ئەم عەرەبانە..
ئه‌م كونجه‌ش ئەم عەرەبانە.. ‌ د.عیزه‌دین مسته‌فا ره‌سول*‌ 10/8/2017
زۆرجار كە لە (باكۆ) وە-دەهاتمە مۆسكۆ-كاتی خوێندنم لە ماڵی هاوڕێی دێرینم-تازە كۆچكردوو دارای ڕەشید جەودەت میوان دەبووم. (هەڵكەوت) ی كوڕی كە ئێستا-ماشەڵڵا- پیاوە‌و لە ئەمەریكا بوو. ئەو كاتە منداڵ بوو، بەڵام كەوتبووە تەمەنی قسەكردن.
ئێمەی شیوعی باسی برادەرە عەربەكانمان دەكرد كە هەیانبوو، دانی بە مافی كوردا نەدەنا. ئێمە باسی مافی چارەی خۆنووسین‌و ڕای لێنین‌و هاوڕێ فەهدمان دەكرد كە باسی مافی چارەی خۆنووسینیان كردووە. لە مۆسكۆ بووین دوور بووین دەمانووت: ئێستا كاری سەربەخۆیی‌و دەوڵەتی کورده‌. برادەرێكی عەرەب لێپرسراوی رێكخراوەكە بوو. هەرچەند دەمانووت جیا بوونەوە دەیووت: (هو هذا وقته) (ئایا ئەمە كاتیەتی) ئێمەش دەمانپرسی-ئەی كەی كاتێتی. ئەو برادەرەم لە ساڵانی كۆتایی سەدەی پێشوودا لە جەزائیر دی.لەوێش هەر لێپرسراو بوو هەر دەیووت: (هو هذا وقته)؟
بێمەوە سەر باسی هەڵكەوتی دارای رەشید جەودەت ئێمە كە یەكمان دەگرت- كاك دارا‌و من‌و شەهید روشدیی ئەحمەد بەگ. باسی كورد‌و سەربەخۆییمان دەكرد. بەڵام یەكسەر پرسیارێك دەهاتە پێشەوە (ئەم عەرەبانە، واتە ئەم عەرەبانە) ی لێرە لێپرسراون. دیارە بۆچوونی ئەو برادەرە لەگەڵ بۆچوونی هاوڕێیانی گەورەی وەك: جەمال حەیدەری حسین(الرضی)- (سەلام عادل) ‌و عەزیز محه‌مه‌دو كەریم ئەحمەدا یەك نەبوو. ئەو هەر لەسەر بەزمی خۆی بوو: (هو هذا وقته).
رۆژێك رەحمەتی دوكتۆر ئیحسان فوئاد هاتبووە ماڵی دكتۆر دارا- بێجگە لەوەی كە هەموو لە مۆسكۆ دۆست‌و ڕێك بووین‌و جاروبار پێكەوە دادەنیشین. بێجگە لەوە مەقبولە خانی خێزانی دوكتۆر دارا (مەقبوولەی نوری بەگی بابان) پورزای دوكتۆر ئیحسان بوو ، هەرچەندە دوكتۆر ئیحسان لە حیزبایەتیدا لەگەڵ ئێمە نەبوو، بەڵام لەبارەی مەسەلەی كوردەوە هەستمان بە جیاوازی نەدەكرد.
رۆژێك كەوتینە باسی ئەوەی كورد نەتەوەیەكی جیاوازە‌و مافی دەوڵەت‌و جیابوونەوەی هەیە. بەڵێ-ئێمە بێ جیاوازی وامان دەووت: ئەوەندەمان زانی هەڵكەوت بەو منداڵی یە كە لامانەوە دانیشتبوو ‌و وامان بیر دەكردەوە لە هیچ ناگات‌و  هەروا دانیشتووە. كەچی هەڵیدایە‌و ووتی: ئەی باشە ئەم (عەرەبانە) (عەڕەبانە،عەڕەبانە) ئەمانە چی لێدەكەن‌و چۆن وەڵامیان دەدەنەوە. 
رەحمەتی ئیحسان فوئاد دەستیكرد بە پێكەنین‌و هەستا چووە دەرەوە‌و هەر دەیووت (عەڕەبانە،عەڕەبانە).
جا ئێستا كە باسی ریفراندۆم‌و جیابوونەوە دەكەین، نازانم ئەم (عەڕەبانە، عەڕەبانە) هەڵوێستیان چی دەبێ. ڕەنگە ئەوی لەگەڵمان نی یە بۆ خۆی قامچی یەك لە ئەسپی (عەڕەبانە) كەی بدا‌و بڕوات.


ناو:  
ئیمه‌یل:    
سه‌رنج:  

#7397
23/10/2017
ئه‌رشیف
وه‌رزش
‌ بێڵد چاره‌سه‌ره‌ ئه‌فسوناوییه‌كه‌ی‌ یۆب هاینكس ئاشكرا ده‌كات 23/10/2017
‌ كۆنتا كۆتایی به‌ وه‌رزی یاریكردنی ده‌هێنێت 23/10/2017
زانست
‌ سوودی پشوویەكی كورت لە كاتی كاردا 23/10/2017
‌ تایبەتمەندییەكانی نۆكیا 8 23/10/2017
‌ دانانی بۆیلەری ژێر حەمام گونجاوە؟ 23/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP