سەرچاوەی كتێبخانە «كتێب»
کتێب و کتێبخانە سەرچاوەی كتێبخانە «كتێب» ‌ شاهۆعوسمان‌ 28/12/2016
2-2
* وێنەی فۆتۆگرافی‌و هێڵی بەیانی»چارت»: واتە شێوە‌و جۆرەكانی وێنە‌و هێڵكاری. گرنگی وێنە بۆ كتێبخانە لەوەدایە زۆرجار بەسەیركردنی وێنەیەك خوێندكارەكە زۆر بەئاسانی لە بابەتەكە تێدەگات‌و فێردەبێت. 
پێویستە ئەمینداری كتێبخانە هەڵسێت بە كۆكردنەوەی كۆمەڵێك وێنەی پێویست‌و جیاواز ئاماژە بەسەرچاوەی وەرگرتنی وێنەكە بكات‌و لێكدانەوەی ماناكەی بكات لەگەڵیدا، هەروەها رێكیبخات لەسەر بنەمایەكی زانستی كتێبخانە وەك رێكخستنی سەرچاوەكانی تر.
* گۆیی زەوی»Globes»: گرنگی بونی گۆی زەوی لە كتێبخانە لەوەدایە زەوی وەك پێكهاتەی‌و قەبارەكەی دەبینرێ‌‌و چۆنیەتی خولانەوەی بەدەوری خۆی‌و رۆژدا بۆ ئاشكرادەبێت، هەروەها سودێكی زۆری هەیە بۆ تێگەیشتن لە وانەو بابەتی جوگرافیا، چەندین جۆری گۆی زەوی دروستكراوە لە روكاری هونەری‌و مادی وەك لە كاتی سەیركردنیدا هەست بە ناوچە جیاوازەكان دەكرێ‌.
* ئەتڵەس: پێكهاتوە لە كۆمەڵێك نەخشە‌و وێنەی ناوچەیی‌و جیهانی، هەندێكی لەسەر بنەمای نەخشەی ئابوری، دانیشتوان، مێژووی، كلتور، جوگرافیا... دروستكراوە
5- رێبەر‌و رێنیشاندەرە‌و كورتكراوەDirectories and Guide:
 ئەم جۆرە كتێبانە رێنیشاندەری خوێنەر دەكەن بۆ ئەوشوێنەی پێویستیانە، واتە گەشتنە ناونیشانی شوێن، خەڵك، دامودەزگا... ئەم جۆرانە دەگرێتەوە:
* ڕێبەری دەزگا تایبەتەكان.
* ڕێبەری كۆمەڵەو ڕێكخراوەكان.
* ڕێبەری تەلەفۆن بۆ شارێك، یان ناوچەیەكی دیاریكراو.
* ڕێبەری دەزگای پیشەسازی‌و بازرگانی‌و فێركاری.
* ڕێبەری سەرچاوەی تایبەتی، وەك ڕێبەری ڕۆژنامەو گۆڤار.
* ڕێپیشاندەری كورتكراوە بۆ ڕێنماییكردنی كارێك.
* ڕێبەری گەشتوگوزارو ڕێگای وڵاتان‌و شاران‌و شوێنە گشتییەكان.
6- كارە ببلۆگرافیاكان «Bibliographic Works « 
* ببلۆگرافیا Bibliographies: چەند داتایەك دەبەخشێتە خوێنەر لەسەر سەرچاوەی كتێبخانەكە بەومەرجەی بابەتەكانی پەیوەست‌و پەیوەندیداربن پێكەوە لە جۆری بابەت، كات، شوێن، جۆر...
ئەم كارانە دەگرێتە خۆی:
* پێرست  Indexes: بەهەموو جۆرە جیاوازەكانیەوە ئامرازێكی گرنگن بۆ كاری سەرچاوەی فەرهەنگی بەتایبەتی داڕێژراو‌و ئامادەكراوە بۆ هاوكاری خوێنەر بۆ گەشتنە زانیاری سەرچاوەكە، بەشێوەیەكی وا پەیوەستی بابەتی خوێنەرو توێژەربێت بەزوترین كات.
