شوێنی‌ تایبه‌ت بۆ له‌ناوبردنی‌ ده‌رمان‌و پێداویستیه‌ پزیشكییه‌ ماوه‌به‌سه‌رچووه‌كان دیاری‌ ده‌كرێت
شوێنی‌ تایبه‌ت بۆ له‌ناوبردنی‌ ده‌رمان‌و پێداویستیه‌ پزیشكییه‌ ماوه‌به‌سه‌رچووه‌كان دیاری‌ ده‌كرێت ‌ 10/1/2017
هه‌ولێر / فه‌تاح حه‌سه‌ن قه‌ڵاتی‌
عه‌بدول ره‌حمان عه‌بدول ره‌حیم وه‌زیری‌ هه‌رێم بۆ كاروباری‌ ژینگه‌، سه‌باره‌ت به‌ئاماده‌كاری‌ بۆ هۆشیاری‌ ته‌ندروستی‌ هاوڵاتیان و چۆنیه‌تی‌ مامه‌ڵه‌ كردن له‌گه‌ڵ ده‌رمانی‌ ماوه‌به‌سه‌ر چوو پێی‌ راگه‌یاندین : به‌مه‌به‌ستی‌ چۆنیه‌تی‌ مامه‌ڵه‌كردن له‌گه‌ڵ ده‌رمان‌و پێداویستی‌ پزیشكی‌ ماوه‌به‌سه‌ر چوو، ئێمه‌ له‌ماوه‌ی‌ رابردوو به‌هه‌ماهه‌نگی‌ له‌گه‌ڵ هه‌ریه‌ك له‌وه‌زاره‌تی‌ ته‌ندروستی‌ و ده‌سته‌ی‌ پاراستن و چاككردنی‌ ژینگه‌‌و رێكخراوه‌كان و سه‌ندیكاكانی‌ بواری‌ ته‌ندروستی‌‌و ژینگه‌ چه‌ندین كۆبوونه‌وه‌ی‌ گرنگمان ئه‌نجامداوه‌‌و ئاماده‌كاری‌ ته‌واومان كردووه‌ بۆ ئه‌وه‌ی‌ بتوانین چۆن چاره‌سه‌ری‌ ده‌رمان و پاشماوه‌ پزیشكیه‌ ماوه‌به‌سه‌رچووه‌كان بكه‌ین ، بۆ ئه‌م مه‌به‌سته‌ش بریار دراوه‌ كه‌ لیژنه‌یه‌كی‌ باڵا له‌لایه‌نه‌ په‌یوه‌ندیداره‌كان له‌سه‌ر ئاستی‌ پارێزگاكان پێك بهێنرێت بۆ له‌ناو بردن‌و سووتاندنی‌ ده‌رمان‌و پێداویستیه‌ پزیشكیه‌ ماوه‌ به‌سه‌رچووه‌كان .
وتیشیی‌ : به‌ر له‌هه‌مووشتێك پێویسته‌ كار بكرێت بۆ ئه‌وه‌ی‌ ئاستی‌ هۆشیاری‌ خانمان‌و خاوه‌ن كۆگاكانی‌ ده‌رمان‌و كارمه‌نده‌كانی‌ ده‌رمانخانه‌كان له‌نه‌خۆشخانه‌و بنكه‌ ته‌ندروستیه‌كان به‌رز بكرێته‌وه‌ له‌سه‌ر ئه‌وه‌ی‌ چۆن مامه‌ڵه‌ له‌گه‌ڵ هه‌موو ئه‌و ده‌رمانه‌ ماوه‌ به‌سه‌رچووانه‌ بكات كه‌ له‌م شوێنانه‌دا بوونیان هه‌یه‌‌و  جگه‌ له‌زیان هیچ سوودێكیان لێ‌ نابینرێت ، چونكه‌ زۆر جاری‌ وا هه‌بووه‌ كه‌ ده‌رمانی‌ ماوه‌ به‌سه‌رچوو له‌كۆگاكان و خاڵه‌ سنووریه‌كان هێنراونه‌ته‌ ناو شاره‌كان‌و به‌هاوڵاتیان فرۆشراوون، ئه‌مه‌ش  مه‌ترسی و كاریگه‌ریه‌كی‌ خراپی‌ لێكه‌وتۆته‌وه‌ ، بۆیه‌ ئێمه‌ داوا له‌زانایانی‌ ئایینی‌ و پسپۆڕان و شاره‌زایان و رێكخراوه‌كانی‌ كۆمه‌ڵی‌ مه‌ده‌نی‌ و یه‌كه‌ ئیداریه‌كان له‌قه‌زاو ناحیه‌كان‌و هه‌موو نه‌خۆشخانه‌كان ده‌كه‌ین كه‌هاوكارمان بن له‌م بواره‌دا .


ناو:  
ئیمه‌یل:    
سه‌رنج:  

#7369
21/9/2017
ئه‌رشیف
وه‌رزش
‌ پاسكیلسوارێكی به‌ریتانی به‌ 80 رۆژ به‌ده‌وری زه‌ویدا ده‌سوڕێته‌وه‌ 21/9/2017
‌ لیستی پاڵێوراوانی خه‌ڵاتی گۆڵدن بۆی بڵاوكرایه‌وه‌ 21/9/2017
زانست
‌ سه‌یرترین دۆزینه‌وه‌كان له‌ مێژوودا 21/9/2017
‌ ئه‌تڵه‌نتیس؛ شارستانیه‌تی ونبوو 21/9/2017
‌ كاسینی شۆڕشێك له‌ زانیاری ده‌رباره‌ی زوحه‌ل 19/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP