سیرینا پێشه‌نگی له ‌ده‌ست دا
سیرینا پێشه‌نگی له ‌ده‌ست دا ‌ 16/5/2017
ئه‌نجیلیك كیربیری ئه‌ڵمانی سوودی له‌ به‌شداری نه‌كردنی سیرینا ولیامزی ئه‌مریكی و پێشه‌نگی ریزبه‌ندی یاریزانانی تێنسی سه‌رزه‌وی وه‌رگرت له‌ پاڵه‌وانێتیه‌كان و توانی پێشه‌نگی ریزبه‌ندی یاریزانانی تێنسی سه‌رزه‌وی لێ وه‌ربگرێت.
سیرینا به‌هۆی ئه‌وه‌ی‌ دووگیانه‌ بڕیاری داوه‌ تا كۆتایی وه‌رز به‌شداری هیچ پاڵه‌وانێتیه‌ك نه‌كات، ئه‌مه‌ش به‌سوودی كیربیری دووه‌می ریزبه‌ندی بوو كه‌ ئه‌م هه‌فته‌یه‌ به‌هۆی بردنه‌وه‌ی‌ خاڵ له‌ ماسته‌رزی مه‌درید سه‌ركه‌وت بۆ پێشه‌نگی ریزبه‌ندی.
سیرینا سه‌ره‌تای ئه‌م وه‌رزه‌ به‌ به‌هێزی گه‌ڕایه‌وه‌ كه‌ توانی گراندسلامی ئوسترالیا بباته‌وه‌و سه‌ربكه‌وێت بۆ پێشه‌نگی ریزبه‌ندی، به‌ڵام دوای ئه‌و پاڵه‌وانێتیه‌ به‌شداری هیچ پاڵه‌وانێتیه‌كی تری نه‌كرد تا دواجار رایگه‌یاند دووگیانه‌و تا كۆتایی وه‌رز دوور ده‌كه‌وێته‌وه‌، ئه‌وه‌ی‌ جێگه‌ی‌ سه‌رسوڕمانیشه‌ به‌پێی راگه‌یه‌ندراوه‌كه‌ی‌ سیرینا له‌كاتی بردنه‌وه‌ی‌ گراندسلامی ئوسترالیاش دووگیان بووه‌.
به‌هۆی ئه‌مه‌شه‌وه‌ ئه‌و كچه‌ یاریزانه‌ تا كۆتایی وه‌رز و گه‌ڕانه‌وه‌ بۆ به‌شداری كردن له‌ پاڵه‌وانێتیه‌كان به‌رده‌وام له‌ریزبه‌ندی یاریزانان پله‌ له‌دوای پله‌ داده‌به‌زێت و ئه‌گه‌ری زۆریشه‌ له‌نێو باشترین 10 یاریزانی جیهان نه‌مێنێت.


ناو:  
ئیمه‌یل:    
سه‌رنج:  

#7300
22/6/2017
ئه‌رشیف
وه‌رزش
‌ یۆرۆی لاوان 22/6/2017
‌ رۆناڵدۆ كه‌ی ده‌چێته‌ دادگا؟ 22/6/2017
زانست
‌ دروستبوونی ورگ و هۆكار و چاره‌سه‌ر 22/6/2017
‌ دۆزینه‌وه‌یه‌كی سه‌رنجڕاكێش له‌ پیرۆ 22/6/2017
‌ ناسا : له‌ خۆر نزیك ده‌بێته‌وه‌ 22/6/2017

© 2009 KURDISTANY NWE, All RIGHTS RESERVED. | CREATED BY AVESTA GROUP