وەحدەی لێ‌ بڕوا
وەحدەی لێ‌ بڕوا ‌ د.شیركۆ عبدالله‌‌ 11/1/2017
+ ئەرێ‌ كەلـلەپوت.. تۆ هیچ بەرنامەیە شتێكت داناوە بۆ ساڵی 2017؟.
ـ بەرنامەم لەكوێ‌ بوو بەگم؟! خۆ من تەلەفزیۆن نیم.
+ ئەی ئاوات‌و ئامانج‌و ئەمانە؟.
ـ ئامانجە ستراتیجییەكانم هەڵگرتووە بۆ ئەو دنیا. ئەوانەی تریش چاوەڕوانم بەشكو ئەمە خوایە حكومەت بۆمانی بكات.
+ چین ئەو ئامانجانە، رۆڵە؟.
ـ محاویلەی گەڕەكەكەمان چاك بكرێتەوەو مەعاشە میراتییەكەش تەگبیرێكی بۆ دانرێت.
+ جا كوڕی باوكم ئەوانە كەی ئامانجن؟ ئەوانە هەقی خۆتن، منەتی تیا نییە. پێویستە  ئامانجی گەورەترت هەبێ‌‌و داوای شتی گەورەتر لە حكومەت بكەی.
ـ ناتوانێ‌ بەگم. بەزۆرە؟ خۆ دێوەكەی عەلادین نییە.
+ ئەی دێوەكەی كێیە، زۆڵ؟.
ـ قسەم لێ‌ دەرمەهێنە خێرت ئەگات. وازم لێ‌ بێنە با بایكۆتم نەكەن.
+ بایكۆتی چیت ئەكەن هەتیو؟! خۆ تۆ مەكتەب‌و دائیرەو دەوام نیت.
ـ قوربان گیان ئەڵێی ئاگات لەدنیا نییە. خۆ هەر دەوام‌و دائیرە بایكۆت ناكرێن. ئێستا حیزب هەیە سێ‌ چوار حیزبی بایكۆت كردووە. مەكتەب سیاسی هەیە شەش حەوت مەكتەب سیاسیی بایكۆت كردووە. ماڵت بە قوڕ نەگیرێ‌ سكرتێری مەسئولی وا هەیە مەجموعەیەك رەقەم تەلەفۆنی بایكۆت كردووە، هەتا ئێوارە جەرەس لێبات جواب نایاتەوە، یان هەر مەشغوڵ لێ‌ ئەدات.
+ ئەوە پێی ناڵێن بایكۆت.. پێی ئەڵێن بلۆك.
ـ بلۆك؟.. بلۆكی بیستی؟.
+ نەخێر بلۆكی تەكنەلۆجی.. جا ئەو جواب نەدانەوەیە لەخۆیشم قەوماوە. ئەو رۆژە لووتم تەقی بە لووتی برادەرێكی نووسینگەی كاك هیندا. وتم ئەوە كوڕی باش بۆچی قەت جوابی تەلەفۆنم نایەیتەوە؟.. بڵێ‌ چی باشە؟!.
ـ وتی رەقەمەكەم نەناسیووە؟.
+ نەوەڵـڵا.. وتی حەزناكەم وەحدەت لێ‌ بڕوا.


ناو:  
ئیمه‌یل:    
سه‌رنج:  

#7172
19/1/2017
ئه‌رشیف
وه‌رزش
‌ خولی نایابی پێشمه‌رگه‌ی كوردستان 19/1/2017
‌ گراند سلامی ئوستورالیا 19/1/2017
زانست
‌ به‌ به‌ڵگه‌وه‌ خوێنه‌رانی‌ كتێب ساڵی‌ 1960 زیاتر بووه‌ له‌ ئێستا 19/1/2017
‌ زیانه‌كانی زۆر به‌كارهێنانی خوێ 19/1/2017
‌ تێچووی جگه‌ره‌كێشان له‌سه‌ر ئابوری جیهان گه‌یشتۆته‌ زیاتر له‌ یه‌ك تریلیۆن دۆلار 19/1/2017

© 2009 KURDISTANY NWE, All RIGHTS RESERVED. | CREATED BY AVESTA GROUP