سەرەکی » دۆسێ » ماوەی سەرۆكایەتییەكەی بەشیر درێژدەكرێتەوە

دەستكاریی دەستور دەكەن

ماوەی سەرۆكایەتییەكەی بەشیر درێژدەكرێتەوە

عومەر بەشیر سەرۆكی سودان، لە درێژكردنەوەی ماوەی حوكمڕانییە لە مێژینەكەی بۆ وڵاتی سودان نزیك دەبێتەوە، و خەریكە ماوەیەیەكی تری سەرۆكایەتی بە فراوانكردنی دەسەڵاتەكانییەوە دەستبەر دەكات، ئەمەش دوای ئەوەی ئەندامانی پەرلەمانی وڵاتەكەی داوایان كردبوو دەستكاریی دەستور بكرێت بۆ زیادكردنی ماوەی سەرۆكایەتی كە وابڕیارە لە 2020دا كۆتایی بێت و لە دوای ئەوەش سەرۆك بۆی نەبوو جارێكی تر خۆی كاندید بكات.
بەشیر لە ساڵی 1989وە حوكمی سودان دەكات، ئەگەر دەستوری وڵاتەكەش گۆڕانكاریی تێدا نەكرێت، ناتوانێت جارێكی تر خۆی بۆ سەرۆكایەتی كاندید بكات، دوای ئەوەی دوو ماوەی سەرۆكایەتی لەسەر یەكی بردەوە. بەپێی دەستوری سودان كە لە ساڵی 2005وە كاریی پێدەكرێت، سەرۆك بۆی نییە لە دوای دوو ماوەی سەرۆكایەتی لەسەر یەك كە لە 2020دا كۆتایی دێت، جارێكی تر خۆی بۆ سەرۆكایەتی كاندید بكات.

پەرلەمان داوا هەمواركردنی دەستور دەكات
لە سەرەتای كانوونی یەكەمی 2018، ئیبراهیم ئەحمەد عومەر سەرۆكی پەرلەمانی سودان رایگەیاندبوو، نامەیەكی بەدەست گەیشتووە كە ئیمزای زۆرینەی پەرلەمانتارانی لەسەر و پشتیوانی خۆیان بۆ هەمواركردنی دەستور دەردەبڕن، بەتایبەت گۆڕینی ئەو ماددەیەی پەیوەندی بە دیاریكردنی ماوەی سەرۆكایەتی هەیە، تا ماوەی سەرۆكایەتی لە وڵاتەكەدا بە كراوەیی بهێڵدرێتەوە.
ئەحمەد عومەر لە 4ی كانوونی یەكەمی 2018 بە رۆژنامەوانانی راگەیاندبوو»یاداشتێكی لەلایەن 33 حزب و نوێنەرانیان كە 294 پەرلەمانتارن بەدەست گەیشتووە، و لە یاداشتەكەدا داوای دەستەكاریی دەستور دەكەن سەبارەت بە ژمارەی ئەو جارانەی كە رێگە بە سەرۆك دەدرێت خۆی كاندید بكاتەوە».
بە گوتەی سەرۆكی پەرلەمانی سودان، دەبێت پابەند بێت بە «هەنگاوە دەستوری و یاساییەكان و پرۆژە پێویستەكان بۆ گفتوگۆكردن لەسەر هەمواركردنەكان لە پەرلەمان، تا بڕیاریی تەواوەتیان لەبارەوە بدرێت».

