دڵەكوتێ و زیانەكانی
دڵەكوتێ و زیانەكانی ‌ 5/7/2017
لێكۆڵینەوە تازەكان دەریدەخەن كە جیاوازی كاردانەوەی بیۆكیمیایی مێشكی ژن و پیاو لەبەرامبەر هۆكارەكانی دڵەكوتێ دەبێتە هۆی ئەوەی كە ژنان زیاتر زیانیان لێبكەوێت و درەنگتر بگەڕێنەوە بۆ باری ئاسایی خۆیان، تائێستا روون بوو كە تێكچوون لەكاردانەوەی رژێمی چارەسەركەری كۆرتیكۆترۆپین دەتوانێ ببێتە هۆی تێكچوونی دەروونی و دڵەكوتێی زیاتر، كۆرتیكۆترۆپین، هۆرمۆنێكە كە لەبەشی خوارەوەی مێشك دروستدەبێت، ئەم هۆرمۆنە لەكاتێك كە بوونەوەرێك لەبارودۆخێكی دڵەكوتێدا بێت بڵاودەبێتەوە، كۆرتیكۆترۆپین رۆڵێكی زۆر گرنگی هەیە لەوەڵامدانەوەی فاكتەرەكانی دڵەكوتێ.
تیمێكی لێكۆڵەر لەنەخۆشخانەی منداڵانی فیلادڵفیا بەسەرپەرشتی د.ریتا ڤالانتینۆ، بەكاركردن لەسەر ئەم هۆرمۆنەو جیاوازییەكانی لەژن و پیاودا  چەند دەرئەنجامێكی نوێیان بەدەستهێنا، تاقیكردنەوەكان دەریدەخەن كە پیاوان توانایەكی زیاتریان هەیە لەبەرەنگاربونەوەی هۆكارەكانی دڵەكوتێ، لەكاتێكدا ئەم هۆكارە بەشێوەیەكی كتوپڕ سەرهەڵدەدات كەچی ئەم هۆكارە بۆ ماوەیەكی درێژتر بەردەوام بێت.
تیمە لێكۆڵەرەكەی نەخۆشخانەی منداڵانی فیلادلفیا بۆ دەرخستنی كاریگەرییەكانی رەگەز لەبەرامبەر هۆكارەكانی دڵەكوتێ، چەند تاقیكردنەوەیەكیان لەسەر مشكە نێرو مێكان ئەنجامداوە، لەم تاقیكردنەوانە مشكەكان ناچاربوون كە مەلە بكەن، ئەوان گەیشتنە ئەو دەرئەنجامەی كە پەیوەندی كۆرتیكۆترۆپین و وەرگرتنی لەمێشكی مشكە مێینەكان زیاترە تاوەكو مشكە نێرینەكان، هەروەها لەمێشكی مشكە نێرەكان یەكسەر لەدوای تاقیكردنەوەكانی دڵەكوتێ كاردانەوەیەك بینرا كە دەبێتە هۆی ئەوەی كە دڵەكوتێ بەخێرای كەمبێتەوە، خانەكانی مێشكی مشكە نێرەكان ئەو توانایەیان دەبێت كە بەسەر بەشێك لەوەرگرەكانی كۆرتیكۆترۆپین كاریگەری دابنێن و كەمی بكەنەوە، لەكاتێك كە هەر ئەم كاردانەوەیە لەمێشكی مشكە مێینەكان دوای دواكەوتنێكی زۆر بەدیكرا، ریتا ڤالانتینۆ پێیوایە كە دەرمانسازان دەتوانن لەم دۆزینەوە تازەیە بۆ دەرمانكردنی خەمۆكی سوودوەرگرن، دڵەكوتێ بەشێكە لەمیكانیزمێكی ئاسایی كە بوونەوەری زیندوو بۆ مانەوەی خۆی پێویستی پێیەتی بەیارمەتی ئەم میكانیزمەیە كە لەش لەكاتی سەرهەڵدانی مەترسی لەبارێكدا دەبێ كە بەخێرایی كاردانەوە نیشان بدات، لەم كاتەدا لێدانی دڵ زیاد دەكات، هەناسەدان توندتر دەبێت و ماسولكەكان كرژ دەبن لەئەنجامی ئەم كۆمەڵە كاردانەوەیە ئەو بوونەوەرە بەتوانا دەكات كە بەخێرایی وەڵام بداتەوە.


ناو:  
ئیمه‌یل:    
سه‌رنج:  

#7372
25/9/2017
ئه‌رشیف
وه‌رزش
‌ بارسێلۆنا بۆندی چه‌ند یاریزانێكی نوێ ده‌كاته‌وه‌ 24/9/2017
‌ ئه‌ندریه‌ واردی پاڵه‌وانی جیهان وازهێنانی راگه‌یاند 24/9/2017
زانست
‌ 12 ساڵ دوای‌ هاوسه‌رگیری چی‌ ڕوو ده‌دا؟ 22/9/2017
‌ باوه‌ڕت به‌ خه‌ونه‌كه‌ت هه‌بێت، وه‌ك ئه‌وه‌ی‌ به‌كرده‌وه‌ به‌ده‌ستت هێنابێ 22/9/2017
‌ كێش كاریگه‌ری‌ له‌سه‌ر ناكۆكی‌ خێزان هه‌یه‌ 22/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP