سەرەکی » وتار » من و كوردستانی نوێ

من و كوردستانی نوێ

لەتیف حسێن

ئەمساڵی كوردستانی نوێ بۆ من گرنگ بوو ئەگەر بە چەند دێڕێكیش بێت، بەشداربم لە ساڵیادی رۆژنامەیەك كە تا ئێستاش نزیك بە 18 ساڵی كاری میدیاییم نزیك بۆتەوە، خۆم بە قەرزارو خۆم بە خوێندكاری ئەم قوتابخانەیەی میدیای كوردی دەزانم، چونكە جۆرێك پەروەردەی فێركردووم، كە جگە لە كاری میدیایی نەتوانم شتێكی تر ئەنجام بدەم، رەوشتێكی میدیایی فێركردووم كە هیچ كات لەبەر ئەوەی میدیاكارم چیم ویست بیڵێم یان ئەنجامی بدەم، تەنها ئەوە نەبێت كە بۆ خەڵك‌و بۆ كۆمەڵگەو ئاسایشی كۆمەڵگە پێویستە.
كاتێك بیرم لەوە كردەوە ببمە میدیاكار خوێندكاری زانكۆ بووم، لە نێوان ساڵانی 2000-2004 كە بەشی كۆمەڵناسیم ئەخوێندو بەشەكەم لەكاری میدیایی دوور بوو، بەڵام ئەمە رێگرنەبوو لەوەی من فێری كاری میدیایی ببم، بۆیە هەر لەسەرەتای یەكەم‌و دووەمی زانكۆم، هێندە گەڕام‌و هێندە پرسیم، تا كەسێك بدۆزمەوەو بمگەیەنێتە كوردستانی نوێ و لەوێ وەرمبگرن، درێژەی نادەمێ‌و وەرگیرام‌و لەوێ بەپێی خوێندن‌و كاری خۆم ئەوكات لە لاپەڕەی لێكۆڵینەوەی كوردستانی نوێ، كە سەرقاڵترین بەش‌و زۆرترین لاپەڕەی هەبوو، دانرام‌و دەستم بە كاری رۆژنامەوانی كرد، بەیانیان كە دەچوومە ژووری سەرنووسەرو سۆراغی بابەت‌و لێكۆڵینەوەكانی رۆژم دەكرد، زۆربەی جارەكان بەسەر تەلەفۆنی مام-دا دەچووم كە بۆ سەرنووسەری دەكردو بە ئەسپایی دادەنیشتم‌و گوێم بۆ گفتوگۆی مام و سەرنووسەر ئەگرت، كە شەن‌و كەوی مانشێت‌و وتارو راپۆرت‌و هەواڵەكانی رۆژی ئەكردو پێشنیارو قسەكانی خۆی بۆ كوردستانی نوێ دەنارد، ئەوكات وەك گەنجێكی سەوداسەری كاری میدیایی تەزوو بەگیانمدا دەهات‌و دەچوو، تا هەرچی زووە خۆم وەها فێر بكەم، بۆ ئەوەی بتوانم باشترین كارێك نیشانی مامی گەورە بدەین، رۆژنامەیەك سكرتێری حزب‌و كەسێكی وەك مام بەیانیان تەماشای بكاو لە كەموكوڕی‌و هەڵەكانی گلەیی بكات‌و ستایشی رەخنەو كارە باشەكانی رۆژنامە بكات، چۆن نابێتە قوتابخانەو خوێندكاریش چۆن بەباشی كۆشش ناكات، هەر بەم رۆحیەتەوە ئێمەمانان كوردستانی نوێ‌و قوتابخانەی میدیای كوردی‌و یەكێتیی پەروەردەو چاوكراوەی كردین‌و هەر بەو رۆحیەتەشەوە، لەم سەردەمەی كە هەموو كەسێك ئەتوانێ خۆی بەڕۆژنامەنووس بزانێت بەردەوام بین، لەكاتێكدا ئەو سەردەمەی ئێمە وێڵی فێربوونی كاری میدیایی بووین، بەهەموو كەس نەدەوترا یان نەیئەتوانی رۆژنامەنووس بێت.
لەمەوە دەمەوێت بچمەسەر باسی ئەوەی، بەداخەوە ئێستا بەو هەموو ئیمكانیات‌و بەو هەموو پێشكەوتنەی لە بواری میدیاو تەكنیكەكانی كە هەن، بارودۆخێك خوڵقاوە كە زۆرجار ئەبێت سڵ لەوە بكەیتەوە كە تۆیەک خەریكی كاری میدیاییت‌و لەناو شەقام‌و خەڵكیدا خەریكە كاری میدیایی جێی پێ‌ی لەقدەكرێت‌و خراپی كاریگەرییەكانی كاری رۆژنامەنووسی لەسەر كۆمەڵگە بۆتە باس‌و خواسی خەڵكی‌و تا بەوە بگات هەڵمەت‌و كەمپەین دژی میدیا رابگەیەنرێت‌و خەڵكی دووربخرێنەوە لێیان تا پشوو بە مێشك‌و دەروونیان بدەن، تەنها لەبەر ئەوەی كە بەداخەوە ئەركی میدیا لەئێستادا ئەركێكە كە بەردەوام پرسیاری لەسەرەو پێویستی بە بەخۆداچوونەوە هەیە.
كوردستانی نوێ‌ یەكەم میدیای كاغەزی دوای راپەڕین‌و قوتابخانەی دایك، ئەگەرچی كاركردن‌و شێوازی كاركردنیشی گۆڕدراوەو زمانحاڵی حزبێكیشە، بەڵام تا ئەم ساتەش سەرباری ئەوەی میدیای كاغەزی‌و خوێنراو بەهۆی هێرشی گۆڕانكاریی لەناو میدیاو تەكنۆلۆژیاو ماس میدیاو هۆیەكانی تری راگەیاندن زۆرێكیان قڕكرد، بەڵام ئەم رۆژنامەیە تا ئێستاش مانەوەی خۆی پاراستووەو ئەیەوێت پارێزگاری لەبوونی خۆی وەك رۆژنامەیەكی رۆژانە بكات‌و لەناو ئەو فەوزایەی كە میدیا ئێستا دروستی كردووەو بەشێك لە گرێژنە دەرچوونی كێشە سیاسی‌و كۆمەڵایەتییەكان دەخرێتە ئەستۆی میدیا، ئەم رۆژنامەیە لەمەشدا تاڕادەیەكی زۆر خۆی لێپاراستووەو گەر بشیەوێت خۆی بەتەواوی لەو هێرشە بپارێزێت، ئەبێت دوور بێت لە بەشداریكردنی لەو بەناو گۆڕانكارییەی كە لەناو دونیای میدیای كوردیدا بەسەری هاتووە..
لەناو دونیای كێشەو گرفتەكانی خەڵكدا كوردستانی نوێ‌ پێگەو رۆڵێكی گەورەی هەبووە، بەوەی هەم رێبازی كاركردنی‌و هەم ئەوانەشی لەم رێبازەوە فێردەكران، ئەوەبوو كە پێویستە ئێمە بۆ پەنابردنەبەری چارەسەری كێشەكانی خەڵك، بەسیستمی كاركردن لەسەر نەخۆشی كاربكەین نەك لەسەر نەخۆش، چونكە تۆ ئامانجت لەناوبردنی نەخۆشییەكەیە نەك خودی نەخۆشەكە، بۆیە هەروەك ئاماژەم بۆكرد سەرباری بوونی كێشەو گرفتی زۆرو كەمی كەناڵی راگەیاندن، بەڵام كەم رۆژ هەبووە چارەسەر بۆ كێشەكان‌و بچووككردنەوەی كێشەكان نەدۆزرابێتەوە، بەڵام بەداخەوە بە راستییەكی تاڵەوە ئێستا بە هەموو پێشكەوتنەكان‌و گۆڕانكاریەكان‌و بوونی كێشەو گرفتە زۆرو زەوەندەكانیش نەتوانراوە ئەو رۆڵ‌و پێگەیەی میدیا بپارێزرێت كە پێشتر بە تەكنیكی كەم‌و توانای مرۆیی كەمیش دەتوانرا بپارێزرێت، چونكە ئێستا سیستمی كاركردن لەسەر كێشەو گرفتەكانی خەڵك بریتییە لە كاركردن لەسەر نەخۆشەكە نەك نەخۆشییەكە، بۆیە ئەگەر تەماشا بكەین ئەو راستییەمان بۆ ئەسەلمێنرێت كە لەئێستادا میدیا بۆ ئەوەی بوترێت میدیایەكی بەرچاوە لەسەر خودی نەخۆش‌و كەسایەتی‌و تایبەتی كار بكەو نەخۆشی واز لێبێنە بۆ خەڵك خۆی، هەر ئەمەشە وایكردووە ئێستا لەبری رەخنەی میدیا لەسەر گرفتەكانی ناو كۆمەڵگە، خودی میدیا رەخنەی جددی لەسەرەو زۆرجاریش بەهۆكاری قەبەكردن‌و گەورەكردن‌و تەشەنەسەندنی كێشەكانی كۆمەڵگە ناوەزەد دەكرێت.
یادی تێپەڕبوونی 28 ساڵ بەسەر دەرچوونی یەكەم ژمارەی كوردستانی نوێ‌ دەرفەتێك بوو بۆ ئێمە، كە دووپاتی ئەوە بكەینەوەو بە هاوڕێ‌‌و هاوكارەكانی ئێستامان ئەوە بڵێین پەیام‌و گرنگیی كوردستانی نوێ‌، بەهەموو كەموكوڕی‌و كێشەكانی بەردەم رۆژنامەكەو گۆڕانكارییە میدیاییەكانیش هێشتا ئەم رۆژنامەیە فێرگەیەكی گرنگ دەمێنێتەوە، چونكە ئەو سیستمەی كە ئێمەی میدیاكارانی رابردووی ئەم رۆژنامەیە بەجۆرێك گۆش‌و پەروەردە كراوین، تا دێت خۆمان لە كێشەداركردنی خەڵك‌و كۆمەڵگە دەپارێزین، خۆ ئەگەر كەسێكیش لەڕووە ئەكادیمییەكەوە بێت‌و لێكۆڵینەوەیەكی بەراوردكاری لەسەر ئەم بابەتە بكات، ئەوا بە روونی ئەوەی بۆ دەردەكەوێت، كە بۆچی تا ئێستاش ئەم رۆژنامەیە دەیەوێت بەردەوامی بە خۆی بدات‌و شەڕی مانەوە دەكات، ئەمە جگە لەوەی جیاوازییە گەورەكەشی لەوەدا بۆ دەردەكەوێ‌، كە رۆژانی بوون بە رۆژنامەنووس لەسەردەمی زێڕینی كوردستانی نوێ‌‌و ئەم سەردەمە بۆچی ئەستەم بوو و هەموو كەس نەیدەتوانی ببێتە رۆژنامەنووس.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

پێداگریی یەكێتی و بەرژەوەندیی هاونیشتمانیان

كاروان عەلی شامار (١) هیچ كات هەنگاوەكانی یەكێتی بارتەقای ئێستای ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort