دوا ئێوارەی چوار شەممە و ڕۆژی پێنج شەممەو چالاكیەكانی كۆنگرەی مۆسكۆ
دوا ئێوارەی چوار شەممە و ڕۆژی پێنج شەممەو چالاكیەكانی كۆنگرەی مۆسكۆ ‌ مسته‌فا ساڵح كه‌ریم‌ 11/1/2017
(26)
* وەك هەفتەی ڕابوردوو نوسیبووم سەردانی بنكەو بارەگای وەفدی ڕۆژنامەنووسانی داغستانمان كرد، دوای وتەكانی كاك فەرهاد عەونی ئەمجا سەرۆكی وەفدی ڕۆژنامەنووسانی داغستان لە وتەیەكی كورتدا وتی: ئێمە هەردوو لامان نەوەی دوو گەلی تێكۆشەرو كۆڵندەرین، قوربانیدان و خەباتی شۆڕشگێڕانەو خۆڕاگریی و بەرگری كردن و بینینی ڕۆژانی سەخت نیشانەی بوون و مانەوەو سەركەوتنی هەردوو لامانن.
* لەو دیدارەماندا باسی ئەدەب و خۆشەویستیی ڕوناكبیرانی كورد بۆ شاعیری گەورەی داغستان ڕەسوڵ هەمزاتۆف و وەرگێڕانی بەرهەمەكانی بۆ كوردیی كرا، دوای ماڵئاوایی لە هۆبەی داغستان چووینە سەردانی بەشە ڕازاوەكانی ئازربایجان و كازاخستان و سوید، لەو هۆبانەش زۆر بەگەرمی پێشوازییان كردین.
* دانیشتنی سەر لەبەیانی ڕۆژی پێنج شەممە 31/5/2007 تەرخان كرابوو بۆ دەنگدان لەسەر ڕاپۆرتە فراوانەكەی فیدراسیۆن كە سكرتێری گشتیی لەوەوبەر پێشكەشی كردبوو، دوای گفتوگۆو پرسیارو وەڵام ڕاپۆرتەكە لەلایەن كۆنگرەوە دەنگی بۆ درا، ئەمجا جیمی بولا ئەمینداری دارایی فیدراسیۆن ڕاپۆرتی دارایی بە وردەكاریی خەرجی و داهاتەوە پێشكەش كردو لەلایەن كۆنگرەوە پەسند كرا.
* لە بڕگەیەكی ڕاپۆرتەكەی فیدراسیۆنا بەپێی ئاماری خۆیان تا ئەو كۆنگرەیە 745429 ڕۆژنامەنووس كە سەر بە 167 سەندیكاو یەكێتیی ڕۆژنامەوانی بوون لە 115 دەوڵەتدا خاوەنی پێناسەی ئەندامێتی فیدراسیۆنی نێودەوڵەتی بوون، خۆشبەختانە لەو ژمارەیە 1500 ڕۆژنامەنووسیان سەر بە سەندیكای ڕۆژنامەنووسانی كوردستان بوون و خاوەنی ئەو پێناسەیە بوون.
* ئەمجا دەستەی سەرۆكایەتی كۆنگرە ناوی ئەو پاڵێوراوانەی ئاشكرا كرد كە بۆ پۆستی سەرۆكی فیدراسیۆن و جێگرانی سەرۆك و ئەمینداری دارایی خۆیان پاڵاوتبوو. هەرچەندە پاڵێوراو بۆ سەرۆك هیچ ركابەریشی نەبوو، بەڵام واش هەڵبژاردن كرا، لەئەنجاما (جیمی بۆلا)ی بە ڕەچەڵەك مەغریبی و بە ڕەگەزنامە بەریتانی لەجێی كریستۆفەر وارن هەڵبژێررا بۆ پۆستی سەرۆكی فیدراسیۆن، شیاوی باسە سەرۆكی نوێ‌ بەهۆی ناسیاویەوە لەگەڵ كاك شێركۆ حەبیبدا دۆستایەتیەكی تایبەتی لەگەڵ سەندیكای ڕۆژنامەنووسانی كوردستاندا هەبوو، هەروەها نوێنەرانی ئەرژەنتین و مەغریب و سنگاڵ بۆ پۆستی جێگرانی سەرۆك هەڵبژێرران، نوێنەری ئەڵمانیاش لەجێی جیمی بولا بوو بە لێپرسراوی دارایی، لەبەرئەوەی پۆستی سكرتێری گشتیی وەك فەرمانبەر دادەنرێ‌ ئەم ناچێتە هەڵبژاردنەوە، بەڵكو دەستەی هەڵبژێرراو دایدەنێ‌، هەرواش بوو لەوەودوا لەیەكەم كۆبوونەوەیاندا جارێكی تریش متمانەیان بە (ئایدن وایت) دا وەك سكرتێری گشتیی، كە بەڕاستی شیاوی ئەو پێگەیە بوو.


ناو:  
ئیمه‌یل:    
سه‌رنج:  

#7199
20/2/2017
ئه‌رشیف
وه‌رزش
‌ دوای یاریی بارسێلۆناو پاریسییه‌كان ده‌چێته‌ سعودیه‌ 20/2/2017
‌ بۆندێكی خه‌یاڵیی ده‌خرێته‌ به‌رده‌م ریاڵ مه‌درید 20/2/2017
زانست
‌ 500 پارچه‌ ئاسه‌وای‌ نایاب گه‌ڕێندرانه‌وه‌ ئێران 17/2/2017
‌ ره‌نگه‌ گه‌نمه‌شامیی كۆتایی بێت‌و نه‌مێنێت 14/2/2017
‌ مادده‌یه‌كی به‌هێزتر له‌ پۆڵا له‌ زه‌یتی چێشتلێنان 14/2/2017

© 2009 KURDISTANY NWE, All RIGHTS RESERVED. | CREATED BY AVESTA GROUP