سەرەکی » وتار » ئاراز رەمەزان » یەكێتیی و بەشداری حكومەتی نوێ

پۆلەتیک

یەكێتیی و بەشداری حكومەتی نوێ

ماوەی زیاتر لە (75) رۆژ بەسەر هەڵبژاردنی پەرلەمانی كوردستاندا تێپەڕدەبێت و تائێستا پارتە سیاسییەكان نەیانتوانیوە كابینەی نوێی حكومەت و هەڵبژێرن و سەرۆكی پەرلەمان دیاری بكەن، ئەوەش بۆشاییەكی گەورەی بۆ هەرێمی كوردستان دروستكردووەو ململانێی پارتە سیاسیی و كەسێتییە سیاسییەكانیش زۆرتر بۆتەوە.
هەرچەندە پارتی دیموكراتی كوردستان زۆرینەی كورسییەكانی پەرلەمانی كوردستانی بەدەستهێناوەو پڕۆپاگەندەی میدیاكانیشی ژینگەیەكی سیاسیی نالەباری بۆ داهاتووی تەوافوقی ئەو حزبە لەناو حكومەتدا دروستكرد، پارتی و كەسێتییە سیاسییەكانی باش لەوە تێگەیشتوون كە ئەگەر زۆرینەی رەهاش بەدەستبهێنن كە نەیانتوانیوە ئەو رێژەیە لەهەڵبژاردنەكەی (30ی ئەیلولی 2018) بەدەستبهێنن، بەبێ تەوافوقی سیاسیی و بەتایبەتیش بەبێ هاوپەیمانی یەكێتیی ئەستەمە بتوانرێ حكومەت لەكوردستان پێكبهێنرێت بەتایبەتیش لەم قۆناغە مێژووییەدا، بۆیە ئەرك و كاری ئەم چەند مانگەی دوای هەڵبژاردن قورس بوو، ئێستاش رەوێنەوەی كاریگەرییە میدیاییە سێبەرەكەی پارتی لەسەر كەسێتییە سیاسییەكانی ئەم حزبە ماوەتەوە.
جگەلەوەی ململانێی كەسێتییە سیاسییەكانی پارتی دەربارەی سەركردایەتیكردنی حكومەت كاتی ویست و دواجاریش بۆ حزبەكەیان بڕیارێكی گونجاویاندا، و گۆڕانكارییەكان بەگشتی بۆ پارتیی و جەماوەرەكەی پێویست بوون و داهاتووی كەسێتییە سیاسییەكانی ناو حزبەكەشی بۆ كۆنگرەی داهاتوو دیاریكردووە.
یەكێتیی جگە لەوەی تاكە پارتی سیاسیی بوو لەدوای زۆربوونی قەیرانەكان و لەكاتی جەنگی داعش و لەدوای جەنگەكەو لەكاتی قوڵبونەوەی قەیرانی دارایی و كشانەوەی پارتە سیاسییەكان لەحكومەت، لەگەڵ حزبە هاوپەیمانەكەی بەرپرسیارێتی قۆناغەكەی لەئەستۆ گرت و باجی زۆری جەماوەریدا بەمانەوەی لەحكومەتدا، بەڵام ئەركێكی مێژوویی جێبەجێ كرد كە پارێزگاریكردنی ئەم ئەزموونە مێژووییەی كورد بوو پارێزگاریكردن بوو لەحكومەت و پەرلەمان و دامودەزگا دەوڵەتییەكان كە پلانی هەرێمیی و نێودەوڵەتیی و ناوخۆیش لەئارادابوون بۆ كۆتایی هێنان بەم ئەزموونە.
یەكێتیی، بەرگەی قەیران و جەنگی تێرۆریستانی داعش و ناهاوسەنگی سیاسەتی پارتە سیاسییەكان و هێرشە میدیاییەكانی پارتیی و خۆپیشاندانەكانی گۆڕان و هاوپەیمانیی و پارتە سیاسییەكانی دیكەشی گرت، بۆیە لەئێستاداو لەم كابینەیەدا پێویست بوو بەتایبەت لەلایەن پارتیی دیموكراتی كوردستان و كەسێتییە سیاسییەكانی ئەم حزبەوە رێز لە هەڵوێستە مێژوویی و نیشتمانییەكانی یەكێتیی نیشتمانی كوردستان نرابایە، یەكێتیی كە خۆی خاوەن ماڵ و پارێزەری كوردستان و ئەزموونی كورد لەم هەرێمەداو پەرلەمان و حكومەت بووە، هەربۆیە پێویستە یەكێتیی بەقەبارەی سیاسیی و هەڵوێستە مێژووییەكانی بەشداری لەم كابینە نوێیەی حكومەتدا بكات.
یەكێتیی پێویستە بەقەبارەی سیاسیی و هێزی خۆیەوە بەشداری لەحكومەتدا بكات و مەرجی هیچ پارتێكی دیكەی سیاسیی قبوڵ نەكات، و چونكە دواجار داهاتووی كوردستان و پارتە سیاسییەكانیش پەیوەستە بەیەكێتیی و داهاتووی یەكێتی لەپەرلەمان و حكومەتدا.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

seventeen + 3 =

x

هەواڵێ هاوشێوە

پێداگریی یەكێتی و دانوستانە سیاسییەكان

دانوستان (Negotiation) لە سیاسەتدا جگە لەوەی بەهونەرێكی باشی سەركردایەتیكردن دادەنرێ، ...