سەرەکی » راپۆرت » هه‌واڵ و راپۆرت » خۆپیشاندانی هێلەک زەردەکان توندوتیژی تێکەوت

خۆپیشاندانی هێلەک زەردەکان توندوتیژی تێکەوت

بۆ هەفتەی سیانزەهەم، خۆپیشاندانی هێلەک زەردەکان لە فەرەنسا بەردەوامە، دوێنێش لە پاریس و تەواوی شارەکانی فەرەنسا خۆپیشاندان بەردەوام بوو، لە هەندێک شوێنیشدا، توندتیژی تێکەوت و کەسێکیش بە سەختی بریندار بوو.

هەزاران کەس بەشداری خۆپیشاندانەکانیان کرد
وەزارەتی ناوخۆی فەرەنسا لە بەیانێکدا بە میدیاکانی راگەیاند: لە تەواوی فەرەنسا نزیکەی 12 هەزار کەس بەشداری خۆپیشاندانەکانیان کردووە، لە پاریسی پایتەخت زۆرترین ژمارەیان هەبووەو گەیشتۆتە 4 هەزار خۆپیشاندەر.

36 کەس دەستگیرکران
لەلایەکی ترەوە وەزارەتی ناوخۆی فەرەنساش رایگەیاند: 36 کەسیان بە تۆمەتی ئاژاوەگێڕی دەستگیر کردووە، هەتاوەکو دوێنێش 16 یان لەلایەن پۆلیسەوە گیراون و پاشان رەوانەی دادگا کراون.

ماڵی سەرۆکی پەرلەمان دەسووتێنرێت
لە درێژەی توندوتیژییەکان ریشارد فیران سەرۆکی پەرلەمانی فەرەنسا بە میدیاکانی راگەیاند: چەند کەسێک هەوڵی سووتاندنی ماڵەکەی لە شارۆچکەی موتریف داوە، ئەوەش لە رێگەی هەڵدانی مۆلۆتۆفەوە.
جێگەی ئاماژەیە ، ماوەی سیانزە هەفتەیە، بزووتنەوەی هێلەک زەردەکان، لە دژی هەژاریی و بێکاریی، لە تەواوی فەرەنسا خۆپیشاندانیان لە دژی حکومەت دەستپێکردووەو بەردەوامە.

سەرچاوە : فرانس 24

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

20 − five =

x

هەواڵێ هاوشێوە

رێكەوتنی ئەمریكا- تالیبان، ماڵئاواییە لە ستراتیژ؟

پاش چەند خولێكی دانوستانی ژێربەژێر ‌و ئاشكرا بە نێوەندگیریی قەتەر ...