ئۆتۆمبیلی زیرەك و شەڕ دژی هەواڵی درۆ
ئۆتۆمبیلی زیرەك و شەڕ دژی هەواڵی درۆ ‌ 5/7/2017
بەڕێوەبەری كۆمپانییایەكی زەبەلاحی تەكنەلۆجی، داوای بەرپاكردنی هەڵمەتێكی بەرفراوان دەكات بۆ روبەڕوبونەوەی هەواڵی درۆ.
تیم كوك بەڕێوەبەری ئەپڵ رایگەیاند، هەواڵی درۆ مێشكی مرۆڤەكان دەكوژێت و هەڵمەتێك پێویستە بۆ بەگژدا چونەوەی و راشیگەیاند، پێویستە حكومەتەكان جەنگی زانیاری بەرپابكەن دژ بە هەواڵی درۆ و كۆمپانیاكانیش ئامرازی پێویست دابێنن بۆ بنەبڕكردنی پروپاگەندە.
كوك بە رۆژنامەی دەیلی تەلەگرافی راگەیاند، لەڕێگەی راگەیاندنی ڤێرژنێكی نوێیی خزمەتگوزاریەكی گشتییەوە هەڵمەتێكی بەرفراوان پێویستە، وتیشی، بە قۆناغێكدا تێدەپەڕین كە بەداخەوە هەندێك لەو كەسانەی براوەن ئەو كەسانەن كە زۆربەی كات هەوڵی بەدەستهێنانی زۆرترین كلیك دەدەن نەك گەیاندنی زۆرترین راست. ئەوەش عەقڵی خەڵك دەكوژێت.
وتیشی، ئێمەی كۆمپانیاكانی تەكنەلۆجی دەبێت ئامراز دروست بكەین كە هاوكاربێت لە نەهێشتنی قەبارەی هەواڵی درۆ.
ئەو بانگەوازەی كوك، دوای ئەوە دێت كە راوەر درەیك رایگەیاند، بۆتە قوربانی هەواڵێكی درۆ كە گوایە لە كۆنسێرتێكدا داوای لە ژنێكی موسوڵمان كردوە حیجابەكەی داكەنێت.
لەلایەكی ترەوە، بەڕێوەبەری ڕێگەپێدراوی كۆمپانیای ئەپڵ دەڵێت، هەوڵدەدەن ئۆتۆمبیلی بێ شۆفێر دروست بكەن و لەو بوارەشدا لێكۆڵینەوە ئەنجام دەدەن.
تیم كوك بەڕێوەبەری ڕێگەپێدراوی كۆمپانیای ئەپڵ لە چاوپێكەوتنێكیدا لەگەڵ  Bloomberg TV  ئاماژەی بەوەدا ، ئەو كارانە كارێكی بنچینەییە بۆ ئەپڵ و وتی، لەسەر تەكنەلۆجیای سیستمی ئۆتۆماتیك تواناكانمان چڕكردووەتەوە. ئەم تەكنەلۆژیایە دایكی هەموو پڕۆژەكانی هۆشیاریی دەستكردە. پێم وایە ئەمە سەختترین پڕۆژەیە كە كاری لەسەر دەكەین.
ئەوەشی وت، تەكنەلۆژیای سیستمی ئۆتۆماتیك دەكرێت بە سێ بەشەوە كە هەر‌یەكە لە ئۆتۆمبێلی كارەبایی، ئۆتۆمبێلی بێ شۆفێر و ڕەخساندنی كاری تاكسی بۆ ئۆتۆمبێلی تایبەت پێكەوه دەگرێتەوە.
ئەوەش لە كاتێكدایە كۆمپانیای ئەپڵ لە ساڵی ٢٠١٤ دا دەستیكرد بە گەشەپێدانی تەكنەلۆژیای ئۆتۆمبێلی بێ شۆفێر كە بە پرۆژەی تیتان ناسراوە و نزیكەی هەزار ئەندازیار كاریان تێدا كردووە.


ناو:  
ئیمه‌یل:    
سه‌رنج:  

#7321
23/7/2017
ئه‌رشیف
وه‌رزش
‌ بۆڵت له‌ له‌نده‌ن به‌شداری 200 مه‌تر ناكات 23/7/2017
‌ بۆندێكی بۆ ماوه‌ی‌ 5 وه‌رز له‌گه‌ڵ چێڵسی ئیمزاكرد 23/7/2017
زانست
‌ بۆ گه‌رمای هاوین خواردنه‌وه‌ی ئاوی شله‌تێن باشه‌ 23/7/2017
‌ ته‌نه‌ ئاڵۆزه‌كانی گه‌ردوون، ئامانجی به‌ هێزترین ته‌لسكۆبی جیهانه‌ 23/7/2017
‌ دەریا: من و فۆتۆ و کامێرا هاوڕێی هەمیشەیین 21/7/2017

© 2009 KURDISTANY NWE, All RIGHTS RESERVED. | CREATED BY AVESTA GROUP