گەمەیەكی گەورە لەسەر ئامانجێكی بچووك
گەمەیەكی گەورە لەسەر ئامانجێكی بچووك ‌ سه‌ربه‌ست جیهاد‌ 28/12/2016
لە سووریا هیچ هەنگاوێك بە بێ‌ دەستێوەردانی ئقلیمی و نێو دەوڵەتی ناهاوێژرێ‌ . لەوێ‌ بۆ كۆنترۆڵكردنی شارێك شارۆچكەیەك گەڕەكێك ، بۆ گەیاندنی نان و پێخۆر بۆ قوربانیان ، تەنانەت بۆ گواستنەوەی پیر و پەككەووتو و بریندار و لێقەوماویش ، رێكەوتنی ئقلیمی و جارجار نێو نەتەوەییش پێویستە .
 هەڵبەت بەشی زۆری ئەو تەدەخولاتانە بۆ مەرامی سیاسی و بەرژەوەندی تایبەتن ، دیارە كە دەستێوەردانی مرۆدۆستانەش هەیە ، جا چونكە لە گۆڕەپانی ململانەی خوێناوی سووریا ، هەمیشە بیانگەی گەمەی ئەجێندا و مەرامە سیاسیەكان ئامادەیە لە بابەتی شەڕی تیرۆر ، پاراستنی سنوور ، ناوچەی ئارام ، بەرگرتن لە نفووزی ئەم و ئەو ، فریاكەوتن و هاوكاری لێقەوماوان ، بۆی هەیە گەمەی بەرژەوەندی لە سەر هەر ووردو درشتێك لەو ساحە هەموارەدا سازبكرێ‌ .  
 دوای 5 ساڵ شەڕ ، ئەزمەی سووریا روو لە وەرچەرخانێكی نوێ‌ دەكا ، كۆتاییەكانی دەوڵەتی ئیسلامی لە ئاسۆوە بەدیار كەوتووە ، مقەوەماتی مانەوەی خەلافەت و داعش بە هۆی شەڕ و ووشك بوونی سەرچاوەكانی تەمویلی ماددی و مرۆیی ، زۆر لاواز بووە .
 توڕەیی فورات بە جەربەزەیی شەڕوانان و پشتیوانی نێودەوڵەتی ، وا ووردە ووردە لە پایتەختی خەلافەت نزیك دەبێتەوە و رێگەی سەددی فورات بۆ تەواوی باكووری سووریا دەكاتتەوە و بەمەش شادەماری ژیان و مانەوەی داعش دەبڕێ‌ .
 لە پاڵ توڕەیی فورات، نوسخەیەكی تری تاكتیكی ئاگربڕ و ناچاركردنی گروپەچەكدارەكان بە خۆبەدەستەوەدان لە دەورو پشتی دیمەشق و ریفی حەڵەب بەرێوەیە. ئەگەرچی سووریا و ئێران و توركیا بەهەموو ووردەكاریەكانی رازی نین، بەڵام رووسیا گوشاری زۆری لێكردوون تا نەخشەكەی حەڵەب لەوێش جێبەجێ‌ بكەن .
ئەوە هەمووی هاوزەمانە لەگەڵ تەدەخولی توركیا و كۆششەكانی كۆنتڕۆڵكردنەوەی ( باب ) كە ئاستەنگی گەورەی لەبەردەمدایە و هەموو هیوای توركیا لەسەر ئەوەیە ئەمریكا و هاوپەیمانان پوششی ئاسمانی بۆ سوپاكەی و گروپە چەكدارە وابەستەكانی بكەن وەكو ئەوەی بۆ ( توڕەیی فورات ) ی دەكەن .
ئەو پەرەسەندانە لە لایەك و مەشغەڵەتی ئەمریكا بە گۆڕینی سەرۆكەوە لە لای دووەم كە تا ئەندازەیەك دەوری ئەمریكای لە ئەزمەكەدا دواخستووە ، دەرفەتی بۆ گەمەیەكی ئقلیمی تازە رەخساندووە ، گەمەی ئەمجارە هی رووسیا و توركیا و ئێرانە. سەرباری ئەوەی رووسیا و ئێران لەگەڵ توركیا لە زۆر رووەوە لە سەر ئەزمەكە و چۆنیەتی چارەسەر و دوارۆژی ووڵاتەكە و شێوازی ئیدارەدانی  ناكۆكن ، بەڵام وا یارییەكەیان دەست پێكردووە و هەفتەی رابردوو ئیعلانێكیان بڵاو كردەوە و بە تەمان بە مێزوانی كازاخستان درێژە بە گەمەكەیان بدەن .
 راگەیەنراوی مۆسكۆ كە نۆبەرەی ئەو یارییە تازەیە، هەندێك هێمای تێدایە وەكو بنەمای دەستووری داهاتووی سووریا تەماشا دەكرێ‌ ، بە تایبەتی ئیدارەی خۆجێی ( زاتی ) و هەڵبژاردن و چلۆنایەتی بەڕێوەبردن ، كە راستەوخۆ پەیوەندی لە گەڵ گەلی ئێمە لە رۆژئاوا و پێكهاتەكانی تری وەكو توركمان و ئاشووری و دەروزو  .. هتد هەیە . وای لێدەكاڵێتەوە كە هەوڵێك بێ‌ بۆ لە گۆڕ نانی ئاواتی گەلی ئێمە و كەمینەكانی دانیشتوی كوردستانی رۆژئاوا لە گەیشتن بە مافی چارەی خۆنوسین لە دوای بڕانەوەی جەنگ و كۆتاییی تیرۆر .
 ئەگەرچی ساحەی سووریا لە رابردووی نزیكدا گەمەی زۆری تێداكراوە و ئقلیم دەستكەوتی گرنگی لێ‌ نەچنیوەتەوە ، بەڵام چونكە ئێمە مارانگازین لە خشەی مار و مێروو دەترسین.


ناو:  
ئیمه‌یل:    
سه‌رنج:  

#7252
27/4/2017
ئه‌رشیف
وه‌رزش
‌ به‌كورتی 27/4/2017
‌ نهێنی ئاهه‌نگێڕانه‌كه‌ی میسی ئاشكرابوو 27/4/2017
زانست
‌ جیهانێكی نهێنی به‌كتریا له‌ گه‌رماوه‌كاندا 27/4/2017
‌ چۆن بیابان له‌ ئه‌فریقا سه‌ریهه‌ڵداوه‌؟ 27/4/2017
‌ چین..ڕووبارێك له‌ ئاڵتوون دۆزرایه‌وه‌ 27/4/2017

© 2009 KURDISTANY NWE, All RIGHTS RESERVED. | CREATED BY AVESTA GROUP