نادال مه‌دریدی برده‌وه‌و پێش فێدره‌ر كه‌وت
نادال مه‌دریدی برده‌وه‌و پێش فێدره‌ر كه‌وت ‌ 16/5/2017
رافائێل نادالی ئیسپانی بۆ جاری پێنجه‌م نازناوی پاڵه‌وانێتی تێنسی سه‌رزه‌وی ماسته‌رزی مه‌دریدی برده‌وه‌و له‌ رێگه‌یه‌وه‌ له‌ نوێترین ریزبه‌ندی یاریزانانی تێنسی سه‌رزه‌وی پێش رۆجێر فێدره‌ری ئه‌فسانه‌ی‌ تێنسی سه‌رزه‌وی كه‌وت.
نادال له‌ یاریی كۆتایی روبه‌ڕوی دۆمینیك سیمی نه‌مسایی بۆوه‌و یارییه‌كه‌شی به‌ زه‌حمه‌ت به‌ 2 كۆمه‌ڵه‌ی بێ به‌رامبه‌ر لێ برده‌وه‌ خاڵی كۆمه‌ڵه‌كانیش 7-6 و 6-4 بوو.
به‌و بردنه‌وه‌یه‌ش نادال ژماره‌ی پێوانه‌یی نۆڤاك دیۆكۆڤیچی سربی یه‌كسان كرده‌وه‌ كه‌ خاوه‌نی 30 نازناوه‌ له‌ پاڵه‌وانێتیه‌كانی ماسته‌رز.
به‌بردنه‌وه‌ی‌ ماسته‌رزی مه‌دریدیش نادال كه‌ یاریی كۆتاییه‌كه‌ی‌ 2 سه‌عات و 17 ده‌قیقه‌ی خایاند نادال سێیه‌م پاڵه‌وانێتی یه‌ك له‌دوای یه‌كی له‌م وه‌رزه‌ برده‌وه‌، پێش مه‌درید له‌ بارسێلۆناو مۆنتی كارلۆش بردنه‌وه‌ی‌ تۆماركردیوو كه‌ له‌ بارسێلۆناش له‌یاریی كۆتایی له‌ دۆمینیك سیم بردبۆوه‌.
نادال له‌ ماسته‌رزی رۆما كه‌ ئه‌م هه‌فته‌یه‌ ده‌ست پێده‌كات به‌ بردنه‌وه‌ی 15 یاریی یه‌ك له‌دوای یه‌ك له‌سه‌ر یاریگا گڵه‌كان به‌شداری ده‌كات كه‌ له‌و ژماره‌ یارییه‌ش ته‌نیا 2 كۆمه‌ڵه‌ی دۆڕاندووه‌، به‌مه‌ش پێشه‌نگی ریزبه‌ندی پێشبڕكێی پاڵه‌وانانی وه‌رگرته‌وه‌ كه‌ پشت به‌و خاڵانه‌ ده‌به‌ستێت كه‌ یاریزانان له‌یه‌ك وه‌رزدا كۆی ده‌كه‌نه‌وه‌.
به‌ بردنه‌وه‌ی‌ نازناوی ماسته‌رزی مه‌دریدیش نادال سه‌ركه‌وت بۆ پله‌ی چواره‌می ریزبه‌ندی یاریزانانی تێنسی سه‌رزه‌وی و پێش رۆجێر فێدره‌ر كه‌وت كه‌ دابه‌زیوه‌ بۆ پله‌ی پێنجه‌م، ئه‌مه‌ش به‌سوود وه‌رگرتن له‌ بڕیاره‌كه‌ی‌ فێدره‌ر كه‌ بڕیاری دا به‌شداری هیچ پاڵه‌وانێتیه‌كی سه‌ر یاریگای گڵ نه‌كات.


ناو:  
ئیمه‌یل:    
سه‌رنج:  

#7397
23/10/2017
ئه‌رشیف
وه‌رزش
‌ بێڵد چاره‌سه‌ره‌ ئه‌فسوناوییه‌كه‌ی‌ یۆب هاینكس ئاشكرا ده‌كات 23/10/2017
‌ كۆنتا كۆتایی به‌ وه‌رزی یاریكردنی ده‌هێنێت 23/10/2017
زانست
‌ سوودی پشوویەكی كورت لە كاتی كاردا 23/10/2017
‌ تایبەتمەندییەكانی نۆكیا 8 23/10/2017
‌ دانانی بۆیلەری ژێر حەمام گونجاوە؟ 23/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP