بەرهەمە كشتوكاڵییەكانی هەورامان كەمی كردووە
بەرهەمە كشتوكاڵییەكانی هەورامان كەمی كردووە ‌ 11/7/2017
یەکەی ئابووری

جووتیارانی هەورامان باس لەوە دەكەن، كە بەهۆی كەمتەرخەمیەكانی حكومەت‌و دابین نەكردنی دەرمان‌و پێداویستی تایبەت بۆیان، ساڵ دوای ساڵ بەروبومەكانیان روو لەكەمیی دەكات، بەرپرسێكیش دەڵێت: «بەهۆی قەیرانی داراییەوە، وەزارەت نەیتوانیوە ئەو پێداویستییانە دابین بكات».

دابینكردنی قڕكەر
محەمەد هەورامی، كە جووتیارێكی گوندی خارگێڵانی هەورامانە وتی: «بەروبوومی ئەمساڵمان لەچاو ساڵانی رابردوو كەمیكردووە».
 ئەو جووتیارە، ئاماژەی بەهۆكارەكانی كەمبوونەوەی بەرهەمی كشتوكاڵیی كردو وتی: «هۆكارەكان دەگەڕێتەوە بۆ كەمتەرخەمیەكانی حكومەت‌و ئاوڕنەدانەوەی لەجووتیاران بەتایبەت بۆ دابینكردنی دەرمان‌و دژە نەخۆشی‌و میرولەی بەروبوومەكان، بۆیە لەكاتی پێگەیشتنی زۆرێك لە بەروبوومەكان بەهۆی نەخۆشییە جۆراوجۆرەكان لەناو دەچن، لەلایەكی تریشەوە وشكەساڵی‌و كەم ئاویش كاریگەری لەسەر كەم بوونەوەی بەروبوومەكان داناوە».
ئاماژەبەوەشدەكات: بۆ چارەسەركردنی گرفتی كەمئاویی، داوایان لە حكومەتی هەرێم كردووە مۆڵەتیان بدات بۆ لێدانی بیر، بەڵام حكومەت مۆڵەتیان نادات.

بازاڕێك بۆ ساغكردنەوەی بەرهەمەكان
جووتیارێكی تری هەمان گوند بەناوی حەسەن حسێن دەڵێت: «لەناو بەرهەمە كشتوكاڵییەكاندا بە تایبەت بەروبوومی دانەوێڵە كەمیكردووە، چونكە لەكاتی پێشگەیشتنیاندا تووشی نەخۆشی دەبن‌و دەرمانی تەواویشمان نییە بۆ چارەسەركردن».
ئەو جووتیارە رەخنەی لە حكومەت دەگرێت، بەوەی كە بازاڕێك بۆ ساغكردنەوەی بەرهەمەكانیان ناكاتەوە. «حكومەتی ناوەندیش ساڵانە برێكی كەم گەنم-مان لێوەرگرێت، ئەمەش وایكردووە بە نرخێكی هەرزان بەروبوومەكانمان لە بازاڕدا بفرۆشین».

بەهۆی قەیرانی داراییەوەیە
لە بەرامبەردا، سەلام عوسمان، لێپرسراوی بەشی كشتوكاڵی ناحیەی خورماڵی سەر بەپارێزگای هەڵەبجە بەماڵپەڕی (رۆژنیوز)ی رایگەیاند: چەندین جار داوامان لە وەزارەتی كشتوكاڵ كردووە بۆ دابینكردنی دەرمان‌و قڕكەری نەخۆشی بەروبوومەكان، بەڵام بەداخەوە بەهۆی قەیرانی داراییەوە، وەزارەت نەیتوانیوە ئەو پێداویستییانە دابین بكات.
وتیشی:»یەكێك لەكێشە سەرەكییەكانی جووتیارانی سنوورەكەمان، ساغنەكردنەوەی بەرهەمی گەنمە بەتایبەت لە ئەمساڵدا غەدرێكی گەورەیان لە جووتیارانی سنورەكەمان كرد، كە تەنها بڕی هەشت هەزار تۆن گەنم لە ‌جووتیاران وەردەگرن ئەمەش وایكرد كە زۆرێك لە جووتیاران بەرهەمەكانیان بە بازرگانان‌و بەنرخێكی زۆر كەمتر بفرۆشنەوە».
‌لێپرسراوی بەشی كشتوكاڵی ناحیەی خورماڵی سەر بەپارێزگای هەڵەبجە بەهەمان شێوەی جووتیاران، رەخنەی لە حكومەت گرت‌و وتی: «كەمتەرخەمیەكە بۆ حكومەتی هەرێم دەگەڕێتەوە كە پێشوەختە هەوڵی ساغكردنەوەی بەرهەمی جووتیارانی نەداوە لەڕێگەی گفتوگۆو رێككەوتن لەگەڵ حكومەتی ناوەندیدا».


ناو:  
ئیمه‌یل:    
سه‌رنج:  

#7320
21/7/2017
ئه‌رشیف
وه‌رزش
‌ نه‌یمار هه‌رگیز ناچێته‌ پاریس سانجێرمان 20/7/2017
‌ جۆ هارت چووه‌ وێستهام 20/7/2017
زانست
‌ دەریا: من و فۆتۆ و کامێرا هاوڕێی هەمیشەیین 21/7/2017
‌ لە بارەی ڕێکخراوی ״کوردستان فۆتۆ״ 21/7/2017
‌ رەسوڵ خوڕڕەم: ده‌مه‌وێ به‌ فۆتۆ جوانییەکانی کوردستانێکی ئارام پێشانی ئه‌وروپیەکان بدەم 21/7/2017

© 2009 KURDISTANY NWE, All RIGHTS RESERVED. | CREATED BY AVESTA GROUP