بەشیر خۆی كاندید دەكاتەوە
هەر لەمساڵدا حزبی كۆنگرەی نیشتمانی فەرمانڕەوا لە سودان رایگەیاندبوو، بەشیر لە ساڵی 2020دا بۆ سەرۆكایەتی خۆی كاندید دەكاتەوە، هەرچەندە ئەم هەنگاوە لەڕووی دەستورییەوە شیاو نییە.
عەبدولڕەحمان محەمەد عەلی سەرۆكی پارتی كۆنگرەی نیشتمانی سودان، رایگەیاندبوو»رەزامەندی لەسەر هەمواركردنی ماددەی تایبەت بە سەرۆكایەتی وەرگیراوە، لە دوای كۆكردنەوەی ئیمزای 294 پەرلەمانتار».
بە گوتەی محەمەد عەلی»حزبەكانی تریش وایدەبینن كە سەرۆك عومەر بەشیر، پارێزەری گەلی سودانە بۆ ماوەكانی داهاتوو».

سودان و عومەر بەشیر
عومەر بەشیر، ئەفسەری پێشووی سوپای سودان، لە ساڵی 1989وە لەڕێی كودەتایەكی سەربازییەوە گەیشتە گەیشتە كورسی سەرۆكایەتی سودان، پاپان لە هەڵبژاردنە سەرۆكاییەكانی ساڵانی 2010 و 2015 سەركەوتنی بەدەستهێنا، ئەمەش لە دوای گۆڕینی دەستور كە لە ئاكامی ئیمزاكردنی رێكەوتنی ئاشتی بوو لەگەڵ یاخیبوانی باشوور كە دواتر جیابوونەوە و دەوڵەتی سودانی باشووریان راگەیاند.
سەرۆكی سودان لەلایەن دادگای نێودەوڵەتی تاوانەكان بە تۆمەتی ئەنجامدانی تاوانی جەنگ تۆمەتباركراوە، ئەمەش دوای ئەوەی لە ساڵی 2008دا تۆمەتباركرا بە ئەنجامدانی كوشتن و چەوساندنەوە لە هەرێمی دارفۆر لەنێوان ساڵانی 2003 و 2008.
حزبی كۆنگرەی نیشتمانی فەرمانڕوا و هاوپەیمانەكانی دەستیانگرتووە بەسەر زۆرینەی هەرە زۆری پەرلەمانی سودان، ئەمەش دوای ئەوەی دەركەوتووترین حزبەكانی ئۆپۆزسیۆن و بزوتنەوە چەكدارەكان، بایكۆتی هەڵبژاردنی سەرۆكایەتی و پەرلەمانییان كرد لە ساڵی 2015.
بەپێی گۆڕانكارییە دەستورییە پێشنیاركراوەكان، دەسەڵاتەكانی سەرۆك بەجۆرێك فراوان دەكرێن كە لە توانایدا دەبێت پارێزگارە هەڵبژێردراوەكان لەسەركارلاببات. لە مانگی رابردوودا پەرلەمانی سودان یاسایەكی پەسەەند كرد كە لێوەی پارێزگارەكان بەشێوەیەكی راستەوخۆ هەڵدەبژێردرێن، لە بری ئەوەی لەلایەن سەرۆكەكەوە دەستنیشان بكرێت كە لە پێشوودا بەو شێوەیە بوو.
بەپێی كارنامەكانی پەرلەمانی سودان، دەكرێت دەستور لەڕێی داوایەكەوە كە لەلایەن سەرۆكەوە پێشكەش دەكرێت، یان یاداشتێك كە لەلایەن سێ‌ یەكی ئەندامانی پەرلەمانەوە كە ژمارەیان 581 ئەندامە ئیمزای لەسەر بكرێت، گۆڕانكاریی تێدا بكرێت.
لەدوای راگەیاندنی دەوڵەتی سودانی باشوور لە ساڵی 2011 كە دەستی بەسەر سێ‌ لەسەر چوار نەوتی وڵاتەكەدا گرت، سودان دووچاری قەیرانی ئابوری بووە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

بڕیارە نوێکەی بۆتەفلیقە کۆتایی بە خۆپیشاندانەکانی جەزائیر دەهێنێت

خۆپیشاندان لە جەزائیر دوای ئەوە دەستیپێکرد کە عەبدولعەزیز بۆتەفلیقەی سەرۆکی ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort