سەرەکی » دۆسێ » بەشیر وڵاتە زلهێزەكان بە نانەوەی ئاژاوە لە سوداندا تۆمەتبار دەكات

ئەمنستی: 37 كەس كوژراون

بەشیر وڵاتە زلهێزەكان بە نانەوەی ئاژاوە لە سوداندا تۆمەتبار دەكات

عومەر بەشیر، سەرۆكی سودان دەڵێت، وڵاتەكەی و وڵاتانی تری عەرەبی، رووبەڕووی مەترسی و هەڕەشە دەبنەوە لەلایەن وڵاتە زلهێزەكان كە «گێچەڵی سیاسی و ئابوری بۆ چۆكدادانیان بەكاردەهێنن».
سەرۆكی سودان، لە وتارێكیدا بەبۆنەی ئاهەنگی دەرچوونی فەرماندە سەربازییەكان لە خەرتوم رایگەیاندبوو»ئەو وڵاتانە ئامانجییان دەستگرتنە بەسەر داهاتی گەلاندا».
سودان راپۆرتێكی رێكخراوی لێبوردنی نێودەوڵەتی (ئەمنستی) رەتكردبۆوە كە دەڵێت، هبێزە ئەمنییەكان 37 خۆپیشاندەرییان لەكاتی تەوژمی ڕەزاییەكاندا كوشتووە كە ماوەی هەفتەیەك لە وڵاتەكەدا بەردەوامبوو.
میسر لەكاتی سەردانی وەزیری دەرەوەی وڵاتەی بۆ خەرتوم، پشتیوانی لە حكومەتی سودان كرد، و متمانەی خۆی خستەڕوو سەبارەت بە تێپەڕاندنی تەنگژەكان لەلایەن سودانەوە.
میدیاكان لە زاری ئەحمەد بیلال عوسمان، وەزیری ناوخۆی سودانەوە، ئاماژەیان بە كوژرانی تەنیا 17 خۆپیشاندەر و برینداربوونی 35 پۆلیس كردبوو لەكاتی خۆپیشاندانەكان.
وەزیری ناوخۆی سودان، خەمباری خۆی خستبووەڕوو بۆ گیانلەدەستدانی هاوڵاتییان و رایگەیاندبوو، ئەوانەی دەستگیركراون، لەماوەی چەند رۆژێكدا ئازاد دەكرێن.

هەڵوێستی میسر
سامح شوكری، وەزیری دەرەوەی میسر رایگەیاندبوو، میسر پشتیوانی لە سەقامگیری سودان دەكات و بڕوای تەواوی بە تواناكانی حكومەتی سودان هەیە بۆ تێپەڕاندنی ئەو تەنگژانەی هاتوونەتە ڕێی.
بە گوتەی شوكری، لە پاش چاوپێكەوتنی لەگەڵ عومەر بەشیر سەرۆكی سودان لە خەرتوم»سەقامگیری سودان، بەشێكە لە سەقامگریی میسر».
وەزیری دەرەوەی میسر، ئاماژەی بە گەیاندنی نامەیەكی عەبدولفەتاح سیسی سەرۆكی وڵاتەكەی كردبوو كە تایبەتە بە پەیوەندی دووقۆڵی نێوان هەردوو وڵات و باسی لە هاوڕایی نێوان خەرتوم و قاهیرەش كردبوو لە ژمارەیەك پرسی ئیقلیمی و جیهانی.
دەردیری محەمەد ئەحمەد، وەزیری دەرەوەی سودان، لای خۆیەوە رایگەیاندبوو، سودان و میسر كاردەكەن بۆ پتەوكردنی هەماهەنگی نێوانیان لە پرسە ئیقلیمییەكان، ئەمەش وەك ئاماژەكردنێك بۆ سەردانەكەی ئەم دواییەی سەرۆكی سودان بۆ میسر كە لە چوارچێوەی ئەو هەماهەنگییەدایە.
پێشتر سامح شوكری، وەزیری دەرەوەی میسر لەگەڵ لیوا عەباس كامل، بەڕێوەبەری هەواڵگری میسر بە سەردانێك گەیشتبوونە خەرتوم و دانیشتنێكی وتوێژی هاوبەشیان لەگەڵ وەزیری دەرەوە و بەڕێوەبەری هەواڵگری سودان، سازكردبوو.

هەڵوێستی بەشیر
بەشیر دەڵێت، حكومەتەكەی پشتیوانی لە مافە رەواكانی گەلانی عەرەبی دەكات و بەلای هیوا و خواستەكانیاندا دەشكێتەوە.
سەرۆكی سودان لەم ماوەیەی دواییدا، رووبەڕووی خۆپیشاندانی ناڕەزایی بێ‌ پێشینە بوو كە داوایان كرد، واز لە دەسەڵات بهێنێتە، ئەمەش لەسایەی خراپبوونی رەوشی ئابوری و گوزەرانی هاوڵاتیان لە سودان.
بەشیر «ناپاكان و بەكرێگیراوانی» بە هەوڵدان بۆ نانانەوەی ئاژاوە و پشێوی و تێكدان لەڕێی دروستكردنی تەنگژەی ئابوری، تۆمەتبار كردبوو.
سەرۆكی سودان، بەڵێنیدابوو، خۆپیشاندانەكان لە وڵاتەكەیدا دابمركێنێتەوە، و دەستبكات بە چاكسازیی راستەقینە بۆ چارەسەركردنی تەنگژە ئابورییەكان، بەڵام ئەو بەڵێنە هیچ دەنگدانەوەیەكی لەنێوەندانی خۆپیشاندەرەرانی ناڕازیدا نەبوو.

هۆكاریی سەرهەڵدانی خۆپیشاندانەكان
دوای ئەوەی خەرتومی پایتەخت و شارەكانی تری سودان، پێكداهەڵپژانی توندی نێوان خۆپیشاندەران و هێزە ئەمنیەكانیان بەخۆوەبینی و تەنانەت لە دەوروبەری كۆشكی سەرۆكایەتیش نزیك بوونەوە، لەئێستادا رەوشی وڵاتەكە بێدەنگی و خامۆشییەكی بەئاگا بەخۆوەدەبینێت.
پۆلیس و هێزە ئەمنییەكان، گوللـە و بۆمبی فرمێسك رێژییا بۆ بڵاوەپێكردنی خۆپیشاندەران لە ناوچە جیاجیاكانی وڵاتەكە بەكارهێنابوو.
لە سەرەتاوە، خۆپیشاندانەكان بەهۆی بەرزبوونەوەی نرخی كاڵا و شتومەك و ماددە خۆراكییەكان و سوتەمەنی دەستییان پێكرد، بەڵام دواتر داواكارییەكان گەیشتە ئەوەی داوا لە سەرۆك عومەر بەشیر بكەن كە واز لە حوكمڕانی بهێنێت.
سودان رووبەڕووی تەنگژەیەكی ئابوری بۆتەوە كە خۆی لە كەمبوونەوەی ئاستی دراوە قورسەكان، و بەرزبوونەوەی ئاستی هەڵاوسان، و كەمبوونەوەی كاڵاكاندا دەبینێتەوە.
رێژەی هەڵاوسان گەیشتۆتە نزیكەی لەسەدا 70، لە وڵاتەكەشدا كەمبوونەوەی شتومەك و كاڵا سەرەكییەكانی وەك نان و سوتەمەنی بەدی دەكرێت، ئەمەش بەشێوەیەكی زەق لە خەرتومی پایتەختدا چڕبۆتەوە.

هەڵوێستی حزبی كۆنگرەی میللی
ئەمینداری سیاسی حزبی كۆنگرەی میللی كە بەشدارە لە حكومەتی سودان، رەتیدەكاتەوە هێز و توندوتیژی لەدژی خۆپیشاندەران بەكاربهێنرێن.
ئیدریس سلێمان لە كۆنفرانسێكی رۆژنامەوانی رایگەیاندبوو، سودانییەكان مافی خۆیانە خۆپیشاندانی ئاشتیانە سازبكەن.
داواشی لە حكومەت كردبوو، لێكۆڵینەوە لە رووداوەكانی كوشتن بكات كە لەكاتی پێكداهەڵپژانەكاندا رویاندا، و دەستگیركراوەكانیش ئازاد بكرێن.
حزبەكە، ئیدانەی كوشتنی خۆپیشاندەرانی كردبوو، دەسەڵاتدارانیشی هاندابوو لێپرسینەوە لەگەڵ بەرپرسان بكەن.
حزبی كۆنگرەی میللی كە لەلایەن حەسەن تورابی، سەركردەی ئیسلامی كۆچكردۆوە دامەزراوە، بەشدارە لە حكومەتی سودان دوای ئەوەی بەشداریی كرد لە دیالۆگی نیشتمانی وڵاتەكە.
سەركردەكانی حزبەكەش، ژمارەیەك پۆستی وەزارییان هەیە، لەوانە یریدەدەری سەرۆك كۆمار، ویڕای بوونی ئەندامانیان لە پەرلەمانی نەتەوەیی و ئەنجومەنە خۆجێییەكان.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ئەمریكا بۆ سعودیە: هەموو بكوژانی خاشقچی لێپێچینەوەیان لەگەڵ بكرێت

مایك پۆمپیۆ، وەزیری دەرەوەی ئەمریكا لە سەردانەكەی بۆ ریاز، داوا ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort