ئه‌و شتانه‌ی  له‌ جگه‌ره‌ كێشان مه‌ترسیدارترن
ئه‌و شتانه‌ی له‌ جگه‌ره‌ كێشان مه‌ترسیدارترن ‌ 1/10/2017
كه‌شتی نوح
هه‌ندێك شت هه‌یه‌ له‌ڕۆتینی ڕۆژانه‌ی هه‌موو كه‌سێك ئه‌گه‌ر پێی نه‌زانرێت ڕه‌نگه‌ له‌ جگه‌ره‌ كێشان مه‌ترسیدارتر بن.
 به‌پێی توێژینه‌وه‌یه‌كی زانكۆی ئه‌نتاریۆی كه‌نه‌دا به‌پێوه‌ وه‌ستان بۆ ماوه‌یه‌كی زۆر و چه‌ند نه‌ریتێكی  ڕۆژانه‌ وه‌ك جگه‌ره‌ كێشان زیانبه‌خشه‌.
ئه‌و زانا كه‌نه‌دییانه‌ دوای توێژینه‌وه‌یه‌كیان كه‌ ماوه‌ی 12 ساڵی خایاندووه‌ و نزیكه‌ی 7 هه‌زار كه‌س له‌سه‌رانسه‌ری ئه‌نتاریۆ به‌شدارییان تێدا كردووه‌، بۆیان ده‌ركه‌وتووه‌ ئه‌وانه‌ی له‌شوێنی ئیشه‌كانیان بۆ ماوه‌ی زۆر به‌ پێوه‌ ده‌وه‌ستن زیاتر تووشی نه‌خۆشی دڵ ده‌بن  به‌ به‌راورد به‌وانه‌ی كه‌ به‌ درێژایی ڕۆژ دانیشتوون.
 ئه‌وان ده‌ڵێن هه‌رچه‌نده‌ دانیشتن بۆ ماوه‌ی زۆر و بێ جووڵه‌ ده‌بێته‌ هۆی هه‌ندێك جۆری شێرپه‌نجه‌ و نه‌خۆشی شه‌كره‌ی جۆری دووه‌م و پیریی پێشوه‌خته‌، به‌ڵام ئه‌مه‌ مانای ئه‌وه‌ نییه‌ به‌پێوه‌ وه‌ستانی زۆریش كارێكی زۆر باش بێت.
له‌مباره‌یه‌وه‌ (پیته‌ر سمیت) ئاماده‌كه‌ری توێژینه‌وه‌كه‌ ده‌ڵێت» تێكڕای تووشبوون به‌نه‌خۆشییه‌كانی دڵ لای ئه‌وانه‌ی به‌شداری توێژینه‌وه‌كه‌یان كردبوو و زۆربه‌ی كات به‌ پێوه‌ بوون له‌شوێنی كاره‌كانیان، هاوشێوه‌ی تێكڕای توشبوون به‌ نه‌خۆشیی دڵ بوو له‌ نێو ئه‌و كه‌سانه‌ی كه‌ ڕۆژانه‌ جگه‌ره‌ ده‌كێشن یان ئه‌وانه‌ی كه‌ به‌ ده‌ست قه‌ڵه‌ویی زۆره‌وه‌ ده‌ناڵێنن».
زۆر به‌ پێوه‌ وه‌ستان له‌ كاتی كاركردندا ده‌بێته‌ هۆی په‌ستانی زۆر له‌سه‌ر  ده‌ماره‌كان و ئۆكسیده‌ی ناو خوێن زیاد ده‌كات و ئه‌مه‌ش ده‌بێته‌ هۆی زیادبوونی مه‌ترسی تووشبوون به‌ نه‌خۆشییه‌كانی دڵ.
هه‌روه‌ها زۆر وه‌ستان به‌ پێوه‌ هۆكارێكی سه‌ره‌كی پشت ئێشه‌ی درێژ خایه‌نه‌ و ده‌بێته‌ هۆی شێواندنی ماسوولكه‌كانی لاق و زۆر جاریش لار بوونه‌وه‌ی ئێسكی قاچه‌كانی لێده‌كه‌وێته‌وه‌.
 ئاماده‌كه‌رانی توێژینه‌وه‌كه‌ ڕێنمایی ئه‌و كه‌سانه‌ ده‌كه‌ن كه‌ كاره‌كه‌یان وا ده‌خوازێت زۆر به‌ پێوه‌ بووه‌ستن كه‌ ناو به‌ ناو له‌ شوێنێكدا ڕاكشێن بۆ ئه‌وه‌ی ماسولكه‌ و ده‌ماره‌كانی قاچیان بحه‌سێته‌وه‌ و خوێن به‌ ئاسانی له‌ جه‌سته‌یاندا هاتوچۆ بكات، هه‌روه‌ها پێویسته‌ دوای گه‌ڕانه‌وه‌ له‌ سه‌ر كار ماوه‌یه‌كی چه‌ند خووله‌كێك قاچه‌كانیان به‌ ئاوی شله‌تێن بشۆن و دواتریش له‌ شوێنێكدا ڕابكشێن و قاچه‌كانیان به‌ شوێنێكی به‌رزت له‌ ئاستی سه‌ریانه‌وه‌ ڕاگیر بكه‌ن.
سه‌رچاوه‌: الصحه‌ والحیاه‌


ناو:  
ئیمه‌یل:    
سه‌رنج:  

#7392
17/10/2017
ئه‌رشیف
وه‌رزش
‌ رۆجێر فێدره‌ر بۆ جاری چواره‌م له‌م وه‌رزه‌دا له‌ نادالی برده‌وه‌ 17/10/2017
‌ دۆڤیزیسیۆ قۆناغی ژاپۆنی مۆتۆ جی پی برده‌وه‌ 17/10/2017
زانست
‌ ته‌كنیكی نوێ بۆ نووسینی نامه‌ بێ ده‌ستدان له‌ كیبۆرد 17/10/2017
‌ ئه‌ندۆنیزیا چاوه‌ڕوانی هه‌ڵپژانی گڕكانێكه‌ 17/10/2017
‌ زرێبار هه‌ورامی: ژیان جه‌نگه‌، له‌گه‌ڵ خۆت و له‌گه‌ڵ بارودۆخه‌كه‌ت 16/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP