کەشف بۆ یاریگای سلێمانی کرا
کەشف بۆ یاریگای سلێمانی کرا ‌ 3/8/2017
لیژنه‌که‌ ده‌گه‌ڕێته‌وه‌
دانه‌ر ئه‌سڵان
لیژنه‌ی کەشفی یاریگاکانی یه‌کێتیی تۆپی پێی عیراق سه‌ر له‌ به‌یانی رۆژی 1/8/2017 سه‌ردانی یاریگای یانه‌ی سلێمانی کرد.
لیژنه‌که‌و سه‌رکه‌وت حه‌سه‌ن سه‌رۆک و جێگری سه‌رۆکی یانه‌ی سلێمانی و ژماره‌یه‌ک له‌ که‌ناڵه‌کانی راگه‌یاندن ئاماده‌ی پرۆسه‌که‌ بوون.
له‌ کاتی کەشفەکەدا یەکێک لە ئەندامەکانی لیژنه‌که‌ پێی ڕایگەیاندین؛ ئەوان لە ماوەی دوو هەفتەی داهاتوودا دەگەڕێنەوە تا ببینن بزانن چی تر کراوە چونکه‌ ناو یاریگاو مه‌دره‌ج و گۆڵه‌کان چه‌ند که‌مو کوڕییه‌کیان هه‌یه‌.
سه‌باره‌ت به‌وه‌ی لە چاو یاریگاکانی زاخۆ و هەولێر و دهۆک یاریگای سلێمانی چۆنە و چانسی سلێمانی چەندە؟ ئەو پێی وتین؛ ئێمە کارمان دیاریکراوە بۆ ئەوە لێرەین نووسراوی خۆمان بەرز بکەینەوە کاری ئێمە نییە موجامەلەی هیچ یانە و شارێک بکەین لای ئێمە ئه‌وه‌ی دیبینین دەکرێته‌ ڕاپۆرت و پێشکەش بە سەروی خۆمانی دەکه‌ین.
 هه‌روه‌ها وتی؛ کاتی خۆی دێت وەڵامەکان دەبینن و ده‌بیستن بەڵام ئێمە خۆشحاڵین بە ڕاستی یاریگاکەتان جوانە چاوەڕێ ئەکەین شتی باش بکەن بۆ ئەوەی چانستان هەبێت.
له‌ کۆتاییدا وتی؛ یاریگاکانی کوردستان لە زۆر یاریگا له‌ یاریگاکانی ناوەڕاست و باشوری عێراق باشترن، بۆیە هیوادارین کارەکان تەواو بکرێن و یاریگاکە لە ماوەی داهاتوودا ئامادە بێت چونکە زۆر کاری تر ماوە دەبێت بکرێت و ئێمەش سەردانی بارەگای یانەکەش ئەکەین و لەوێش نووسراومان دەبێت و لیژنەکە کارەکانی تەواو ئەکات.


ناو:  
ئیمه‌یل:    
سه‌رنج:  

#7398
24/10/2017
ئه‌رشیف
وه‌رزش
‌ سیمۆنا هالیپ خه‌ڵاتی پۆرشی برده‌وه‌ 24/10/2017
‌ میسی ئێران خه‌ونه‌كه‌ی‌ هێنایه‌دی 24/10/2017
زانست
‌ یه‌كه‌مین نموونه‌ی فڕۆكه‌ی وشكاوه‌كی كاره‌بایی له‌ ڕوسیا خرایه‌ڕوو 24/10/2017
‌ كه‌نگه‌ری خوێنمژ به‌رله‌ ملیۆنه‌ها ساڵ قڕبووه‌ 24/10/2017
‌ سوودی پشوویەكی كورت لە كاتی كاردا 23/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP