سەرەکی » ئاراستە » لە یادی شەهیدی نەمر مامۆستا محەمەدی مام رەسوڵ دا

لە یادی شەهیدی نەمر مامۆستا محەمەدی مام رەسوڵ دا

رەسوڵ بۆسكێنی

زۆرێك لە مرۆڤەكان لەم جیهانەدا‌ لە بارودۆخێكی نائاسایی و پڕ كێشەدا لە دایك دەبن، بەهەمان شێوە لە بارودۆخێكی پڕ لەكێشە و جۆراو جۆردا بەبێ‌ دەنگی و هەناسە ساردییەوە لە گۆشەیەكدا سەریان ناوەتەوەو چوونەتەوە خانەی نەبوونەوە، لەناو ئەوانەدا هەزاران كەس بە دڕندەیی و شەڕانگێزیی لە لاپەڕەكانی مێژوودا ناویان تۆماركراوەو لەلایەن بەرەی ئادەمیزادەوە بێزراون و هەمیشە بە شەرمەزاریی و ریسواییەوە یادیان دەكرێتەوە. لەبەرامبەردا كۆمەڵێك لە هەڵكەوتووانی مرۆڤایەتی كە بەدوای خۆشبەختی و خۆشگوزەرانیی نیشتمان و نەتەوەكەیاندا وێڵبوون، ئەوانە خۆشەویستی خەڵك و جێی شانازیی و سەربەرزی گەلەكەیانن و هەمیشە لە ململانێدابوون بۆئەوەی قەرەبووی خراپەكاریی و دڕندەیی و ملهوڕی بە چاكەخوازی و ئاشتی و دانایی بكەنەوە.
لەمەوە دڵسۆزو بە تواناكانیان هانداوەو لەسایەی تێكۆشانی ئەوانەدا بەرەی خزمەت و چاكەكاریی لە گەشە و بەرەوپێشچووندا بووە، لەبەرامبەردا بەرەی شەڕخوازو خراپەكاریش لە شكست و پاشەكشێدابووە.
ئەم گەل و نیشتمانەی ئێمەش لەم هەڵكەوتە بەدەرنییە و تاقیكردنەوەكانی رۆژگار ئەوەیان دەرخستووە كە پاڵەوانە دڵسۆزو لێهاتووەكانی ئێمەش هەوڵی زۆریان داوە بۆ خۆشگوزەرانیی نەتەوەكەیان، هەموومان ئەو رۆژگارەمان لەیادە كەوا كەمینەیەك لە پێناوی زۆرینەی گەلدا گیانی خۆیان خستە مەترسییەوە، بوونە پێشمەرگە و بەشانازیی و لەخۆبوردووییەوە لەپێناوی ئەم وڵاتەدا تێكۆشان، گیانی خۆیان كردە فیدای گەل و نیشتمان « كارێكی سروشتییە ئەوانەی بە دوای زێڕەوە عەوداڵن، ژمارەیان زیاترە لەوانەی كە زێڕیان هەیە».
محەمەد رەسوڵ شەریف ناسراو بە مامۆستا محەمەدی مام رەسوڵ یەكێكە لەو پاڵەوانانەی لە سەردەمی لاوێتیدا دوو لایەنی مۆسیقا و بیروباوەڕی نەتەوەپەروەریی ئاستی رۆشنبیریی ئەویان زۆر هەورازتر بردو ئەزموون و شانازییەكی فرەیان پێبەخشی، هەودای ئاوازی هەست بزوێن و نەشئەبەخشی تەلی كەمانەكەی، پرشنگی ئومێدی بەهەر چوار لایدا پەخش دەكرد، بەڵام بەلای رۆشنبیرێكی هوشیارو وریاوە، ژیان چ بەهایەكی هەیە كاتێك گەل و نیشتمانەكەی لە ژێر دەستی دوژمنی زاڵمدا گیرۆدەی ئەوپەڕی ستەم و چەوسانەوە بێت؟ بەردەوام بەهۆی زەبرو زەنگی دوژمنە دڵڕەشەكانی لە چەوسانەوەیەكی سەختدا ژیان بگوزەرێنێ‌؟
لەم روانگەیەوە پشت لە خۆشی و نازو نیعمەتەكانی شار و رووی لە ناخۆشی و مەینەتییەكانی شاخ كرد، بە دڵێكی پڕ لە هیواوە لەدوا رۆژی دەڕوانی، لەناو بزووتنەوەی رزگاریخوازیی نەتەوەكەیدا چەكی شەرەف و بەرگریی كردە شان، بۆئەوەی لە تەك هاوڕێكانیدا بە تێكۆشانی شێلگیرانە مافی رەوای گەلەكەی وەدیبێنێ‌.
مامۆستا محەمەد لە دامێنی چیای كێوەڕەش لە بنەماڵەیەكی كوردپەروەر چاوی گەشی بەژیان هەڵهێنا، لەخوێندنگە و لە ناو هاوڕێكانیدا، ئەزموونی فرەیی وەرگرت، سەرنجدان و خۆ پەروەردەكردنی بەردەوام كاری هەمیشەی بوو، لەبواری هونەریی و خۆشنووسی و گەلێك بواری دیكەدا بەهرەمەندێكی بەسەلیقە بوو، هەربۆیە ئاستی رۆشنبیریی زۆر هەراشتر بوو لە تەمەنی.
