پریماكۆف دەبێتە میوانی كۆنگرە
پریماكۆف دەبێتە میوانی كۆنگرە ‌ مسته‌فا ساڵح كه‌ریم‌ 28/12/2016
(24)
* یەڤگینی بریماكۆف گەورە ڕۆژنامەنووسی سەردەمی سۆڤیەت كە لە دەسەڵاتی نوێدا كرا بە وەزیری دەرەوەی ڕوسیاو پاشان پۆستی سەرەك وەزیرانی ڕوسیای وەرگرت، لە جێی گورباچۆف ئەو بوە میوانمان، بریماكۆف خاوەنی كتێبێكی بەناوبانگە (ڕۆژهەڵاتی ناوەڕاست.. ئاشكراو شارراوە))، دوای گرتنی كوێت لەلایەن سەدام حسێنەوە بریماكۆف بەنوێنەرایەتی سەرانی سۆڤیەت سەردانی بەغدای كردو سەدامی لەوە ئاگادار كردەوە كە ئەگەر لە كوێت نەكشێتەوە لێی دەدەن، بەڵام هەوڵەكانی بێ‌ سوود بوو، ئەو بیرەوەریانەی لە كتێبێكدا چاپ كردوە. ئەم كەسایەتیە لەگەڵ كوردا جۆرە دۆستایەتیەكی دێرینی هەبوو، بۆیە من كەزانیم بریماكۆف دەبێتە میوانی كۆنگرە بڕیارم دا نەك هەر لە هۆڵەكەدا ئامادە ببم، بەڵكو دەبێ‌ بەتایبەت بیشی بینم، بۆ زیاتر بەرچاو ڕوونیش تەلەفۆنم لەگەڵ كەسێكی خۆمان لە ئەمەریكاو لەگەڵ كاك شۆڕش خالدیشدا كرد، ئەم زیاتر هانی دام كە بیبینم، پێشی وتم: عەرەبیش دەزانێ‌، بریماكۆف گەیشت و پێشوازیەكی گەرم كرا.
 لە موحازەرەكەیدا باسی ڕۆژنامەنووسیی و ئازادیی بیروڕای كرد، چەندین بابەتی گرنگی وروژاند، سەرۆكی یەكێتیی ڕۆژنامەنووسانی ڕووسیا كۆڕەكەی بەڕێوە دەبرد، ڕۆژنامەنووسە ڕووسەكان دەیان پرسیاری گرنگیان لێ‌ كرد، لە ئاخاوتنەكانیاندا هەست بە سۆزداریی دەكرا، دەیانوت: ((ئێمە بەتەما بووین خەون بكەین بە واقیع، ئاو بكەین بە ڕوناكیی، بەڵام ئێستا دەبینین دۆست دەكرێ‌ بە دوژمن، بەچاوی گوماناویەوە دەڕوانرێتە ڕۆژنامەنووس)). بەحوكمی ئەوەی بریماكۆف ماوەیەك لە لوتكەی دەسەڵاتدا بوە، لەبەرئەوە پرسیارەكانی ڕۆژنامەنووسان ئەو سەردەمەشی دەگرتەوە.
* دوای تەواوبوونی كۆڕەكەی،لەگەڵ كاك شێركۆ حەبیبدا خۆمان پێ‌ ناساند، من سڵاوی بەڕێز سكرتێری گشتی یەكێتی نیشتمانیی كوردستان جەنابی مام جەلالم پێ‌ گەیاند، ئەویش بەگەرمی هەواڵی سەرۆك مام جەلالی پرسی و وتی: سڵاوی تایبەتیمی پێ‌ بگەیەنەو هیوای سەركەوتنی بۆ دەخوازم، كاك شێركۆش بەهێمنی بەشێوەیەكی زیرەكانە موناقەشەی هەندێ‌ لە بڕگەكانی وتارەكەی لەگەڵدا كرد، بەتایبەت ئەوەی كە پەیوەندیی بەكوردەوە هەبوو، دیاربوو ئەویش پێی خۆش بوو كە گوێی لە ڕای تر بێ‌، بەرلەوەی دوا هەنگاوی بەرەو دەرەوە بنێ‌ وتی: ((ئارەزوومەندم سەردانی كوردستان بكەم)) هەردوكمان پێكەوە خۆشحاڵیمان دەربڕی و وتمان: ئەم خواستەتان دەگەیەنینە سەرۆكایەتی حكومەتی هەرێمی كوردستان، كە گەیشتە ئەودیو دەرگاكە دەیان ڕۆژنامەنووس ڕووی مایكەكانیان و كامیراكانیان كردە بریماكۆف و ئێمەش گەڕاینەوە ناو هۆڵەكە.


ناو:  
ئیمه‌یل:    
سه‌رنج:  

#7223
20/3/2017
ئه‌رشیف
وه‌رزش
‌ سلێمانی كه‌وته‌ داوی یه‌كسانبوونه‌وه‌ 19/3/2017
‌ ناپۆلی و مێرتینز گه‌یشتنه‌ رێكه‌وتن 19/3/2017
زانست
‌ پیاوان به‌ هه‌ڵه‌ ده‌موچاویان ده‌شۆن 15/3/2017
‌ دانیماركیش پشت بە ئاشی با ده‌به‌ستێت 15/3/2017
‌ چه‌ند گیراوه‌یه‌كی سروشتی بۆ چاره‌سه‌ركردنی گرفته‌كانی پێست به‌هۆی زه‌یتی كونجیه‌وه‌ 15/3/2017

© 2009 KURDISTANY NWE, All RIGHTS RESERVED. | CREATED BY AVESTA GROUP