕووی نەتانیاهۆ دەكاتەوە كە پەیوەندی بە گروپی «بیزیك»ەوە هەیە یاخود نا.
دوابەدوای ئەوەش، نەتانیاهۆ دەستبەجێ‌ ئەو تۆمەتانەی رەتكردەوە كە رووبەڕووی خۆی و هاوسەرەكەی كرابوون، و لەو بارەیەوە رایگەیاندبوو»ئەو راسپاردانەی دیاریكراون و دزەیان پێكراوە، تەنانەت بەر لە دەستپێكردنی لێكۆڵینەوەكان ئامادەكراون».
سەرۆك وەزیرانی ئیسرائیل، بەردەوام ئەو كەیسانە وەك پیلانێك وەسف دەكات كە بە گوتەی خۆی لەلایەن نەیارەكانییەوە داڕێژراون و دەیانەوێت لەو رێگەیەوە ناچاری بكەن دووربكەوێتەوە.
نەتانیاهۆ لە سەرەتای كانوونی یەكەمی 2018 لە بەیانامەیەكدا رایگەیاندبوو»من دڵنیام لەوەی كە دەسەڵاتە پەیوەنیدارەكان لەم حاڵەتەدا و لەبارەی ئەو كەیسانەوە دەگەنە ئاكامی: هیچ نەبووە چونكە لە راستییدا هیچ شتێكی لەو جۆرە روینەداوە».
پۆلیسی ئیسرائیل باس لە بوونی ئەو بەڵگانە دەكات كە لێوەی نەتایاهۆ بە وەرگرتنی بەرتیل و فێڵ و ناپاكی لە بەرپرسیارێتی و قبوڵكردنی كاریی نەشیاو تۆمەتبار دەكەن.
بە هەمان شێوە سارە نەتانیاهۆی هاوسەریشی تۆمەتی تایبەت بە وەرگرتنی بەرتیل و فێڵ و ناپاكیكردن لە بەرپرسیارێتی و تەگەرەخستنە بەردەم كۆكردنەوەی بەڵگەكان، تۆمەتباركراوە.
بەپێی ئەو سێ‌ تۆمەتەی رووبەڕووی سەرۆك وەزیرانی ئیسرائیل كراونەتەوە، پێشبینییەكان روو لەوەن لە كۆتاییدا ببنە مایەی دوورخستنەوە و لەسەركالابردنی.
پێشتر بنیامین نەتانیاهۆ سەرۆك وەزیرانی ئیسرائیل بەشێوەیەكی دوورودرێژ لەلایەن پۆلیسەوە لەسەر دۆسێكانی تایبەت بە گەندەڵی لە بارەگای خۆی لە شاری قودس لێكۆڵینەوەی لەگەڵدا كراوە،میدیاكانی وڵاتەكەش لە ساڵی رابردوودا پێشبینییان كردبوو، بەو هۆیەوە نەتانیاهۆ لە پۆستەكەی لاببرێت.
لەسەر دۆسێی تایبەت بە تێوەگلانی لە گەندەڵی، سەرۆك وەزیرانی ئیسرائیل بۆ چەند جارێك لەلایەن پۆلیسی وڵاتەكەی بەشێوەیەكی دوورودرێژ لێكۆڵینەوەی لەگەڵدا كراوە، لە هەمان كات و هەر لەسەر ئەو دۆسێیە، پۆلیس بەشێوەیەكی جیا لێكۆڵینەوەی لەگەڵ سارە نەتانیاهۆ، ژنی سەرۆك وەزیراندا كردووە، ئەوەش وەك میدیاكانی ئیسرائیل باسیان كردبوو، رەنگە ببێتە مایەی دوورخستنەوەی نەتانیاهۆ لە پۆستەكەی.
هەر بەپێی میدیاكان، پرسیارەكان پەیوەندییان بە (شائوول ئیلۆڤیچ)ەوە هەبووە، (خاوەنی گەورەترین رێژەی پشكەكان لە گروپی بیزیك بۆ پەیوەندییەكان كە گەورەترینە لەو بوارەدا لە ئیسرائیل).
لێكۆڵەكان لە 2ی ئاداری 2018، بە دوو ئۆتۆمبێلەوە گەیشتبوونە بارەگای نەتانیاهۆ لە گەڕەكی رهافیا لە قودس، و بە بەرچاوی زوومی كامێراكانەوە، چوبوونە ژوورەوە.
