سەرەکی » دۆسێ » نەتەوە یەكگرتووەكان: 20 ملیۆن یەمەنی لە مەترسیدان

پەیوەندی بە ئاسایشی خۆراكەوە هەیە

نەتەوە یەكگرتووەكان: 20 ملیۆن یەمەنی لە مەترسیدان

رێكخراوەكانی سەر بە نەتەوە یەكگرتووەكان، هۆشداریی دەدەن لە نەمانی ئاسایشی خۆراكی لە یەمەن كە كاریگەریی لەسەر نزیكەی 20 ملیۆن كەس لەو وڵاتەی نیمچە دوورگەی عەرەبی دروست كردووە، هۆكاریی سەرەكی ئەوەش بۆ ئەو ناكۆكییە چەكدارییە دەگێڕنەوە كە لە ساڵی 2015وە لە وڵاتەكەدا بەردەوامە.
رێكخراوی خۆراك و كشتوكاڵ (فاو) و پرۆگرامی خۆراكی جیهانی و رێكخراوی یونسێف و رێكخراوەكانی تر بە سەر نەتەوە یەكگرتووەكان، لە بەیاننامەیەكی هاوبەشیاندا كە لە 8ی كانوونی یەكەمی 2018 بڵاویان كردەوە، رایانگەیاندووە»15.9 ملیۆن كەس لە یەمەن، لەئێستادا بەدەست برسێتییەوە دەناڵێنن»داواشیان كردووە»چوارچێوەی یارمەتیە مرۆییەكان بەشێوەیەكی خێرا بۆ رزگاركردنی چەندان ملیۆن منداڵی یەمەنی فراوان بكرێت.
یەمەن لە ساڵی 2014وە جەنگ بەخۆوە دەبینێت لەنێوان یاخیبووە حوسییەكان و هێزەكانی سەر بە حكومەت، دەستوەردانی سعودیە كە سەركردایەتی هاوپەیمانییەكی سەربازی كرد لە ئاداری 2015وە، بۆ پشتیوانی لە حكومەتی دانپێدانراو لەسەر ئاستی نێودەوڵەتی، دوای ئەوەی حوسییەكان دەستییان بەسەر ناوچەیەكی بەریندا گرت بە سەنعای پایتەختەوە، هێندەی تر رەوشی ململانێكانی لە وڵاتەكەدا ئاڵۆتركرد.
نەتەوە یەكگرتووەكان دەڵێت، ناكۆكییەكان لە یەمەن، لە ئاداری 2015وە، بونە مایەی كوژرانی زیاتر لە دە هەزار كەس، و دروستكردنی خراپترین قەیرانی مرۆیی لە جیهان.
بەپێی بەیاننامەی رێكخراوەكانی سەر بە نەتەوە یەكگرتووەكان،»ناكۆییەكان هۆكاریی سەرەكی نەمانی ئاسایشی خۆراكین، بەڵام فاكتەریش هەن، لەوانە نەمانی هەلی كار و سەرچاوەكانی دابینكردنی پژێوی ژیان و بەرزبوونەوەی نرخی پێداویستییە سەرەكییەكان، بەجۆرێك كە وایكردووە خێزانەكان نەتوانن، خۆراك بكڕن».
ناكۆكییەكانی یەمەن، تا ئەندازەیەكی زۆر بونەتە مایەی داڕمانی ئابوری وڵاتەكە، و پوكانەوەی گەشە بەرێژەی 50% لە ساڵی 2015وە، ئەمەش بەپێی بانكی نێودەوڵەتی. رێژەی بێكاریی لە یەمەندا گەیشتۆتە زیاتر لە 30%، چاوەڕوانیش دەكرێت رێژەی هەڵاوسان بگاتە نزیكەی 42%، بۆ چەند ساڵێكیش دەچێت موچەی زۆربەی فەرمانبەران نەدراوە.
پاشەكشەكردنی بەهای ریاڵی یەمەنی، بۆتە مایەی بەرزبوونەوەی زۆری نرخی پێداویستییە سەرەكییەكان، بە تایبەت پێداویستییە خۆراكییەكان.
وەك لە بەیاننامەكەشدا هاتووە»وێڕای ئەوەی بازاڕەكان تائێستاش كراوەن، بەڵام توانای دارایی كڕینی خۆراك، كێشەی هەرە گەورەی هاوڵاتیانە».
رێكخراوەكان دەڵێن، رێژەیەكی زۆری یەمەنییەكان، تەنانەت لەو ناوچانەش كە «زیاتر سەقامگیرن»، ناتوان كاڵاو پێداویستیە سەرەكییە خۆراكییەكان بكڕن، «چونكە نرخی خۆراك بە رێژەی 150% بەراورد بە ساڵانی پێش قەیرانەكە، روویان لە بەرزبوونەوە كردووە، بە هەمان شێوە نرخی سوتەمەنیش بەرزبۆوەتەوە بە نرخی غازی ماڵانیشەوە».
بەیاننامەكە لە زاری، دێڤید بیزڵی بەڕێوەبەری پرۆگرامی خۆراكی جیهانیەوە بڵاویكردۆتەوە»پرۆگرامی خۆراكی جیهانی لەئێستادا، خۆراك بۆ زیاتر لە ملیۆنێك كەس دابین دەكات لە مانگێكدا، ئەگەر ئەوەش نەبوایە، سێ‌ یەكی دانیشتوانی یەمەن رووبەڕووی برسێتیەكی لەئەندازە بەدەر دەبوونەوە».
بە گوتەی بیزڵی»پرۆگرامی خۆراكی جیهانی، پێویستی بە زیاكردنێكی گەورەی یارمەتییەكانە تا دەگاتە ئاستی یارمەتی هەمیشەیی بۆ هەموو ناوچەكانی یەمەن لەپێناو رزگاركردنی چەندان ملیۆن یەمەنی»، بەپێچەوانەوە هۆشداریی دەدات لەبارەی لەدەستدانی نەوەیەكی تەواوەتی لە منداڵان بەهۆی برسێتییەوە.