مەینەت و دەردەسەری ژیان، ئەزموون و شارەزایی زۆریان پێبەخشیبوو، لاوێكی هێمن و ئارام لەگەڵ هاونیشتمانیانیدا، سەخت و بەورە لەبەرامبەر كارەساتەكانی رۆژگار، بێباك و كۆڵنەدەر لە فێڵ و دەهۆی دوژمن، كارامە و بە ئومێد و خۆڕاگر لە تەنگانەدا، رووخۆش و مەشرەب خۆش لە كۆڕی هاوڕێیاندا، رووناكبیر و پڕ لەزانست لە كۆڕی جەماوەریی و كاری حزبیدا، تا پتر هەڵدەكشا بەرەو لوتكە هیواو متمانەی بە سەركەوتنی یەكجارەكیی نەتەوەكەی زۆرتر دەبوو. خۆبەخشانە بە هەورازو ئەستەمی خەباتدا سەركەوت، تا گەیشتە دوا ترۆپكی تێكۆشان و دواجار گیانی پیرۆزی خۆی بە گەل و نیشتمانەكەی بەخشی .
مامۆستا محەمەد رەسوڵ شەریف لەساڵی 1963 لە شاری رانیە چاوی بەدنیا هەڵێناوە.
لەساڵی 1980 ئەگەرچی تەمەنیشی بچووك بووە، بەڵام هەستی نیشتمانپەرەوەریی لەگیانیدا كڵپەی سەندووەو چووەتە ریزەكانی رێكخستنی ی.ن.ك-ەوە.
لەساڵی 1982- 1983 خانەی پێگەیاندنی مامۆستایانی سلێمانی تەواوكردووە، دوای ئەوە لەناو شاردا ماوەتەوەو ئەركەكانی رێكخستنی چالاكانە ئەنجامداوە.
لە ساڵی 1986 پەیوەندیی كردووە بە هێزی پێشمەرگەی كوردستانەوە، لەكەرتی 1ی تیپی 99ی بیتوێن بووە بە پێشمەرگە‌و وەك پێشمەرگەیەكی قارەمان و بوێر بەشداریی زۆربەی نەبەردییەكانی وەك: شەڕەكانی گردجان و كانی ماران و داستانەكانی قەیوان – ماوەت و سەفرە و زەروون و شەڕەكانی بەری مەرگەی كردووە.
لەبەر لێهاتوویی كراوە بە جێگری فەرماندەی كەرت. لە نامەیەكدا كە بۆ یەكێك لە رێكخستنەكانی ناو شاری نووسیوە، دەڵێت: «راستە من پێشمەرگەم، بەڵام پێویستیم بە هیچ نییە و تاكە پولێكم لە كەس ناوێ، من لەگەڵ برسییەتی و ماندووبوون راهاتووم، لە ئاوێنەی ئازارو كوێرەوەی خۆمدا خۆشی و ئاسوودەیی گەلەكەم دەبینم».
هەرچەندە هێشتا نەتەوەكەی پێویستی زۆری بە ئەزموون و توانا و لێهاتوویی ئەو لاوە فیداكارە هەبوو، بەڵام سەد مخابن لە رۆژی 28-2-1988 لە شەڕی ئەنفالی یەكەمەدا كە هێرشێكی فراوان كرایە سەر بەری مەرگەو دۆڵی جافایەتی و ناوچەكە، لە شەڕێكی قارەمانانەی بەرەنگاریی سەختدا دژ بە سوپای داگیركەری رژێمی بەعسی لەناوچوو، شەهیدی نەمر (مامۆستا محەمەد) لە گوندی مەلا سەفی‌ ناوچەی مەرگەدا گیانی پیرۆزی بە خاكی نیشتمان سپارد.
هەزاران سڵاو لەگیانی پاكی شەهید مامۆستا محەمەد مام رەسوڵ و هەموو شەهیدانی كوردستان و گیانیان شادبێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ئەم گۆی زەویە موڵکی هەردووکمانە

ڤینۆس فایەق نەوال سەعداوی دەڵێت: «سەرکەوتوویی ژن لە کۆمەڵگای ئێمەدا ...

freier porno porno gratis
doğubayazıt escort afşin escort afyon escort afyon escort alanya masaj salonu afyon masaj salonu efeler masaj salonu polatlı masaj salonu merzifon masaj salonu afyon masaj salonu akhisar masaj salonu akçakale escort