پێم رائەبوێری؟
پێم رائەبوێری؟ ‌ د.شیركۆ عبدالله‌‌ 29/8/2017
+ ماوەیەكە ئەمەوێ‌ قسەیەكت لابكەم و هەر بیرم ئەچێتەوە.
ـ قسەكە قۆڕ نەبێ‌ ها..چونكە وەختەكەی ناسكە.
+ نا.. قۆڕی چی؟! حەز ئەكەی دەستی لێ‌ بدە. ئەڵێم ئەگەر مەسەلەكە بە ئەقڵ بوایە، دەبوو من و تۆ ئێستا سواڵمان بكردایە.
ـ پیف لەو قسەیە... رۆڵە لەم وڵاتەدا كێ‌ نانی ئەقڵی خۆی ئەخوا تا ئێمە بیخۆین؟!
+ ئەی ئەو خەڵكە نانی چی ئەخۆن؟
ـ هەیە نانی زمانی، هەیە نانی ویژدانی.
+ یەعنی ویژدان پارە ئەكات؟
ـ ئەگەر بزانی كەی ئەیفرۆشیت، ئا...هیچ شتێك بەقەدەر  ویژدان پارە ناكات.
+ مەسئولەكان ئەیكڕن؟
ـ هێواش نەگبەت.. نەموت قسەی قۆڕ مەكە وەختەكەی ناسكە.
+ ئەرێ‌ ئوستازگیان لەوەتەی من نسیبم كەوتوەتە لای جەنابت، هەر ئەڵێی وەختەكەی ناسكە..
ـ بەڵێ‌ وەختەكەی ناسكەو قۆناغەكەمان چارەنووسییەو بڕیارەكانیشمان یەكلاكەرەوەن.
+ ئەی كارەباكەمان؟
ـ رۆڵە تۆ بۆ قسە وەرناگری؟ كەی ئێستا وەختی باسی كارەبایە؟ ئاگات لێیە چوار دەورمان هەمووی موئامەرەیە؟
+ موئامەرە لە كێ‌ ئەكەن؟ بۆ؟
ـ چاویان پێمان هەڵ نایە كوێراییان دایێ‌ ئیشەڵـڵا.
+ چاویان بە چیماندا هەڵ نایە؟.. بە پەڕلەمانەكەمان؟ بە مەعاشەكەمان؟ بە ناوماڵە جوانەكەمان؟
ـ ئەوان حەسودن، چاویان بە هیچی ئێمەدا هەڵ نایە.
+ ئاخر لەبەرچی؟
ـ سوئال مەكە ئیتر ها.. وەختەكە ناسكە.
+ توو سەری من وەختەكەی ناسكە یان پێم رائەبوێری؟


ناو:  
ئیمه‌یل:    
سه‌رنج:  

#7372
25/9/2017
ئه‌رشیف
وه‌رزش
‌ پاڵێوراوانی خه‌ڵاته‌كانی فیفا زه‌ بێسته‌كان به‌ بردنه‌وه‌ی جام و نازناو دیاریی ده‌كرێن یان ئاستی هونه‌ری؟ 25/9/2017
‌ بارسێلۆنا بۆندی چه‌ند یاریزانێكی نوێ ده‌كاته‌وه‌ 24/9/2017
زانست
‌ پاسێكی كارەبایی ژمارەی پێوانەیی جیهانی تێكشكاند ئایندە بۆ ئۆتۆمبیلی كارەباییە 25/9/2017
‌ وریای سوپەر مەلاریا بن 25/9/2017
‌ دیزاینەرە گەورەكەی ئەپڵ 25/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP