27 ملیار دۆلار داهاتی شەش مانگی نەوت بووە
27 ملیار دۆلار داهاتی شەش مانگی نەوت بووە ‌ 11/7/2017
یەکەی ئابووری

بەگوێرەی ئامارە رەسمییەكان، وەزارەتی نەوتی عیراق لە نیوەی یەكەمی ئەمساڵدا زیاتر لە 592 ملیۆن بەرمیل نەوتی هەناردەی بازاڕەكانی جیهان كردوە‌و داهاتەكەشی 27 ملیار دۆلاری تێپەڕاندووە.
بەگوێرەی ئەو داتا‌و ئامارانەی ماڵپەڕی وەزارەتی نەوتی عیراق بڵاویكردۆتەوە، لەماوەی شەش مانگی یەكەمی ساڵی 2017دا رۆژانە نزیكەی سێ ملیۆن‌‌و 291 هەزار بەرمیل نەوت هەناردەی بازاڕەكانی جیهان كراوەو كۆی هەناردەی نەوتیش لەو ماوەیەدا 592 ملیۆن‌‌و 377 هەزار بەرمیل نەوت بووە.
ئامارەكان ئەوەشیان روونكردۆتەوە، كە تێكڕای نرخی هەر بەرمیلێك نەوت لەماوەی شەش مانگی رابردوودا 46 دۆلارو 75 سەنت بووە‌و كۆی داهاتی فرۆشتنی نەوتیش گەیشتۆتە 27 ملیارو 628 ملیۆن دۆلار.
كۆمپانیای بەبازاڕكردنی نەوتی عیراق سۆمۆ ئەوەشی روونكردۆتەوە، لەنیوەی یەكەمی ئەمساڵدا، 37 كۆمپانیای جیهانی لە ئاسیاو ئەوروپاو ئەمریكا، نەوتی عیراقیان كڕیووە.
پێشتریش، عاسم جیهاد وتەبێژی‌ وەزارەتی‌ نەوتی‌ عیراق لەبەیاننامەیەكدا رایگەیاند: هەناردەی‌ رۆژانەی‌ نەوتی‌ خاو لە مانگی‌ حوزەیرانی‌ رابردوودا سێ ملیۆن‌و 273 بەرمیل نەوت بووەو بەراورد بە مانگی‌ ئایار بەرزبوونەوەی‌ بەخۆیەوە بینیوە، كە رۆژانە سێ ملیۆن‌و 262 هەزار بەرمیل هەناردەكرابوو.


ناو:  
ئیمه‌یل:    
سه‌رنج:  

#7320
21/7/2017
ئه‌رشیف
وه‌رزش
‌ نه‌یمار هه‌رگیز ناچێته‌ پاریس سانجێرمان 20/7/2017
‌ جۆ هارت چووه‌ وێستهام 20/7/2017
زانست
‌ دەریا: من و فۆتۆ و کامێرا هاوڕێی هەمیشەیین 21/7/2017
‌ لە بارەی ڕێکخراوی ״کوردستان فۆتۆ״ 21/7/2017
‌ رەسوڵ خوڕڕەم: ده‌مه‌وێ به‌ فۆتۆ جوانییەکانی کوردستانێکی ئارام پێشانی ئه‌وروپیەکان بدەم 21/7/2017

© 2009 KURDISTANY NWE, All RIGHTS RESERVED. | CREATED BY AVESTA GROUP