ئاگربەست
لەلایەكی ترەوە، مارتن گرێفیت نێردەی نێونەتەوەیی بۆ یەمەن رایگەیاندبوو، هەردوو لایەنی ناكۆك گەیشتوونەتە رێكەوتن بۆ ئاڵوگۆڕپێكردنی دیلەكان، ئەمەش لەمیانی وتوێژەكانی ئاشتی نێوان حوسییەكان و حكومەتی یەمەنی (لەسەر ئاستی نێودەوڵەتی دانپێدانراوە) لە سوید، كە هیوایەكە بۆ كۆتایی هێنان بە جەنگ كە بۆ نزیكەی چوار ساڵە لە وڵاتەكەدا بەردەوامە.
تیمەمەكەی گرێفیت، بۆ ماوەی هەفتەیەكە لەگەڵ لایەنە ناكۆكەكاندا سەرقاڵە لەپێناو زەمینەسازیی بۆ گەیشتن بە وتوێژی ناڕەسمی كە وابڕیارە هەفتەیەك بخایەنێت.
جەنگی لە یەمەن، بۆتە مایەی دروستكردنی خراپترین قەیرانی مرۆیی لە جیهان، بەو هۆیەوە هەزاران مەدەنی گیانیان لەدەستداوە و چەندان ملیۆنی تریش كەوتوونەتە سەر لێواری برسێتی.
ئەمە یەكەم وتوێژی نێوان لایەنە ناكۆكەكانەی لە یەمەن لە ساڵی 2016. هەوڵەكانی پێشوو بۆ ئەنجامدانی وتوێژی ئاشتی لە مانگی ئەیولی رابردوو، دووچاری كشت بوون.
چاوەڕوان ناكرێت ئەم وتوێژانە ببنە مایەی چارەسەركردنی قەیرانەكان یەمەن، چونكە بە گوتەی چاودێران، ئامانجی سەرەكی وتوێژەكان، رێگرتن لە شەڕی گشتگیر لە شاری حودەیدە كە دەكەوێتە سەر رۆخی دەریای ناوەڕاست و لەلایەن حوسییەكانەوە دەستی بەسەردا گیراوە.
نەتەوە یەكگرتووەكان هیوادارە بگاتە چوارچێوەیەك بۆ ئەنجامدانی وتوێژ كە پێناچێت هیچ چارەسەرێكی سیاسی لە ئایندەدا لێبكەوێتەوە.
لەگەڵ سەرەتای وتوێژەكان، گرێفیت بە رۆژنامەوانانی راگەیاندبوو»لەماوەی چەند رۆژی داهاتوو، هەلی یەكلاكەرەوەمان بۆ دەڕەخسێت، تا گوڕێكی تر بدەینە وتوێژەكانی ئاشتی».
نێردەی نەتەوە یەكگرتووەكان دەڵێت، هەوڵەكانیان بۆ گەیشتنە بە رێكەوتن لەسەر ئاڵوگۆڕكردنی دیلەكان كە رێخۆشكەر دەبێت بۆ بەیكەكتر شادبوونەوەی هەزاران كەس لەگەڵ خێزانەكانیان. رێكەوتنەكە بە رێوشوێنێكی باش دادەنرێت بۆ بنیاتنانی متمانە لەگەڵ دەستپێكردنی وتوێژەكان.