* كورتكراوە Abstracts:  پێناسەی كورتكراوە دەكرێت بەوەی نمایندەی كورتەی ناوەڕۆكی بابەتەكەیە بەشێوەیەكی ورد، دور لە شێوازی رەخنەو لێكدانەوە‌و وەسف. دەتوانین بڵێن ئامانجی كورتكراوە بریتیە لەبڵاوكردنەوەی زانیاری‌و هەڵبژاردنی زانیاری بەهۆكاری سودمەندی كۆتایی، هەروەها گێڕانەوەی زانیاری بەتایبەتی لە سیستمی هەڵگرتن‌و گەڕانەوەی دوبارەی زانیاری بۆ بەكارهێنان. واتە چڕكردنەوە‌و پوختەی بابەتێك.
*  ریبەر: كشاف»الكشافات»: بەشێوە جیاوەزەكانیەوە بەكارێكی گرنگی سەرچاوەی فەرهەنگی دادەنرێت بەشێوەیەكی وا ئامادە‌و بنیات دەنرێت كارئاسانی‌و هاوكاری خوێنەر بكات لە گەشتنە زانیاری‌و هەڵبژاردنی سەرچاوەی زانیاری پێویست بۆ وەرگرتنی بابەتی خواستراو بەشێوەیەكی خێرا. 
چەند جۆرێك ریبەر هەیە بۆ كتێب‌وگۆڤار‌و رۆژنامە، ئەو لیستەی ناوەڕۆكی وتاری خولاوەكە رێكدەخات بۆ هەموو ژمارەیەكی بڵاوكراوەكە یاخود بۆ بەشێكی، پێویستی بە شیكاری بابەتی خولاوەكە‌و رێكخستنی ببلۆگرافی بۆ بكرێت، لەسەر بنەمای رێكخستنی هیجائی بەشێوەیەكی وا خوێنەر بە ئاسانی بابەتەكە بدۆزێتەوە. رێكخستنی بابەتی لە كەشافەكەدا وەك رێكخستنی بابەتی خولاوەكە نیە‌و جیاوازە.
* ڕێبەری ئەدەبیاتی جیاواز»دلیل» Directories: 
ریگە نیشاندرە بۆ خوێنەر لەسەر ئەو بابەتەی دەیەوێت لەسەر بنەمای ئەلف بایی ریزبەندكراوە.
* پێرستی چاپكراو .Printed Catalogs
ئەم جۆرە پێرستە بەشێوەی كتێب لە هەندێك كتێبخانەدا هەیە. 
7 -رۆژ ژمێرو كتێبی ساڵانە «Annuals and Year Books «:
گشت ئەو كارو چالاكییانەی دەزگایەك دەگرێتەوە كە ئەنجامی داوە لە ماوەیەكی دیاریكراودا، وەك  ئەو  كتێبانەی  ساڵانە دەردەچن‌و تایبەتن بە چالاكی‌و ئیش‌وكاری دام‌و دەزگایەك لەماوەیەكی دیاریكراودا.
8- سلاید: بەكارهێنانی سلاید بەهەموو جۆرە جیاوازەكانیەوە بەمەبەستی رونكردنەوە‌وتێگەیشتن بەكاردێت بەبەكارهێنانی ئامێرلە پیشاندان‌و گەورەكردنی زانیاریەكە بۆ خزمەتكردنی پرۆسەی فێربوون‌وپەروەردە دێت.


ناو:  
ئیمه‌یل:    
سه‌رنج:  

#7371
24/9/2017
ئه‌رشیف
وه‌رزش
‌ بارسێلۆنا بۆندی چه‌ند یاریزانێكی نوێ ده‌كاته‌وه‌ 24/9/2017
‌ ئه‌ندریه‌ واردی پاڵه‌وانی جیهان وازهێنانی راگه‌یاند 24/9/2017
زانست
‌ 12 ساڵ دوای‌ هاوسه‌رگیری چی‌ ڕوو ده‌دا؟ 22/9/2017
‌ باوه‌ڕت به‌ خه‌ونه‌كه‌ت هه‌بێت، وه‌ك ئه‌وه‌ی‌ به‌كرده‌وه‌ به‌ده‌ستت هێنابێ 22/9/2017
‌ كێش كاریگه‌ری‌ له‌سه‌ر ناكۆكی‌ خێزان هه‌یه‌ 22/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP