تره‌مپ ئەمریکای لە رێکـکــەوتننامەی کەشوهەوا کشاندەوە
تره‌مپ ئەمریکای لە رێکـکــەوتننامەی کەشوهەوا کشاندەوە ‌ ئامادەکردنی: بورهان ئەمین‌ 6/6/2017
لەپێناو کەمکردنەوەی ئاسەواری خراپی تەکنەلۆژیاوفراوانی بواری پیشەسازی‌و دوکەڵی گازو مادەژەهراویەکانی کارگەوئۆتۆمبێل‌وهەموو ئەو گازانەی کەدەبنە هۆی پیسکردنی ژینگە‌وڕیگرتن لە بەرزبونەوەی ناڕێکی کەشوهەوا،ساڵی ٢٠١٥لە ڕێککەوتننامەیەکی گەورەدا  لەکۆی ١٩٧ وڵاتی جیهانیدا ١٩٥یان جگەلە سوریاو نیکاراگوا لەشاری پاریس لەمیانه‌ی کۆنگرەی نەتەوەیەکگرتوەکان بەڵگەنامەیەکی گرنگیان  بەناوی «ڕێکەوتننامەی کەشوهەوا» مۆرکرد.
ڕێگری بکەن لە بەرزبونەوەی پلەی گەرما
بەپێی ڕێککەوتنەکە دەبێت لەسەرەتای ساڵی ٢٠٢٠ ەوە وڵاتە پیشەسازیە گەورەکان ١٠٠ ملیار بۆئەم مەبەستەو بۆ پشتیوانی وڵاتە تازە پێگەیشتوەکان تەرخان بکەن و یەکەمین هەنگاوەکانی ئەو ڕێککەوتنە دەست پێ بکەن،هەموو ئەو وڵاتانە کۆک بون لەسەر ئەوەی نەهێڵن کەشوهەوای جیهان بەهۆکاری گازەکان لە دوو پلە زیاتر بەرزتر بێتەوە.
ئەمریکاو چین لەهەمویان زیاتر ژینگە پیس دەکەن
ئەمریکاو چین بەو پێیەی دوو وڵاتی پیشەسازی گەورەن، لە پیسکردنی ژینگەو گۆرینی کەشوهەوادا پشکی شێریان بەردەکەوێ‌وپسپۆڕان بەڕێژەی ٤٠٪ ی دەژمێرن،کەچی هەر لەگەڵ دەستبەکاربونی  دوناڵد تره‌مپ وەک سەرۆکی ئەمریکا ڕایگەیاند کە لەو ڕێککەوتتنامەیە دەکشێتەوەو پەیوەستی نابێت،لەدوای ١٨ مانگ لە مۆرکردنی ئەو رێککەوتننامەیە کۆتایی هەفتەی ڕابردو دۆناڵد تره‌مپ بەڕەسمی کشانەوەی ئەمریکای ڕاگەیاندو وڵاتی چینیش پەیوەست بونی خۆی بەڕێکەوتنەکە دوپاتکردەوە.
جیهان ئیدانەی دەکات
ئەم بڕیارەی تره‌مپ کاردانەوەی توندی بەرپرسانی ئەڵمانی‌وئەوروپی لێکەوتەوە»جان کلود» سەرۆکی کۆمسیۆنی ئەوروپا ئیدانەی ئەو بریاڕەی کردو نیگەرانی خۆی دەربڕی.
ئه‌ڵمانیا
« ئەنگێلا مێرکل» ی ڕاوێژکاری ئەڵمانیاش لە ووتارێکدا لەبەردەم پەرلەمانی وڵاتەکەی خەم وبێزاری خۆی ڕاگەیاندو داوایکرد هەموو لایەک پەیوەندبن بەسیاسەتی پاراستنی کەشوهەوا،مێرکل پەیوەست بونی ئەڵمانیای بە ڕیککەوتنەکە راگه‌یاند بۆ پاراستنی زەوی. ووتیشی: بەهەموو ئەوانەی کە پاراستنی ئەستێرەی زەمینیان لا گرنگە دەڵێم: بەردەوام هەنگاو دەنێین تاسەرکەوتن لەسەرئەم زەمینە بەدەست دێنین.
