بۆ پزیشكان
ئه‌م كونجه‌ش بۆ پزیشكان ‌ د.عیزه‌دین مسته‌فا ره‌سول*‌ 18/5/2017
من لێرەدا بەرگری لە پزیشكان ناكەم لەبەرئەوەی وەك زۆر كەس ئەم شارە كەس‌وكاری پزیشكم هەیە. بەڵكو بەرگری یەكە لە ڕاستی‌و لە توێژێكی پاش گوێ خراوی ئەم كۆمەڵە.
جارێ هەر كردوومە بە عادەت‌و لادان پێشەیەكمە. با لە وشەی (پزیشك) ەوە دەست پێ بكەم. ئەم ووشەیەش هەر رەحمەتی تۆفیق وەهبی بەگ هێنایە ناو كوردی یەوە‌و لە ووشەی (فیزیك)ەوە وەریگرتووە. نازانم لە چ زمانێكدا (فیزیك) بەكاردەهێنرێ. چونكە ئەوەی بزانم ئینگلیز هەر دوكتۆر ئەڵێن- خۆ ڕووسی یەكەی لای منیش (فراچ) ئەڵێن.  كورد بە بیرەوەریی من- بە دوكتۆریان دەگوت (حەكیم)‌و دووایی بوو بە دوكتۆر. بەڵێ (حەكیم) عەرەبی یە‌و یەكێكە لە ناوە پیرۆزەكانی خوای تاك‌و تەنیا. بەڵام وەك جاریتر نووسیومە- خۆ ووشەی عەرەبی- گڵاو نین‌و چ ئێمە‌و چ گەلانیتریش زۆر ووشەی عەرەبی هاتۆتە ناو زمانیانەوە بە گەلانی ناموسوڵمانی هیندستانیشەوە.
ئەوەی وایلێكردم ئەم كونجە بنووسم ئەو هەواڵانەیە كە لە كەناڵە (زۆر بێ‌و بۆری ) یەكانی تەلەفزیرنەكانی خۆماندا دەبینم‌و باسی نەخۆشی‌و دوكتۆرەكانی خۆمان دەكەن.
فڵان نەخۆشیان بردە نەخۆشخانە- هەوڵیاندا چاكی بكەنەوە، بەڵام مرد- ئیتر یەكێك‌و دووان دەكەونە قسە‌و گوناحی ئەو مردنە دەدەن بەسەر ئەو پزیشكەدا كە خەریكی چاككردنەوەی بووە.
دەمەوێ جارێك یەكێك لەو قسەكەرانە‌و تاوان بەخشانە خۆی (پزیشك) بێ، دیارە لای ئەو (ناپزیشكانە) دەبێ هەرچی چووە نەخۆشخانە دەبێ چاك بێتەوە. بەڵام من لە تەجروبە‌و زۆر پرسینەوە دەڵێم: هەندێ نەخۆش یا نەخۆشی هەیە چاك نابێتەوە ئیتر بەدەست ئەو پزیشكە نی یە كە هەموو دەسەڵات‌و زانستی خۆی بۆ چاككردنەوەی بەكارهێناوە. نەخۆش هەیە درەنگ گەێندراوەتە نەخۆشخانە تازە چاركردنی بەسەرچووە. خۆ زۆر جار دیومە كە بۆچوون‌و نیشانكردنی (تشخیص) دوو پزیشك بۆ نەخۆشێك جیا بێت‌و دیارە ڕای یەكێكیان ڕاستترە‌و ئەوەش كە نەیپیكاوە گوناهبار نی یە‌و بە ئارەزوو ئەو ڕایەی  دەرنەبڕیوە. خۆ جاری واش هەیە جۆرە دەرمانێك دراوە بەو نەخۆشە كە زیانی هەبووە بۆی خۆ ئەگەر پزیشكی نەزان‌و سەرنەكەوتووش هەبێ. ئەوا نەخۆشخانەكان‌و بەڕێوەبەرانی دەبێ كاری خۆیان بەرامبەری بكەن.
ئەم چەند دێڕەم بۆ بەرگری لە هەموو پزیشك‌و نەخۆشخانەكان نی یە. خۆم (تا ئێستا نەخۆشم)‌و نەخۆشخانەی زۆر ووڵاتم دیوە- لەوانە چەند ووڵاتی پێشكەوتووش هەیە‌و ڕەنگە چارەسەركردنەكان جیا بن.
من- چاك بێ، یا خراپ- سەیری هەموو كەناڵەكانی خۆمان ‌و زۆر بەرنامەش دەكەم بەڵام كە ئەمجۆرە بریارانە بەسەر پزیشك ‌و نەخۆشخانەكەدا دەبیستم، ئەمجارەش دەڵێمەوە (نان بۆ نانەوا‌و گۆشت بۆ قەساب) با ئەم جۆرە باس‌و لێكدانەوانە كەسانی شارەزا بیكەن. زۆر خۆشە فێر بین‌و هیوای لەش ساغیی هەموو خوێنەرانی ئەم كونجەم هەیە.

روونکردنه‌وه‌
له‌هه‌فته‌ی پێشوو به‌هه‌ڵه‌ ناوی کتێبێک له‌خواره‌وه‌ی نووسینه‌که‌ی د.عیزه‌دین دا هاتبوو، به‌ داوای لێبووردنەوە له‌ 
د. عیزه‌دین و خوێنه‌رانی ئازیز. 


ناو:  
ئیمه‌یل:    
سه‌رنج:  

#7343
17/8/2017
ئه‌رشیف
وه‌رزش
‌ له‌ نێو لیستی باشترین 10 یاریزانی ئه‌وروپادا ناوی نه‌یمار نییه‌ 17/8/2017
‌ یاریزانانی سلێمانی پێشه‌نگ بوون 17/8/2017
زانست
‌ چاوه‌ڕوان مه‌به‌ تینووت بێت .. هه‌میشه‌ ئاو بخۆره‌وه‌ 16/8/2017
‌ خانمی ئاسمان، له‌ نێوان ڕابتۆری ئه‌مریكی و( T-50) روسیی دا 16/8/2017
‌ ژیان لە دەرەوەی زەوی دەدۆزرێتەوە 14/8/2017

© 2009 KURDISTANY NWE, All RIGHTS RESERVED. | CREATED BY AVESTA GROUP