سەرەکی » ئاراستە » ژیاننامەی مستەفا ساڵح كەریم لە ئینسكلۆپیدیای یەكێتیدا

ژیاننامەی مستەفا ساڵح كەریم لە ئینسكلۆپیدیای یەكێتیدا

نووسەرو رۆژنامەنووس مستەفا ساڵح كەریم لەدایكبووی ساڵی 1933ی شاری سلێمانی، لە تەمەنی 14 ساڵیدا، كە هێشتا خوێندكاری ناوەندی بووە، چۆتە ناو جیهانی سیاسەتەوە، كاتێك لەساڵی 1947دا پەیوەندی بە پارتی كۆمۆنیستی عیراقەوە كرد.
لەمانگی تشرینی دووەمی ساڵی 1948 كە لە پۆلی چوارەمی ئامادەیی بوو، لەسەر چالاكیی سیاسیی بۆ ماوەی ساڵێك مافی خوێندنی لێ زەوت كرا. پاش تەواوبوونی ماوەی سزاكە، كە ویستی بگەڕێتەوە بۆ خوێندن، خوێندنگەكەی وەری نەگرتەوەو لەم سۆنگەیەوە یەكسەر چووە خانەی مامۆستایان لەگەڕەكی ئەعزەمیەی بەغداو لەوێ درێژەی بە خوێندن دا.
لەو ماوەیەی لە بەغدا بوو بەردەوام لەژێر چاودێری دەزگا ئەمنییەكان بوو، لەساڵی 1951 دەستگیر كراو ئەم دەستگیركردنە ئەو دەرفەتەی بۆ پێكهێنا كە لە گرتووخانە ئاشنایەتی لەگەڵ هەریەك لە كەمال فوئاد و كەریم ئەحمەد و عزەددین مستەفا رەسوڵ و زێوەر خەتاب و مەحمود خەزنەدار پەیدا بكات.
دوای تەواوكردنی خوێندن لە بەغدا، بۆ خوێندنی باڵا لە دەرەوەی عیراق كاندید كراو وادانرا كە بۆ خوێندنی زمانی عەرەبی لە میسر یان بیركاری لە لوبنان یان كیمیا لە ئەڵمانیا بنێردرێ، بەڵام دەزگا ئەمنییەكان رێیان پێنەدا خوێندنی باڵا لەدەرەوەی وڵات تەواو بكات.
لە چواری تشرینی یەكەمی ساڵی 1952 كرا بە مامۆستا لە قەڵادزێ، بەم دامەزراندنەی وەك مامۆستا، كاروانی پەروەردەیی خۆی دەستپێكرد. لەبواری پەروەردەدا، لە قەڵادزێ‌و سێوسێنان‌و دارۆخان‌و چوارتاو سلێمانی‌و فەللوجەو رومادی، بۆ ماوەی (33) ساڵ مامۆستاو بەڕێوەبەرو سەرپەرشتیاری پەروەردەیی بوو. لەم قۆناغەی ژیانیدا رۆڵێكی باڵای لە وەرگێڕانی پڕۆگرامەكانی خوێندن بۆ زمانی كوردی گێڕاوە.
لەماوەی ساڵانی (1957 – 1958) وەك خۆبەخش لە رۆژنامەی (ژین) كاری كردو رۆڵی سكرتێری نووسینی تێدا بینی، لەو كاتەدا ئەحمەد زرنگ سەرنووسەری رۆژنامەكە بوو، هەر لەو ماوەیەشدا، لەكاتێكدا كە بەڕێوەبەری خوێندنگەی شێخ مەحموود بوو لەسلێمانی، گۆڤاری (رابەری) بەهەردوو زمانی كوردی عەرەبی دەركردو خۆی سەرنووسەری بوو.


ساڵی 1963 لەگەڵ كودەتای حزبی بەعس‌و رووخانی رژێمی عەبدولكەریم قاسمدا دەستگیركراو تا روخانی فەرمانڕەوایی حزبی بەعس لەمانگی تشرینی دووەم، ئەو ماوەیەی لە گرتووخانەكانی سلێمانی و بەغداو كەركوك بەسەربرد.
ساڵی 1969 لەسۆنگەی ناڕازی بوونی لە هەندێك لەسیاسەتەكانی پارتی كۆمۆنیستی عیراق، كۆتایی بە پابەندبوونی حزبیی خۆی هێنا، بەڵام وەكو دۆست‌و لایەنگری حزبەكە مایەوە.
لەماوەی ساڵانی (1970 – 1972) بووە ئەندامی دەستەی بەڕێوەبردنی یەكێتیی مامۆستایانی كوردستان و لێپرسراوێتی راگەیاندنی پێسپێردراو لەو ماوەیەدا دامەزرێنەرو یەكەم سكرتێری نووسینی گۆڤاری (دەنگی مامۆستا) بوو كە لقی سلێمانی یەكێتیی مامۆستایانی كوردستان دەریكردووە، هەر لەو ماوەیەشدا بەبێ ئەوەی هیچ پەیوەندییەكی حزبیی لەگەڵ پارتی دیموكراتی كوردستاندا هەبێت، كاری لە رۆژنامەی (ئەلتەئاخی)دا كرد. لەماوەی ساڵانی (1970 – 1974)دا لەچوار كۆنفرانسی ساڵانەی لقی سلێمانی یەكێتیی نووسەرانی كورد بەسەرۆكی لق هەڵبژێردرا.
ساڵی 1973، دوابەدوای راگەیاندنی هاوپەیمانیی نێوان حزبی بەعس‌و پارتی كۆمۆنیسیتی عیراق، هەموو جۆرە پەیوەندییەكی لەگەڵ پارتی كۆمۆنیستدا بچڕاند.
ساڵی 1974 پاش هەڵگیرسانی شەڕ لەنێوان كوردو حكومەتی عیراق، وەك ئەركێكی نیشتمانیی پەیوەندی بە شۆڕشەوە كردو لەوێ كرایە بەڕێوەبەری ئێزگەی دەنگی كوردستانی عیراق. پاش هەرەسهێنانی شۆڕش لەساڵی 1975، گەڕایەوە بۆ سلێمانی‌و زۆری پێنەچوو بۆ رومادی دوورخرایەوەو سێ ساڵ و نیو لەوێ مایەوە، دوای گەڕانەوەی لە رومادی، بەسەرۆكی لقی سلێمانی یەكێتیی نووسەرانی كورد هەڵبژێردرایەوە.


ساڵی 1980 لەڕێی نامە نووسین بۆ نەوشیروان مستەفا، پەیوەندی لەگەڵ یەكێتیی نیشتمانیی كوردستاندا دامەزراندو لەساڵی 1983 بەدواوە بە نامە پەیوەندیی لەگەڵ تاڵەبانی دامەزراندو لەو ماوەیەداو لەكاتی پێویستدا وەك پردی پەیوەندی لەنێوان یەكێتیی نیشتمانیی كوردستان و دەستەبژێری رۆشنبیری كورد لە بەغدا و سلێمانی كاری دەكرد، بە گومان كەوتنی دەزگا ئەمنیەكان لە پەیوەندییە سیاسییەكانی، هانی دان بیخەنە ژێر چاودێرییەوە. لەسەر دەربڕینی هەڵوێستی نیشتمانیی لەچەند كۆڕێكی ئەدەبی‌و پەروەردەیی‌و سیاسی لەسلێمانی، لە نیسانی ساڵی 1984 لە ئەركی پەروەردەیی دوورخرایەوەو دوور لە خواستی خۆی خانەنشین كرا.
ساڵی 1992 وەك ئەندامی دەستەی نووسەرانی رۆژنامەی (كوردستانی نوێ) كاری كردو پاش دوو ساڵ لێپرسراوێتی ئۆفیسی سلێمانی رۆژنامەی (ئیتیحاد)ی خرایە ئەستۆ. ساڵی 1998 پلەی ئەندام مەكتەبی راگەیاندنی یەكێتی پێدراو ساڵی 2000 بووە جێگری سەرنووسەری رۆژنامەی (ئیتیحاد).
ساڵی 2001، لەكۆنگرەی دامەزراندنی یەكێتیی رۆژنامەنووسانی كوردستان، بە ئەندامی ئەنجومەن هەڵبژێردراو پاش كۆنگرەكە لە یەكەم كۆبوونەوەی ئەنجومەندا بە جێگری نەقیب هەڵبژێردرا. ساڵی 2003 رۆڵێكی بەرچاوی لەیەكخستنەوەی یەكێتیی رۆژنامەنووسان‌و سەندیكای رۆژنامەنووسانی كوردستاندا گێڕاو لە كۆنگرەی یەكگرتنی هەردوو رێكخراودا بە ئەندامی ئەنجومەن هەڵبژێردراو پاشان بووە جێگری نەقیبی رۆژنامەنووسان. لەكۆنگرەی ساڵی 2007یش، بە ئەندامی ئەنجومەنی سەندیكای رۆژنامەنووسان‌و دواتر بە جێگری نەقیب هەڵبژێردرایەوە.
ئەندامی چەند كۆنگرەیەكە لەوانە: كۆنگرەی ئۆپۆزسیۆنی عیراق لەشاری لەندەن (2002)، كۆنگرەی روناكبیرانی عیراق لەشاری لەندەن (2002)، كۆنگرەی بیست‌و پێنجەمی نێودەوڵەتیی رۆژنامەنووسان لە ئەسینا (2004)، كۆنگرەی بیست‌و شەشەم لە مۆسكۆ (2007)و كۆنگرەی بیست‌و حەوتەم لە گادیز لە ئیسپانیا (2010) و فیستیڤاڵی بەدرخان لە پاریس (2011).
دیارترین بەرهەمەكانی: (شەهیدانی قەڵای دمدم 1970)، یەكێتی نووسەرانی كورد: (رێباز و هەڵوێست 2012).

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

سلێمانی؛ بەڕێوەچوونی چلەی مامۆستا مستەفا ساڵح كەریم

دوێنێ لەهۆڵی تەوار لەسلێمانی، بەئامادەبوونی ژمارەیەك لەئەندامانی دەستەی كارگێڕی و ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort