سەرەکی » هەواڵ » عومەر فەتاح: مامۆستایان هەقیانە ژیانێكی شایستەیان هەبێت

عومەر فەتاح: مامۆستایان هەقیانە ژیانێكی شایستەیان هەبێت

عومەر فەتاح كارگێڕی مەكتەبی سیاسیی (ی.ن.ك)، جەخت دەكاتەوە لەسەر ئەوەی كە»مامۆستایانی كوردستان هەڵگری پەیامێكی پیرۆز‌و ئەركێكی گرنگن، بۆیە هەقیانە ژیانێكی شایستەیان هەبێت» بۆ ئەوەش داوایكرد داكۆكی لەمافەكانیان بكرێت.
ئەم وتانەی عومەر فەتاح، لەكۆبوونەوەیەكیدا هات لەگەڵ لیستی سەوز لەیەكێتیی مامۆستایانی كوردستان، كە نەرمین عوسمان ئەندامی سەركردایەتی‌و سەرپەرشتیاری مەكتەبی رێكخراوەكان، ئامادەبوو.
لەكۆبوونەوەكەدا، كە سەرۆكی یەكێتیی مامۆستایان‌و نوێنەرانی مامۆستایان لەسكرتاریەت‌و لقی هەموو ناوچەكانی كوردستان ئامادەیبوون، دۆخی مامۆستایان‌و هەڵسەنگاندنی كاروباری یەكێتیی مامۆستایان‌و چارەسەركردنی كەموكورتییەكان‌و گەڵاڵەكردنی بەرنامەی نوێی كاركردن بۆ راپەڕاندنی ئەركەكان‌و خزمەتكردنی زیاتری مامۆستایان، گفتوگۆی لەسەر كرا.
لەدرێژەی قسەكانیدا، عومەر فەتاح، وتیشی: لەقۆناغی شارو شاخدا، مامۆستایانی كوردستان دەستبەرداری پەیامە پیرۆزو ئەركە گرنگەكەیان نەبوون، كە بڵاوكردنەوەی زانست‌و هۆشیاری‌و پێگەیاندنی نەوەكانمانە.
لای خۆیشییەوە نەرمین عوسمان، قسەی لەسەر كارەكانی لیستی سەوزی لەیەكێتیی مامۆستایان‌و چۆنێتی چارەسەركردنی كەموكوڕییەكان‌و خۆسازدانەوە بۆ راپەڕاندنی ئەركەكان، كرد. ئامادەبووانیش پێشنیازەكانیان بۆ باشتر بەڕێوەچوونی كاروبارەكانی یەكێتیی مامۆستایان، خستەڕوو.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

2 × 3 =

x

هەواڵێ هاوشێوە

هەولێر، یادی لە دایكبوونی شاژنی بەریتانیا كرایەوە

ئێوارەی 23/4 كونسوڵگەریی بەریتانیا لەهەولێر، بەبۆنەی یادی لەدایكبوونی شاژنی بەریتانیا ...