دەمەتەقێی 2016 و 2017
دەمەتەقێی 2016 و 2017 ‌ د.شیركۆ عبدالله‌‌ 3/1/2017
2016:هەی ساڵی تازە جیقنی ناشی
هاتوی لە جێگەی منا دانیشی؟
كێ فووت تێ ئەكا؟ كێ هەڵی داوی؟
بێ تەجروبەیت و سەر لێ شێواوی
بە تۆ ناكرێ، ئەو ئیشە قورسە
بڕۆ لە باوە گەورەت بپرسە
2017:لە دەورت گەڕێم قەزات لە گیانم
من خۆم نەهاتم، بەزۆر ناردیانم
حەزم لێ نییە بەزاتی خوا
وتیان ئەو تەواو، ئەبێ زوو بڕوا
2016:بۆ وا ئەزانی ئەمە یارییە؟
شەڕێكی قورسە، بەرپرسیارییە
ئەبێ مەعاش و بودجە نەهێڵی
لە نیوەی رێگا بەجێیان بێڵی
لەناو خۆیاندا بەینیان تێك بدەی
مەجالیان نەدەی قەت بڵێن ئۆخەی
حەفتەیەك زیاتر بەهاریان نەبێ
خەمی فەقیر و هەژاریان نەبێ
هاوینیان وەكو حەمام بكوڵێنی
كارەبا فت كەی، فیت پەمپ هەڵسێنی
2017:شاگردی خۆتم دڵ لە دڵ مەدە
ئەبێ وا بكەم بڵێی دە لە دە
نانیان ئەخەمە قوڕگی سەگەوە
هەڵیان ئەكێشم هەر لە رەگەوە
هیچیان ناهێڵم نە كون نە قوژبن
هاوڕێ لە هەڤاڵ ئەكەم بە دوژمن
2016:هەی بارەكەڵڵا رەحمەت لە شیرت
وشكە ساڵییەكەش نەچێ لە بیرت
2017:ئەوە زۆر سەهلە، گەورە و سەروەرم
دەوڵەتەكەیان بۆ كوێندەر بەرم؟
2016:دەوڵەت هەر بەزمی شەوچەرەیانە
ئەگینا كوانێ كەس لەگەڵیانە؟! 


ناو:  
ئیمه‌یل:    
سه‌رنج:  

#7253
29/4/2017
ئه‌رشیف
وه‌رزش
‌ به‌كورتی 27/4/2017
‌ نهێنی ئاهه‌نگێڕانه‌كه‌ی میسی ئاشكرابوو 27/4/2017
زانست
‌ جیهانێكی نهێنی به‌كتریا له‌ گه‌رماوه‌كاندا 27/4/2017
‌ چۆن بیابان له‌ ئه‌فریقا سه‌ریهه‌ڵداوه‌؟ 27/4/2017
‌ چین..ڕووبارێك له‌ ئاڵتوون دۆزرایه‌وه‌ 27/4/2017

© 2009 KURDISTANY NWE, All RIGHTS RESERVED. | CREATED BY AVESTA GROUP