دەركەوتووترین تەوەری وتوێژەكان
پێش چەند كاتژمێرێك لە دەستپێكردنی وتوێژەكان، دەسەڵاتدارانی یەمەن لەڕێی تۆڕی كۆمەڵایەتی (تویتەر)ەوە داوایان كرد حوسییەكان لە حودەیدە پاشەكشە بكەن و شارەكە رادەستی هێزە حكومییەكان بكەن.
هەر لەو چوارچێوەیەدا، یەكێك لە سەركردە دەركەوتووەكانی حوسییەكان هەڕەشەی رێگرتنی لە نیشتنەوەی فڕۆكەكانی نەتەوە یەكگرتووەكان كردبوو لە فڕۆكەخانەی سەرەكی سەنعا، گەر وتوێژەكان نەبنە مایەی دەستپێكردنەوەی هەموو گەشە مەدەنییەكان. فڕۆكەخانەی نێودەوڵەتی سەنعا، بۆ دوو ساڵ دەچێت بەهۆی شەڕوپێكدادانەكانەوە داخراوە.
حوسییەكان لەئێستادا دەستیان بەسەر سەنعا و زۆرێك لە ناوچەكانی یەمەندا گرتووە، ئەمەش لەكاتێكدایە كە حكومەت لە شاری عەدەنی باشوور گیرساوەتەوە.
ماوەیەك بەر لە دەستپێكردنی وتوێژەكان، گرێفیت سەركەوتوو بوو لە دانوستانەكانی لەپێناو گواستنەوەی 50 حوسی بریندار تا لە عومان چارەسەرییان بۆ بكرێت.
نێردەی نێونەتەوەیی بۆ یەمەن، لە وتارێكیدا كە لە رۆژنامەی «نیویۆرك تایمز» بڵاوكرایەوە، رایگەیاندبوو»لەمڕۆدا وتوێژەكان هیوابەخشن».

چەند هەنگاوێكی بچو بەرەو ئاشتی
وێڕای دەستپێكردنی وتوێژەكان، بێ‌ متمانەیی باڵی بەسەر هەردوو لایەنە بەشەڕهاتووەكەدا كێشاوە، ئەمەش وادەكات ئامادەبوون لە وتوێژەكاندا لە دوای دوو ساڵ، ببێتە وەرچەرخانێكی گرنگ و دەتكەوت بۆ مارتن گرێفیت نێردەی نەتەوە یەكگرتووەكان بۆ یەمەن.
رێوشوێنەكانی بنیاتنانی متمانە كە بونە مایەی دەستپێكردنی وتوێژەكان، بە پابەندبوونی هەردوولا بە ئاگربەست و ئاڵوگۆڕپێكردنی سەدان زیندانی بە»هەنگاوێكی گەورە» وەسفكران.
كە باس لە ئاگربەست دەكرێت، هەر تەنیا ئاگربەست لە دەوروبەری بەندەری سەرەكی حودەیدە نییە كە بە شادەماری ژیان لە یەمەندا دادەنرێت. پێداگری لەسەر هێوركردنەوە و دانبەخۆداگرتنی زیاترە.
تائێستاش هاوپەیمانی عەرەبی بە سەركردایەتی سعودیە كە پشتیوانی لە حكومەتی یەمەن دەكات، پێیوایە رزگاركردنی حودەیدە لە چنگی حوسییەكان، باشترین رێڕەوە بۆ كۆتایی هێنان بە جەنگ.
گرێفیت دەیەوێت لانی كەم دەستبكات بە گفتوگۆكردن لەسەر ئایندەیەكی جیاواز، دەستبكات بە هەنگاونان بەرەو سوككردنی قەیرانی مرۆیی لە وڵاتەكەدا.
بە بۆچوونی زۆرێك لە چاودێران، یەمەن زۆر پێویستی بە خۆی لادانە لە دروستبوونی كارەساتێكی گەورە، بەڵام لۆژیكی جەنگ تائێستاش بەشێوەیەكی روون دەستباڵایە.

