گەڕانەوەی پەرلەمانتارە عاقڵەكان
دەرگای پەرلەمان كرایەوە گەڕانەوەی پەرلەمانتارە عاقڵەكان ‌ فه‌لاح كه‌ریم‌ 10/8/2017
لەم مانگەدا دەرگای دوو ساڵە داخراوی پەرلەمان دەكرێتەوە‌و نوێنەرانی گەل دەچنەوە بۆ وەزیفەكانیان، بەڵام دەبێت گوێ رایەڵ ‌و عاقڵ‌و فەقیر بن‌و حزب هەرچی وت، بڵێن بەسەرچاو.
لەنێوان 7/6 هەتا ئێستا چەندین گەڵاڵە بۆ كردنەوەی دەرگای پەرلەمان باسكراو و تاوتوێ كرا، بەڵام هەتا ئێستاش رێككەوتنێكی روون‌و كۆتایی بۆ ئەم دەرگا كردنەوەیە نیە. لای پارتی دیموكراتی كوردستان پەرلەمان بۆ ئەوە كارا دەكرێتەوە كە تەنها كۆدەنگییەكی نیشتمانیی بدات بە پرۆژەی ریفراندۆم، ئەگەر دوای ئەوەش دابخرێتەوە گرنگ نیە، چونكە دوو ساڵە پەرلەمان نەشبووە‌و یاساش دەركراوە‌و گۆڕانكاریش كراوە‌و ئیش‌و كاریش رۆشتووە‌و بڕیاری چارەنوس سازیش دراوە.
لای یەكێتیی نیشتمانیی كوردستان (پەرۆشتر‌و رونتر لە پارتی دیموكرات) دەرگاكردنەوەی پەرلەمان بۆ دەركردنی یاسایەكە بۆ پرۆسەی ریفراندۆم ( واتە هەمان كۆدەنگی‌و شەرعیەتی یاسایی)، بۆ بنكەی جەماوەریشی رازیكردنی ئەندام‌و لایەنگرانی خۆی بە پلەی یەكەم كە بچنە ناو پرۆسەكەوە، ئەگینا هەڵوێستی پارتی‌و یەكێتی هیچ جیاوازییەكی جەوهەریی نیە.
وێنەكە لای یەكگرتوی ئیسلامی شێوازێكی جەماوەریی لەخۆگرتووە‌و باس لە چاككردنی بژێوی خەڵك دەكەن، كە لەراستیدا ئەمە تەكتیك‌و چاوبەستی خەڵكە بۆ دەربرینی هەڵوێستی یەكگرتوو، چونكە هەتا ئێستا یەكگرتوو هەڵوێستێكی یەكلاكەرەوەی لە پرسە سیاسییەكاندا نەبوە‌و هەمیشە لەگەڵ گورگ گۆشتی خواردووە‌و لەگەڵ مەڕ شینی كردووە. ئەم هەڵوێستە دووفاقیەش پەیوەندی بەو دابەشبوونەوە هەیە كە لە كوردستاندا هاتۆتە ئاراوە سەبارەت بە پرسی ریفراندۆم، ئەگەرچی بەرەی (نەخێر) بەئاشكرا هیچ راگەیاندراوێكی نیە، بەڵام پێدەچێت بێدەنگی پێش زریان بێت.
بزوتنەوەی گۆڕان‌و كۆمەڵی ئیسلامی- یش پێداگرن لەسەرئەوەی كە كاراكردنەوەی پەرلەمان دەبێت لەوێوە دەست پێبكاتەوە كە وەستا بوو. سەرئەنجام لە تێڕوانین بۆ هەڵوێستی هەر (5) لایەنەكە ئەبینین كە هەمان هەڵوێستە كە رووداوەكانی مانگی حوزەیران‌و ئابی 2015 ی هێناوێتیەكایەوە، بەڵام بە شێوازێكی نوێتر. ئەوكاتیش پارتی‌و یەكگرتوو ‌و لە بەرەیەك بوون‌و گۆڕان‌و كۆمەڵ‌و یەكێتی لە بەرەیەكی تر، كە هەر زوو یەكێتی لە بەرەی دووەم هاتە دەرەوە‌و بەهۆی كۆمەڵێك فاكتەری دیكەوە لەگەڵ پارتی درێژەی بە نزیككەوتنەوەدا.
ئێستا: بڕیارە لەم چەند رۆژەدا (وەك بڕیاری لێدراوە) پەرلەمان دەرگای بكرێتەوە‌و نوێنەرانی گەل بچنەوە سەر كارەكانیان، بەڵام ئەمجارە نابێت هار‌وهاج بن‌و ئەبێت گوێڕایەڵی حزبەكان بن. ئەمەش كارەساتەكەیە كە هەتا دێت غەبغەبەی حزب چەورتر‌و شۆڕتر دەبێت‌و هەتا دێت یاسا‌و دامەزراوەی مۆدێرنی حوكمڕانی لاواز‌و بێدەسەڵات‌و سوك دەكرێت. لێرەدایە بزوتنەوەی گۆڕان هەتا ئێستاش بەدگومانە لە شێوەی چارەسەر‌و نێوەندگیرییەكانی نێوان خۆی‌و پارتی‌و  كاراكردنەوەی پەرلەمانەكە، بۆیە سیناریۆی نزیكترین ئەوەیە: گۆڕان مەرجی خۆی دەسەپێنێ بۆ كاراكردنەوە‌و پارتیش بەوە رازی نابێت‌و بەبێ بزوتنەوەی گۆڕان‌و كۆمەڵی ئیسلامی پەرلەمان دەست دەكاتەوە بە كارەكانی، بەڵام بەبێ گەڕانەوە بۆ 19/8/2015 ئەو كات پارتی دیموكرات گەورەترین سوودمەند دەبێت‌و یەكێتی نیشتمانیی گەورەترین زیاندمەند، چونكە تەنانەت ئەگەر گۆڕان‌و كۆمەڵیش ببن بە ئۆپۆزسیۆن لەسەر لاشە‌و ناوچەی نفوزی یەكێتی ئەبن بە ئۆپۆزسیۆن‌و لە دەنگی (لە بنەڕەتا) ناڕازی یەكێتی ئەبەن. ئەو كاتە یەكێتییەكانی هەولێر بێ كێشەتر‌و سوودمەنتر لەدەستكەوتی بەشداری‌و یەكێتییەكانی سلێمانی‌و كەركوك زەرەرمەند‌و بێبەش‌و تەنها شەڕەكەیان بۆ دەمێنێتەوە.


ناو:  
ئیمه‌یل:    
سه‌رنج:  

#7347
22/8/2017
ئه‌رشیف
وه‌رزش
‌ جارێكی تر هالیپ شكستی هێنا بچێته‌ پێشه‌نگی ریزبه‌ندییەوە 22/8/2017
‌ ریاڵ مه‌درید گرێبه‌ستی كه‌ریم بنزیمه‌ نوێ ده‌كاته‌وه‌ 22/8/2017
زانست
‌ هەسارەیەك لە زەوی نزیك دەبێتەوە 21/8/2017
‌ نۆكیا 8 ركابەریی ئایفۆن و گالاكسی دەكات 21/8/2017
‌ پێنج هەڵەی باو لەكاتی راكردندا 21/8/2017

© 2009 KURDISTANY NWE, All RIGHTS RESERVED. | CREATED BY AVESTA GROUP