لە هەمان كاتدا سارە نەتانیاهۆ لە ئەللد (ناوەڕاستی ئیسرائیل) لە نوسینگەكانی «لاهف 433» كە سەر بە پۆلیسی ئیسرائیلن و پەیوەندیان بە بنبڕكردنی تاوانی رێكخراو و گەندەڵییەوە هەیە (هاوتای نوسینگەی لێكۆڵینەوە فیراڵییەكانی ئەمریكان «ئێف بی ئای»، لێكۆڵینەوەی لەگەڵدا كرابوو.
پۆلیس دەیەوێت لەڕێی لێكۆڵینەوەكانەوە، بزانێت ئاخۆ نەتانیاهۆ و ژنەكەی هەوڵیانداوە روماڵی میدیایی لە پێگەی «واڵڵا»ی هەواڵەكان دەستبخەن كە لەلایەن ئیلۆڤیچ سەرۆكی گروپی بیزیكەوە خاوەنداریی دەكرێت، لەبەرانبەر پێشكەشكردنی خزمەتگوزاریی و ئاسانكاریی حكومی كە سودی سەدان ملیۆن دۆلاری بۆ گروپەكە هەبووە.
پۆلیس لەو دەمەدا هیچ بەیاننامەیەكی رەسمی بڵاونەكردبۆوە، سەبارەت بەوەی لێكۆڵینەوەكان پێداگریان لەسەر ئەو دۆسێیە كردۆتەوە كە بە دۆسێی 4000ی پەیوەست بە گروپی بیزیك، دەناسرێت.
لێكۆڵینەوەكان لە ساڵی 2017وە دەستیانپێكردووە، بەڵام دواتر پەرەیان سەندووە و بوونەتە مایەی هەڕەشە لەسەر سەرۆكی حكومەت، ئەوەش دوای دەستگیركردنی ئیلۆڤیچ لە 18ی شوباتی رابردوو لەگەڵ شەش كەسی تردا كە دوانییان لە كەسە نزیكەكانی نەتانیاهۆن.
لێكۆڵینەوە لەو دۆسێیە یەكێكە لەو شەش لێكۆڵینەوانەی بەشێوەیەكی راستەوخۆ یان ناڕاستەوخۆ پەیوەندییان بە نەتانیاهۆوە هەیە كە تا ساڵی 2017ش لەگەڵ ئەوەی سەرۆكی حكومەت بووە، پۆستی وەزیری پەیوەندییەكانیش هەر لەلایەن خۆیەوە بەڕێوەبراوە.
دووبارەبوونەوەی ئەو كێشە دادوەریانە، رەنگە هەڕەشە لەسەر ئایندەی سیاسی نەتانیاهۆ دروست بكەن كە بۆ نزیكەی 12 ساڵە بەبێ‌ بوونی ركابەرێكی راستەقینە، سەرۆكایەتی حكومەتی ئیسرائیلی دەكات.
لەگەڵ ئەوەی تائێستا (كاتی ئامادەكردنی ئەم نوسینە) هیچ تۆمەتێك لەو دۆسێیانە رووبەڕووی نەتانیاهۆ نەكراوەتەوە، بەڵام پۆلیس لە 13ی شوباتی رابردووەوە، دەستیكردووە بە رووبەڕووكردنەوەی تۆمەتەكان لەسەر سێ‌ دۆسێ‌، تەنگیشی بە كەسە نزیكەكانی سەرۆك وەزیران هەڵچنیەوە.
میدیاكان ئاشكرایان كردبوو، پۆلیس بەڵگەنامەی شەرمەزاركەری دەستكەوتووە، لەوانە تۆماری قسەكانی نێوان ئیلۆڤیچ و بەڕێوەبەری پێگەی «واڵڵا» لەگەڵ ئەو كورتەنامانەی كە سارە نەتانیاهۆ بۆ ژنەكەی (ئیلۆڤیچ)ی ناردوون.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ناكۆكی لە نێوان حەكیم و خەزعەلیدا دروست دەبێت

بەرهەم ساڵح سەرۆك كۆماری عیراق، چارەسەری ناكۆكییەكانی ئەم دواییەی نێوان ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort