سەرەکی » کەلتوور » كەركوك، كورد مێژووی ئەدەبیاتی سینەما و شانۆ و درامای دامەزراند

كەركوك، كورد مێژووی ئەدەبیاتی سینەما و شانۆ و درامای دامەزراند

نووسینگەی كەركوك، هێمن ئەحمەد
لەڕۆژانی رابردوودا، لەناوەندی رۆشنبیریی‌و هونەریی دیالۆگ، بەڕێوەبەرایەتی رۆشنبیریی‌و هونەریی كەركوك كۆڕێكی بۆ نووسەرو هونەرمەند ستار جەباری بە ناونیشانی «كەركوك پایتەختی رۆشنبیری لەسەدەی رابردوودا» رێکخست.
دەربارەی بابەتی کۆڕەکەی نووسەرو هونەرمەند ستار جەباری بەكوردستانی نوێی وت: «لەڕووی رۆشنبیرییەوە كەركوك وەك ئاوی كەوسەر وایە هەرچەند لێی دەربهێنی زیاد دەكات، هەروەها لەكۆڕەكەدا باس لە دەیەكەمەكان كرا، چونكە لەسەدەی رابردوودا كەركوك پایتەختی رۆشنبیریی بووە، مەبەست لەو ناونیشانەش ناوچەكەو عیراقە، بۆنموونە بوونی سینەماو مۆسیقاو مەقامات‌و هونەرمەند لەسەرجەم بوارەكانی رۆشنبیریدا كە كورد لەم شارە دەستپێشخەری بووەو توانیویانە كەركوك بەرەو شارستانێتی بەرن، بۆنموونە لەڕووی گۆرانییەوە مامۆستا عەلی مەردان، لەڕووی شێوەكارییەوە بەدیع بابەجان، لەڕووی شانۆوە فازڵ جاف، لەڕووی شیعری هوجك-ەوە شێخ رەزای تاڵەبانی كە نەیهێشت ئەدەبی كوردی بەكەموكورتیەوە بمێنێتەوە، لەڕووی مێژووی رۆژنامەگەری كوردییەوە جەبار جەباری، بەڵام لەگەڵ ئەوەشدا كۆمەڵێك كەسی شارەزای تریشمان هەیە، بەڵام لەبەر كەمی كات ئەم دە یەكەمانەم هەڵبژاردووە.
هەروەها لەبارەی چالاكییەكانیانەوە سیروان بیلانە بەڕێوەبەری بەڕێوەبەرایەتیەكە بەكوردستانی نوێی وت: «ئامانج لەكۆڕەكە، ئاوڕدانەوە بوو لەسەر مێژووی پرشنگداری شاری كەركوك لەڕووی هونەریی‌و ئەدەبیاتەوە، ئەمەش ئەوە دەگەیەنێت كە هەر تاكێكی كەركوك دەبێت شانازیی بكات بەوەی لەسەدەی رابردوودا واتە سەدەی بیست سەدەی ئاڵتۆنی كەركوكیەكان بوو، بەڵام لەسەدەی بیست‌و یەكدا بارودۆخەكە گۆڕا ئەوەش سیاسەتی حزبی بەعس بوو.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

one × 3 =

x

هەواڵێ هاوشێوە

کۆماری خودا، ئاسمانێکی بونگەرایی

لەدووتوێی 416 لاپەڕەدا کتێبی (کۆماری خودا، ئاسمانێکی بونگەرایی) کە یەکێکی ...