ناڕه‌زایی جیهان
هەریەک لە ئیمانوئێل ماکرۆن» ی  سەرۆکی فەرەنساو»باولۆ جینتۆلۆنی» سەرەک وەزیرانی ئیتاڵیاو ژمارەیەک لە سەرۆک وسەرەک حکومەتی وڵاتانی دونیا وەک ئوسترالیا، یابان، ڕوسیا ناڕەزایی خۆیان نیشاندا، جێگه‌ی ئاماژه‌یه‌ وڵاتانی G7 جگەلە ئەمریکا داوای یەکڕیزیان کرد لەسەر مانەوەو پتەوڕاگرتنی ئەو رێککەوتنە.  
ئەمریکا یەکڕیزی تێکدا
لەمبارەیەوە ماڵپەڕی شپیگل ئۆنلاینە دەڵێت: ڕێککەوتنەکە هەموو جیهانی کردوە یەکڕیز لەبارەی ژینگەو کەشوهەواوە بەڵام ئەمریکا خۆی جیاکردەوە، بەمەش سەرەتا بەزیانی خۆی تەواو دەبێت ئینجا بۆهەموو جیهان، لەمەودوا ئەوروپا وچین بەبێ ئەمریکا ڕابەرایەتی هەموو دونیا دەکەن .
تره‌مپ شەڕ دەفرۆشێت
هه‌رله‌مباره‌یه‌وه‌ ڕۆژنامەی «ڕاین پفلاتس»نوسیویەتی: کشانەوەی ئەمریکا لەم ڕێکەوتننە ڕاگەیاندنێکی ئاشکرایە بۆ شەڕ لەگەڵ دونیای دەرەوە،ئەوەش جێی خەمو پەژارەیە کە وڵاتێکی هەرەگەورەی پیشەسازی و تێکدەری کەشوهەوا،پەیوەست نەبێ بەو بەڵگەنامە مێژوییەوە.
تەکنەلۆژیکارانیش هاتنە دەنگ
لەلایەکی تریشەوە جگە لە ناڕەزایی بەرپرسانی یەکە ئیداری‌وهەرێمەکانی ئەمریکا، کۆمه‌ڵێک کۆمپانیای گه‌وره‌ی ئه‌مریکا، ئیدانه‌ی ئه‌م کاره‌یان کرد، له‌وانه‌: گول وفه‌یسبوک وتۆیتەرو ئەپڵ‌و‌مایکرپۆسۆفت وتێسلا، هەڵوێستی خۆیان راگەیاندو ئەو بریارەی تره‌مپیان شەرمەزار کردو پشتیوانیان لەپیادەکردنی ڕێککەوتننامەی پاریس نیشاندا.


ناو:  
ئیمه‌یل:    
سه‌رنج:  

#7344
18/8/2017
ئه‌رشیف
وه‌رزش
‌ له‌ نێو لیستی باشترین 10 یاریزانی ئه‌وروپادا ناوی نه‌یمار نییه‌ 17/8/2017
‌ یاریزانانی سلێمانی پێشه‌نگ بوون 17/8/2017
زانست
‌ لەسەر زمانی ئێمەیە‌و لەسەر پەنجەی كەڕولاڵەكانیشە 18/8/2017
‌ ئه‌وانه‌ی‌ ئاره‌زوو ده‌كه‌ن ببن به‌ دایك ئه‌م بابه‌ته‌ بخوێننه‌وه‌ 18/8/2017
‌ منداڵ هه‌ستی‌ حه‌وته‌میشی‌ هه‌یه‌ 18/8/2017

© 2009 KURDISTANY NWE, All RIGHTS RESERVED. | CREATED BY AVESTA GROUP