سەرەکی » وتار » شوان کەریم کابان » پەیوەندیی نێوان یەكێتی و گۆڕان، حب من طرف واحد

بە یارمەتیی هەڤاڵانی هەردوولا

پەیوەندیی نێوان یەكێتی و گۆڕان، حب من طرف واحد

حب من طرف واحد، یەعنی خۆشەویستی یەكلایەنە، یەعنی لایەك ئەوی تری خۆش دەوێ و ئەوی تریان نازانێ، یان ئیهمالی كردووە. ئێستا نێوان ی.ن.ك و بزووتنەوەی گۆڕانی بەڕێز وای لێهاتووە.
رۆژانە گوێمان لە لێدوانی هەڤاڵانی سەركردایەتی یەكێتی و كادیرانی پێشكەوتووی یەكێتی دەبێ، هەموو باسی ئەوە دەكەن، كە پێویستە لەگەڵ گۆڕان لێك نزیكبوونەوە هەبێ، لێكتێگەیشتنی دەباشان زیندوو بكرێتەوە، پێكەوە كاربكەین، تەنسیقمان هەبێ، لێكنزیكبوونەوەمان بە سوودی هەرێمەكەمانە، یەك مێژوومان هەیە و لە زۆر مەسەلەدا دیدی هاوبەشمان هەیە.
بە دڵنیاییەوە تەبایی و لێك نزیكی لایەنەكان لە هەموو سات و كاتەكاندا بە تایبەتیش یەكێتی و گۆڕان لەم سنوورە زۆر گرنگ و بە سودو قازانجی خەڵكی كوردستان و ئەمجا سنوورەكەشە، بە تایبەت بەشێكی زۆری ئەندام و كادیر و سەركردایەتی هەردوولا، دۆست و هاوڕێ و هەڤاڵی خەباتێكی دوور و درێژن، بەڵام گەر ویستەكە یەكلایەنە بێت، ئەو تەبایی و ئاشت بوونەوەیە زەحمەتە سەربگرێت.
هەم لەنێو بەشێكی باشی هەڤاڵانی ی.ن.ك و هەروەها لەنێو بەشێكی بەرچاوی هەڤاڵانی گۆڕان، ئەو حەزە هەیە، حەزی لێك نزیكبوونەوە و هاوكاریی و هاوئاهەنگی ‌و بە قازانجی هەرێمەكەمان و خەڵكەكەی، بەڵام جێی حەسرەتە كە لەنێو گۆڕاندا لاكەی تر زاڵە، بەداخیشەوە، بەپێی سەرنج و تێبینی خۆم، هەركاتێك ئەو ویستی لێك نزیكبوونەوەو ئارەزووی هاوكاری و هاوئاهەنگییە لای هەڤاڵانی یەكێتی زیادبێت، لای بەشێك لە خوشك و برایانی بەڕێزی گۆڕان هەر هیچ نەبێت ئەوانەی زوو زوو لێدوان دەدەن و لە میدیاكاندا دەردەكەون، پێچەوانەیە، هەندێك دەڵێن، یەكێتی دەیەوێ لەبەرامبەر پارتیدا بەكارمان بهێنێ، هەندێكی تر دەڵێن، هیچ لێك نزیك كەوتنەوەیەك لەئارادا نییە… هتد.
لە دوایین لێدوانی هەڤاڵێكی مەكتەبی سیاسی ی.ن.ك كە وتی: هێڵی گەرم هەیە لە نێوان یەكێتی و گۆڕان، لەبەرامبەردا میدیای گۆڕان گرنگی بە لێدوانێكی بەڕێز عەلی حەمە ساڵح پەرلەمانتاریان دا كە دەڵێت: لای دەستەی نەزاهە شكاتم لە بەڕێز قوباد تاڵەبانی كردووە لەسەر ئەوەی 100 كەسی لە رانیە دامەزراندووە! وەلحاڵ ئەمە ، حب من طرف واحد-ه.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

four × 5 =

x

هەواڵێ هاوشێوە

ترەمپ و میدیای ئه‌مریكا

رۆژنامه‌نووسان، گه‌ر بكرێ به‌ توێژ ناوی بنێین، توێژێكی گرنگی كۆمه‌ڵگەن، ...