ئامادەبوانی وتوێژەكان
لەگەڵ دەستپێكردنی وتوێژەكان، نوێنەرانی حكومەت (لەسەر ئاستی نێودەوڵەتی دانپێدانراوە و لەلایەن هاوپەیمانی عەرەبی بە سەركردایەتی سعودیە پشتیوانی لێدەكرێت)- رووبەڕوو لەگەڵ نوێنەرانی حوسییەكان (لەلایەن ئێرانەوە پشتیوانیان لێدەكرێت)، دانیشتن.
بەرپرسان دەڵێن، ئەو وتوێژانە ناڕەسمین، ئەمەش لەڕێی رێكخستنی چەند وۆرك شۆپێك.
سەرچاوەیەك بە (بی بی سی)ی بریتانی راگەیاندبوو»لەهەندێك پرسدا كارێكی لۆژیكییە هەردوولا بەیەكەوە دابنشین، لە هەندێك پرسی تردا لەچەند گروپێكلا جیادا گفتوگۆكان بەڕێوەدەبڕێن».
عەبدوڵڵا علێمی نێردەی حكومەت، بەر لە بەڕێكەوتنی لە یەمەنەوە بۆ ئامادەبوون لە وتوێژەكان، لەڕێی (تەیتەر)ەوە رایگەیاندبوو»وتوێژەكان هەلێكی راستەقینەن بۆ ئاشتی».
محەمەد عەبدولسەلام، سەرۆكی وەفدی حوسییەكانیش لای خۆیەوە بەڵێنیدابوو»هەموو هەوڵێك بۆ سەرخستنی وتوێژەكان بخەنەگەڕ»، بەڵام هۆشداریی دابوو لەوەی كە حوسییەكان بەئاگادەبن لەبەرانبەر هەر هەوڵێكی سەربازیی كە لەلایەن حكومەت و هاوپەیمانەكانییەوە بخرێتەگەڕ.

جەنگی یەمەن
ململانێكان لە یەمەن، لە ساڵی 2015دا دەستییان پێكرد، بە تایبەت دوای ئەوەی حوسییەكان دەستییان گرت بەسەر رووبەرێكی بەرین لە وڵاتەكەدا، و سەرۆك عەبد رەبە مەنسور هادیان ناچاركرد، بەرەو دەرەوەی یەمەن هەڵبێت.
هاوپەیمانی عەرەبی بە سەركردایەتی سعودیە، دەستوەردانی سەربازی لە یەمەندا كرد بۆ پشتیوانی لەو حكومەتەكەی كە لەسەر ئاستی نێودەوڵەتی دانپێدانراوە.
لانی كەم 6660 مەدەنی كوژراون، و 10560ی تر برینداربوون، ئەمەش بەپێی ئامارێك كە لەلایەن نەتەوە یەكگرتووەكانەوە بڵاوكراوەتەوە.
هەزاران كەس لەبەر چەند هۆكارێك گیانیان لەدەستداوە كە دەكرا بەدووربگرێن، لەو هۆكارانەش بەدخۆراكی و نەخۆشییەكان و خراپی تەندروستی.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ئەمریكا بۆ سعودیە: هەموو بكوژانی خاشقچی لێپێچینەوەیان لەگەڵ بكرێت

مایك پۆمپیۆ، وەزیری دەرەوەی ئەمریكا لە سەردانەكەی بۆ ریاز، داوا ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort